5g texnologiyalar

“5G” texnologiyaları şaxtalarda təhlükəsizliyi artıracaq

12
(Yenilənib 00:38 30.05.2015)
“Ericsson”, “ABB”, “Boliden”, “SICS Swedish ICT” və “Volvo CE” şirkətləri mədənçıxarma sənayesi üçün “Mədənçıxarma sahəsində sənaye mobil rabitəsi üçün pilot layihə” adlı yeni pilot layihə istifadəyə veriblər.

BAKI, 29 may — Sputnik. “Ericsson”, “ABB”, “Boliden”, “SICS Swedish ICT” və “Volvo CE” şirkətləri mədənçıxarma sənayesi üçün “Mədənçıxarma sahəsində sənaye mobil rabitəsi üçün pilot layihə” adlı yeni pilot layihə istifadəyə veriblər.

Layihə “5G” texnologiyalarından rabitə və məsafəli idarəetmə üçün istifadəni nəzərdə tutur.

İştirakçı şirkətlərin ümumi məqsədi əmək məhsuldarlığını artırmağa imkan verən həllərin axtarışı və İsveç mədənçıxarma sahəsində işlərin təhlükəsizliyinin təminidir.

İlkin mərhələdə hazırlanan “5G” sistemləri "Boliden” şirkətinə məxsus şaxtada filizin nəqli üçün istifadə olunan yük maşınlarının distansiyalı idarəetməsi üçün tətbiq ediləcək.

Yeni pilot layihə cari ilin martında istifadəyə verilən “İsveç üçün 5G” proqramının tərkib hissəsidir. Proqram çərçivəsində böyük sənaye şirkətləri, universitetlər və tədqiqat institutları məqsədi informasiya-kommunikasiya texnologiyalarının (İKT) “5G” standartları əsasında inkişafı olan birgə iş aparırlar. Bundan əlavə, proqram sənayenin rəqəmləşmə tempinin sürətləndirilməsinə yönəlib. Təşəbbüs çərçivəsində nəticələri müxtəlif sahələrdə tətbiq ediləcək tədqiqatlar aparılır. “5G” texnologiyalarından istifadə İsveç şirkətlərinin İKT-dən məhsul və xidmətlərdə effektiv inkişaf və istifadə sayəsində rəqabət qabiliyyətini artıracaq. 

“Texnologiyanın uğurlu tətbiqi təhlükəsizliyi artıra bilər. Qoşulmuş kompüter və qurğularının sayının artması yer altında çalışan insanların sayının azalmasına səbəb olacaq. Əlavə qurğuların tətbiqini tələb etməyən inteqrasiya işləri yerin üstündə və altında təhlükəsiz və daha məhsuldar aparmağa imkan verəcək, eləcə də yaxşı monitorinqi və məsafəli idarəetməni təmin edəcək”, — “İsveç üçün 5G” proqramının meneceri Torbern Lundal deyib.  

12
Teqlər:
kompüter, rabitə, ilkin mərhələ, pilot layihə, xidmət, məhsul, şaxta, Volvo, Boliden, Ericsson, İsveç
Yarmarka

Deputat bahalaşma ilə bağlı həyəcan təbili çaldı

7
"Heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır. Dünyada bayramlar zamanı qiymətlər düşür, bizdə isə əksinədir"

Xalid Məmmədov, Sputnik Azərbaycan

BAKI, 9 mart — Sputnik. "Benzinin qiyməti cəmi 10 qəpik bahalaşdı, amma bundan sonra monopolistlər hər gün qiymətləri bahalaşdırmağa başladılar. Hər gün demək olar ki, eyni məhsullar müəyyən qədər bahalaşır".

Sputnik Azərbaycan xəbər verir ki, bunu Milli Məclisin bu gün keçirilən iclasında deputat Əli Məsimli deyib.

Deputat qeyd edib ki, heç olmasa Novruz bayramında sosial təminata ehtiyacı olan ailələrin süfrə açmasına imkan yaratmaq lazımdır: "Dünyada bayramlar zamanı qiymətlər düşür, bizdə isə əksinədir. Dünyada qiymətləri aşağı salanlar itirmirlər, əksinə qazanırlar. Dünya təcrübəsini artıq biz də tətbiq etməliyik. İqtisadi azadlıqları genişləndirməklə ölkədə məhsul bolluğu yaratmalıyıq. Ən əsası monopoliyaya son qoyulmalı, bəzi işbazların fəaliyyətinin qarşısı alınmalıdır".

7
Azərbaycanlı müğənni Səidə Sultan

Azərbaycanlı müğənni karantin qaydalarını pozdu

9
Görüntülərdən aydın olur ki, əyləncə zamanı karantin qaydaları kobud şəkildə pozulub, sosial məsafə qaydalarına əməl edilməyib

 

BAKI, 9 mart — Sputnik. Ötən gün Bakıda 8 Mart – Beynəlxalq Qadınlar Günü münasibəti ilə daha bir əyləncə gecəsi təşkil edilərək karantin qaydaları kobud şəkildə pozulub.

