Bakıya gətirilən yeni elektrik qatarı

Bakı-Sumqayıt xəttinin işə salınması üçün son 11 km təmir olunur

17
(Yenilənib 12:09 21.07.2015)
Bakı-Sumqayıt elektrik qatar yolunun nəzərdə tutulan vaxtda istifadə verilməsi üçün iş prosesinə “Azərbaycan Dəmir Yolları” QSC-nin əlavə qüvvəsi cəlb olunub.

BAKI, 21 iyul — Sputnik. Bakı-Sumqayıt elektrik qatar yolunun nəzərdə tutulan vaxtda istifadə verilməsi üçün iş prosesinə “Azərbaycan Dəmir Yolları” QSC-nin əlavə qüvvəsi cəlb olunub. Bunu Sputnik-ə açıqlamasında “Azərbaycan Dəmir Yolları” QSC  mətbuat katibliyinin rəisi Nadir Əzməmmədov deyib.

Onun sözlərinə görə,  Bakı-Sumqayıt xəttinin işə salınması üçün 63 km dəmiryolu yenidən təmir olunmalıydı və artıq bunun 52 km-i təmir olunub: “Təmir işləri davam edir. Bundan əlavə olaraq Bakı-Sumqayıt dəmiryoluna birbaşa keçidi təmin etmək üçün əlavə 1,6 km yeni yol salınmalı idi və bu istiqamətdə də işlər gedir. Üstəlik, həm Bakı, həm də Sumqayıt sərnişin stansiyalarında sərnişinlərin rahatlığının və təhlükəsizliyinin təmin edilməi istiqamətində işlər gedir. Yeraltı keçidlər yenidən qurulur, Bakıda sərnişinlərin rahat 28 may metrostansiyasına keçidini təmin etmək istiqamətində də işlər aparılır.”

N. Əzməmədov bildirdi ki, Bakı-Sumqayıt xəttinin nəzərdə tutulan vaxtda, yeni dərs ilinədək işə salınması üçün bütün qüvvələ səfərbər olunub. “Bu istiqamətdə nə lazımdırsa edilir və bu məqsədlə hətta  əlavə qüvvələr də cəlb edilib”, — deyə o vurğulayıb.

17
Teqlər:
sərnişin qatarı, Bakı-Sumqayıt elektrik qatarı, Bakı-Sumqayıt, Azərbaycan Dəmir Yolları, Azərbaycan Dəmir Yolları" Qapalı Səhmdar Cəmiyyəti, Nadir Əzməmmədov, Sumqayıt, Bakı, Azərbaycan
Restoranda nahar, arxiv şəkli

Bu obyektlərdə pozuntular aşkarlandı

1
Obyektlərdən 52-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb.

BAKI, 9 avqust - Sputnik. Nazirlər Kabinetinin qərarı ilə təsdiq edilmiş koronavirusun (COVID-19) profilaktikasına dair metodiki göstərişlərin icrasına nəzarət məqsədi ilə Azərbaycan Respublikasının Qida Təhlükəsizliyi Agentliyi (AQTA) tərəfindən ictimai iaşə və qida məhsullarının ticarəti ilə məşğul olan sahibkarlıq subyektlərində reydlər davam etdirilir.

AQTA-dan verilən məlumata görə, agentliyin əməkdaşları tərəfindən 8 avqust 2020-ci il tarixində Bakıda, eləcə də regionlarda fəaliyyət göstərən 54 ictimai iaşə obyekti, 156 ərzaq satışı mağazası olmaqla, ümumilikdə 210 müəssisədə reyd keçirilib. Sahibkarlıq subyektlərinə qida təhlükəsizliyi sahəsində qanunvericiliyin tələbləri izah edilib, icrası məcburi göstərişlər və maarifləndirici tövsiyələr verilib.

Reyd keçirilən obyektlərdən 52-də Nazirlər Kabinetinin qərarı ilə təsdiq edilmiş metodiki göstərişlərin tələblərindən irəli gələn bir sıra qaydalara əməl olunmaması və kobud şəkildə pozulması faktları aşkarlanıb. Aşkarlanmış faktlarla bağlı həmin müəssisələr barədə qanunvericiliyin tələbləri çərçivəsində inzibati tədbirlər görülüb. Sözügedən müəssisələr arasında daha çox uyğunsuzluqlar aşkar edilən ictimai iaşə və ərzaq mağazaları aşağıdakılardır.

