Azərbaycan və Türkiyə ordularının birgə əməliyyat-taktiki təlimləri, arxiv şəkli

Hərbi ekspert: "TurAz Şahini-2021" təlimləri Ermənistana göz dağı olacaq

64
(Yenilənib 15:58 02.09.2021)
"Bu təlimlər ilk dəfə keçiriləndə Azərbaycan pilotları Türkiyə - Ermənistan sərhədində təlim keçirmək imkanı əldə etdilər. Ərazinin, iqlim şəraitinin tanınması və əməliyyatlar teatrının tanış olunması baxımından bu da olduqca əhəmiyyətli idi".

BAKI, 2 sentyabr — Sputnik. Azərbaycan və Türkiyə Hərbi Hava Qüvvələrinin (HHQ) iştirakı ilə "TurAz Şahini-2021" birgə taktiki uçuş təlimləri start götürür. Konya şəhərində keçiriləcək təlimlərə Azərbaycan HHQ-nin 2 ədəd MiQ-29 və 2 ədəd Su-25 döyüş təyyarəsi ilə qatılacaq. Sentyabrın 17-i başa çatacaq təlimlərə maraq olduqca böyükdür. Sputnik Azərbaycan təlimlər, onların əhəmiyyəti barədə hərbi ekspert Ədalət Verdiyevlə həmsöhbət olub.

© Photo : Courtesy of Adalyat Verdiev
Ədalət Verdiyev

Ədalət Verdiyev xatırladıb ki, Azərbaycan 2015-ci ildən bəri "TurAz Şahini" təlimlərində iştirak edir:

"Bu təlimlər Azərbaycan Hərbi Hava Qüvvələri (HHQ) pilotlarının ölkə sərhədindən kənarda qatıldığı ilk aviasiya təlimləri olub. Təlimlər bir qayda olaraq Türkiyənin Konya şəhərində keçirilir. Kifayət qədər potensiala malik Konya aviabazasında Türkiyənin fərqli silah sistemləri, aviasiya vasitələri yerləşir. Orada "F-16"-lardan ibarət eskadrilya, "Solo" pilotaj qrupu, "Freedom" qırıcıları ilə silahlanan "Türk ulduzları", helikopterlərdən ibarət 135-ci atəş eskadrilyası da burdadır. Bu bazada, dünyanın əksər ölkələrində olmayan təyyarələr də var. Onlardan biri də "Boeing Awacs" erkən xəbərdarlıq və nəzarət təyyarələrdir. Türkiyə davamlı olaraq "TurAz Şahini" təlimlərində bu təyyarələrdən də istifadə edir".

Hərbi ekspert bildirib ki, təlimlər iki ölkənin Hərbi Hava Qüvvələri arasında qarşılıqlı əlaqə, birgə uçuş imkanlarının araşdırılması, döyüş hazırlığının yüksəldilməsi ilə bərabər, Azərbaycan HHQ pilotlarının NATO qırıcıları və erkən xəbərdarlıq təyyarələri ilə tanış olmasına imkan verir:

"Azərbaycanda bu növ təyyarələr olmadığına görə bu təlimlərdə iştirak çox önəmlidir. "TurAZ Şahini" ilk dəfə keçiriləndə Azərbaycan pilotları Türkiyə - Ermənistan sərhədində təlim keçirmək imkanı əldə etdilər. Ərazinin, iqlim şəraitinin tanınması və əməliyyatlar teatrının tanış olunması baxımından bu da olduqca əhəmiyyətli idi".

Onun sözlərinə görə, hər iki ölkənin pilotları bir neçə növdə keçirilən təlimlərdə iştirak etdiyi halda Ermənistanın Vətən Müharibəsi zamanı məğlubiyyətə məruz qaldığı halda belə qırıcılarını havaya qaldırmağa cürət etməmişdi:

"Bu təlimlər Ermənistana və onu silahlandıran tərəfdaşlarına növbəti göz dağı olacaq".

Ədalət Verdiyevin fikrincə, Şuşa və Bakı bəyannamələrindən sonra birgə, çoxtərəfli təlim prosesləri həm Türkiyə ilə, həm də digər tərəfdaşlarla intensiv şəkildə həyata keçiriləcək:

"Bu təlimlər ilk növbədə qardaş ölkələrin, tərəfdaş ölkələrin hərbi qulluqçularını bir-birinə daha da yaxınlaşdırır, dostluq, qardaşlıq münasibətlərini daha da gücləndirir. Ən əsası isə birgə əməliyyatlarda fəaliyyət göstərmək üçün potensialımızı artırır. Digər tərəfdən texniki və təminat heyətləri də bu təlim vasitəsilə praktiki bilgilər əldə edirlər. Fərqli silah sistemləri ilə, fərqli aviasiya sistemlərinə göstəriləcək servis xidmətləri ilə tanış olurlar".

Həmçinin oxuyun:

Azərbaycan hərbi təyyarələri təlimlər üçün Türkiyəyə yola düşüb

64
Teqlər:
hərbi, Hərbi təlim

İƏT nümayəndə heyəti Şuşa şəhərindədir

92
(Yenilənib 14:39 16.09.2021)
Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

BAKI, 16 sentyabr — Sputnik. İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoçun rəhbərlik etdiyi nümayəndə heyəti Şuşa şəhərindədir.

11:11

Azərbaycanın Ombudsmanı Səbinə Əliyevanın dəvəti ilə Azərbaycanda səfərdə olan İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoçun rəhbərlik etdiyi nümayəndə heyəti Şuşaya yola düşüb.

"Report"un xəbərinə görə, səfər çərçivəsində qonaqlar Şuşada faktaraşdırıcı missiya həyata keçirəcəklər.

Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

Qeyd edək ki, İƏT və Pakistan Ombudsman nümayəndə heyətləri işğaldan azad edilmiş ərazilərdə faktaraşdırıcı missiya aparılması məqsədilə ölkəmizə səfərə gəlib. Sentyabrın 19-dək davam edəcək səfər çərçivəsində bir sıra rəsmi görüşlərin keçirilməsi nəzərdə tutulub.

Həmçinin oxuyun:

Əliyev İƏT-ə səsləndi - Sizi də görmək istərdik

Şuşa yeni festivala hazırlaşır

Şuşa yolunun inşası tamamlanmaq üzrədir

92
Teqlər:
zərif cins, sosial
Nikol Paşinyan, arxiv şəkli

Paşinyan Azərbaycanın qərarını dəstəklədi

5412
(Yenilənib 18:11 15.09.2021)
Paşinyan hesab edir ki, razılaşma mətnində xarici yüklərin keçidinə dair müddəa yer almadığından Azərbaycan bu mexanizmi tətbiq edir.

BAKI, 15 sentyabr — Sputnik. Ermənistanın Baş naziri Nikol Paşinyan Gorus-Qafan yolunda Azərbaycanın nəzarətində olan ərazidə İran yük maşınlarının yoxlanılmasının mümkün səbəbini açıqlayıb. Bu barədə Sputnik Ermənistan xəbər verir.

Paşinyan xatırladıb ki, 2020-ci ilin dekabrında Ermənistan Silahlı Qüvvələri Sovet Ermənistanından miras qalan sərhədə geri çəkilib: "Gorus – Qafan yolu iki hissədə Ermənistan Respublikası və ya Sovet Ermənistanının sərhədini keçir".

Paşinyan bildirib ki, dekabrda bu yolun nəqliyyat vasitələri tərəfindən sərbəst şəkildə istifadə edilməsi və malların tranziti üçün razılıq əldə edilib.

"Hesab edirəm ki, razılaşma mətnində xarici yüklərin keçidinə dair müddəa yer almadığından, Azərbaycan bu mexanizmi tətbiq edir", - deyə Ermənistan Baş naziri vurğulayıb.

Paşinyanın sözlərinə görə, bölgədəki kommunikasiyaların açılmalı olduğunu qəbul edən Ermənistan, ölkə sərhədindən keçən xarici malların MDB-nin hüquqi çərçivəsinə uyğun olaraq gömrük, pasport və digər məntəqələrdən keçməli olduğunu qeyd edir.

Sentyabrın 13-ü Dövlət Gömrük Komitəsi məlumat yayaraq Azərbaycan Respublikasının ərazisindən keçən nəqliyyat vasitələrindən yol vergisi və digər gömrük ödənişlərinin alınması ilə bağlı bir sıra KİV-də yayılan məlumatlarla əlaqədar bildirib ki, Azərbaycan Respublikasının Vergi Məcəlləsinin 210-cu maddəsinə əsasən Azərbaycan Respublikasının ərazisinə daxil olan və Azərbaycan Respublikasının ərazisini tərk edən zaman xarici dövlətlərin avtonəqliyyat vasitələri yol vergisinin vergitutma obyektidir.

Bu Məcəlləyə əsasən avtonəqliyyat vasitələri yol vergisinə, "Dövlət rüsumu haqqında" Azərbaycan Respublikasının Qanununun 24-cü maddəsinə əsasən Azərbaycan Respublikası ərazisində beynəlxalq avtomobil daşımalarını tənzimləyən icazənin verilməsi üçün dövlət rüsumuna cəlb edilir.

Hazırda gömrük orqanları tərəfindən qanunvericilikdə bu istiqamətdə nəzərdə tutulan müddəaların yerinə yetirilməsi bütün ölkə ərazisi üzrə təmin olunur.

Həmçinin oxuyun: 

* Gorus-Qafan yolu ilə Azərbaycan ərazisinə qanunsuz keçən iranlı sürücülər saxlanılıblar

DGK Gorus-Qafan yolunda İran maşınlarından rüsum alınmasına münasibət bildirib

5412
Kimsəsiz insanlar, arxiv şəkli

Səyavuş Aslanın küçədə gecələyən oğlu sosial müəssisəyə yerləşdiriləcək

0
(Yenilənib 14:53 16.09.2021)
"Onun küçədə gecələməməsi, sığınacağa yenidən cəlb olunması üçün əməkdaşlarımıza təlimat verilib""Onun küçədə gecələməməsi, sığınacağa yenidən cəlb olunması üçün əməkdaşlarımıza təlimat verilib"

BAKI, 16 sentyabr — Sputnik. Sosial Xidmətlər Agentliyi küçədə gecələyən xalq artisti Səyavuş Aslanın oğlu Çingiz Aslanovla bağlı açıqlama verib.

Sputnik Azərbaycan-ın məlumatına görə, Agentliyin mətbuat katibi Murad Haşımov bildirib ki, bu barədə sosial şəbəkədəki paylaşımlara əsasən dərhal məsələ nəzarətə götürülüb:

"Sosial şəbəkələrdə və xəbər saytlarında mərhum aktyor, xalq artisti Səyavuş Aslanın oğlu Çingiz Aslanovla bağlı məlumat paylaşılır. Onun küçədə qalması, çətin həyat şəraiti ilə üzləşdiyi bildirilir. Məlumat vermək istəyirəm ki, Çingiz Aslanov daha əvvəl həssas əhali qruplarından olan şəxslər üçün sığınacaq və sosial reabilitasiya müəssisəsində olub. Orada yaşayış üçün zəruri xidmətlərlə əhatələnib. Lakin şəxsi seçimləri səbəbindən öz istəyi ilə sığınacağı tərk edib".

Haşımov bildirib ki, onun küçədə gecələməməsi, sığınacağa yenidən cəlb olunması üçün Agentliyin əməkdaşlarına təlimat verilib.

"Artıq Əmək və Əhalinin Sosial Müdafiəsi Nazirliyinin tabeliyində Sosial Xidmətlər Agentliyinin əməkdaşları əraziyə göndəriliblər. Çingiz Aslanovun özünün də razılığı olarsa, yenidən müəssisəyə cəlbini həyata keçirməyə hazırıq. Məlumat verən hər kəsə təşəkkür edirik!", - deyə Sosial Xidmətlər Agentliyinin rəsmisi bildirib. 

 

0