Rusiya prezidenti Vladimir Putin arxiv şəkli

Putin Avropa Şurasının rəhbəri ilə Qarabağdakı vəziyyəti müzakirə edib

18
Prioritet məsələ kimi tərəflər bölgədə iqtisadi və nəqliyyat əlaqələrinin bərpa edilməsi, əhalinin humanitar problemlərinin həllini qeyd ediblər.

BAKI, 7 iyun — Sputnik. Rusiya prezidenti Vladimir Putin bazar ertəsi, iyunun 7-də Avropa Şurasının (AŞ) sədri Şarl Mişellə telefon əlaqəsi saxlayıb. Sputnik Azərbaycan Kremlin rəsmi saytına istinadən xəbər verir ki, telefon danışığı zamanı Qarabağ, Belarus, Liviyadakı vəziyyət, eləcə də digər məsələlər müzakirə olunub.

Rusiya və AŞ arasında münasibətlər

Söhbət əsnasında tərəflər ətrafı şəkildə Rusiya və AŞ arasında münasibətləri, habelə bir sıra aktual beynəlxalq problemləri nəzərdən keçiriblər.

Konkret olaraq, Putin bildirib ki, Rusiya və Avropa İttifaqının (Aİ) bir-biri üçün ticarət və investisiyalar sahəsində çox əhəmiyyətli tərəfdaş olmalarına rəğmən, ikitərəfli münasibətlərin hazırkı səviyyəsini qənaətbəxş adlandırmaq olmaz. Onun fikrincə, praqmatizm və qarşılıqlı hörmətə əsaslanan əməkdaşlığa qayıdış ümumi maraqlara xidmət edə bilər.

Tərəflər səhiyyə, iqlim, regional münaqişələrin həlli kimi konkret istiqamtələrdə qarşılıqlı fəaliyyətin aktivləşdirilməsinin vacibliyini ifadə ediblər.

Koronavirusla mübarizə

Telefon əlaqəsi zamanı həmçinin COVID-19 virusunun yayılmasına qarşı mübarizə məsələləri, o cümlədən Rusiyanın "Sputnik V" peyvəndinin Aİ-də sertifikat alması perspektivləri və pandemiyaya qarşı məhdudiyyətlərə riayət olunması şərti ilə vətəndaşların qarşılıqlı səfərləri üçün şəraitin yaradılması da müzakirə olunub.

Beynəlxalq siyasət və xüsusilə Qarabağ

Söhbət əsnasında üçtərəfli bəyanatların ardıcıl həyata keçirilməsinin vacibliyi nəzərə alınmaqla Qarabağ ətrafında yaranmış vəziyyət də müzakirə olunub. Prioritet məsələ kimi tərəflər bölgədə iqtisadi və nəqliyyat əlaqələrinin bərpa edilməsi, əhalinin humanitar problemlərinin həllini qeyd ediblər. Şarl Mişel bu istiqamətdə, o cümlədən ATƏT-in Minsk qrupunun xətti ilə atılan addımları dəstəklədiyini ifadə edib.

Söhbət zamanı Putin həmçinin Aİ tətəfindən Belarusa sanksiyalar yolu ilə təzyiq göstərilməsinə dair atılan əlavə addımları, eləcə də bu suveren dövlətin daxili işlərinə istənilən müdaxilə cəhdlərini pisləyib.

Liviyada yaranmış vəziyyəti müzakirə edərkən tərəflər siyasi proseslərə yardımın davam edirilməsi və keçid dövrü üçün formalaşdırılmış hakimiyyət orqanlarına dəstək göstərilməsinə tərəfdar oldularını bildiriblər.

Eləcə də oxuyun:

18
Teqlər:
Şarl Mişel, Avropa İttifaqı, Vladimir Putin, Azərbaycan, Qarabağ
Azərbaycan Respublikası Müdafiə Nazirliyinin binası

Azərbaycan ordusunun kapitanı Kəlbəcərdə göldə boğulub - MN

281
Silahlı Qüvvələrimizin daha bir hərbi qulluqçusu işqaldan azad olunmuş ərazilərdə qeyri-döyüş şəraitində həyatını itirib.

BAKI, 17 iyun — Sputnik. Azərbaycan Ordusunun zabiti göldə boğulub.

APA-nın məlumatına görə, kapitan İlham Fərzəliyev bu gün Kəlbəcər rayonu ərazisində yerləşən Alagöldə çimərkən boğularaq ölüb.

Müdafiə Nazirliyinin mətbuat xidmətindən Azərbaycan Ordusunun hərbi qulluqçusu, kapitan Fərzəliyev İlham Allahverdi oğlunun göldə çimərkən boğularaq həlak olması ilə bağlı məlumatı təsdiq ediblər.

Bildirilib ki, faktla əlaqədar cinayət işi başlanıb, araşdırma aparılır.

Qeyd edək ki, martın 30-də buna bənzər daha bir faciə baş vermişdi. Azərbaycan ordusunun hərbi qulluqçusu qulluqçusu gizir Əliyev Heydər Rövşən oğlu Xocavənd rayonu ərazisində xidmətdən kənar vaxtda göldə çimməyə cəhd göstərən boğularaq ölüb.

281
Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu, 28 may 2021-ci il

Şoyqu erməni həmkarına zəng etdi Azərbaycanla sərhədə Rusiya sərhədçiləri gətirilir?

922
(Yenilənib 15:43 17.06.2021)
Arutunyan və Şoyqu, o cümlədən Rusiya sülhməramlı kontingentinin Qarabağda missiyasını həyata keçirməsini, müdafiə sahəsində Ermənistan – Rusiya əməkdaşlığını və digər regional problemləri müzakirə ediblər.

BAKI, 17 iyun — Sputnik. Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu ilə Ermənistan-Azərbaycan sərhədindəki vəziyyətin həlli yollarını müzakirə edib. Sputnik Ermənistan xəbər verir ki, bu barədə məlumatı Ermənistanın Müdafiə Nazirliyi yayıb.

Qeyd olunur ki, telefon danışığı zamanı tərəflər Zəngəzur (Sünik) və Basarkeçər (Geğarkunik) vilayətlərində Ermənistan-Azərbaycan sərhədində Rusiya sərhədçilərinin yerləşdirilməsi məsələsini dair fikir mübadiləsi aparıblar.

Arutunyan və Şoyqu, o cümlədən Rusiya sülhməramlı kontingentinin Qarabağda missiyasını həyata keçirməsini, müdafiə sahəsində Ermənistan-Rusiya əməkdaşlığını və digər regional problemləri müzakirə ediblər.

Qeyd edək ki, daha əvvəl Ermənistan Baş nazirinin səlahiyyətlərini icra edən Nikol Paşinyan bəyan etmişdi ki, Rusiya tərəfinin nümayəndələri Ermənistan-Azərbaycan sərhədindəki ərazidə və Zod – Xəzinavar yolunda dislokasiya ola biləcək yerlərə baxış keçiriblər.

Sərhəddə gərginlik

Xatırladaq ki, mayın 27-də Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Kəşfiyyat-diversiya qrupunun saxlanıldığı ərazinin coğrafi koordinatları: 40 dərəcə 09 dəqiqə 06 saniyə şimal enliyi, 45 dərəcə 58 dəqiqə 07 saniyə şərq uzunluğu (N 40°09′06″; E 45°58′07″).

Digər erməni hərbi qulluqçuları ərazimizi dərhal tərk edərək geriyə çəkiliblər.

922
Kinolent, arxiv şəkli

Azərbaycanda yeni kino platforması fəaliyyətə başlayıb

0
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

0