Bakı şəhəri üzrə:
“Bayramoğlu”, “Göyçə”, “Retro”, “Bizim ailə” marketləri, Babayev Şahin Ramazan oğluna, Əliyev Tofiq Şəmil oğluna, Quliyev Vüsal Məhəmməd oğluna, İsmayılov Nemət Binyət oğluna, Hüseynov Vüqar Saleh oğluna, Məhərrəmova Sevin Abduləhəd qızına məxsus ərzaq mağazaları.

Digər şəhər və rayonlar üzrə:
Şirvan şəhərində Əliyev Müşfiq Mahir oğluna, Abbaszadə Mirmövsüm Seyidhüseyn oğluna məxsus kafelər, Hüseynov Əlisevər Həmzə oğluna məxsus restoran.
Sabirabad rayonunda “Lahmacun” kafe, Sultanov Musa Muğan oğluna məxsus kafe, Seyidov Əziz Əzim oğluna məxsus restoran.
Saatlı rayonunda Pənahov Babək Novruzəli oğluna və Əşrəfov Uğur Rasim oğluna məxsus restoranlar, Meybullayev İdavət Məmmədağa oğluna, Kərimov Aydın Nəcəfalı oğluna, Hüseynov Teymur Eldar oğluna, Əzizov Mirhəbib Mirqanı oğluna məxsus kafelər.
Hacıqabul rayonunda Cəfərov Nizami Mirzəxan oğluna məxsus kafe, Məmmədov Mübariz Azər oğluna, Rüstəmov Mikayıl İsmayıl oğluna, Seyidov Orxan Azad oğluna, İsmayılov Arif İsmayıl oğluna məxsus restoranlar, Nurəliyev Sahib Sahil oğluna və Səlimov Sabir Tofiq oğluna məxsus yeməkxanalar.
Neftçala rayonunda Fərziyev Elgün Zakir oğluna, Abbasov Nazim Hüseyn oğluna, Xəlilov Abdulhəsən Məmmədhəsən oğluna məxsus kafelər.
Şamaxı rayonunda Eyvazov Rövşən Yunis oğluna, Vahidov Əhsən Mustafa oğluna məxsus kafelər,
Kürdəmir rayonunda “Anar” yeməkxanası, “Azad” kafesi,
Ağsu şəhərində “Orxan”, “Vüsal” kafeləri,
Masallı rayonunda İbadov Kamran Bahaddin oğluna və Niftullayev Çingiz Balabəy oğluna məxsus ət satışı mağazaları,
Cəlilabad rayonunda Həsənov Arzuman Əli oğluna məxsus ət satışı mağazası,
Naftalan şəhərində “Turan”, “Bahar” kafeləri,
Göyçay rayonunda “Sərin məkan” restoranı, “Röya” kafesi,
Tovuz rayonunda “Xırdalan”, “Tahir”, “Almalı” kafeləri,
Qazax rayonunda “Səda”, “Gülçiçək” kafeləri,
Ağstafa rayonunda “Vurğun”, “Balıq evi” kafeləri,

Qeyd edək ki, AQTA Bakıda, eləcə də regionlarda fəaliyyət göstərən ictimai iaşə obyektləri və ərzaq mağazalarında yoxlama-nəzarət tədbirlərini bundan sonra da davam etdirəcək və Nazirlər Kabinetinin qərarı ilə təsdiq edilmiş metodiki göstərişlərə əməl etməyən sahibkarlıq subyektləri barədə ən sərt tədbirlər görüləcək.

1

BŞİH çimərliklərlə bağlı əhaliyə müraciət edib

4
BŞİH çimərliklərdə sıxlığın koronavirusun yayılması təhlükəsi yaratması ilə bağlı əhaliyə müraciət edib

Nazirlər Kabineti yanında Operativ Qərargahın qərarı ilə çimərliklər xüsusi karantin rejiminin tələblərinə uyğun müəyyən edilən qaydalar çərçivəsində avqustun 5-dən vətəndaşların istifadəsinə verilib.

Bakı Şəhər İcra Hakimiyyətindən verilən məlumata görə, yay fəslində vətəndaşların ən çox üz tutduqları məkanlardan olan çimərliklərdə son iki gündür ki, sıxlıq müşahidə olunur, bu da koronavirusa yoluxma riskini artırır.

