Ağac kəsimi, arxiv şəkli

Ekoloji terror: Təbiət abidəsi sayılan ağaclar məhv olunub

31
(Yenilənib 13:14 07.07.2021)
İşğaldan azad edilən rayonlarda Ekologiya və Təbii Sərvətlər Nazirliyinin əməkdaşları monitorinq keçirib. Aparılan araşdırmalar qorxunc faktları ortaya çıxarıb.

BAKI, 7 iyul — Sputnik. "Ölkəmizdə elə ağaclar var ki, onlar 1982-ci il 16 mart tarixli 167 saylı qərar ilə mühafizə olunan təbiət abidələri siyahısına daxil edilib. İşğaldan azad edilmiş ərazilərdə 152 ədəd belə ağac mövcud olmuşdur". Bunu Ekologiya və Təbii Sərvətlər Nazirliyinin sektor müdiri Mehman Əliyev Ağdam rayonuna səfəri zamanı jurnalistlərə açıqlamasında deyib.

© Sputnik / Emin Alisahib
Ekologiya və Təbii Sərvətlər Nazirliyinin sektor müdiri Mehman Nəbiyev

O bildirib ki, sözügedən ağacların siyahısına Şərq çinarı, dağdağan, palıd, saqqız ağacı və digərləri daxildir. "Bu ağacların 1400-1600 yaşı var. Ümumiyyətlə işğaldan azad edilmiş ərazilərdə mövcud olan 152 ağacdan Füzuli, Zəngilan, Cəbrayıl, Qubadlı, Xocavənd və Ağdam rayonlarında monitorinq keçirilən ərazilərdə 139 belə ağacın mövcud olduğu yerə baxış keçirilmiş və məlum olmuşdur ki, bu ağaclardan 123-ü artıq məhv edilib. Həmin ağaclar yandırılıb, kəsilərək məhv edilib. Artıq həmin ağaclar yerində yoxdur. Yaşı min illərlə ölçülən bu ağacların diametri 6 metrə qədər, hündürlüyü isə 40-50 metrə qədər idi".

Müsahibimiz bildirib ki, təkcə Ağdam rayonunun ərazisində 85 belə qədim ağac mövcud olub. "Monitorinq zamanı məlum olub ki, artıq həmin ağacların 82-si kəsilib, məhv edilib. Hazırda yanında dayandığımız bu Şərq çinarı da həmin təbiət abidələrindən biridir. Bu, həmin təbiət abidəsinin bir budağıdır. Digər budaqlar artıq kəsilib".

Qeyd edək ki, hazırda bu istiqamətdə aidiyyəti qurumlar tərəfindən monitorinqlər davam etdirilir.

İşğaldan azad olunmuş ərazilərdəki ekoloji terror

İşğaldan azad edilmiş ərazilərdə fauna və floraya dəymiş ziyanın müəyyənləşdirilməsinə başlanılıb.

Bunu jurnalistlərə açıqlamasında Ekologiya və Təbii Sərvətlər Nazirliyinin Bioloji Müxtəlifliyin Qorunması Xidmətinin rəis müavini Arzu Səmədova bildirib.

Onun sözlərinə görə, Azərbaycan torpaqları 30 il işğalda olduğu müddətdə fauna və floraya ciddi ziyan dəyib: "Hətta işğal dövründə "Qırmızı kitab"a düşmüş növlərə də ciddi ziyan dəyib. Çoxillik ağaclar yandırılıb, kökləri məhv edilib, heyvanların yaşayış yeri olan meşələrə qarşı ekoloji terror törədilib. Hazırda bu məsələlər araşdırılır".

İşğaldan azad olunmuş Kəlbəcər rayonunda keçirilən monitorinqlər, aparılan müşahidələr olduqca acınacaqlı vizual mənzərələrlə yadda qalıb. Bunu Ekologiya və Təbii Sərvətlər nazirinin müavini Firdovsi Əliyev nazirliyin əməkdaşlarının Qarabağ bölgəsində keçirdikləri monitorinqlər barədə açıqlamasında bildirib.

