Əlaqələndirmə Qərargahının İdarələrarası Mərkəzinin Ekoloji məsələlər və Enerji təhlükəsizliyi ilə əlaqədar İşçi qruplarının Ağdamda birgə iclası

İşğaldan azad olunmuş ərazilərdə enerji təhlükəsizliyi müzakirə olunub

66
(Yenilənib 11:56 07.07.2021)
İşğaldan azad edilmiş ərazilərdə məsələlərin mərkəzləşdirilmiş qaydada həlli ilə bağlı Əlaqələndirmə Qərargahının İdarələrarası Mərkəzinin Ekoloji məsələlər və Enerji təhlükəsizliyi ilə əlaqədar İşçi qruplarının Ağdamda birgə iclası keçirilib.

BAKI, 7 iyul — Sputnik. Enerji təhlükəsizliyi daim mühüm əhəmiyyət kəsb edib. Hər hansı işə başlamaq üçün elektrik enerjisinin olması vacibdir. Bu fikirlər Ağdamda keçirilən iclasda işğaldan azad edilmiş ərazilərdə sözügedən işçi qruplarının fəaliyyəti nəticəsində görülmüş işlərdən danışılarkən səsləndirilib. Qarşıda duran vəzifələr müzakirə edilərkən qeyd olunub ki, enerji və ekologiya məsələləri vəhdət təşkil edir. Bu baxımdan bu işçi qruplarının iclasının birlikdə keçirilməsi təsadüfi deyil.

İşğal nəticəsində bölgənin ekoloji vəziyyətinin də çox ciddi ziyan gördüyü bildirilib, ona görə də Ekoloji məsələlər üzrə İşçi qrupunun iclasda iştirakının önəmi qeyd olunub.

Ekologiya və Təbii Sərvətlər Nazirliyinin müavini Firdovsi Əliyev bildirib ki, tədbirin Ağdamda keçirilməsində məqsəd problemlərin yerlərdə araşdırılmasına imkan yaradıb. "Bu da problemdən çıxış yolunun tapılmasında mühüm rol oynayacaq. Bilirsiniz ki, ekologiya ətraf mühit məsələlərinin bilavasitə yaşıl texnologiya ilə bağlı enerji məsələsi olduğuna görə məhz enerji təminatı işçi qrupu ilə ekologiya məsələləri işçi qrupunun iclası bir yerdə keçirildi. Burada su məsələləri, yeraltı su təminatı, yaşıl texnologiyalar və s. mövzuda müzakirələrimiz oldu".

© Sputnik / Emin Alisahib
Əlaqələndirmə Qərargahının İdarələrarası Mərkəzinin Ekoloji məsələlər və Enerji təhlükəsizliyi ilə əlaqədar İşçi qruplarının Ağdamda birgə iclası

Bildirilib ki, ekologiya, ətraf mühit məsələləri bəşəriyyəti həmişə narahat edib. Erməni vandallarının 30 il ərzində ekologiyaya vurduğu ziyan ölçüyə gəlməzdir. Genosid bəlli bir xalqın, tayfanın məhv edilməsidirsə, ekosid bütövlükdə bəşəriyyətin məhv edilməsinin hədəflənməsidir. Odur ki ermənilərin vurduğu ziyanın, vandalizmin nəticələri dünya ictimaiyyətinə çatdırılmalıdır. Bu nöqteyi-nəzərdən Ekoloji məsələlər üzrə İşçi qrupunun üzvlərinin ermənilərin törətdiklərini öz gözləri ilə görmələri hədəflərə çatmaq istiqamətində önəmli rol oynayacaq. Vurğulanıb ki, bütün bu məsələlər planlaşdırılmış və əlaqələndirilmiş şəkildə müzakirə edilib, ciddi təhlil edildikdən sonra sistemli şəkildə icraat işlərinə başlanacaq.

İdarələrarası Mərkəzin nümayəndələrinin Suqovuşan səfəri

İşğaldan azad edilmiş ərazilərdə məsələlərin mərkəzləşdirilmiş qaydada həlli ilə bağlı Əlaqələndirmə Qərargahının nəzdindəki İdarələrarası Mərkəzin nümayəndələri Suqovuşanda səfərdə olublar.

Sputnik Azərbaycan-ın məlumatına görə, səfər iştirakçılarını Prezident Administrasiyasının şöbə müdirinin müavini Nüsrət Süleymanov müşayiət edib. Səfər çərçivəsində Suqovuşandakı su anbarı və elektrik stansiyaları ilə tanışlıq olub.