Bakı Şəhər İcra Hakimiyyətinin (BŞİH) şöbə müdiri Elmin İmanov bildirib ki, qurum rayon icra hakimiyyətləri ilə birgə paytaxtdakı bütün çimərliklərə yerində baxış keçirib. E. İmanov qeyd edib ki, çimərliklərdəki vəziyyət təhlil edilib, həmin ərazilərdə infrastrukturun yaxşılaşdırılması, mövcud vəziyyətin daha da ürəkaçan olması istiqamətində addımlar atılıb. Hər bir çimərlikdə ən ümdə məsələ mövcud epidemioloji vəziyyətə uyğun olaraq sosial məsafənin gözlənilməsi, həmin ərazinin dezinfeksiyaedici məhlullarla təmin edilməsidir. Bununla yanaşı, çimərlik ərazisində xüsusi maafirləndirici lövhələr qoyulub. Lövhələrdə çimərlik ərazilərində əməl edilməsi vacib olan qaydalar öz əksini tapıb. Sosial məsafənin qorunmasını təmin etmək üçün əhalinin istirahət etdiyi yerlər xüsusi nişanlanlarla ayrılıb. Eyni zamanda, tələb olunan qaydalara əməl edilməsi səsgücləndiricilər vasitəsilə istirahətə gələn vətəndaşların diqqətinə mütəmadi olaraq çatdırılır. 

Onun sözlərinə görə, ən həssas məsələlərdən biri buradakı təmizlik vəziyyətidir. İcra hakimiyyətinin əməkdaşları və tabeliyindəki qurumlar bununla bağlı gücləndirilmiş iş rejimində işləyirlər. Burada təmizliyin qorunması, tullantıların daşınması üçün bütün əməkdaşlar çox ciddi fəaliyyət göstərirlər. Çimərliklər təmizlik baxımından çox yüksək səviyyədədir, bununla bağlı hər hansı bir problem yoxdur. 

BŞİH-nin şöbə müdiri diqqətə çatdırıb ki, çimərliklərə üz tutanların sayının tənzimlənməsi məqsədilə cimerlik.az portalı fəaliyyət göstərir. Burada hər çimərliyin tutumu ilə bağlı rəqəmlər əks olunur. Vətəndaşların çimərliyə gəlməzdən əvvəl portala daxil olub sıxlıqla bağlı vəziyyəti öyrənmələri və sıxlığın az olduğu çimərlikləri seçmələri tövsiyə olunur. Məqsəd odur ki, vətəndaşlar çimərliklərdə sıxlıqla qarşılaşmasın və yoluxma riskləri minimuma endirilsin: "İki gündür ki, çimərliklərdə sıxlıq müşahidə edilir, bu da haqlı narahatlığa səbəb olur. Vətəndaşlardan xahiş olunur ki, mövcud vəziyyətin gərginləşməsinə səbəb olacaq addımlar atmaqdan çəkinsin və gəlməzdən əvvəl portala daxil olaraq sıxlığın az olduğu çimərliklərə üz tutsunlar. İcra hakimiyyətinin əməkdaşları monitorinq apararaq çimərlikdə kvotanı artırmaq üçün mövcud şəraiti təhlil edirlər. Monitorinqin nəticələrinə uyğun rəqəmlər dəyişə bilər. Çimərliklərin kvotaya uyğun fəaliyyətini təmin etmək məqsədilə hər bir çimərliyin giriş və çıxışında "ASAN xidmət" könüllüləri fəaliyyət göstərir. Onlar çimərliklərə daxil olanların qeydiyyatını aparırlar. Nəticədə, çimərliklərə istirahətə gələnlərin  və boş yerlərin sayı avtomatik olaraq portala yerləşdirilir. Könüllülər, həmçinin əhalinin məlumatlandırılmasını həyata keçirir, qaydalara əməl olunmasının zəruriliyini onların diqqətinə çatdırırlar. Çimərlikdə təhlükəsizliyə Daxili İşlər Nazirliyinin (DİN) əməkdaşları nəzarət edirlər. Onlar burada istirahətə gələnlərin sayının tənzimlənməsində də yaxından iştirak edirlər. Yəni, ASAN könüllüləri ilə DİN əməkdaşları  koordinasiyalı şəkildə fəaliyyət göstərirlər. Əgər boşluq yoxdursa, yer dolubsa, onlar vətəndaşları digər çimərliklərə yönləndirirlər".  

4