Pulemyotla nəzarət edən əsgər, arxiv şəkli

MN: Azərbaycan Ordusu Kəlbəcər istiqamətində atəşkəsə riayət edir

7112
(Yenilənib 11:25 29.07.2021)
Azərbaycan Ordusunun Kəlbəcər rayonunun Zəylik kəndi istiqamətindəki mövqeləri avtomat və qumbaraatanlardan atəşə tutulub.

BAKI, 29 iyul - Sputnik. Ermənistan tərəfinin guya atəşkəsin tərəfimizdən pozulması haqqında yaydığı məlumat həqiqəti əks etdirmir.

Bu barədə Sputnik Azərbaycan-a Müdafiə Nazirliyindən daxil olan məlumatda bildirilir.

Bildirilir ki, Azərbaycan Ordusu Kəlbəcər istiqamətində iki ölkənin dövlət sərhədində atəşkəsə riayət edir.

Ermənistan tərəfi son saatlarda guya Azərbaycan Ordusunun atəşkəsi pozması nəticəsində erməni hərbçinin yaralandığı barədə məlumat yayıb.  

09:10

Kəlbəcər rayonu istiqamətində atəşkəs yenidən pozulub

Ermənistan atəşkəsə riayət olunması haqqında razılaşmanı yenidən kobud surətdə pozub. Bu barədə Sputnik Azərbaycan Müdafiə Nazirliyinə istinadən xəbər verir.

İyulun 29-u saat 02:45-dən 03:40-dək Ermənistan silahlı qüvvələrinin bölmələri Basarkeçər rayonunun Yuxarı Şorca kəndi istiqamətində yerləşən mövqelərdən Azərbaycan Ordusunun Kəlbəcər rayonunun Zəylik kəndi istiqamətindəki mövqelərini avtomat və qumbaraatanlardan atəşə tutub. Mövqelərimiz tərəfə 10-12 ədəd F-1 əl qumbarası da atılıb.

Qarşı tərəf cavab atəşi ilə susdurulub.

Əməliyyat şəraiti bölmələrimizin nəzarəti altındadır.

09:57

İyulun 28-də Azərbaycan-Ermənistan sərhədində baş verənlər

İyulun 28-i gecə saatlarında Ermənistan silahlı qüvvələrinin Kəlbəcər rayonu istiqamətində başladığı təxribatın qarşısının alınması məqsədilə Azərbaycan Ordusunun həyata keçirdiyi cavab tədbirləri davam edir.

Bölmələrimiz tərəfindən qarşı tərəfin atəş nöqtələrinin neytrallaşdırılması istiqamətində zəruri addımlar atılmışdır.

Ermənistan ərazisində guya mülki obyektlərə zərərin yetirilməsi barədə xəbərlər yalandır və sırf dezinformasiya məqsədi daşıyır. Ermənistan hərbi-siyasi rəhbərliyi ənənələrinə sadiq olaraq Ermənistan ictimaiyyətini və beynəlxalq aləmi çaşdırmaq üçün yalan məlumatlar yaymaqda davam edir.

Ermənistanın hərbi-siyasi rəhbərliyini iki ölkənin dövlət sərhədində hərbi avantüra məqsədi daşıyan təxribatlar və vəziyyəti qəsdən gərginləşdirmək əməllərindən çəkinməyə və sivil qaydada dövlət sərhədinin delimitasiyası üzrə danışıqlara başlamağa çağırırıq.

Bir daha bildiririk ki, Ermənistan-Azərbaycan dövlət sərhədində vəziyyətin gərginləşdirilməsinə görə məsuliyyət tam olaraq Ermənistanın hərbi-siyasi rəhbərliyinin üzərinə düşür.

Hazırda bu istiqamətdə əməliyyat şəraiti bölmələrimizin nəzarəti altındadır.

Azərbaycan Respublikasının sərhədlərinin toxunulmazlığını təmin etmək üçün Ermənistanın bütün təxribatlarının qarşısı bundan sonra da qətiyyətlə alınacaqdır.

05:05

Ermənistan silahlı qüvvələrinin bölmələri Ermənistan-Azərbaycan dövlət sərhədinin Kəlbəcər rayonu sahəsində təxribat törətməyə davam edir. 

İyulun 28-i saat 00:50 radələrindən başlayaraq Ermənistan silahlı qüvvələrinin bölmələri Basarkeçər rayonu ərazisindəki müxtəlif istiqamətlərdə yerləşən döyüş mövqelərindən Azərbaycan Ordusunun Kəlbəcər rayonu ərazisindəki mövqelərini atıcı silahlar və qumbaraatanlardan növbəti dəfə intensiv atəşə tutub. 

