Füzuli Hava Limanından ilk uçuşun həyata keçiriləcəyi gün müəyyənləşdi

3611
(Yenilənib 17:13 13.08.2021)
Tikinti işlərinin vaxtında başa çatdırılması üçün əraziyə çoxlu sayda texnika və işçi qüvvəsi cəlb edilib. Aerovağzal binasının, perronun, uçuş-enmə zolağının işıq-siqnal sistemlərinin, radionaviqasiya və meteoroloji avadanlıqların tikintisi başa çatdırılır.

BAKI, 13 avqust — Sputnik. Sentyabr ayının 5-də Füzuli Hava Limanından ilk uçuş həyata keçiriləcək. Bunu Sputnik Azərbaycan-ın bölgə müxbirinə Azərbaycan Hava Yolları QSC-nin əməkdaşı Valeh Əmiraslanov deyib. Onun sözlərinə görə, hazırda sınaq uçuşunun həyata keçirilməsi üçün hazırlıq işləri yekunlaşmaq üzrədir.

Minalardan təmizlənmiş ərazilərdə uçuş-enmə zolağına asfalt örtüyü çəkilir. Artıq uzunluğu 3 kilometr, eni 60 metrə olan uçuş enmə zolağı tam istismara hazırdır.

"İstismara hazırlığın təmin olunması üçün xüsusi laboratoriya avadanlıqları ilə yoxlama həyata keçiriləcək. Bundan sonra uçuşların yerinə yetirilməsi məsələsi öz təsdiqini tapacaq. Hava gəmilərinin uçuşunu və enməsinin təmin etmək üçün aeronaviqasiya avadanlıqları 100 faiz quraşdırılıb, sazlama işləri həyata keçirilir", - deyə Əmiraslanov bildirib.

Tikinti işlərinin vaxtında başa çatdırılması üçün əraziyə çoxlu sayda texnika və işçi qüvvəsi cəlb edilib.

Yeni hava limanının inşası, aerovağzal binasının, uçuş-enmə zolağının, perronun, yönəldici yolun, uçuş-enmə zolağının işıq-siqnal sistemlərinin, radionaviqasiya və meteoroloji avadanlıqların, transformator yarımstansiyalarının, köməkçi binaların, qurğular və xarici mühəndis kommunikasiyalarının tikintisi başa çatdırılır. İşin təşkili maksimum sürətlə davam etdirilir.

Qurumun rəsmisi bildirib ki, hətta gecə saatlarında uçuşların təmin olunması məqsədilə işıq siqnal sistemi adlanan avadanlıqların da artıq 90 faizi quraşdırılıb.

© Sputnik / Emin Alisahib
Azərbaycan Hava Yolları QSC-nin əməkdaşı Valeh Əmiraslanov
"Hər iki kurs üzrə lampalar montaj olunaraq, yoxlanılıb. Hazırda işlər hava gəmisinin dayanması üçün perronun ətrafında aparılır. Perron 8 ədəd hava gəmisinin dayanması üçün nəzərdə tutulub. Hazırda perronda asfaltlama işləri davam etdirilir. Yaxın bir həftə, 10 gün ərzində bu işlərin tam olaraq yekunlaşdırılması planlaşdırılır", - deyə Azərbaycan Hava Yollarının əməkdaşı bildirib.

Onun sözlərinə görə, hazırda paralel olaraq qüllədə işlər tamamlanmaq üzrədir. Siqnalzasiya, elektrik, zəif axın sistemləri yoxlanılır. Yanğın təhlükəsizliyinin təmin olunması məqsədilə su anbarları inşa olunur. İnzibati və yardımçı binaların daxilində işlər aparılır. Hava limanına gələn və gedən qonaqlar üçün hər cür şərait yaradılır:

© Sputnik / Emin Alisahib
Füzulidə hava limanının tikintisində son tamamlanma işləri
"Əlavə köməkçi binalar, gücü min kv olan transformator, qazanxana, nəzarət buraxılış məntəqəsi və bir də uçuşların idarə olunması üçün qüllədə işlər sürətlə davam etdirilir. Qüllənin 99 faizi hazırdır. Daxilində təmizlik işləri gedir. Həm daxili, həm də xarici yanğınsöndürmə məqsədilə 2 ədəd 250 kubmetrlik, bir ədəd 500 kubmetrlik su anbarları tikilir, nasosxananın tikintisi davam etdirilir".

Sentyabr ayında uçuş-enmə zolağı, perron, sükan yolu 100 % tamamlanacaq və hava limanı ilk təyyarəni qəbul edəcək. İlkin uçuşun sentyabrın 5-də həyata keçirilməsi planlaşdırılır.

Qeyd edək ki, Füzuli hava limanının tikintisinə bu ilin yanvar ayının 14-dən başlanılıb. Füzuli Hava Limanında sınaq uçuşunun sentyabrın 5-də həyata keçiriləcəyi planlaşdırılır. Yeni hava limanı tikildikdən sonra Bakıdan Füzuliyə təxminən 45 dəqiqəyə təyyarə ilə çatmaq mümkün olacaq.

Həmçinin oxuyun:

3611
Teqlər:
hava, Liman, hava limanı, Füzuli
Gürcüstanlı jurnalistlərin Ağdama səfəri

Əcnəbi jurnalist blogerlər Ağdama səfər ediblər

10
(Yenilənib 18:55 23.09.2021)
Bloger: Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm.

