Rusiya sülhməramlılarının komandanı Rüstəm Muradov missiyasını başa vurur

52
R.Muradov 2020-ci il noyabrın 10-dan Dağlıq Qarabağ və Laçın dəhlizi bölgəsində müşahidə aparacaq Rusiya Ordusunun sülhməramlı missiyanın rəhbəri təyin olunub.

BAKI, 6 sentyabr — Sputnik. Qarabağdakı Rusiya sülhməramlı kontingentinin komandanı vəzifəsini başa vuran general-leytenant Rüstəm Muradov Ermənistanın müdafiə naziri Arşak Karapetyanla görüşüb.

Sputnik Armeniya-nın verdiyi xəbərə görə, görüşdə Muradovu kimin əvəz edəcəyi açıqlanmayıb, ancaq hələ may ayında Aleksey Avdeyevin rus sülhməramlılarının yeni komandanı ola biləcəyi barədə xəbərlər yayılmışdı.

Görüşdə Qarabağdakı sülhməramlı missiyanın gedişi, Ermənistan-Azərbaycan sərhədindəki vəziyyət müzakirə edilib.

Rüstəm Usmanoviç Muradov 21 mart 1973-cü ildə Dərbənd rayonunun Çinar kəndində anadan olub. Əslən Dağıstanın Tabasaran bölgəsinin Xanak kəndindəndir. Atası 1966-cı ildə Cənubi Dağıstanda zəlzələdən sonra Tabasaran rayonundan Çinara köçmüşdür. Burada ailə qurmuşdur. Ailənin üç oğlu var. Rüstəm əvvəlcə Çinar orta məktəbində, sonra Mahaçqaladakı 16 saylı məktəbdə təhsil alıb.

Kazan suvorov hərbi məktəbinin məzunudur. Daha sonra Novoçerkasskdakı kursantlar məktəbini bitirib. 1990-cı ildən bəri hərbi xidmətdədir. Fərqlənmə ilə S.M. Kirov adına Leninqrad Ali Birləşdirilmiş Silahlı Qüvvələrin Komandanlığı Məktəbini (1995),[9] Birləşdirilmiş Silahlı Qüvvələrin Akademiyasını və Rusiya Federasiyası Silahlı Qüvvələri Baş Qərargahının Hərbi Akademiyasını (2015) bitirib.

Hər iki Çeçen müharibəsində iştirak edib. İki Cəsarət ordeni ilə mükafatlandırılıb.

2020-ci il noyabrın 10-dan Dağlıq Qarabağ və Laçın dəhlizi bölgəsində müşahidə aparacaq Rusiya Ordusunun sülhməramlı missiyanın rəhbəri təyin olunub.

Həmçinin oxuyun:

Rüstəm Muradov Xankəndində azərbaycanlı hərbçiyə baş çəkdi

52
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Sputnik Azərbaycan TÜRKSOY-un mükafatına layiq görülüb

433
(Yenilənib 16:16 25.09.2021)
Mükafatlandırılanlar arasında həmçinin Türkiyənin Haber Global-ın əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri də var.

BAKI, 25 sentyabr - Sputnik. Qırx dörd günlük Vətən müharibəsi zamanı məlumatların dünya ictimaiyyətinə obyektiv çatdırılmasına görə Sputnik Azərbaycan informasiya agentliyi Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatına layiq görülüb.

Mükafatlandırma mərasimi Beynəlxalq Muğam Mərkəzində keçirilib. Mərasimdə yerli və beynəlxalq media nümayəndələri təltif olunublar.

Tədbirin əvvəlində şəhidlərin xatirəsi bir dəqiqəlik sükutla yad olunub. Daha sonra şəhid-jurnalistlərin fəqliyyətinə həsr olunmuş videoçarx nümayiş olunub.

  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
1 / 6
© Sputnik / Murad Orujov
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Tədbirdə çıxış edən mədəniyyət naziri Anar Kərimov iki gün sonra Vətən müharibəsinin başlanmasının ildönümünü olacağını yada salıb:

“Biz müzəfər Azərbaycan ordusuna və Ali baş komandana minnətdarıq. Bu təkcə Azərbaycan-ın ərazi bütövlüyünün bərpası deyil, həm də şərəf məsələsi idi. İnformasiya müharibəsində bizə dəstək olan hər kəsə minnətdarlığımı bildiriəm”, - deyə Kərimov vurğulayıb.

Daha sonra tədbirdə TÜRKSOY-un baş katibinin müavini Bilal Çakıcı çıxış edərək KİV nümayəndələrinə minnətdarlığını ifadə edib.

Şəhid jrunalistlər – AZƏRTAC-ın müxbiri Məhərrəm İbrahimov və AzTV-nin operatoru Cirac Abışovun ailələrinə “TURKSOY Press Award” mükafatı təqdim olunub.

Mükafatlandırılanlar arasında həmçinin Türkiyənin Haber Global televiziyasının əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri olub.

Sentyabrın 26-da bütün mükafatlandırılmış KİV nümayəndələri Şuşa şəhərinə səyahət edəcəklər.

433
Teqlər:
TÜRKSOY
Gennadi Anaşkin

Sülhməramlıların komandanı yenə dəyişdi

2610
(Yenilənib 14:15 25.09.2021)
Bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

BAKI, 25 sentyabr - Sputnik. Azərbaycan ərazisində müvəqqəti olaraq yerləşdirilmiş Rusiya sülhməramlı kontingentinə yeni komandan təyin olunub.

Sputnik Armenia-nın verdiyi xəbərə görə, komandan vəzifəsinə general-leytenant Gennadi Anaşkin təyin olunub.

General-leytenant Gennadi Anaşkin 1968-ci ildə Rusiyanın Samara (Kuybışev) şəhərində anadan olub.

1993-cü ildə Ryazan ali hava-desant məktəbini bitirib. 2017-ci ildən Cənub hərbi dairəsinin 8-ci ümumqoşun ordusu komandanının müavini olub. Rusiya Federasiyasının qəhrəmanıdır.  

Qeyd edək ki, bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

Həmçinin oxuyun:

Qarabağdakı Rusiya sülhməramlılarına yeni komandan təyin edilib

 

 

2610
Teqlər:
sülhməramlı, sülhməramlılar
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var

0
(Yenilənib 23:07 25.09.2021)
Avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

BAKI, 25 sentyabr — Sputnik. Yanvar-avqust aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.

Energetika Nazirliyindən Sputnik Azərbaycan-a verilən məlumata görə, 8 ayda respublikada elektrik enerjisinin istehsalı 18 milyard 612,4 milyon kilovat/saat olub.

Hesabat dövründə ötən ilin eyni aylarına nisbətən elektrik enerjisinin istehsalı İES-lərdə 994,2 milyon kilovat/saat artaraq 17 milyard 409,7 milyon kilovat/saat, SES-lərdə 120,3 milyon kilovat/saat çoxalaraq 966,9 milyon kilovat/saat, digər mənbələr (KES, GES və BMTYZ) üzrə isə 4,8 milyon kilovat/saat azalaraq 235,8 milyon kilovat/saat olub.

Qeyd edək ki, təkcə avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

Ay ərzində elektrik enerjisinin ixracı 150,6 milyon kilovat/saat, idxalı isə 10,5 milyon kilovat/saat təşkil edib.

Həmçinin oxuyun:

Bərpa olunan Laçın SES kimə işıq verəcək?

0
Teqlər:
İES, SES