Şadlıq sarayı

Şadlıq evlərinin sahibləri qanunvericilikdəki boşluqdan yararlanırlar

126
(Yenilənib 16:12 14.08.2015)
Gigiyena və Epidemiologiya Mərkəzinin şöbə müdiri İmran Abdullayev: Yoxlamalara iri müəssisələr problem yaratmır. Əksinə deyir ki, yoxla problemimi aradan qaldırım.

BAKI, 14 avq — Sputnik. Yay mövsümü olduğundan tez-tez zəhərlənmə faktları ilə rastlaşırıq, insanlarda kütləvi zəhərlənmə faktıda qeydə alınır ki, bu da əsasən toylarda baş verir.  Bu zəhərlənmə halları da demək olar ki, sanitar-gigiyenik qaydalara riayət olunmaması nəticəsində baş verir. Elə son belə bir hadisə — avqustun 8-də Bakıda fəaliyyət göstərən “Zəngəzur” şadlıq sarayında 77 nəfərin zəhərlənməsi hadisəsi də məhz gigiyenik qaydalara riayət olunmaması faktı olub. Bütün bunları nəzərə alaraq gələcəkdə belə hallarla rastlaşmamaq üçün Səhiyyə Nazirliyi Gigiyena və Epidemiologiya Mərkəzinin şöbə müdiri İmran Abdullayevə müraciət etdik. 

İmran Abdullayev Sputnik-ə müsahibəsində bildirdi ki, bu gün ölkədə fəaliyyət göstərən bütün növ iaşə, şadlıq sarayı, ticarət müəssisələrinin əksəriyyətinin fəaliyyətində gigiyena qaydalarına riayət olunması məsələsində ciddi nöqsanlar var: “Yəni vəziyyət elə də ürəkaçan deyil və nöqsanlar var. Ona görə də bu nöqsanların aradan qaldırılmasında ilk növbədə həmin obyektlərin rəhbərləri, sahibkarlar özləri işlərinə məsuliyyətlə yanaşıb işlətdikləri müəssisədə gigiyenik qaydalara riayət olunmasına çalışmalıdırlar. Çünki iaşə müəssisəsinin əsas iş prinsipi gigiyenik qaydalara riayət olunmaqla fəaliyyət göstərməsidir. Məhsul haradan alınır, mənşəyi nədir, qəbul etdiyi məhsulu, ərzağı gigiyenik-sanitar qaydalara uyğun yerdə saxlamalıdır və sair.”

Epidomioloq bildirib ki, toylarda bəzən masalara yuyulmamış meyvələr gətirilir və yaxud mənşəyi bəlli olmayan qidalar təqdim edilir.

“Belə hallarla bağlı bizə kifayət qədər məlumatlar və şikayətlər daxil olur. Xüsusən də toyda istifadə olunan tortlar, şirniyyatlar və sair məhsullar, şadlıq sarayının rəhbərliyi ilə vətəndaşın iş birlyi nəticəsində  gigiyenik qaydalara riayət olunmadan hazırlanan məhsullar insanlara təqdim olunur. Bu da nəticədə xoşagəlməz  hadisələrə gətirib çıxarır. Biz belə halları yoxlayırıq və ortaya çıxan nöqsanların aradan qaldırılmasına çalışırıq.  Axı müəssisə rəhbəri bilməlidir ki, o bu hala yol verməklə cinayət məsuliyyəti daşıyır. Qanunvericilik bu halları qadağan edir. Şadlıq sarayı, ticarət obyektləri, iaşə müəsisələri məhsulları ancaq qanuni fəaliyyət göstərən istehsal müəssisəsindən, həmin məhsulu müşayiət edən sənədlə birlikdə almalıdır”,  - deyə epidomioloq vurğulayıb.

