Türkiyə, Misir Tailand turistlər üçün təhlükəlidir

24
(Yenilənib 17:25 15.07.2015)
Deputat XİN-ə məktub yazaraq rus turistlərin bu ölkələrə getməsini yasaqlamağı xahiş edib.

BAKI, 15 iyul — Sputnik. Peterburqun deputatı Yevgeni Marçenko Rusiyanın Xarici İşlər Nazirliyinə ölkə vətəndaşlarının Türkiyə, Misir və Tailanda kurorta getməyi qadağan etmək xahişiylə məktub yazıb. 

Sputnik Rusiya mediasına istinadən xəbər verir ki, deputat öz məktubunda xaricdə istirahətin son vaxtlar iqlim fərqinə görə Rusiya vətəndaşlarının sağlamlığı üçün təhlükəli olduğunu qeyd edib.

Marçenko rusiyalı turistlərin xaricdə əziyyət çəkdiyi əsas təhlükələrin yollardakı qəzalar, otel əməkdaşlarının təhlükəsizlik qaydalarına riayət etməməsi, yerli əhalinin "kriminal təcavüz"ü,  ərzaq və alkoqoldan zəhərlənmə olduğunu bildirib. 

Xaricdə dincəlməyə alternativ olaraq, deputat, Rusiyanın Altay, Baykal, Qara dəniz və Xəzər dənizinin sahillərini məsləhət görüb. 

Marçenko yazıb ki, əgər qanunvericilik Misir, Türkiyə və Tailanda getməyi qadağan etməyə icazə vermirsə, onda bu ölkələrə çarter reyslərinin sayını azaltmaq, onlara viza rejimini tətbiq etmək və sığortanın qiymətlərini artırmaq olar. 

24
Teqlər:
Yevgeni Marçenko, Türkiyə
Koronavirus testi, arxiv şəkli

Azərbaycanda son sutkada 98 nəfər COVID-19-a yoluxub

0
(Yenilənib 15:41 22.09.2020)
Azərbaycanda indiyədək ümumilikdə 39378 nəfər koronavirus infeksiyasına yoluxub. Onlardan 36949 nəfər müalicə olunaraq sağalıb, 578 nəfər vəfat edib, aktiv xəstə sayı 1851 nəfərdir.

BAKI, 22 sentyabr - Sputnik. Azərbaycan Respublikasında koronavirus (COVID-19) infeksiyasına 98 yeni yoluxma faktı qeydə alınıb, 113 nəfər müalicə olunaraq sağalıb və evə buraxılıb.

Nazirlər Kabineti yanında Operativ Qərargahdan verilən məlumata görə, COVID-19 üçün götürülən analiz nümunələri müsbət çıxmış 2 nəfər vəfat edib.

Azərbaycanda indiyədək ümumilikdə 39378 nəfər koronavirus infeksiyasına yoluxub. Onlardan 36949 nəfər müalicə olunaraq sağalıb, 578 nəfər vəfat edib, aktiv xəstə sayı 1851 nəfərdir.

Ölkədə son sutka ərzində 6672, hazırkı dövrədək isə 1064475 test aparılıb.

0
Yada sal məni filminin çəkilişi, arxiv şəkli

Azərbaycanlı rejissorun filmi məşhur festivalın ilk turunu uğurla keçib

8
(Yenilənib 15:35 22.09.2020)
Filmdə Akademik Milli Dram Teatrının aktyoru Elşən Rüstəmov və Azərbaycan Dövlət Pantomima Teatrının aktrisası Nuridə Musabəyli rol alıb.

Şahpəri Abbasova, Sputnik Azərbaycan

BAKI, 22 sentyabr — Sputnik. Rejissor Masər Həsənovun "Yada sal məni" filmi İngiltərənin Veksxem (Wexham) şəhərində keçirilən, 3 turdan ibarət olan "First-Time Filmmaker Sessions" film festivalının ilk turunu uğurla keçib. Bu barədə Sputnik Azərbaycan-a məlumat verən rejissor bildirir ki, növbəti tur oktyabrın ilk yarısında məlum olacaq:

"Bu film operator Qalib Bağırovla mənim diplom işimiz idi. Film Natiq Rəsulzadənin "Lal" əsərinin motivləri əsasında çəkilib. Həyat yoldaşını itirən baş qəhrəmanımız (Elşən Rüstəmov) özünə qapanıb. Həyatı monoton keçir. Hər şey gecə bir xanımın gəlişi ilə dəyişir".

Filmdə Akademik Milli Dram Teatrının aktyoru Elşən Rüstəmov və Azərbaycan Dövlət Pantomima Teatrının aktrisası Nuridə Musabəyli rol alıb.

8