CƏMİYYƏT
Cəmiyyətin həyatında baş verən aktual hadisələr

İşğaldan azad olunmuş Qubadlı rayonunun Dondarlı kəndindən videogörüntülər

Abunə olmaq
Vətən müharibəsi zamanı rayonun 41 kəndi Ermənistan işğalından azad olunub. 25 oktyabr 2020–ci ildə Qubadlı şəhəri düşmən tapdağından qurtulub.
BAKI, 4 sentyabr — Sputnik. Azərbaycan Respublikasının Müdafiə Nazirliyi Qubadlı rayonunun işğaldan azad edilmiş Dondarlı kəndindən videogörüntülər paylaşıb.
Sputnik Azərbaycan Müdafiə Nazirliyinin mətbuat xidmətinə istinadla həmin görüntüləri təqdim edir.
Qeyd edək ki, Qubadlı rayonu 31 avqust 1993-cü ildə Ermənistan silahlı birləşmələri tərəfindən işğal olunub.
Qubadlı rayonu ilə Bakı arasında olan məsafə 403 kilometrdir. Qubadlı rayonu Azərbaycan Respubikasının cənub-qərbində, Qarabağ yaylasının cənub şərqində yerləşir. Ermənistan Respublikası ilə (120km) Xocavənd rayonu ilə (45km), Laçın, Cəbrayıl və Zəngilan rayonları ilı həmsərhəddir.
Rayon ərazisindən iki böyük dağ çayı keçir. Həkəri-Bərgüşad. Həkəri çayı öz mənbəyini Kəlbəcərdən götürüb. Araza qovuşana kimi bir çox dağ çayları ona qovuşur.
25 oktyabr 2020–ci ildə Qubadlı şəhəri, ikinci Qarabağ müharibəsi ərzində rayonun 41 kəndi Ermənistan işğalından azad olunub. Qubadlı rayonu üzərində Azərbaycanın suverenliyi bərqərar olub, Azərbaycan Respublikasının ərazi bütövlüyü bərpa edilib.
Həmçinin oxuyun:
Qubadlı rayonunun Çardaqlı kəndindən videogörüntülər
Xəbər lenti
0