İ. Abdullayev əlavə edib ki, digər problemlərdən biri də şadlıq saraylarında saxta içkilər və bölgələrdə şadlıq saraylarının vətəndaşlara icarəyə verilməsi  ilə bağlıdır: “Bölgələrdə şadlıq saraylarının vətəndaşlara icarəyə verilməsi nəticəsində xeyli sayda zəhərlənmə faktı aşkar olunub. Şadlıq sarayları 300-500 manata vətəndaşa icarəyə verilir və oradakı yeməklərin əksəriyyəti ev şəraitində gigiyenik qaydalara riayət olunmadan hazırlanır. Sonda biz vətəndaşlar da bunun acı nəticəsini yaşamalı oluruq. Bax şadlıq saraylarının sahibləri bu məsələdə də məsuliyyət daşıyırlar. Axı şadlıq sarayında onun öz personalı işləməlidir və orada digər şəxs işləyə bilməz.”

Bu faktların vaxtında aşkar edilib, ciddi tədbir görülməsi məsələsinə gəldikdə epidemioloq bildirdi ki, 2014-cü ildə  “Sahibkarlıq sahəsində aparılan yoxlamaların tənzimlənməsi və sahibkarların maraqlarının müdafiə  olunması haqqında “ qanun qəbul olunandan sonra bu sahədə müəyyən çətinliklər yaranıb. “Belə ki, qanun qüvvəyə mindikdən sonra yoxlamalar ancaq planlı qaydada dövlət reyestri əsasında aparılır və bundan kənar istənilən vaxt yoxlamalar aparmağa imkan verilmir. Düzdür, sahibkarın fəaliyyətinə qanunsuz müdaxilə yolverilməzdir, ancaq sahibkar da öz  fəaliyyətində məsuliyyətli olub qanunlara və gigiyenik qaydalara əməledərək fəaliyyət göstərməlidir. Biz o zaman vaxtından əvvəl  yoxlama apara bilirik ki, onda yoxlama aparılacaq müəssisə təhlükəli risq qrupuna düşsün. Məsələn, “Zəngəzur” şadlıq sarayındakı hadisə böyük risq qrupuna aid olduğundan orada vaxtından əvvəl yoxlamalar aparıldı və bir ildən sonra orada növbədənkənar yoxlama aparılacaq. Bu yoxlamalar ancaq risq qiymətləndirilməsi əsasında aparılır”, — deyə  İ. Abdullayev qeyd edib.

Epidemioloq onu da əlavə etdi ki, hətta planlı yoxlama zamanı da ortaya ciddi problemlər çıxır: “Problem isə ondan ibarətdir ki, müəyyən edilmiş vaxt nəzərdə tutulan müəssisədə yoxlamaya gedirsən və  müəssisənin  sahibinin dəyişdiyinin şahidi olursan. Belə olan halda isə qanunvericilik yoxlamanın aparılmasına imkan vermir və nəticədə yoxlama aparmaq olmur. Baxmayaraq ki, yoxlama aparmaq istədiyimiz müəssisə yerindədir və fəaliyyət göstərir, ancaq sahibkar dəyişdiyindən yoxlama aprmaq mümkün deyil.  Qanunda da burada yoxlamanı aparmaq üçün müddəa nəzərdə tutulmur və təkrar yoxlama da mümkün deyil. Yoxlama ancaq növbəti təqvim planına uyğun aparıla bilər. Bax belə problemlər var. Bu isə adamı düşünməyə vadar edir.”

Yoxlamalar zamanı ortaya çıxan problemlərdən danışan İ. Abdullayev bildirdi ki, təqvim planına uyğun şadlıq sarayına yoxlamaya gedəndə həmən gün orada toy olmadığından şadlıq sarayı işləmir: “Qapıda ancaq gözətçi oturub və deyir ki, kimsə yoxdur. Belə olan halda qanun orada digər tarixdə təkrar yoxlama aparmağa imkan vermir. Qanundankənar yoxlamaların aparılmasının isə mürəkkəb qaydaları var. Vaxtından əvvəl və qanundankənar yoxlama üçün ya şikayət olmalıdır, ya müəssisə rəhbəri özü müraciət etməlidir. Yaxud da planlı yoxlama zamanı ciddi nöqsanı aradan qaldırılmasının icrasını yoxlamaq məqsədi ilə yoxlama aparıla bilər. Digər hallarda yoxlama aparmaq qadağandır. Yəni mövcud qanunvericilik sahibkarın fəaliyyətinə qanunsuz müdaxiləyə imkan vermir.”