Qarşı tərəfdən açılan atəş nəticəsində iki hərbi qulluqçumuz - Əliyev Sadiq Nizami oğlu və İmranlı İmran Dilqəm oğlu yaralanıb. Yaralılara ilkin tibbi yardım göstərilib, onların həyatları üçün təhlükə yoxdur.

Azərbaycan Ordusunun bu istiqamətdə yerləşən bölmələri tərəfindən adekvat cavab tədbirləri görülür.

Bir daha qeyd edirik ki, iki ölkənin dövlət sərhədi boyunca gərginliyin artırılmasına görə bütün məsuliyyət tam şəkildə Ermənistanın üzərinə düşür.

İyulun 27-də dövlət sərhədində baş verənlər

İyulun 27-si saat 16:00-da Ermənistan silahlı qüvvələrinin bölmələri Basarkeçər rayonunun Yuxarı Şorca və Zərkənd kəndləri ərazisində yerləşən mövqelərdən Azərbaycan Ordusunun Kəlbəcər rayonunun Zəylik və Yuxarı Ayrım kəndləri ərazisindəki mövqelərini snayper tüfəngi, avtomat və pulemyotlardan atəşə tutub. 

Müdafiə Nazirliyinin mətbuat xidmətindən verilən məlumata görə, cavab atəşi ilə düşmən susdurulub.

Azərbaycan Ordusunun şəxsi heyəti arasında itki yoxdur.

İyulun 26-da dövlət sərhədində baş verənlər

Ermənistan silahlı qüvvələrinin bölmələri Ermənistan-Azərbaycan dövlət sərhədinin Kəlbəcər rayonu sahəsində növbəti dəfə təxribat törədib.

İyulun 26-sı saat 03:00 radələrindən başlayaraq Ermənistan silahlı qüvvələrinin bölmələri Basarkeçər rayonu ərazisindəki müxtəlif istiqamətlərdə yerləşən döyüş mövqelərindən Azərbaycan Ordusunun Kəlbəcər rayonu ərazisindəki mövqelərini atıcı silahlar və qumbaraatanlardan intensiv atəşə tutub. 

Azərbaycan Ordusunun bu istiqamətdə yerləşən bölmələri tərəfindən adekvat cavab tədbirləri görülür.

İyulun 25-də dövlət sərhədində baş verənlər

İyulun 25-də saat 15:30 radələrində Ermənistan silahlı qüvvələrinin bölmələri Basarkeçər rayonunun Yuxarı Şorca kəndi yaxınlığında yerləşən mövqelərdən Kəlbəcər rayonunun Zəylik kəndi istiqamətindəki Azərbaycan Ordusunun mövqelərini snayper tüfəngi və avtomatlardan fasilələrlə atəşə tutub.

Müdafiə Nazirliyinin mətbuat xidmətindən verilən məlumata görə, Azərbaycan Ordusunun şəxsi heyəti arasında itki yoxdur.

Qarşı tərəf cavab atəşi ilə susdurulub.

İyulun 24-də Azərbaycan-Ermənistan sərhədində baş verənlər

11:07

Hazırda Ermənistan-Azərbaycan sərhədinin Kəlbəcər sahəsində vəziyyət sabitdir. 

"Əməliyyat şəraiti Azərbaycan Ordusunun bölmələrinin nəzarəti altındadır", - məlumatda qeyd olunur.

03:23

Ermənistan mətbuatının guya Azərbaycana məxsus PUA-nın Vedi rayonunun Arazdəyən kəndi üzərində vurulması barədə yaydığı xəbər qarşı tərəfin növbəti dezinformasiyasıdır.

Azərbaycan Müdafiə Nazirliyindən verilən məlumata görə, bölmələrimiz tərəfindən havaya heç bir PUA qaldırılmayıb.

İyulun 23-də Azərbaycan-Ermənistan dövlət sərhədində baş verənlər

Ermənistan-Azərbaycan dövlət sərhədinin Kəlbəcər sahəsində atışma hazırda da davam edir. 

Bu barədə Sputnik Azərbaycan-a Müdafiə Nazirliyindən məlumat verilib.

Azərbaycan Ordusunun bölmələri cavab atəşi ilə qarşı tərəfi susdurur.

7112
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Sputnik Azərbaycan TÜRKSOY-un mükafatına layiq görülüb

433
(Yenilənib 16:16 25.09.2021)
Mükafatlandırılanlar arasında həmçinin Türkiyənin Haber Global-ın əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri də var.

BAKI, 25 sentyabr - Sputnik. Qırx dörd günlük Vətən müharibəsi zamanı məlumatların dünya ictimaiyyətinə obyektiv çatdırılmasına görə Sputnik Azərbaycan informasiya agentliyi Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatına layiq görülüb.

Mükafatlandırma mərasimi Beynəlxalq Muğam Mərkəzində keçirilib. Mərasimdə yerli və beynəlxalq media nümayəndələri təltif olunublar.

Tədbirin əvvəlində şəhidlərin xatirəsi bir dəqiqəlik sükutla yad olunub. Daha sonra şəhid-jurnalistlərin fəqliyyətinə həsr olunmuş videoçarx nümayiş olunub.

  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
  • Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi
    © Sputnik / Murad Orujov
1 / 6
© Sputnik / Murad Orujov
Beynəlxalq Türk Mədəniyyəti Təşkilatının (TÜRKSOY) “TURKSOY Press Award” mükafatın təqdimedilmə mərasimi

Tədbirdə çıxış edən mədəniyyət naziri Anar Kərimov iki gün sonra Vətən müharibəsinin başlanmasının ildönümünü olacağını yada salıb:

“Biz müzəfər Azərbaycan ordusuna və Ali baş komandana minnətdarıq. Bu təkcə Azərbaycan-ın ərazi bütövlüyünün bərpası deyil, həm də şərəf məsələsi idi. İnformasiya müharibəsində bizə dəstək olan hər kəsə minnətdarlığımı bildiriəm”, - deyə Kərimov vurğulayıb.

Daha sonra tədbirdə TÜRKSOY-un baş katibinin müavini Bilal Çakıcı çıxış edərək KİV nümayəndələrinə minnətdarlığını ifadə edib.

Şəhid jrunalistlər – AZƏRTAC-ın müxbiri Məhərrəm İbrahimov və AzTV-nin operatoru Cirac Abışovun ailələrinə “TURKSOY Press Award” mükafatı təqdim olunub.

Mükafatlandırılanlar arasında həmçinin Türkiyənin Haber Global televiziyasının əməkdaşı Osman Girgin, A Haber əməkdaşı Abdulkərim Ulak, CNN Turk-ün keçmiş əməkdaşı Fülya Öztürk, fransalı fotoqraf Reza Deqati, habelə Qazaxıstan, Qırğızıstan və Özbəkistan KİV nümayəndələri olub.

Sentyabrın 26-da bütün mükafatlandırılmış KİV nümayəndələri Şuşa şəhərinə səyahət edəcəklər.

433
Teqlər:
TÜRKSOY
Gennadi Anaşkin

Sülhməramlıların komandanı yenə dəyişdi

2611
(Yenilənib 14:15 25.09.2021)
Bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

BAKI, 25 sentyabr - Sputnik. Azərbaycan ərazisində müvəqqəti olaraq yerləşdirilmiş Rusiya sülhməramlı kontingentinə yeni komandan təyin olunub.

Sputnik Armenia-nın verdiyi xəbərə görə, komandan vəzifəsinə general-leytenant Gennadi Anaşkin təyin olunub.

General-leytenant Gennadi Anaşkin 1968-ci ildə Rusiyanın Samara (Kuybışev) şəhərində anadan olub.

1993-cü ildə Ryazan ali hava-desant məktəbini bitirib. 2017-ci ildən Cənub hərbi dairəsinin 8-ci ümumqoşun ordusu komandanının müavini olub. Rusiya Federasiyasının qəhrəmanıdır.  

Qeyd edək ki, bundan əvvəl həmin vəzifəni general Mixail Kosobokov icra edirdi və o bu postda general-leytenant Rüstəm Muradovu əvəz etmişdi.

Həmçinin oxuyun:

Qarabağdakı Rusiya sülhməramlılarına yeni komandan təyin edilib

 

 

2611
Teqlər:
sülhməramlı, sülhməramlılar
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var

0
(Yenilənib 23:07 25.09.2021)
Avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

BAKI, 25 sentyabr — Sputnik. Yanvar-avqust aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.

Energetika Nazirliyindən Sputnik Azərbaycan-a verilən məlumata görə, 8 ayda respublikada elektrik enerjisinin istehsalı 18 milyard 612,4 milyon kilovat/saat olub.

Hesabat dövründə ötən ilin eyni aylarına nisbətən elektrik enerjisinin istehsalı İES-lərdə 994,2 milyon kilovat/saat artaraq 17 milyard 409,7 milyon kilovat/saat, SES-lərdə 120,3 milyon kilovat/saat çoxalaraq 966,9 milyon kilovat/saat, digər mənbələr (KES, GES və BMTYZ) üzrə isə 4,8 milyon kilovat/saat azalaraq 235,8 milyon kilovat/saat olub.

Qeyd edək ki, təkcə avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

Ay ərzində elektrik enerjisinin ixracı 150,6 milyon kilovat/saat, idxalı isə 10,5 milyon kilovat/saat təşkil edib.

Həmçinin oxuyun:

Bərpa olunan Laçın SES kimə işıq verəcək?

0
Teqlər:
İES, SES