Azərbaycan komandasının T72B3 tankı Rusiyada Alabino poliqonunda Beynəlxalq Ordu Oyunları-2021 çərçivəsində keçirilən Tank biatlonu yarışında

Tankçılarımız “Beynəlxalq Ordu Oyunları - 2021” yarışlarında ikinci olublar - VİDEO

179
Fərdi sürmə” mərhələsində güclərini sınayan komandamızın növbəti tank heyəti də uğurla çıxış edib. Belarus birinci, Serbiya üçüncü, Qazaxıstan komandası isə dördüncü yerə layiq görülüb.

BAKI, 27 avqust — Sputnik. Tankçılarımız Rusiya Federasiyasının Moskva şəhərinin Alabino hərbi poliqonunda "Beynəlxalq Ordu Oyunları - 2021" yarışları çərçivəsində keçirilən “Tank biatlonu” müsabiqəsinin növbəti mərhələsində uğurla iştirak ediblər. Sputnik Azərbaycan Müdafiə Nazirliyinə istinadən xəbər verir ki, “Fərdi sürmə” mərhələsində güclərini sınayan komandamızın növbəti tank heyəti də uğurla çıxış edib.

Müsabiqənin şərtlərinə uyğun olaraq bu mərhələ üzrə müxtəlif manevrlərlə hədəfləri məhv edən tankçılarımız qrupda ikinci yerdə qərarlaşıb.

Belarusiya birinci, Serbiya üçüncü, Qazaxıstan komandası isə dördüncü yerə layiq görülüb.

 

179
Teqlər:
tank, tank biatlonu
Azərbaycan hərbçiləri, arxiv şəkli

"İzdihamı görəndə bildik ki, müharibəyə gedirik" - Qazilər döyüşlərin ilk günü haqda

8
(Yenilənib 17:50 27.09.2021)
Qazilər deyirlər ki, müharibənin başladığını eşidəndə sanki toya gedirmiş kimi hamı həm sevinir, həm də həyəcanlanırdı.

 

BAKI, 27 sentyabr — Sputnik. 2020-ci il sentyabrın 27-də Ermənistan silahlı qüvvələrinə qarşı əks-hücuma keçən Azərbaycan Ordusu 44 gün sürən müharibədə möhtəşəm qələbəyə imza atıb. Vətən müharibəsi adını alan döyüşlərdə iştirak edən qazilərimiz, müharibə iştirakçıları Sputnik Azərbaycan-a müsahibələrində keçirdikləri ağır və keşməkeşli günlərdən bəhs ediblər.

Qazi Zülfüqar Allahyarov ötən ilin bu gününü belə xatırlayır: "26-sı gecə radələrində az-az atəş səsləri gəlirdi. Biz hərbi hissədə olanda düşmənin tez-tez atəşkəsi pozması xəbərini eşidirdik. 27-si səhər saatlarında əmr gəldi ki, əks-hücuma keçirik. Səhər saat 8-də artıq döyüşə girdik. Döyüşə Füzulinin kəndindən başladıq. Oradan da düşmən ordusunu məhv edərək Cəbrayılın Rüzgar kəndinə keçdik. Ən ağır döyüşlər elə burada oldu. Mühasirəyə düşdük, amma çıxmağı bacardıq. Yenidən axşam saatlarında döyüşə girdik. Həmin gün ən böyük acını yaşadım həyatımda. Ən yaxın dostum İsmayılov Elvin düşmən gülləsinə tuş gəldi və şəhid oldu. Bu anda dünya başıma dolandı. Onun nəşini çıxarmaq istəyəndə yanıma minaatan mərmisi düşdü. Ondan sonrasını xatırlamıram. Bir də özümə gələndə gördüm ki, hospitaldayam. Nə başım, nə də əl-ayağım sözümə baxmırdı. Uzun müalicədən sonra ayaqda qalmağı bacardım və bu gün də Vətənimə layiqincə xidmət etməyə hazıram".

Elton Camalov müharibə başlayan zaman hərbi xidmətdə olduğunu deyir: "N saylı hərbi hissənin kəşfiyyat bölüyündə xidmət edirdim. 27 sentyabrda səhər saatlarında həyəcan siqnalı verildi. Bir nəfər kimi hər kəs döyüşə hazır idi. Müharibənin başladığını eşidəndə sanki toya gedirmiş kimi hamı həm sevinir, həm də həyəcanlanırdı. Amma onu deyə bilərəm ki, hamımız yaxşı anlayırdıq ki, qayıtmaya bilərik. Və qayıtmayanlarımız da oldu.

Suqovuşanın, Talış kəndinin azad edilməsində iştirak etdik. Təbii ki, itkilərimiz də oldu. Amma qələbə əzmi bizi ruhdan düşməyə qoymurdu. İrəlilədikcə döyüşmək həvəsi daha da artırdı. Oktyabrın 22-si idi. Suqovuşan uğrunda döyüşlərdə baş və ayağımdan qəlpə yarası aldım. Göyçay rayonunun Mərkəzi Xəstəxanasına aparıldım. Məni 3-4 gün müalicə aldıqdan sonra Bakı şəhərində yerləşən hospitallardan birinə yolladılar. Burada uzun müddət müalicə aldıqdan sonra evə buraxıldım. Hal-hazırda da səhhətimdə bəzi problemlər qalır".

Qazi Sübhan Əlirzayev sentyabrın 27-də səhər saat 6-da hərbi hissədə həyəcan siqnalı verildiyini deyir: "Amma nə baş verdiyini bilmirdik. Bütün komandanlıq hazırlıq vəziyyətinə gətirildi və Qusardan yola düşdük. Yolun kənarına toplaşan izdihamı görəndə artıq anladıq ki, müharibə başlayıb və biz müharibəyə gedirik.

İlk döyüşə Füzuli rayonunda, meşədə başladıq. Həmin ərazidə bir neçə yaralımız və şəhidimiz oldu. Xocavənd uğrunda döyüşlərə qatıldıq. Səhəri gün komandirimiz əmr etdi ki, Qırmızı Bazar istiqamətindəki yüksəklik də götürülməlidir. 7-8 nəfərdən ibarət heyətlə hücuma keçdik. Biz təpəyə qalxdıqca durmadan bizi vururdular. İki hərbçimiz yaralandı. Yaralı yoldaşlarıma kömək etmək istəyəndə ani olaraq nəfəsimin dayandığını hiss etdim. Bu anda sinəmdən qan axdığını gördüm. Düşmən ağaca çıxıb oradan vurmuşdu məni. Yaralı olsam da mən də həmin əsgəri vurdum. O, sürünə-sürünə getmək istəyəndə yenə vurdum. Vurduqca ürəyim soyumurdu. Yoldaşlar düşmənin öldüyünü dedilər. Ondan sonra əl çəkdim".

Belə oğullarımızın sayəsində tarixi zəfər əldə edildi. Biz belə mərd, qorxmaz igidlərlə ömür boyu fəxr edəcəyik.

8
Anım günündə əfsanəvi tankçı Albert Aqarunovun xatirəsi yad edildi

Ermənilərin qorxulu yuxusuna çevrilən yəhudi balası: Alberti bu gün yad etdik

18
(Yenilənib 19:45 27.09.2021)
Albert Aqarunov təkcə yəhudi xalqının deyil, həm də Azərbaycan xalqının oğludur. Onun adı hər iki xalqın qəlbində əbədi yaşayacaq.

BAKI, 27 sentyabr — Sputnik. Vətən müharibəsi şəhidlərinin Anım Günü ilə əlaqədar Veteran Tankçılar Birliyi, Bakı şəhəri Dağ Yəhudiləri dini icmasının üzvləri, İsrailin Azərbaycandakı səfirliyi və Nərimanov rayon İcra Hakimiyyətinin nümayəndələri Albert Aqarunovun şərəfinə ucaldılmış abidəni ziyarət ediblər.

Anım tədbirində Tankçı Veteranlar İctimai Birliyinin sədri Hacı Əzimov, general-mayor Elman Orucov və digərləri çıxış edərək bildiriblər ki, gənclərimizdə hərbi vətənpərvərlik ruhunun yüksəldilməsi, Azərbaycanımızın suverenliyi, ərazi bütövlüyü və torpaqlarımızın azadlığı uğrunda şəhid olan qəhrəmanlarımızın döyüş yolunun təbliği mühüm əhəmiyyət kəsb edir. Azərbaycan yeganə dövlətdir ki, dini və mədəni müxtəlifliyin harmoniyasını yaradıb. Bu gün Albertin məzarını ziyarət edənlər həm Birinci, həm də İkinci Qarabağ müharibələrinin şəhidlərini anmış olurlar.

Vurğulanıb ki, ölkəmizdə yaşayan digər xalqların nümayəndələri kimi yəhudi əsilli bu qəhrəman da Azərbaycanı öz Vətəni bilib, həyatını onun müstəqilliyi və suverenliyi uğrunda fəda edib.

© Sputnik / Shahperi Abbasova
Anım günündə əfsanəvi tankçı Albert Aqarunovun xatirəsi yad edildi

Diqqətə çatdırılıb ki, 1991-ci ildə könüllü olaraq cəbhəyə yollanan və vətənpərvərliyi, cəsurluğu ilə şöhrət tapan yəhudi əsilli 23 yaşlı A.Aqarunovu döyüşçü dostları böyük hörmət və ehtiramla “Şuşanın əfsanəsi” adlandırıblar. O, tank komandiri kimi Şuşa, Daşaltı, Cəmilli istiqamətlərində gedən ağır döyüşlərdə iştirak edib. A.Aqarunov 1992-ci il mayın 8-də Şuşanın müdafiəsi uğrunda döyüşlərdə qəhrəmancasına şəhid olub.

Azərbaycan Prezidentinin 1992-ci il 7 iyun tarixli fərmanı ilə Albert Aqarunov ölümündən sonra “Azərbaycan Milli Qəhrəmanı” adına layiq görülüb. O, təkcə yəhudi xalqının deyil, həm də Azərbaycan xalqının oğludur. Onun adı hər iki xalqın qəlbində əbədi yaşayacaq. Anım mərasimi Azərbaycanın Milli Qəhrəmanı Albert Aqarunovun Şəhidlər xiyabanındakı məzarını ziyarət etdikdən sonra yekunlaşıb.

Qeyd edək ki, paytaxtın Nərimanov rayonundakı küçələrdən birinə Milli Qəhrəmanın adı verilib. Dağ Yəhudiləri Dini İcmasının və “Dədə Qorqud” Milli Fondunun birgə layihəsi əsasında “Albert Aqarunov” mükafatı təsis olunub.

Məlumat üçün bildirək ki, Albert Aqarunoviç Aqarunov 1969-cu il aprelin 25-də Bakının Əmircan qəsəbəsində yəhudi ailəsində anadan olub. Tank komandiri təyin edilən Albert Aqarunov Şuşada Elçin Məmmədovun başçılıq etdiyi 777 nömrəli xüsusi təyinatlı batalyonda döyüşüb. 1992-ci il may ayının 8-i Şuşaya ilk girməyə cəhd edən erməni tankına flaqman tank kimi şəhərə asılmalı olan "fəxri" erməni bayrağı verilmişdi.

Bu tankın komandiri erməni tankçısı olan Qaqik Avşaryan idi. Lakin Avşaryanın 442 nömrəli tankı Şuşaya girməyə cəhd elədiyi anda Albert Aqarunovun 533 nömrəli tankı tərəfindən vurulur. Tankın komandiri Qaqik Avşaryan, sürücü mexanik Aşot Avanesyan, atıcı-artirelist Şahen Sarkisyan elə ilk və son atəşdən maşının kabinəsində məhv edilir. Ermənilər Birinci Qarabağ müharibəsindən sonra Avşaryanın yanmış T-72 tankını bərpa edib, onu tünd yaşıl rəngə boyayıb, onun 442 nömrəsini ağ rənglə gövdəsində yazıb, təpənin başında Şuşaya tuşlanmış vəziyyətdə qoyublar.

  • Anım günündə əfsanəvi tankçı Albert Aqarunovun xatirəsi yad edildi
    © Sputnik / Shahperi Abbasova
  • Anım günündə əfsanəvi tankçı Albert Aqarunovun xatirəsi yad edildi
    © Sputnik / Shahperi Abbasova
1 / 2
© Sputnik / Shahperi Abbasova
Anım günündə əfsanəvi tankçı Albert Aqarunovun xatirəsi yad edildi

A.Aqarunov Xankəndi, Daşaltı, Cəmilli istiqamətində gedən döyüşlərdə erməni işğalçılarının xeyli canlı qüvvəsini, zirehli texnikasını məhv edib. Dostlarının iddiasına görə, düşmənin iki tankı bir-birinə yaxınlaşan zaman Aqarunov bir mərmi ilə iki tankı vurdu. Buna görə bu metod döyüş yoldaşları tərəfindən "yəhudi buterbrodu" adını alıb. Ermənilər onun başına 5 milyon rubl pul mükafatı qoymuşdular.

Aqarunov 8 may 1992-cu ildə Şuşa uğrunda gedən döyüşlərdə snayper gülləsinə tuş gəlib və döyüş meydanında həlak olub.

Komandir Hacı Əzimovun sözlərinə görə, Aqarunov mövqeyini dəyişərkən öz tankının düz önündə qalmış şəhid əsgər yoldaşlarının meyitlərini kənara çəkmək üçün hərbi maşından çıxır. Əvvəlcə tankı düzgün istiqamətə yönəltməsi üçün mexanikinə göstəriş verir. Daha sonra öldürülmüş şəhidlərə tərəf qaçır və meyitləri kənara çəkən zaman erməni snayperinin gülləsinə tuş gəlir.

Albert Aqarunov torpağa tapşırılanda molla və ravvin eyni vaxtda dua oxuyurdu. Əfsanəvi döyüşçü Bakıda Şəhidlər xiyabanında dəfn edilib.

18