İ. Abdullayev hesab edir ki, belə hallarda sahibakar sui-istifadə hallarına yol verir: “Düzdür, bu hamıya aid olmasa da, belə hallar mövcuddur. Yəni burada sahibkar anlamalıdır ki, əgər hakimiyyət ona sahibkarlığın inkişafı naminə yaşıl işıq yandırıbsa, bundan sui-istifadə etməli deyil, əksinə qanunun tələblərinə riayət etməlidir. Məsuliyyət daşıyıb gigiyenik qaydalara əməl etməlidir. Əgər sahibkar  öz işində səhlənkar və ya biganədirsə, ora nəzarətçi qoysan da xeyri yoxdur.

Bəzən şadlıq sarayında işçilərin tibbi arayışını yoxlamaq istəyirsən, ən yaxşı halda sənə 8-10 nəfərin sənədini təqdim edir. Hələ o da olsa. Bu yolla onlar həm vergi orqanlarını, həm əmək müfəttişliyini və digər aidiyyatı dövlət qurumlarını aldadırlar.”

Epidemioloq əlavə etdi ki, bununla belə müəssisə rəhbəri özü dəvət edir və fəaliyyətini yoxlatdırır: “Yoxlamalara əsasən iri istehsal müəssisəsi  problem yaratmır. Əksinə deyir ki, yoxla problemimi aradan qaldırım.”

İ. Abdullayev bildirdi ki, yoxlama zamanı ən ciddi problemi kiçik iaşə və istehsal müəssisələri yaradır: “Yoxlamaya gedirsən qapını bağlayır və üzünə  açmır. Əgər qaranlıq bir işin və ya nöqsanın yoxsa, niyə qapını açmırsan, yoxlama aparmağa imkan vermirsən? Bax əsas problem kiçik müəssisələrlə bağlıdır.”

126
Teqlər:
Zəngəzurdakı zəhərlənmə, Zəngəzur restoranındakı zəhərlənmə, Zəngəzur restoranında zəhərlənmə, İmran Abdullayev
Azərbaycanın Birinci vitse-prezidenti Mehriban Əliyeva

Mehriban Əliyevanın o füsunkar geyiminin müəllifi kimdir?

58
(Yenilənib 20:59 21.06.2021)
Amerikalı model Bella Hadid və digər məşhurlar tərəfindən yüksək dəyərləndirilən bu brenddə üsyankar ruh, avanqard və azadlıq notları var.

BAKI, 21 iyun — Sputnik. Azərbaycanın vitse-prezidenti, Azərbaycan Respublikasının prezidentinin xanımı Mehriban Əliyeva öz zövqlü geyimləri ilə hər kəsi valeh edir. O, bir çox moda jurnalları və portallarda dünyanın ən zövqlə geyinən First lady-ləri arasında ön sıralarda yer alır.

Onun bu il mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən geyindiyi boz rəngdə plaş isə moda dünyasında geniş müzakirələrə səbəb olub. Hər kəs Azərbaycanın birinci xanımına bu geyimin çox yaraşdığını, zərif görünüşünü tamamladığını qeyd edir.

Sputnik Gürcüstan həmin plaşın hansı brenddən olduğunu araşdırıb. Məlum olub ki, Mehriban Əliyevanın geyindiyi həmin boz plaşın müəllifi Gürcüstanın "Situationist" brendidir.

  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
  • Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
    © Official website of President of Azerbaijan Republic
1 / 3
© Official website of President of Azerbaijan Republic
Prezident İlham Əliyev və birinci xanım Mehriban Əliyeva iki dəfə Sovet İttifaqı Qəhrəmanı Həzi Aslanovun məzarını ziyarət ediblər
"Gürcüstanın sosial şəbəkəsinin istifadəçilərinin diqqətini xanım Əliyevanın Gürcüstan brendindən boz rəngli bir plaş geyməsi çəkib. Geyim öz lakonikliyi və "Situationist" xas asimmetrikiyi ilə seçilir. İlham Əliyev və Mehriban Əliyevanın fotolarını gürcü brendinin özü də sosial şəbəkədə paylaşıb", - deyə məlumatda bildirilir.

"Situationist" brendi dizaynerlər İrakli Rusadze və David Qiorqadze tərəfindən 2015-ci ildə yaradılıb. Onların işi məşhur amerikalı model Bella Hadid və digər məşhurlar tərəfindən yüksək dəyərləndirilib.

"Situationist" brendində üsyankar ruh, avanqard və azadlıq notları var. Hazırda İrakli Rusadze "Situationist" üçün yeni modellərin hazırlanması üzərində işlərini davam etdirir.

Qeyd edək ki, Azərbaycanın vitse-prezidenti Mehriban Əliyeva bu ilin mayın 9-da faşizm üzərində tarixi Qələbədən 76 il dönümü münasibəti ilə iki dəfə Sovet İttifaqı Qəhrəmanı Həzi Aslanovun məzarını ziyarət edərkən bu geyimi geyinib.

 

58
Zaqatala mənzərə

Azərbaycanın bölgələrində günlük kirayə ev bazarı canlanıb

113
(Yenilənib 18:03 21.06.2021)
Bölgələrdə günlük kirayə ev bazarında canlanma müşahidə edilir. Hətta evlərin əksəriyyəti əvvəlcədən sifarişlə tutulub. Qiymətlərdə 4-5 dəfə artım var.

BAKI, 21 iyun – Sputnik. Ötən il yayda paytaxtdan bölgələrə getməklə bağlı məhdudiyyət olduğundan rayonlara üz tutanların sayı xeyli azalmışdı. Bu səbəbdən də günlük kirayə evlərin qiymətləri də xeyli enmişdi. Şəkidə də günlük evlərin kirayəsi 5 dəfəyədək ucuzlaşmışdı. Sputnik Azərbaycan-ın bölgə müxbiri şimal-qərb bölgəsindəki hazırkı vəziyyəti araşdırıb. Məlum olub ki, bu il yüksək tələbat səbəbindən qiymətlər yenə əvvəlki vəziyyətinə qayıdıb.

Rayon sakini Barat Məmmədova Sputnik Azərbaycan-a bildirib ki, artıq qonaqları qarşılamağa hazırdırlar: “Keçən il pandemiya ilə əlaqədar olaraq heç bir nəfər də gələn olmadı. 100 manat, 80 manatlıq evləri 30 manata, 20 manata da saldırdıq, amma gələn olmadı. İndi yenə 80 manata, 100 manata razılaşma yolu ilə verə bilərik”.

Rieltor İlqar Muradov bildirir ki, bu il günlük kirayə evlərə tələbat çoxdur. Qiymətlər də ərazidən asılı olaraq 80-150 manat arasında dəyişir:

“Ay yarımdır ki, mənə zənglər gəlir, evlər sifariş olunur. Şəhərin yuxarı hissəsində -  Xan Sarayı tərəfdə, “Marxal”, “Dodu məhəlləsi” tərəflərdə qiymətlər 100-150 manat civarındadır. Qiymətlər öz axarına düşüb. Aşağıda isti olduğu üçün 30 manat civarında fərq var”.

Zaqatalada da günlük kirayə evlərə tələbat artıb. Rieltor İlkin Mirzəyinin sözlərinə görə, turistlər ən çox dağətəyi və yaşıllıq ərazilərdəki evlərə üstünlük verirlər: “Əvvəllər şəhərdəki evlərə maraq var idisə, indi kənd evlərinə üstünlük verirlər. Həm şəhərə yaxın, həm də dağətəyi olduğu üçün Car kəndindəki evlərə turistlərin marağı daha çoxdur”.

Rieltor bildirib ki, ötən ilə nisbətən qiymətlərdə də xeyli fərq var.

“Keçən il turist az idi deyə 50 manatlıq evlər hətta 20 manata qədər düşmüşdü. Bu il yaxşıdır. Tələbat var, gələn-gedənlərimiz var. Qiymətlər hazırda 30 manatdan başlayır. Şəraitdən asılı olaraq da 40-50, hətta 100 manata kimi qiymətlər dəyişir”.