Sputnik Azərbaycan "oxu.az"a istinadən xəbər verir ki, restoranların birində səhnə alan Səidə Sultan həm də burada doğum gününü qeyd edib.

Görüntülərdən aydın olur ki, əyləncə zamanı karantin qaydaları kobud şəkildə pozulub, sosial məsafə qaydalarına əməl edilməyib.

9
Yeni Azərbaycan Partiyasının inzibati binası

Parlament sədri: “YAP-ın qurultayında mühüm qərarlar qəbul edilib”

0
"Məmnunluq hissi ilə qeyd etmək istəyirəm ki, partiyamızın yeni Nizamnaməsinə uyğun olaraq, Yeni Azərbaycan Partiyasının sədri cənab İlham Əliyevin Sərəncamı ilə Mehriban xanım Əliyeva partiya sədrinin birinci müavini təyin edilib"

Xalid Məmmədov, Sputnik Azərbaycan

BAKI, 9 mart — Sputnik. "Martın 5-də Yeni Azərbaycan Partiyasının VII qurultayı keçirilib. Mən YAP-ın qurultayı münasibətilə partiyanın bütün üzvlərini ürəkdən təbrik edirəm. Qurultayda Yeni Azərbaycan Partiyasının sədri, Azərbaycan Respublikasının Prezidenti cənab İlham Əliyev geniş nitqlə çıxış edib". Sputnik Azərbaycan xəbər verir ki, bunu Milli Məclisin Sədri Sahibə Qafarova parlamentin bu gün keçirilən iclasında deyib.

"Proqram xarakteri daşıyan bu nitqdə ulu öndər Heydər Əliyevin adı ilə bağlı olan partiyanın yaranma tarixinə, ölkəmizin ictimai-siyasi inkişafında oynadığı son dərəcə mühüm rola nəzər salınıb, Azərbaycanın siyasi, iqtisadi və hərbi potensialının gücləndirilməsi, dünyanın hesablaşdığı nüfuzlu bir dövlətə çevrilməsi üçün görülmüş işlərdən, qarşıda dayanan vəzifələrdən bəhs edilib"-deyə o qeyd edib.

Sədr bildirib ki, bu gün biz qürurla söyləyirik ki, müzəffər Ali Baş Komandan İlham Əliyevin rəhbərliyi ilə Azərbaycan Silahlı Qüvvələri ölkəmizin başlıca problemini həll edib, 30 ilə yaxın müddətdə Ermənistanın işğal altında saxladığı torpaqlarımızı azad edib, dövlətimizin ərazi bütövlüyünü bərpa edib. Bununla da ölkəmizdə və bölgədə tamamilə yeni geosiyasi vəziyyət yaranıb. Möhtərəm Prezidentimizin dediyi kimi, biz bütün addımlarımızı düzgün atmalıyıq ki, daim qələbə qazanaq, Azərbaycan bayrağı daim yüksəklərdə olsun.

O qeyd edib ki, qurultayda bir sıra mühüm qərarlar qəbul edilib, struktur və kadr dəyişiklikləri həyata keçirilib: "Məmnunluq hissi ilə qeyd etmək istəyirəm ki, partiyamızın yeni Nizamnaməsinə uyğun olaraq, Yeni Azərbaycan Partiyasının sədri cənab İlham Əliyevin Sərəncamı ilə Mehriban xanım Əliyeva partiya sədrinin birinci müavini təyin edilib. Mən bütün həmfikirlərim adından Mehriban xanım Əliyevanı təbrik edir, bu şərəfli və məsul vəzifədə ona uğurlar arzulayıram. Eyni zamanda, partiyanın rəhbər orqanlarına seçilmiş həmkarlarımızı təbrik edirəm. İnanıram ki, onlar bu yüksək etimadı öz fəaliyyətləri ilə doğruldacaqlar".

"Yeni Azərbaycan Partiyası xalqın istək və arzularını təcəssüm etdirən siyasi qüvvə kimi tarixi zərurətdən yaranmış, vətənpərvərlik, əqidə birliyi, dövlət müstəqilliyi və suverenlik, azərbaycançılıq ideyalarının möhkəm təməli üzərində inkişaf etmiş və ölkəmizin siyasi həyatında indiki mövqeyinə yüksəlib. Mən əminəm ki, Yeni Azərbaycan Partiyasının üzvləri möhtərəm Prezidentimiz, partiyamızın sədri cənab İlham Əliyevin həyata keçirdiyi möhtəşəm işləri və yeni quruculuq siyasətini dəstəkləmək üçün onun ətrafında daha sıx birləşərək Azərbaycanın xoşbəxt gələcəyi naminə bundan sonra da var qüvvələrini sərf edəcəklər"-deyə o əlavə edib.

 

0