O qeyd edib ki, işğaldan azad olunmuş ərazilərin ekoloji vəziyyətinin qiymətləndirilməsi və bərpa planlarının dəqiqləşdirilməsi məqsədilə keçirilən monitorinqlər çərçivəsində ərazilərimizin ekoloji vandalizmə məruz qaldığı bir daha təsdiqlənib: "İlkin müşahidələr göstərir ki, Kəlbəcər rayonunda ermənilər tərəfindən təbiətə qarşı ekoloji cinayətlər həyata keçirilib, xüsusən yol ətrafında xeyli sayda ağac kəsilib, çoxillik təbiət abidələri məhv edilib, təbii sərvətlər talan olunub".

Nazir müavininin sözlərinə görə, ermənilərin Kəlbəcərdə törətdiyi ekoloji terrorun izləri ürəkağrıdıcıdır: "Bölgədə ekoloji monitorinqlər davam etdirilir, ətraf mühitə, meşə fonduna, təbii sərvətlərə dəymiş ziyanın hesablanması, qiymətləndirilməsi aparılır və nəticələr barədə müvafiq qurumlara hesabatlar təqdim olunacaq".

31
Mübariz Əhmədoğlu, politoloq

Politoloq: “Zəngəzur dəhlizinin fəaliyyətə açılması daha tez başa gələcək”

22
(Yenilənib 17:01 23.07.2021)
Politoloq Mübariz Əhmədoğlu deyir ki, ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı
Mübariz Əhmədoğlu: “Bu məsələdə Azərbaycan və Rusiya birlikdə hərəkət edəcək”

“Bölgədəki bütün kommunikasiyaların açılması paralel olaraq həyata keçirilməlidir. Bu, Ermənistana Rusiya və İranla dəmir yolu əlaqəsi qurmağa imkan verəcək, Azərbaycan üçün bu, Naxçıvan Muxtar Respublikasına əlavə marşrut verəcək. Bölgədə 4 ölkə - Azərbaycan, İran, Rusiya və Türkiyə - bu yanaşmanı dəstəkləyir, Ermənistanın da buna müsbət reaksiyasını gözləyirik, amma bu yanaşma seçici olmamalıdır”. Bunu Azərbaycan Prezidenti İlham Əliyev Bakıda, Avropa Şurasının Prezidenti Şarl Mişel ilə görüşdən sonra keçirilən mətbuat konfransında deyib.

Politoloq Mübariz Əhmədoğlu Sputnik Azərbaycan-a deyir ki, Ermənistan kommunikasiyaların açılmasının əleyhinədir: “Bunu da müxtəlif formalarda təqdim edirlər. Ölkə prezidentimiz Rusiya prezidentli ilə görüşündə də kommunikasiyaların paralel şəkildə açılmasını diqqətə çatdırdı. Digər kommunikasiyaların bərpası ilə müqayisədə Zəngəzur dəhlizinin fəaliyyətə açılması daha tez başa gələcək. Mehri dəmiryolu Moskva-Tehran qatarının getdiyi marşrutdur. Yəni Rusiyanın qatarı İranın və Türkiyənin sərhəddi ilə gedirdi. Bu böyük geosiyasi üstünlükdür. Kommunkasiya məsələsində Azərbaycan tək deyil. Bu məsələlərin irəliləməsində Azərbaycan və Rusiya birlikdə hərəkət edəcək”.

Politoloqun geniş şərhinə audiofaylda qulaq asa bilərsiniz

22
Здание Министерства иностранных дел Азербайджанской Республики в Баку

Bakıdan növbəti xəbərdarlıq: ""Dağlıq Qarabağ" olmadığı kimi "status" məsələsi yoxdur"

51
Azərbaycan XİN rəsmisi qarşı tərəfin hay-küyünü şərh edib: Ermənistan “humanitar vəziyyət” adı altında öz siyasi oyunlarını davam etdirir".

BAKI, 24 iyul - Sputnik. Ermənistan XİN-in Azərbaycan dövlət başçısının müsahibələrini, çıxışlarını diqqətlə izləməsi, əlbəttə, yaxşıdır. Lakin bu müsahibələri sadəcə oxumaq deyil, düzgün anlamaq və nəticə çıxarmaq lazımdır.

Sputnik Azərbaycan-ın məlumatına görə, bunu Azərbaycan Respublikası Xarici İşlər Nazirliyinin Mətbuat xidməti idarəsinin rəisi Leyla Abdullayeva Ermənistan XİN-in KİV və ictimai diplomatiya idarəsinin 23 iyul 2021-ci il tarixli açıqlamasına dair şərhində deyib.

"Birincisi, bəli, bizim dədə-babalarımız Zəngəzurda yaşayıblar, bu tarixi faktdır. Burada, eləcə də müasir Ermənistanın digər ərazilərində tarixən yaşayan soydaşlarımız etnik təmizləmə siyasətinin qurbanı olublar, evlərindən didərgin düşüblər, bu da bir tarixi reallıqdır. Azərbaycanın Ermənistan ərazilərini “işğal etməsi” ilə bağlı cəfəng iddiaya gəldikdə isə, Prezident İlham Əliyevin sözügedən müsahibəsində aydın şəkildə qeyd etdiyi kimi, biz öz sərhədlərimizə çıxmışıq, sərhədlərimizdə möhkəmlənirik. Postmüharibə dövrünün reallıqları ilə barışmaq istəməyən Ermənistan, onilliklər ərzində işğalçı ölkə kimi beynəlxalq hüquqa hörmətsizlik nümayiş etdirən bir ölkə kimi, bundan sonra da beynəlxalq hüquq normalarından danışmadan öncə düşünməlidir", - L.Abdullayeva vurğulayıb.

O, eləcə də Ermənistan XİN-ə xatırlatma edib: "İkincisi, Dağlıq Qarabağ Muxtar Vilayəti Azərbaycan Respublikasının Parlamenti tərəfindən 1991-ci ilin noyabrında qanuni şəkildə ləğv edilib. AR Prezidentinin 7 iyul 2021-ci il tarixli Sərəncamı ilə isə Şərqi Zəngəzur və Qarabağ iqtisadi rayonları yaradılıb. Bu ərazi Azərbaycanın tərkib hissəsidir və burada yaşayan ermənilər də, azərbaycanlılarla birgə bizim vətəndaşlarımız kimi yaşaya bilərlər.

Üçüncü, “Dağlıq Qarabağın statusu” məsələsini süni şəkildə gündəmə gətirmək istəyənlər birdəfəlik anlamalıdırlar, “Dağlıq Qarabağ” olmadığı kimi “status” məsələsi də yoxdur.

Növbəti, Azərbaycanı “humanitar vəziyyəti pisləşdirməkdə” ittiham edən Ermənistana xatırladırıq ki, hərbi əməliyyatlar bitdikdən dərhal sonra Azərbaycan ərazisindən humanitar yükün daşınmasına şərait yaradıb. Beynəlxalq humanitar təşkilatlarla bölgəyə missiyanın göndərilməsinə dair tərəfimizdən əldə olunan razılığa məhz Ermənistan əngəl törətməyə çalışır. Bu isə onu göstərir ki, Ermənistan “humanitar vəziyyət” adı altında öz siyasi oyunlarını davam etdirir".

"Qanunsuz güc tətbiqinin bölgədə sülh və təhlükəsizliyə maneə olduğunu Ermənistan hamıdan yaxşı bilməlidir, çünki bunu onilliklərlə özü edib. Azərbaycan isə BMT Nizamnaməsinə uyğun olaraq və beynəlxalq humanitar hüquqa riayət etməklə ərazilərini işğaldan azad edib, ərazi bütövlüyünü təmin edib və hazırda bölgədə sülh və tərəqqinin təmin olunmasına çalışır", - deyə Azərbaycan XİN rəsmisi yekunlaşdırıb.

Eləcə də oxuyun:

51
Teqlər:
Qarabağ, cavab, Ermənistan XİN, Leyla Abdullayeva, Azərbaycan XİN

Putin Rusiya HDD-nin ən yeni silahlarından söz açıb