Avtovağzal

Bayramda rayonlara gedənlərə şad xəbər: sıxlıq olmayacaq

27
(Yenilənib 11:27 14.07.2015)
Dəmiryolu vağzalı və Beynəlxalq avtovağzal bütün lazımi işləri görüblər.

BAKI, 14 iyul – Sputnik. Yaxınlaşmaqda olan Ramazan bayramı müddətində şəhərlərarası marşrutlarda işləyən avtobusların sayında artım ola bilər. Bu barədə Sputnikə açıqlamasında, Beynəlxalq Avtovağzalın əməkdaşı məlumat verib. 

“Müqəddəs Ramazan bayramına artıq 3 gün qalıb. Bu səbəblə Azərbaycanın rayonlarına üz tutan əhalinin sayında artım olacağı gözlənilir. Beynəlxalq avtovağzal olaraq biz bütün lazımi işləri görmüşük. Sıxlıq olsa, ehtiyac yaranacağı təqdirdə xətlərə əlavə avtobuslar buraxılacaq və reyslərin sayı artırılacaq”, deyə Avtovağzaldan bildiriblər. 

Bayramla əlaqədar olaraq, Dəmir yolu vağzalında da əlavə tədbirlər görüləcək. Vağzalın mətbuat xidmətinin rəhbəri Nadir Əzməmmədov Sputnikə verdiyi açıqlamasında ayın 16-dan etibarən qatarlara yeni vaqonların qoşulacağını deyib.

“Müqəddəs Ramazan bayramı ayın 17-də başlasa da biz 1 gün öncədən öz hazırlıq işlərimizi yekunlaşdıracayıq. Yerli istiqamətdə hərəkət edən qatarlara əlavə vaqonlar qoşulacaq. Bu proses iyul ayının 21-dək davam edəcək. Çünki insanların paytaxta qayıtmasını da nəzərə almışıq”, deyə Nadir Əzməmmədov qeyd edib.

27
Teqlər:
Ramazan bayramı, Ramazan, Dəmir Yolu vağzalı, Beynəlxalq Avtovağzal, Nadir Əzməmmədov, Avtovağzal, Azərbaycan

cür qənaət edirsiniz?

0
0
Sitrus bağları

Bakıda sakinlərin illərlə gözlədikləri təbiət hadisəsi Astarada fermerlərin “belini qırıb”

14
(Yenilənib 14:24 09.03.2021)
Təsərrüfatların yenidən əvvəlki vəziyyətinə qayıtması üçün 7-8 il vaxt lazımdır, bu müddət ərzində nə qədər ziyan dəyəcəyini hesablamaq çətindir.

Rahim Muradov, Sputnik Azərbaycan

BAKI, 9 mart — Sputnik. Bir neçə gün əvvəl cənub zonasına yağan qar fəsadsız ötüşməyib. Nəticədə Astara rayonu Şiyəkəran sitrusçularına külli miqdarda ziyan dəyib. Təsərrüfat sahibi Zəibəli Əliyevin Sputnik Azərbaycan-a bildirdiyinə görə təsərrüfatında xeyli sayda limon, naringi və portağal ağacları qarın ağırlığına tab gətirməyərək qırılıb: “İki gün səhərə qədər yatmayıb ağacların üstündəki qarı çırpsaq da xeyri olmadı. Təsərrüfatımda 150 ədəd feyxoa ağacı var idi, qar yağandan sonra təxminən 140-a yaxın ağaclar qırılıb, tökülüb. Bu təkcə mənim təsərrüfatımda belə deyil, rayonda başqa sitrus təsərrüfatlarda da vəziyyət eyni cürdür. Qırılan feyxoa ağacları 25 illik ağaclar idi və hər ağacdan 50-60 kiloqram məhsul yığırdıq. Təsəvvür edin, 150 ağac hərəsi 50 kiloqram meyvə verərsə, hər dərimdə bu 7 tondan artıq məhsul deməkdir. Biz həm də bir neçə dəfə məhsul toplaya bilirdik. Təsərrüfatımın yenidən əvvəlki vəziyyətinə qayıtması üçün isə 7-8 il vaxt lazımdır, bu müddət ərzində bizə nə qədər ziyan dəyəcəyini hesablamaq da çətindir”.

  • Sitrus bağları
    © Sputnik / Rahim Murad
  • Sitrus bağları
    © Sputnik / Rahim Murad
  • Hacıhüseyn Qəhrəmanov
    © Sputnik / Rahim Murad
  • Zəibəli Əliyev
    © Sputnik / Rahim Murad
  • Hacıhüseyn Qəhrəmanov
    © Sputnik / Rahim Murad
1 / 5
© Sputnik / Rahim Murad
Sitrus bağları

Digər təsərrüfatçı Hacıhüseyn Qəhrəmanov təsərrüfatında olan sitrus ağaclarının əksəriyyətini 1993-cü ildə əkib: “Bəziləri isə 80-ci illərdə əkilib. Burada 400-ə yaxın sitrus ağacları var, bunların çoxu portağal ağaclarıdır. Sonuncu dəfə qar yağandan sonra elə ən çox portağal ağacları qırılıb-tökülüb. Mən hər portağal ağacından 70-100 kiloqram arası meyvə toplayardım. Ağacların bəziləri budaqlarından, bəzilərinin isə gövdəsindən sınıb. Türkiyədən gətirdiyim portağal ağacı elə sınıb ki, daha yenidən dirçələ bilməyəcək. Digər bağımda da 250-ə yaxın sitrus meyvəsi ağacları var. Orada da ağacların çoxuna ziyan dəyib. Həmin bağ uzaqda olduğundan və yolun çətinliyindən orada ziyan görmüş ağacları hələ gedib bərpa edə bilmirəm. Bu bağda qırılan ağacları, hansıları ki, bərpa etmək olar onları dayaqlar vasitəsi ilə dikəltmişəm. Bəzilərini isə birləşdirib, bağlayıram”.

© Sputnik / Rahim Murad
Sitrus bağları

Şiyəkəran sakini, sitrus təsərrüfatçısı Tacir Qədirzadə də təsərrüfatına dəydiyi ziyandan Sputnik Azərbaycan-a danışdı: “Məlum olduğu kimi Astaramızda çoxlu sitrus bağları var. Yəni, rayon əhalisinin çoxu sitrusçuluqla dolanır. Sonuncu dəfə 2 gün qar yağması nəticəsində qarın ağırlığına tab gətirməyən bir çox sitrus ağacları qırılıb. Mənim təsərrüfatımda ən çox feyxoa, portağal və naringi ağaclarına ziyan dəyib. Yəni, nəzərə alsaq ki, hər ağacdan 50-60 kiloqram məhsul götürülürdüsə, üzümüzə gələn mövsüm məhsul az və baha ola bilər”.

14