Serj Sarqsyan, arxiv şəkli

Ermənistanın keçmiş prezidenti Azərbaycandadır

2399
(Yenilənib 13:55 14.08.2021)
Ermənistandan gələnlər Amaras monastırını rusiyalı sülhməramlıların müşayiəti ilə ziyarət ediblər. Yalnız ötən həftə mindən çox erməni həmin monastırda olub.

 

BAKI, 14 avqust — Sputnik. Ermənistanın keçmiş prezidenti, parlamentin deputatı Serj Sarqsyan Azərbaycanın Xocavənd rayonunun Sos kəndinin ərazisindəki qədim alban monastırı olan Amarası ziyarət edib. Bu barədə Sputnik Ermənistan məlumat verir.

Sarqsyanı erməni separatçılarının keçmiş liderlərindən Bako Saakyan müşayiət edib.

Qeyd edək ki, onlar Amaras monastırını rusiyalı sülhməramlıların müşayiəti ilə ziyarət ediblər. Yalnız ötən həftə mindən çox erməni həmin monastırda olub.

Amaras monastırı Xocavənd rayonunun Sos kəndi ərazisində yerləşən xristian monastırıdır. Monastır Qafqaz Albaniyasında erkən xristianlıq dövründən Alban Həvari Kilsəsinin ləğv edilməsinə kimi ziyarət edilmiş ən müqəddəs məbədlərdən biri olmaqla, yaxın vaxtlara kimi yerləşdiyi ərazinin həm xristian, həm də müsəlman əhalisi tərəfindən müqəddəs hesab edilib. Həmçinin Amaras ərazisi xristianlığın yayılmasından əvvəl də böyük dini mərkəz olub. Bu faktı ərazidə arxeoloji tədqiqatlar zamanı əldə edilmiş artefaktlar və bizim eranın I əsrinə aid məbəd qalıqları sübut edir.

Tarixi mənbələr həm monastırı, həm də onun əsas məbədini Qafqaz Albaniyasının birinci katolikosu Qriqorisin adı ilə əlaqələndirirlər. Onun cəsədi burada sərdabədə dəfn edilib. Misal üçün, V əsr erməni tarixçisi Favstos Buzand alban katolikosu Müqəddəs Qriqorisin bu monastır ərazisində dəfn edilməsini qeyd edir.

Ermənilər isə, Dağlıq Qarabağdakı bütün alban abidələri kimi, Amaras monastırını da "qədim erməni məbədi" elan ediblər və bu mövzuda kütləvi təbliğat aparırlar.

Xocavəndin Sos kəndi 2020-ci ilin payızındakı Vətən müharibəsi zamanı azad edilməyərək ötən əsrin 90-cı illərində buranı işğal etmiş erməni separatçılarının nəzarəti altında qalıb.

Serj Sarqsyan öz siyasi fəaliyyətinə Azərbaycan ərazisində separatçı kimi başlayıb və sonradan Ermənistanda prezident (2008-2018) vəzifəsinədək yüksəlib, Azərbaycanın Xocalı şəhərində dinc azərbaycanlı əhaliyə qarşı qətliam törədənlərə rəhbərlik etməkdə günahlandırılır.

Qafqaz Albaniyası eramızdan əvvəl 4-cü əsrdən eramızın 8-ci əsrinədək Azərbaycanın Respublikasının və qismən də qonşu respublikaların ərazisində olmuş dövlətdir. Əsasını albanlar təşkil ediblər. Paytaxtı əvvəlcə Qəbələ, sonra isə Bərdə olub.

Eləcə də oxuyun:

2399
Teqlər:
Xocavənd, Qarabağ, Azərbaycan, alban məbədi, Serj Sarqsyan

Şuşa yaxın iki-üç aya tamam dəyişəcək: Xüsusi nümayəndə görülən işlərin hesabatını verdi

2542
Prezidentinin Şuşa rayonunda xüsusi nümayəndəsi Aydın Kərimov bildirib ki, bütün proseslər vaxt tələb edir, amma heç bir gecikməyə yol verilməyəcək və planlaşdırılan istiqamətdə işlər görüləcək.

BAKI, 18 sentyabr - Sputnik. “Qarşıdakı dövrdə Şuşanın tarixi görkəminin bərpası üçün xüsusi addımlar atılacaq”.

Sputnik Azərbaycan-ın məlumatına görə, bunu APA-ya açıqlamasında Azərbaycan Respublikası Prezidentinin Şuşa rayonunda xüsusi nümayəndəsi Aydın Kərimov bildirib.

A.Kərimov deyib ki, bu istiqamətdə mühüm addımlardan biri tarixi memarlıq abidələrinin bərpasıdır: “Artıq birinci mərhələdə 15 tarixi memarlıq abidəsinin bərpası layihələri üzrə işlər görülür və yaxın 2 ay ərzində onların bərpasına başlanacaq. Proses şəhərin mərkəzi küçələrində yerləşən tarixi abidələrin bərpasından başlayacaq. Bundan əvvəl artıq iki abidə – Mola Pənah Vaqifin məqbərəsi və Bülbülün ev muzeyi bərpa olunub. Digər abidələrin də bərpasına başlanacaq”.