© Sputnik / Emin Alisahib
Əlaqələndirmə Qərargahının İdarələrarası Mərkəzinin Ekoloji məsələlər və Enerji təhlükəsizliyi ilə əlaqədar İşçi qruplarının Ağdamda birgə iclası

"24 noyabr 2020-ci il tarixində Azərbaycan Respublikası Prezidenti İlham Əliyevin müvafiq sərəncamı ilə işğaldan azad olunmuş ərazilərin bərpasının sistemli, mərkəzləşdirilmiş şəkildə həyata keçirilməsini təmin etmək məqsədi ilə əlaqələndirmə qərargahı yaradılıb. Əlaqələndirmə qərargahına Azərbaycan Respublikası Prezidentinin Administrasiyasının rəhbəri Samir Nuriyev rəhbərlik edir. Əlaqələndirmə qərargahı gündəlik əsasla öz fəaliyyətini davam etdirməkdədir", - deyə Əlaqələndirmə qərargahının katibliyinin rəhbəri Nüsrət Süleymanov səfərin mahiyyətindən danışıb.

O qeyd edib ki, əlaqələndirmə qərargahının nəzdində idarələrarası mərkəz mövcuddur və bu idarələrarası mərkəzdə müxtəlif fəaliyyət istiqamətlərini əhatə etməklə ondan artıq işçi qrup fəaliyyət göstərir:

"Bu işçi qruplar da mütəmadi əsaslarla öz işlərini həm digər işçi qruplar arasında, eyni zamanda aidiyyəti dövlət qurumlarının həmin işçi qruplarda təmsil olunan nümayəndələri arasında sıx şəkildə əlaqələndirməklə işlərin sistemli şəkildə ərazidə həyata keçirilməsini təmin edirlər. Bildirmək istərdim ki, əlaqələndirmə qərargahı yarandığı gündən etibarən çoxsaylı layihələr həyata keçirir. Məqsəd qərargahın rəhbərliyinin tapşırığına uyğun olaraq işlərin praktiki gedişi ilə tanış olmaq üçün işğaldan azad olunmuş ərazilərə səfər etmək və görülən işlərlə yerində tanış olmaqdır".

Nümayəndələr Suqovuşan su anbarında hazırkı vəziyyətlə tanış olublar. Onlara buradakı yarımstansiya və su elektrik stansiyaları barədə də məlumat verilib.

66
Mübariz Əhmədoğlu, politoloq

Politoloq: “Zəngəzur dəhlizinin fəaliyyətə açılması daha tez başa gələcək”

22
(Yenilənib 17:01 23.07.2021)
Politoloq Mübariz Əhmədoğlu deyir ki, ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı
Mübariz Əhmədoğlu: “Bu məsələdə Azərbaycan və Rusiya birlikdə hərəkət edəcək”

“Bölgədəki bütün kommunikasiyaların açılması paralel olaraq həyata keçirilməlidir. Bu, Ermənistana Rusiya və İranla dəmir yolu əlaqəsi qurmağa imkan verəcək, Azərbaycan üçün bu, Naxçıvan Muxtar Respublikasına əlavə marşrut verəcək. Bölgədə 4 ölkə - Azərbaycan, İran, Rusiya və Türkiyə - bu yanaşmanı dəstəkləyir, Ermənistanın da buna müsbət reaksiyasını gözləyirik, amma bu yanaşma seçici olmamalıdır”. Bunu Azərbaycan Prezidenti İlham Əliyev Bakıda, Avropa Şurasının Prezidenti Şarl Mişel ilə görüşdən sonra keçirilən mətbuat konfransında deyib.

Politoloq Mübariz Əhmədoğlu Sputnik Azərbaycan-a deyir ki, Ermənistan kommunikasiyaların açılmasının əleyhinədir: “Bunu da müxtəlif formalarda təqdim edirlər. Ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı. Digər kommunikasiyaların bərpası ilə müqayisədə Zəngəzur dəhlizinin fəaliyyətə açılması daha tez başa gələcək. Mehri dəmiryolu Moskva-Tehran qatarının getdiyi marşrutdur. Yəni Rusiyanın qatarı İranın və Türkiyənin sərhəddi ilə gedirdi. Bu böyük geosiyasi üstünlükdür. Kommunkasiya məsələsində Azərbaycan tək deyil. Bu məsələlərin irəliləməsində Azərbaycan və Rusiya birlikdə hərəkət edəcək”.

Politoloqun geniş şərhinə audiofaylda qulaq asa bilərsiniz

22
Здание Министерства иностранных дел Азербайджанской Республики в Баку

Bakıdan növbəti xəbərdarlıq: ""Dağlıq Qarabağ" olmadığı kimi "status" məsələsi yoxdur"

51
Azərbaycan XİN rəsmisi qarşı tərəfin hay-küyünü şərh edib: Ermənistan “humanitar vəziyyət” adı altında öz siyasi oyunlarını davam etdirir".

BAKI, 24 iyul - Sputnik. Ermənistan XİN-in Azərbaycan dövlət başçısının müsahibələrini, çıxışlarını diqqətlə izləməsi, əlbəttə, yaxşıdır. Lakin bu müsahibələri sadəcə oxumaq deyil, düzgün anlamaq və nəticə çıxarmaq lazımdır.

Sputnik Azərbaycan-ın məlumatına görə, bunu Azərbaycan Respublikası Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in KİV və ictimai diplomatiya idarəsinin 23 iyul 2021-ci il tarixli açıqlamasına dair şərhində deyib.

"Birincisi, bəli, bizim dədə-babalarımız Zəngəzurda yaşayıblar, bu tarixi faktdır. Burada, eləcə də müasir Ermənistanın digər ərazilərində tarixən yaşayan soydaşlarımız etnik təmizləmə siyasətinin qurbanı olublar, evlərindən didərgin düşüblər, bu da bir tarixi reallıqdır. Azərbaycanın Ermənistan ərazilərini “işğal etməsi” ilə bağlı cəfəng iddiaya gəldikdə isə, Prezident İlham Əliyevin sözügedən müsahibəsində aydın şəkildə qeyd etdiyi kimi, biz öz sərhədlərimizə çıxmışıq, sərhədlərimizdə möhkəmlənirik. Postmüharibə dövrünün reallıqları ilə barışmaq istəməyən Ermənistan, onilliklər ərzində işğalçı ölkə kimi beynəlxalq hüquqa hörmətsizlik nümayiş etdirən bir ölkə kimi, bundan sonra da beynəlxalq hüquq normalarından danışmadan öncə düşünməlidir", - L.Abdullayeva vurğulayıb.

O, eləcə də Ermənistan XİN-ə xatırlatma edib: "İkincisi, Dağlıq Qarabağ Muxtar Vilayəti Azərbaycan Respublikasının Parlamenti tərəfindən 1991-ci ilin noyabrında qanuni şəkildə ləğv edilib. AR Prezidentinin 7 iyul 2021-ci il tarixli Sərəncamı ilə isə Şərqi Zəngəzur və Qarabağ iqtisadi rayonları yaradılıb. Bu ərazi Azərbaycanın tərkib hissəsidir və burada yaşayan ermənilər də, azərbaycanlılarla birgə bizim vətəndaşlarımız kimi yaşaya bilərlər.

Üçüncü, “Dağlıq Qarabağın statusu” məsələsini süni şəkildə gündəmə gətirmək istəyənlər birdəfəlik anlamalıdırlar, “Dağlıq Qarabağ” olmadığı kimi “status” məsələsi də yoxdur.

Növbəti, Azərbaycanı “humanitar vəziyyəti pisləşdirməkdə” ittiham edən Ermənistana xatırladırıq ki, hərbi əməliyyatlar bitdikdən dərhal sonra Azərbaycan ərazisindən humanitar yükün daşınmasına şərait yaradıb. Beynəlxalq humanitar təşkilatlarla bölgəyə missiyanın göndərilməsinə dair tərəfimizdən əldə olunan razılığa məhz Ermənistan əngəl törətməyə çalışır. Bu isə onu göstərir ki, Ermənistan “humanitar vəziyyət” adı altında öz siyasi oyunlarını davam etdirir".

"Qanunsuz güc tətbiqinin bölgədə sülh və təhlükəsizliyə maneə olduğunu Ermənistan hamıdan yaxşı bilməlidir, çünki bunu onilliklərlə özü edib. Azərbaycan isə BMT Nizamnaməsinə uyğun olaraq və beynəlxalq humanitar hüquqa riayət etməklə ərazilərini işğaldan azad edib, ərazi bütövlüyünü təmin edib və hazırda bölgədə sülh və tərəqqinin təmin olunmasına çalışır", - deyə Azərbaycan XİN rəsmisi yekunlaşdırıb.

Eləcə də oxuyun:

51
Teqlər:
Qarabağ, cavab, Ermənistan XİN, Leyla Abdullayeva, Azərbaycan XİN
Əli qandallanmış kişi polis bölməsində, arxiv şəkli

Qərb bölgəsində "ənənəvi" narkotik maddə alverçiləri ələ keçiblər

0
Goranboy rayon Polis Şöbəsinin əməkdaşları tərəfindən saxlanılmış Nurəddin Ələkbərovun üzərindən narkotik vasitə olan "tiryək" və "heroin" aşkar edilərək aşkar edilərək götürlüb.

BAKI, 25 iyul — Sputnik. İyulun 25-i istirahət gününə təsadüf etsə də, narkotacirlər sən demə iş başında imiş. Sputnik Azərbaycan günün narkomaniya ilə mübarizə xronikasını təqdim edir:

Goranboy rayon Polis Şöbəsinin (RPŞ) əməkdaşlarında rayon sakini, əvvəllər məhkum olunmuş Nürəddin Ələkbərovun qanunsuz olaraq narkotik vasitə saxlaması barədə əsaslı şübhələr yaranıb. Daxili İşlər Nazirliyinin Mətbuat Xidmətinin Gəncə regional qrupundan Sputnik Azərbaycan-a verilən məlumata görə, polis əməkdaşlarının keçirdikləri əməliyyat tədbirləri nəticəsində həmin şəxs şübhəli qismində saxlanılaraq polis şöbəsinə gətirilib. Şəxsi axtarış zamanı N. Ələkbərovun üzərindən narkotik vasitə olan "tiryək" və "heroin" aşkar edilərək aşkar edilərək götürlüb.

RPŞ əməkdaşlarının keçirdikləri digər bir əməliyyat-axtarış tədbirləri də uğurla nəticələnib. Belə ki, rayon sakini, əvvəllər məhkum olunumuş, qanunsuz olaraq narkotik vasitələri əldə edib saxlamaqda şübhəli bilinən Elmin Uğurluyev saxlanılarkən üzərindən narkotik vasitə olan "heroin" aşkar edilərək götürülüb.

Bundan başqa polis əməkdaşlarının keçirdikləri növbəti əməliyyat-axtarış tədbirləri nəticəsində, əvvəllər məhkum olunmuş Murad Ələkbəri saxlanılıb və üzərindən narkotik maddə olan "heroin " aşkar edilib.

Rayon sakini Hətəm Uğurluyev saxlanılan zaman isə ondan narkotik vasitə olan, qurudulmuş "marixuana" şkar olunub.

Maddi sübutlar ekspertizaya təqdim olunub. Saxlanılan şəxslərlə bağlı Goranboy RPŞ-də araşdırmalar davam etdirilir.

Zaqatalada da psixotrop maddələrin qanunsuz dövriyyəsi ilə məşğul olan şəxslərin tutularaq məsuliyyətə cəlb edilmələri istiqamətində əməliyyat tədbiri həyata keçirilib. DİN-in Mətbuat Xidmətinin Şəki regional qrupundan verilən məlumata görə, şöbənin Narkotiklərlə Mübarizə Qrupunun əməkdaşları tərəfindən daxil olmuş məlumat əsasında keçirilən tədbir zamanı üzərində metamfetamin (“patı”) daşımaqda şübhəli bilinən rayonun Əliabad qəsəbə sakini, əvvəllər də analoji cinayət əməlinə görə məhkumluq həyatı yaşayan Elgüc Ağaməmmədov saxlanılıb. Şəxsi axtarış zamanı həmin şəxsdən metamfetamin aşkarlanaraq götürülüb. Faktla bağlı Zaqatala Rayon Polis Şöbəsində araşdırma aparılır.

Qeyd edək ki, dünən Nəsimi Rayon Polis İdarəsinin əməkdaşlarının həyata keçirdikləri əməliyyat-axtarış tədbirləri nəticəsində rayonun əsasən "Kubinka", "Şamaxinka" və digər ərazilərində narkotik vasitələrin və psixotrop maddə olan metamfetamin, yəni "patı"nın qanunsuz dövriyyəsi və satışı ilə məşğul olan 9 nəfər tutulub.

Daxili İşlər Nazirliyinin (DİN) mətbuat xidmətindən verilən xəbərə görə, əməliyyat zamanı əvvəllər məhkum olunmuş Zeynal Qarayev, Əhliman Məmmədov, Vüsal Əliyev, Bahar Bayramova, Rəşad Həsənov, Elnur Hacıyev, Mustafa Sarıyev, Musa Əliyev və Natiq Ramazanov tutularaq istintaqa təqdim olunublar.

Bu şəxslərin üzərlərinə və evlərinə baxış zamanı külli miqdarda heroin, psixotrop maddə olan metamfetamin, heroin və elektron tərəzilər aşkar edilərək götürülüb. Bu şəxslər izahatlarında narkotik vasitələrin qanunsuz dövriyyəsi və satışı ilə məşğul olduqlarını etiraf ediblər.

Faktlarla bağlı Nəsimi Rayon Polis İdarəsində araşdırmalar başlanılıb. Adları sadalanan şəxslər tutularaq istintaqa cəlb olunublar və barələrində məhkəmə tərəfindən həbs qətimkan tədbirləri seçilib. Nəsimi rayonu ərazisində narkotik vasitələrin qanunsuz dövriyyəsinin qarşısının alınması istiqamətində Rayon Polis İdarəsinin əməkdaşları tərəfindən əməliyyat tədbirləri davam etdirilir.

0