BAKI, 23 sentyabr — Sputnik. Sentyabrın 23-də Gürcüstandan olan bir qrup jurnalist və bloger işğaldan azad olunmuş Ağdam şəhərinə səfər ediblər. Sputnik Azərbaycan-ın Qarabağ üzrə bölgə müxbirinin verdiyi məlumata görə, onlar ilk olaraq Pənahəli xanın sarayının yerləşdiyi imarət kompleksi ilə tanış olublar.

Daha sonra onlar Ağdam Çörək Muzeyinin, Ağdam Dram Teatrının qalıqlarına baxıb, işğal dönəmində ermənilərin heyvan saxladığı Ağdam Cümə məscidində olublar.

“Ağdamın hər yeri yerlə yeksan edilib. Ağdama növbəti dəfə də səfər etmək arzusundayam. Səbirsizliklə bura yenidən gəlib, abidələrin yeni və bərpa edilən formasını görmək istəyirəm”.
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
  • Gürcüstanlı jurnalistlərin Ağdama səfəri
    © Sputnik / Emin Babayev
1 / 3
© Sputnik / Emin Babayev
Gürcüstanlı jurnalistlərin Ağdama səfəri

Bu sözləri jurnalistlərə açıqlamasında gürcüstanlı bloger Nina Berdzenava deyib. O, Ağdamı gəlib bu vəziyyətdə görəcəyini təsəvvür etmədiyini bildirib.

"Ağdamda Azərbaycan xalqına məxsus tarixi abidələri dağıtsalar da, kökləri qalıb. Mən əminəm ki, Azərbaycan digər rayonlarda olduğu kimi buradakı abidələri də bərpa edəcək".
© Sputnik / Emin Babayev
Nina Berdzenava

“Azərbaycan iqtisadi, siyasi, hərbi cəhətdən güclü dövlətdir”. 

Bu sözləri Gürcüstanın Strateji və Beynəlxalq Araşdırmalar Fondunun eksperti, professor Zurab Batiaşvili Ağdam səfərinin təəssüratlarını bölüşərkən deyib. O bildirib ki, Ağdama səfəri onu sarsıldıb.

"Biz üç gündür Azərbaycandayıq. Bu günlər ərzində Bakıda, Gəncədə olduq. İndi isə Ağdama gəlmişik. Burda kəndlər, tarixi abidələr xarabalığa çevrilib. Əminəm ki, ən tez zamanda burda hər şey yenidən qurulacaq. Azərbaycan xalqı buna tam gücüylə dəstək verəcək. Azərbaycan iqtisadi, siyasi, hərbi cəhətdən güclü dövlətdir”.
© Sputnik / Emin Babayev
Zurab Batiaşvili

Qeyd edək ki, Ağdama səfər edən Gürcüstanlı qonaqlara ermənilərin işğal müddətində Azərbaycanın mədəni, tarixi və dini abidələrinə qarşı törətdiyi vəhşiliklər barədə ətraflı məlumat verilib.

Həmçinin oxuyun:

Toivo Klaar: Müharibənin acı xatirələri hər zaman qalacaq, lakin biz gələcəyə baxmalıyıq

10
Teqlər:
Gürcüstan
Gürcüstanın Baş naziri İrakli Qaribaşvili və Türkiyə Prezidenti Rəcəb Tayyib Ərdoğan arasında görüş

Baş nazir: Gürcüstan regionda sülhməramlı funksiyasını yerinə yetirməyə hazırdır

12
(Yenilənib 16:13 22.09.2021)
Ölkə Qafqaz regionunda uzunmüddətli sülh və sabitlik üçün sülhməramlı funksiyasını yerinə yetirməyə hazırdır.

BAKI, 22 sentyabr — Sputnik. Gürcüstanın Baş naziri İrakli Qaribaşvili və Türkiyə Prezidenti Rəcəb Tayyib Ərdoğan arasında danışıqlar baş tutub, onlar Cənubi Qafqazdakı vəziyyəti müzakirə ediblər. Sputnik Azərbaycan xəbər verir ki, bu barədə məlumatı Gürcüstanın Nazirlər Kabineti yayıb.

"Regionda inkişaf edən hadisələrə toxunulub. İrakli Qaribaşvilinin sözlərinə görə, Gürcüstanın əsas məqsədi regionda sülh və sabitliyi qorumaqdır və ölkə Qafqaz regionunda uzunmüddətli sülh və sabitlik üçün sülhməramlı funksiyasını yerinə yetirməyə hazırdır", - deyə məlumatda bildirilir.

Hər iki ölkənin lideri eyni zamanda Azərbaycanın 15 erməni əsgərini minalanmış sahələrin xəritələri qarşılığında Ermənistana verməsi məsələsinə də toxunublar. Proses iyun ayında Gürcüstanın vasitəçiliyi ilə baş tutub. Məlumatda vurğulandığı kimi, Qaribaşvili və Ərdoğan bu mübadilənin "qonşular arasında əməkdaşlıq üçün yaxşı bir təməl olduğunu" qeyd ediblər.

Həmçinin oxuyun:

Çavuşoğlu və Blinken Qarabağa dair müzakirələr aparıblar

12
Teqlər:
Ərdoğan, Gürcüstan, Azərbaycan
 Şuşada Bülbülün ev-muzeyi, arxiv şəkli

Bülbülün Şuşadakı ev-muzeyinə direktor təyin olunub