Şuşalılar gözəl memarlıq üslubunda tikilmiş evlərdə yaşayacaqlar

Xüsusi nümayəndə qeyd edib ki, Prezident İlham Əliyevin xeyir-duası ilə bu yaxınlarda Şuşada böyük bir layihənin – şəhərdə yeni yaşayış kompleksinin təməli qoyulub: “Şuşada ümumiyyətlə, tikinti və quruculuq işləri Baş Plana əsasən aparılır. Baş Plan artıq təqdim olunub. Prezident göstəriş verdi ki, 9 hektar ərazidə 25 binadan, çoxmənzilli, 4-5 mərtəbəli, gözəl, Şuşa memarlığına uyğun, müasir elementləri də özündə əks etdirən, infrastrukturu tam müasir olan yaşayış kompleksi istifadəyə veriləcək. Şuşada qəzalı vəziyyətə düşmüş, baxımsız vəziyyətdə olan binalar var idi. Onların yerində gözəl memarlıq üslubu ilə inşa ediləcək binalar tikiləcək, o binalarda şuşalılar yaşayıb-yaradacaqlar”.

İstilik sistemləri bərpa olunur

A.Kərimov Şuşa azad edildikdən sonra atılan addımların bir məqsədi olduğunu vurğulayıb: “Bu məqsəd Şuşa şəhərini ən qısa müddətdə yaşayış üçün yararlı hala gətirməkdir. Yəni insanların yaşaması, işləməsi üçün şərait yaratmağa çalışılır. Yəni burada iş yerləri, müvafiq sosial infrastruktur olmalıdır. Şuşada məktəb tikilir, xəstəxananın inşası gözlənilir. Bütün proseslər vaxt tələb edir. Amma heç bir gecikməyə yol verilməyəcək və planlaşdırılan istiqamətdə işlər görüləcək”.

A.Kərimov deyib ki, qarşıdan qış mövsümü gəlir, Şuşada istilik sistemlərinin bərpasına başlanıb:

“Prezidentin tapşırığına uyğun olaraq, aidiyyatı qurumlarla bu ilşin öhdəsindən 80-90 faiz gəlmişik. Yaxın bir ay ərzində həm enerji təchizatı, həm istilik təchizatı baxımından ilkin mərhələdə tələb olunan qurğular və avadanlıqlar istismara veriləcək”.

Onun sözlərinə görə, Şuşada şəhərdaxili paylayıcı şəbəkə, transfromatorlar quraşdırılır: “İlkin mərhələdə bu ilin sonunadək beş transformator quraşdırılacaq. Onların gücü müvafiq obyektlərin işıqla tam təmin edilməsinə hesablanıb, eyni zamanda tikilməkdə olan 7 qazanxananın da qidalanmasına xidmət edəcək. Qazanxanaların böyük əksəriyyəti elektrik enerjisi ilə qidalanacaq ki, bu da bir yenilikdir. Ekoloji mühitə heç bir zərər vermədən, dizel və qaz yanacağından istifadə etmədən onların istismarına başlanacaq.

Şuşada Xüsusi Nümayəndəliyin nəzarəti altında aparılan işlər öz qrafikinə uyğun aparılır və bir ay yarım ərzində tamamlanacaq".

İnvestorların cəlbi

"Şuşada hotellərin və qonaqlama yerlərinin inşası, ictimai iaşə və işgüzar tipli yerlərin yaradılması üçün sözsüz ki, həm yerli, həm xarici investorların cəlb olunması təqdirəlayiq bir fakt olacaq, lakin bunlar hamısı Baş plana uyğun olmalıdır", - Aydın Kərimov deyib.

"Baş planın artıq müfəssəl həlləri həyata keçirilir və yuxarıda sadaladığım sahələrə investorların cəlb olunması mərhələ-mərhələ həyata keçiriləcək", -deyə o əlavə edib.

Aydın Kərimov bildirib ki, Şuşada keçmiş sovet Kommunist Partiyasının rayon komitəsinin yerləşdiyi və daha sonra işğal dövründə qondarma rejimin şəhər meriyasının yerləşdiyi binada da təmir işləri gedir:

"8 noyabr Zəfər Günü sevincinin - buradan, binanın damında milli bayrağımızın dalğalanmasının şahdi olanda artıq bu binanın yeni ab-hava ilə, müasir üslubda, yeni fəaliyyət istiqamətləri ilə yenidən qurulub təmir olunmasına qərar verildi. Hazırda təmir işləri sürətlə gedir, yaxın iki-üç ayda bu işlər bitəcək və bu bina yeni fasad görkəmində və Şuşanın memarlıq üslubuna uyğun olaraq fəaliyyətə başlayacaq. Binanın damı dəyişdirilir, daxildə də bir sıra işlər görüləcək. Burada Şuşa şəhərində Prezidentin Xüsusi Nümayəndəliyi və Şuşa Dövlət Qoruğu İdarəsi yerləşəcək".

