Ballıqaya faciəsinin şahidi Binnət Mehtiiyevin təqdim etdiyi fotolar

Erməni vəhşiliyi şahidlərin dili ilə: bir gecədə iyirmi dörd azərbaycanlı necə qətl edildi

47
(Yenilənib 12:51 28.08.2021)
Hadisə günü Ermənistan ordusunun 10-12 nəfərdən ibarət diversiya dəstəsi əraziyə daxil olaraq 24 insanı amansızlıqla qətlə yetirib yandırmış, 9 nəfəri isə ağır yaralamışdı. Şahidlər gördüklərini Sputnik Azərbaycan-la bölüşüblər.

BAKI, 28 avqust — Sputnik. 18 may 1992-ci il tarixində Ermənistan Respublikasının silahlı birləşmələri tərəfindən Laçın rayonu işğal edildikdən sonra rayonun əhalisi Azərbaycanın müxtəlif bölgələrində məcburi köçkün həyatı yaşamağa məcbur oldu. Əsasən heyvandarlıqla məşğul olan rayon sakinləri daha çox bu fəaliyyət növü üçün əlverişli olan Ağcabədi, Beyləqan, Bərdə, Goranboy və digər ətraf ərazilərdə məsukunlaşmışdılar. 1992-ci ilin avqust ayında Goranboy rayonunun Ballıqaya kəndində çadırda məskunlaşan Laçın rayon sakinləri də buraya bu məqsədlə gəlmişdilər...

Vətən müharibəsi dövründə Gəncədə, Bərdədə dinc əhaliyə qarşı raket hücumlarını hər kəs yaxşı xatırlayır. Eynilə illər əvvəl Ballıqayada ermənilər tərəfindən dinc sakinlərə qarşı törədilən terror kimi.

Hadisə şahidi Məmmədyar Alməmmədov Sputnik Azərbaycan-ın bölgə müxbirinə o gecə baş verənləri bu cür nəql edib: “1992-ci ildə, haradasa avqustun 23-24-ü gəldik Ballıqaya ərazisinə. Oraya gələndən sonra həmin ərazidə iki gün qaldıq. Mən gəldim Bərdəyə. Uşaqlarımın ikisi də orada idi. Mənim qardaşım Məzahir uşaqlarımı da götürüb gəldi ki, "Məmmədyar, gedək, oradakıları gətirək. Orada qalmayaq, köçək. Erməni yaxınlıqdadır”.

© Sputnik / Emin Alisahib
Ballıqaya faciəsinin şahidi Məmmədyar Alməmmədov

Qardaşının gəlişindən sonra narahat qaldığını deyir müsahibim. Cəmi bir gün sonra Məmmədyar yola düşür ki, ailəsini Ballıqayadan rayonların birinə gətirsin. Amma mənzil başına çatanda gözlərinə və gördüklərinə inanmır:

“Getdim çıxdım hadisənin üstünə. Ermənilər bir gecənin içində 24 nəfəri qətl etmişdilər. Onlar arasında mənim dayım, onun uşaqları, dayımın yoldaşı, anamın əmisi uşaqları da vardı. Qətlə yetirilənlərdən dörd nəfəri isə mənim öz ailə üzvüm idi. Biri atamın anası, biri mənim öz anam, ikisi də bacım. Həmin faciədə qətlə yetirilmişdilər”.

Doğmalarını faciə zamanı itirən Binnət Mehdiyevin isə həmin gecə doğum günü imiş: "Yaşımın üstünə yaş gələcəkdi. Haradan biləydim ki, yaşımın üstünə yas gələcək, o gecə məndən doğmalarımı alıb qoparacaq və məni ömür boyu gözüyaşlı qoyacaq... Heç ağlıma da gəlməzdi ki, mən hər ilin həmin günü, doğum günümdə dəfələrlə ölüb-diriləcəyəm".

© Sputnik / Emin Alisahib
Ballıqaya faciəsinin şahidi Binnət Mehtiiyev

“Mən öz həyat yoldaşımı, atamı, anamı, iki qardaşımı, bacımı, əmimin həyat yoldaşını, əmimin oğlunu, gəlinini, qızını, xalamın yoldaşı, oğlu və qızını, bibimin qaynanasını, əmim nəvəsi, onların iki qızını, bibimin iki qızını itirmişdim. Əmim nəvəsi Vəzirin o gecə 6 uşağı, ailəsi yanıb, külə dönmüşdü”.

Hər iki müsahibimiz bu il Ballıqaya faciəsinin acısının sanki bir az azaldığını deyir. Bildirirlər ki, indi az da olsa, təsəlli tapıblar. Artıq torpaqlarımız yağı tapdağından azad edilib. Zəfər çalmışıq və elə hesab edirik ki, indi Ballıqaya faciəsində ermənilər tərəfindən vəhşicəsinə qətlə yetirilən doğmalarımızın ruhu da rahatlıq tapıb. Axı indi onların qisası alınıb.

Məmmədyar Alməmmədov:  “Şükür ki, onların qisası alındı. Allah şəhidlərimizə rəhmət eləsin! Ordumuza da cansağlığı versin! Şükür ki, bu günü bizə yaşatdılar”.

  • Ballıqaya faciəsinin şahidi Binnət Mehtiiyevin təqdim etdiyi fotolar
    © Sputnik / Emin Alisahib
  • Ballıqaya faciəsinin şahidi Binnət Mehtiiyev
    © Sputnik / Emin Alisahib
  • Ballıqaya faciəsinin şahidi Binnət Mehtiiyevin təqdim etdiyi fotolar
    © Sputnik / Emin Alisahib
1 / 3
© Sputnik / Emin Alisahib
Ballıqaya faciəsinin şahidi Binnət Mehtiiyevin təqdim etdiyi fotolar

Binnət Mehtiyev: “Allah bütün şəhidlərimizə rəhmət eləsin! Allah o yaralılarımızın, qazilərimizin, canını sağ eləsin! Allah ordumuza dəyməsin! Allah dövlətimizi qorusun! Təskinliyimizi tapdıq ki, bu hadisələrin qisası alındı”.

Qeyd edək ki, ermənilərin dinc azərbaycanlılara qarşı törətdiyi Ballıqaya faciəsi zamanı düşmənlər 93 yaşında qoca qadına da aman verməyiblər. Ümumilikdə öldürülənlərin əksəriyyəti uşaqlar, qadınlar və qocalar olub.

Xatırladaq ki, hadisə günü Ermənistan ordusunun 10-12 nəfərdən ibarət diversiya dəstəsi əraziyə daxil olaraq 24 insanı amansızlıqla qətlə yetirib, 9 nəfəri isə ağır yaralayıb. Qətlə yetirilən və ağır bədən xəsarəti alan şəxslərin hamısı heyvandarlıqla məşğul olan mülki şəxslər, çobanlar və onların ailə üzvləri idi. Qətliam zamanı mülki şəxslərə atıcı və ağır silahlardan atəş açılıb, onların meyitləri və şəxsi əşyaları yandırılıb.

Eləcə də oxuyun:

47
Teqlər:
faciə, Laçın, qətliam, erməni terroru
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Sputnik Azərbaycan TÜRKSOY-un mükafatına layiq görülüb

435
(Yenilənib 16:16 25.09.2021)
Mükafatlandırılanlar arasında həmçinin Türkiyənin Haber Global-ın əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri də var.

BAKI, 25 sentyabr - Sputnik. Qırx dörd günlük Vətən müharibəsi zamanı məlumatların dünya ictimaiyyətinə obyektiv çatdırılmasına görə Sputnik Azərbaycan informasiya agentliyi Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatına layiq görülüb.

Mükafatlandırma mərasimi Beynəlxalq Muğam Mərkəzində keçirilib. Mərasimdə yerli və beynəlxalq media nümayəndələri təltif olunublar.

Tədbirin əvvəlində şəhidlərin xatirəsi bir dəqiqəlik sükutla yad olunub. Daha sonra şəhid-jurnalistlərin fəqliyyətinə həsr olunmuş videoçarx nümayiş olunub.

  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
1 / 6
© Sputnik / Murad Orujov
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Tədbirdə çıxış edən mədəniyyət naziri Anar Kərimov iki gün sonra Vətən müharibəsinin başlanmasının ildönümünü olacağını yada salıb:

“Biz müzəfər Azərbaycan ordusuna və Ali baş komandana minnətdarıq. Bu təkcə Azərbaycan-ın ərazi bütövlüyünün bərpası deyil, həm də şərəf məsələsi idi. İnformasiya müharibəsində bizə dəstək olan hər kəsə minnətdarlığımı bildiriəm”, - deyə Kərimov vurğulayıb.

Daha sonra tədbirdə TÜRKSOY-un baş katibinin müavini Bilal Çakıcı çıxış edərək KİV nümayəndələrinə minnətdarlığını ifadə edib.

Şəhid jrunalistlər – AZƏRTAC-ın müxbiri Məhərrəm İbrahimov və AzTV-nin operatoru Cirac Abışovun ailələrinə “TURKSOY Press Award” mükafatı təqdim olunub.

Mükafatlandırılanlar arasında həmçinin Türkiyənin Haber Global televiziyasının əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri olub.

Sentyabrın 26-da bütün mükafatlandırılmış KİV nümayəndələri Şuşa şəhərinə səyahət edəcəklər.

435
Teqlər:
TÜRKSOY
Gennadi Anaşkin

Sülhməramlıların komandanı yenə dəyişdi

2639
(Yenilənib 14:15 25.09.2021)
Bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

BAKI, 25 sentyabr - Sputnik. Azərbaycan ərazisində müvəqqəti olaraq yerləşdirilmiş Rusiya sülhməramlı kontingentinə yeni komandan təyin olunub.

Sputnik Armenia-nın verdiyi xəbərə görə, komandan vəzifəsinə general-leytenant Gennadi Anaşkin təyin olunub.

General-leytenant Gennadi Anaşkin 1968-ci ildə Rusiyanın Samara (Kuybışev) şəhərində anadan olub.

1993-cü ildə Ryazan ali hava-desant məktəbini bitirib. 2017-ci ildən Cənub hərbi dairəsinin 8-ci ümumqoşun ordusu komandanının müavini olub. Rusiya Federasiyasının qəhrəmanıdır.  

Qeyd edək ki, bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

Həmçinin oxuyun:

Qarabağdakı Rusiya sülhməramlılarına yeni komandan təyin edilib

 

 

2639
Teqlər:
sülhməramlı, sülhməramlılar
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var