Ev sahibləri də turist axınını nəzərə alaraq qiymətləri artırıblar. Rayon sakini Hikmət Məmmədovun sözlərinə görə, qonaqla danışıqdan asılı olaraq endirim də edirlər.

“Ötən il evləri 20 manata da verirdik, ancaq qalan yox idi. Bu il adam sayına baxırıq. 50 manata veririk, 40 manata olur. Tək adam olsa, 30 manata da veririk. Bir də uzunmüddətli qalan olanda endirim edirik. Gələn də var".

Rieltorlar vurğulayıblar ki, bu il xarici ölkələrə getməkdə müəyyən məhdudiyyətlər olduğundan vətəndaşlar əsasən rayonlara üz tutacaqlar. Bu səbəbdən də gündəlik kirayə ev qiymətlərinin iyul-avqust aylarında daha da artacağı gözlənilir.

Eləcə də oxuyun:

113
Teqlər:
yay mövsümü, qiymətlər, Qax, Zaqatala, Şəki, bölgələr, kirayə mənzil, kirayə ev, kirayə

Türkiyədən AVRO-2020 ilə bağlı Azərbaycana müraciət: Əla qardaşlıq ruhu göstərdiz

0
(Yenilənib 21:12 21.06.2021)
Türkiyə Futbol Federasiyasında qeyd ediblər ki, AVRO-2020 təşkilatçılarının qonaqpərvərliyi bir daha Azərbaycan və Türkiyənin "bir millət, iki dövlət" olduğunu sübut edib.

BAKI, 21 iyun — Sputnik. Türkiyənin Futbol Federasiyası bu ölkənin milli komandasının AVRO-2020 çərçivəsində Bakıda keçirilən oyunlar zamanı ona göstərilən qonaqpərvərliyə görə Azərbaycana minnətdarlığını ifadə edib. Bu barədə Sputnik Azərbaycan Federasiyanın saytına istinadən xəbər verir.

"Dost və qardaş ölkə olan Azərbaycan AVRO-2020 prosesində və Bakıda oynadığımız iki oyunda tribunaları qırmızı-ağ rənglərlə dolduraraq əla qardaşlıq ruhu göstərdi. Milli komandamıza, Federasiyamıza və bütün Türk xalqına böyük dəstək göstərən və bizi ən yaxşı şəkildə qəbul edən Azərbaycan, "bir millət, iki dövlət" olduğumuzu dərindən hiss etdirdi", - deyə Federasiyanın bəyanatında deyilir.

Daha sonra bəyanatda Türkiyə-Uels oyununu (0:2) Türkiyə prezidenti Rəcəb Tayyib Ərdoğan, Azərbaycan prezidenti İlham Əliyevin də ziyarət etdiyi deyilir və Azərbaycan Futbol Federasiyasının prezidenti Rovnaq Abdullayevə təşəkkür ifadə olunur.

Türkiyə millisi koronavirus pandemiyası üzündən bir il təxirə salınmış Avropa çempionatında uğusuz çıxış edib. "A" qrupunda Şenol Günəşin yetirmələri Romada İtaliya millisinə (0:3), Bakıda isə Uels (0:2) və İsveçrə (1:3) milli komandalarına məğlub olub.

Onu da qeyd edək ki, Türkiyə komandasının üzvləri artıq Avropa çempionatında çıxışlarını bitirərək Azərbaycan paytaxtını tərk ediblər.

AVRO-2020 Bakı oyunları

Bakı Olimpiya stadionunda ümumilikdə dörd oyunun keçirilməsi nəzərdə tutulub. "A" qrupunda iyunun 12-də İsveçrə-Uels (1:1), iyunun 16-da Türkiyə-Uels (0:2), iyunun 20-də İsveçrə-Türkiyə (3:1) oyunları artıq keçirilib. Bundan əlavə iyulun 3-də isə burada AVRO-2020 ¼ final oyunlarından birinin keçirilməsi də nəzərdə tutulub.

0