Eləcə də oxuyun:

 

2542
Teqlər:
Şuşa, xüsusi nümayəndə, bərpa, investisiya, yaşayış, qayıdış
Avropa İttifaqının Cənubi Qafqaz üzrə xüsusi nümayəndəsi Toivo Klaar

Toivo Klaar: Müharibənin acı xatirələri hər zaman qalacaq, lakin biz gələcəyə baxmalıyıq

24
Avropa İttifaqının Cənubi Qafqaz üzrə xüsusi nümayəndəsi Toivo Klaar Ağdama səfər çərçivəsində Pənahəli xanın İmarət kompleksində olub.

BAKI, 17 sentyabr - Spotnik. Döyüşlərin, dağıntıların acı xatirələri hər zaman qalacaq, lakin əsas odur ki, biz gələcəyə doğru baxaq. Sputnik Azərbaycan APA-ya istinadən xəbər verir ki, bunu Avropa İttifaqının Cənubi Qafqaz üzrə xüsusi nümayəndəsi Toivo Klaar Ağdama səfəri əsnasında deyib.

Aİ rəsmisi bildirib ki, oxşar təcrübəni Avropa İkinci Dünya müharibəsində yaşayıb:

“İkinci Dünya müharibəsindən sonra bizim liderlər bəyan etdilər ki, yeni yol tapmaq lazımdır, biz birgə yaşamağa və irəliyə doğru getməliyik. Düşünürəm ki, Avropa İttifaqının bu təcrübəsini Azərbaycanla, Ermənistanla və ümumilikdə Cənubi Qafqazla bölüşə bilərik. İki dünya müharibəsinin çox acı irsinin, nəticələrinin öhdəsindən gəlmək təcrübəmiz bəlkə də burada irəliyə getmək üçün bir yoldur. Biz regionda fərqli gələcəyin qurulmasına kömək etmək üçün Azərbaycanla, Ermənistanla, Cənubi Qafqazla birlikdə çalışmaq istəyirik. Acı xatirələr var, amma biz gələcəyə baxmalıyıq".

Qeyd edək ki, Avropa İttifaqının Cənubi Qafqaz üzrə xüsusi nümayəndəsi Toivo Klaar Ağdama səfər çərçivəsində Pənahəli xanın İmarət kompleksində olub. T.Klaar İmarət kompleksinə, burdakı türbələrə baxış keçirib, ermənilərin kompleksin ərazisində törətdiyi vandallıq əməllərinin şahidi olub.

Ağdam şəhəri daxil olmaqla Ağdam rayonunun işğaldan azad edilmiş hissəsində Azərbaycan Respublikası Prezidentinin xüsusi nümayəndəsi Emin Hüseynov xüsusi nümayəndəyə ermənilərin işğal altında saxladığı Azərbaycan ərazilərində, o cümlədən Ağdamda mədəni, tarixi və dini abidələrini dağıtdığını, evləri, inzibati binaları, muzeyləri və digər sosial obyektləri yerlə yeksan etdiyini bildirib.

E. Hüseynov işğaldan azad edilmiş Ağdam rayonunda aparılan bərpa, quruculuq işləri barədə də qonağı məlumatlandırıb.

Həmçinin oxuyun:

Ceyhun Bayramov Avropa İttifaqının nümayəndəsi ilə nə danışıb?

24
Teqlər:
Doktor, arxiv şəkli

Bakının məşhur xəstəxanasına yeni direktor təyin edilib

0
TƏBİB-in İdarə heyətinin sədri Vüqar Qurbanov yeni direktorun təyinatı ilə bağlı müvafiq əmr imzalayıb.

BAKI, 18 sentyabr - Sputnik. Səhiyyə Nazirliyinin Baş nefroloqu, Akademik M.C.Cavadzadə adına Respublika Klinik Uroloji Xəstəxanasının Hemodializ şöbəsinin müdiri Fariz Babayev “Akademik M.C.Cavadzadə adına Respublika Klinik Uroloji Xəstəxanası” publik hüquqi şəxsinin direktoru təyin edilib.

Sputnik Azərbaycan APA-ya istinadən xəbər verir ki, bununla bağlı TƏBİB-in İdarə heyətinin sədri Vüqar Qurbanov müvafiq əmr imzalayıb.

Əmrin icrası ilə bağlı digər məsələlərin həlli “Akademik M.C.Cavadzadə adına Respublika Klinik Uroloji Xəstəxanası” publik hüquqi şəxsinə tapşırılıb.

Eləcə də oxuyun: