Fərhad Mehdiyev

Fərhad Mehdiyev: Jurnalistin döyülməsində Cavid Hüseynovun əli var

65
(Yenilənib 14:47 10.08.2015)
Mehdiyev, Rasim Əliyevin ölməsində həkim qüsuru olduğunu da yazıb.

BAKI, 10 avqust – Sputnik. Jurnalist Rasim Əliyevin döyülməsində Cavid Hüseynovun əli var. 

Bunu politoloq Fərhad Mehdiyev özünün facebook səhifəsində qətllə bağlı paylaşdığı statusda yazıb. 

Fərhad Mehdiyev qeyd edib ki, Rasim Əliyevin verdiyi müsahibədən sonra dəqiqliklə bunları demək mümkündür: “Onun döyülməsində Cavid Hüseynovun əli var, özü vurmasa da yanında gətirdikləri insanların nə cür hərəkət edəcəklərini bilərək bunu etmişdir. Yəni həmin hadisənin təşkilatçısı kimi onu dəyərləndirmək mümkündür. Bunu sübut edən bir digər fakt, döyülmə hadisəsi baş verdikdən sonra, C.Hüseynovun heç nə etməməsi idi”.

Fərhad Mehdiyev, Rasim Əliyevin ölməsində həkim qüsuru olduğunu da yazıb: “Kameraya rahat şəkildə müsahibə verən bir insanın sonradan daxili qanaxmadan ölməsi onu sübut edir ki, zamanında lazımi tədbirlər aparılmayıb. Rasim Əliyevin o uzun müsahibəni verməsi də (az danışmalı idi) onu göstərir ki, həkimlər çox da onun qayğısına durmurdular.”

65
Teqlər:
jurnalistin öldürülməsi, jurnalistin döyülməsi, jurnalist Rasim Əliyevin ölümü, politoloq Fərhad Mehdiyev, jurnalist Rasim Əliyev, Rasim Əliyev, Fərhad Mehdiyev, Azərbaycan
Mövzu:
Jurnalist Rasim Əliyevin döyülərək öldürülməsi (22)
İran Xarici İşlər naziri Məhəmməd Cavad Zərif

Cənub qonşumuz bölgədə gərginliyin artmasından narahat oldu

0
İran XİN rəhbəri gərginliyin azaldılması üçün lazımı addımların atılmasının əhəmiyyətini vurğulayıb və İranın bu xüsusda hər zaman yardımçı olmağa hazır olduğunu qeyd edib

BAKI, 28 sentyabr - Sputnik. Sentyabr 27-də Xarici İşlər naziri Ceyhun Bayramovun İran İslam Respublikasının Xarici İşlər naziri Məhəmməd Cavad Zərif ilə telefon danışığı baş tutub.

Azərbaycan XİN-dən Sputnik Azərbaycan-a verilən məlumata görə, İran Xarici İşlər naziri cəbhə xəttində yaşanan gərginlikdən narahatlığını ifadə edərək,  bölgədə sülhün təmin olunmasının vacibliyini qeyd etdi. O, gərginliyin azaldılması üçün lazımı addımların atılmasının əhəmiyyətini vurğuladı və İranın bu xüsusda hər zaman yardımçı olmağa hazır olduğunu qeyd etdi.

Nazir Ceyhun Bayramov Ermənistan tərəfinin son aylar ərzində davam edən son dərəcə təxribatçı fəaliyyətinin davamı olaraq 27 sentyabr tarixində cəbhə xətti boyunca Azərbaycan mövqelərinə qarşı yeni təcavüz aktının törədilməsi, Azərbaycanlı mülki şəxslərin hədəfə alınması barədə həmkarına məlumat verdi və Azərbaycan Ordusunun beynəlxalq sərhədləri çərçivəsində özünü müdafiə hüququna əsasən, eləcə də dinc sakinərin təhlükəsizliyini təmin etmək məqsədilə müvafiq cavab tədbirləri həyata keçirdiyini qeyd etdi. Bölgədə yaşanan bu gərginliyin bütün məsuliyyətinin Ermənistanın siyasi-hərbi rəhbərliyinin üzərinə düşdüyü vurğulandı.

0
Teqlər:
Məhəmməd Cavad Zərif, Ceyhun Bayramov, Azərbaycan XİN, İran, gərginlik, cəbhə, erməni təxribatı, Ermənistan, Azərbaycan, Dağlıq Qarabağ münaqişəsi
Əlaqədar
Vaşinqtondan Ceyhun Bayramova zəng: Qarabağda son vəziyyəti soruşdular
İtaliya parlamentariləri Ermənistanın təxribatını pislədilər
Qarabağ separatçıları əraziləri itirdiklərini etiraf etdilər
Azərbaycanın mülki əhalisi hədəfdə: Ermənistan ordusunun atdığı mərmi Ağdamda evi dağıtdı
BMT baş katibi də narahat oldu - Qarabağa görə
Vaşinqtonda Kapitoliy binasına mənzərə, arxiv şəkli

Vaşinqtondan Ceyhun Bayramova zəng: Qarabağda son vəziyyəti soruşdular

28
ABŞ Dövlət katibinin müavini Stiven Biqan öz növbəsində gərginliyin azaldılması üçün tərəflərin müvafiq addımlar atmasının vacibliyini qeyd edib

BAKI, 28 sentyabr - Sputnik. Sentyabr 27-də Xarici İşlər naziri Ceyhun Bayramov və ABŞ Dövlət katibinin müavini Stiven Biqan arasında telefon danışığı baş tutub.

Azərbaycan XİN-dən Sputnik Azərbaycan-a daxil olan məlumata görə, ABŞ rəsmisi bölgədə baş verən yüksək gərginlik ilə bağlı ciddi narahatlığını ifadə edərək, hazırkı vəziyyəti sorğu edib.

Nazir Ceyhun Bayramov Ermənistan silahlı qüvvələrinin növbəti təcavüz aktı barədə məlumat verərək Azərbaycan silahlı qüvvələrinin özünü müdafiə hüququ çərçivəsində mülki əhalisini müdafiə etmək məqsədilə həyata keçirildiyi cavab həmlələrini qeyd edib. Bölgədə yaşanan bu gərginliyin kökündə Ermənistanın 30 ilə yaxındır ki, davam edən işğalçılıq siyasətinin durduğu vurğulanıb və BMT TŞ qətnamələrinin tələbləri başda olmaqla beynəlxalq təşkilatların qərarlarının yerinə yetirilməsinin vacibliyi bildirilib. Yaranmış vəziyyətin tam məsuliyyətinin Ermənistan üzərində olduğu vurğulanıb.

ABŞ Dövlət katibinin müavini Stiven Biqan öz növbəsində gərginliyin azaldılması üçün tərəflərin müvafiq addımlar atmasının vacibliyini qeyd edib.

28
Teqlər:
Ceyhun Bayramov, Dövlət Departamenti, ABŞ, Azərbaycan, Ermənistan, cəbhə xətti, ön cəbhə, cəbhə, erməni təxribatı, Dağlıq Qarabağ münaqişəsi
Əlaqədar
Azərbaycan Ermənistana qarşı tribunalın yaradılması üçün müraciət edəcək
Ermənistan ordusunun öldürdüyü beş nəfərin adları açıqlandı
MN: Ermənistanın Ağdərə istiqamətindəki komandanlığına təslim olmaq təklif edilib
İtaliya parlamentariləri Ermənistanın təxribatını pislədilər
Azərbaycanın mülki əhalisi hədəfdə: Ermənistan ordusunun atdığı mərmi Ağdamda evi dağıtdı