* AZƏRBAYCAN *
Ağdam şəhərində yenidənqurma işləri

Ağdamda yenidənqurma işlərinə yenidənsökmə ilə start verilib

460
(Yenilənib 15:19 04.06.2021)
Uzunluğu 44,5 km olmaqla 4 hərəkət zolağından ibarət yol salınır. Yaşayış binası tikilir. İki muzey inşa olunur... Bir sözlə erməni vandallığı nəticəsində xarabalığa, ruhlar şəhərinə çevrilən bu məkanda yeni, müasir şəhər salınır.

BAKI, 4 iyun — Sputnik. Yolumuz Qarabağadır. İşğaldan azad edilmiş ərazilərdə quruculuq işləri ilə tanış olmağa. Bələdçimiz də var. Yol yoldaşımız Ağdam rayon sakini Zülfü Qasımovla elə Ağdamın girişindən başlayan yenidənqurma işlərinə nəzər yetiririk.

Yol mədəniyyətdir, mədəniyyət yoldan başlayır, deyib aqillərimiz... Bəli artıq Bərdə-Ağdam avtomobil yolunun tikinti işlərinin sürətlə davam etdirilməsi buranın cənnət məkana çevriləcəyinə bizi bir daha əmin edir. Yeni təməli qoyulan avtomobil yolu ilə yaxından tanış olmaq üçün işğaldan azad edilən torpağa yol alırıq. Otuz ilə yaxın düşmən tapdağı altında qalan ərazilər hazırda minalardan təmizlənir.

Təmizlənmiş ərazilərdə yeni yol salınır. Yolun başlanğıcı Bərdə şəhərindən götürülür. Avtomobil yolunun 14 kilometrlik hissəsi Bərdə şəhərindən və bir neçə yaşayış məntəqəsindən keçəcək. Yol 4 hərəkət zolaqlı olacaq. Avtomobil yolu Bərdə və Ağdam şəhərləri də daxil olmaqla, bu rayonların 20-dən artıq yaşayış məntəqəsini əhatə edəcək.

Ağdam rayon sakini Zülfü Qasımov deyir ki, Ağdam işğal olunmamışdan öncə bu yol onun daim hərəkət etdiyi yol olub:

“Ağdamın 5 giriş yolu var idi, amma ən magistral yolu Yevlax, Bərdə, Ağdam yolu idi. Ağdam işğaldan azad olunandan sonra mən bura ilk dəfə gələndə bu yolu tanıya bildmədim. Belə gözəl yoldan geriyə sadəcə ensiz bir cığır qalmışdı, ermənilər bu yolu tamamilə dağıtmışdılar. Ancaq may ayının 28-də cənab Prezident İlham Əliyev Ətyeməzli kəndinin girişində Uzundərə adlanan yerdə yeni yolun təməlini qoydu və yeni layihəyə əsasən çəkilən bu yol əvvəlkindən də gözəl olacaq. Hazırdada işlər sürətlə davam edir demək olarki yolun əsası tamamlanmaq üzrədir və inanırıq ki, bu yolun inşası tezliklə başa çatacaq”.

© Sputnik / Emin Alisahib
Ağdam şəhərində yenidənqurma işləri

Ağdamda olarkən Prezident İlham Əliyev tərəfindən təməli qoyulan ilk yaşayış binasının ərazisində də olduq. Ağıllı şəhər konsepsiyası ilə inşa olunacaq bu binanın layihələndirilməsi ABŞ-ın “Gensler”, Azərbaycanın “Azərbaycan inkişaf” və Türkiyənin “URAL mühendislik” şirkətləri tərəfindən həyata keçirilir. Binanın fasadında Ağdamın yerli ağ daşından və Avropa memarlıq elementlərindən istifadə ediləcək. Mənzillər 1, 2, 3, 4 və 5 otaqlı olacaq. Bundan əlavə, Ağdam şəhərində ümumilikdə 1750 fərdi yaşayış evi və 23 min mənzil inşa olunacaq.

Yeni tikilən binanın yaxınlığında isə 3,8 hektarlıq ərazidə Ağdam mərkəzi parkı salınacaq. Dövlət başçısının göstərişinə əsasən park ərazisində işğal dövründə dağıdılmış Nizami Gəncəvinin "Xosrov və Şirin" poemasının qəhramanı Fərhadın heykəli də yenidən bərpa olunacaq. Yol yoldaşımız Zülfü Qasımov deyir ki, park və binanı bir birindən ayıran küçə Ağdam şəhərinin Süleyman Sani Axundov küçəsidir:

“Əvvəllər bu küçənin hər iki tərəfi fərdi yaşayış evlərindən ibarət idi. Amma yeni plana görə, artıq burada hündürmərtəbəli binalar və mərkəzi park salınacaq. Ermənilər Ağdamı işğal edəndən sonra hər yeri dağıdıb talan ediblər, əvvəlki Ağdamdan geriyə heç nə qalmayıb, xarabalığa dönüb. Amma yeni plana əsasən Ağdam şəhəri əvvəlkindən də gözəl olacaq. Cənab prezident Ağdama səfəri zamanı dedi ki, Ağdam əvəzsiz şəhər olacaq və bütün dünya Ağdam şəhərinə qibtə edəcək”.
  • Ağdam şəhərində yenidənqurma işləri
    © Sputnik / Emin Alisahib
  • Ağdam şəhərində yenidənqurma işləri
    © Sputnik / Emin Alisahib
  • Ağdam şəhərində yenidənqurma işləri
    © Sputnik / Emin Alisahib
  • Ağdam şəhərində yenidənqurma işləri
    © Sputnik / Emin Alisahib
  • Ağdam şəhərində yenidənqurma işləri
    © Sputnik / Emin Alisahib
  • Ağdam şəhərində yenidənqurma işləri
    © Sputnik / Emin Alisahib
1 / 6
© Sputnik / Emin Alisahib
Ağdam şəhərində yenidənqurma işləri

18 hektar ərazidə yerləşəcək Zəfər muzeyi və açıq hava altında İşğal muzeyinin təməli qoyulan yerdə də olduq. Ölkə başçısı burada olarkən bildirib ki, muzeydə 44 günlük müharibənin hər bir günü əks olunmalıdır. O günün tarixçəsi əks etdirilməlidir. Həmçinin yaxınlıqda Zəfər arenası inşa olunacaq. Çörək muzeyi də bu ərazidə yerləşir, o da bərpa ediləcək.

© Sputnik / Emin Alisahib
Ağdam şəhərində yenidənqurma işləri

Ağdam şəhərində yerləşən 1 saylı məktəb Qarabağ bölgəsinin ən qədim məktəbi hesab olunur. 1883-cü ildə əsası qoyulan məktəb 1993-cü ildə erməni işğalı zamanı tamamilə dağıdılıb. Təhsil ocağı vaxtilə ikimərtəbəli binadan ibarət olub və burada 500 nəfərə yaxın şagird təhsil alıb. İndi bu məktəbin yerində daha müasir təhsil ocağı inşa olunur. Azərbaycan Respubilkasının Prezidenti İlham Əliyev tərəfindən təməli qoyulan yeni təhsil ocağı üç mərtəbədən ibarət olacaq və 960 şagirdin təhsil almasına imkan verəcək.

Müsahibimiz Zülfü Qasımov deyir ki, o, 1965-ci ildə Ağdam şəhər 1 nömrəli məktəbi qızıl medalla bitirib və həmin ildə də Azərbaycan Politexnik İnstitutuna qəbul olunub. “Bu gün Ağdamda həmin məktəbin təməlinin qoyulması çox böyük hadisədir. Tək məktəbin adı 1 nömrəli deyildi, o, bütün göstəriciləridə 1 nömrəli idi və rayonda ən qabaqcıl, ən çox şagird və ən böyük müəllim kollektivi olan məktəb elə 1 nömrəli məktəb idi. Bizim direktorumuz o vaxtı Süleyman Zeynalov idi, sonra Pedaqoji Universitetin rektoru təyin olundu. Ümumiyyətlə, çox böyük yüksək səviyyəli müəllim kollektivi var idi. Ağdam şəhərindən ali məktəblərə qəbul olanların ən çoxu 1 nömrəli məktəbin məzunları idi.

Bir faktı deyim, mən 1965-ci ildə məktəbi qurtaranda 4 11-ci sinif var idi. Hər sinifdə də 32 şagird. Ümumilikdə 1965-ci ildə bu məktəbin 128 nəfər məzunu olub. May ayının 28-də cənab prezident Ağdamda olarkən 1 nömrəli məktəbin yeni binasının təməlini qoydu. Bu yeni məktəb binası əvvəlki məktəbdən də gözəl olacaq və yenə də respublika ərazisində yüksək nəticələr göstərən məktəb olacaq”.

460
Şuşa, arxiv şəkli

Şuşanı azad edən hərbçilərimiz medala layiq görüldülər - SİYAHI

448
(Yenilənib 15:16 24.06.2021)
Şuşa şəhərinin işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş hərbçilərimiz medalla təltif olundular

BAKI, 24 iyun - Sputnik. Prezident İlham Əliyev Şuşa şəhərinin işğaldan azad edilməsi uğrunda
aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusunun “Şuşanın azad olunmasına görə” medalı ilə təltif edilməsi barədə Sərəncam imzalayıb.

Təltif olunan hərbçilərin siyahısına buradan baxmaq olar.

Vətən müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq başlamış Azərbaycan Ordusunun əks-hücumu başladı. 

44 gün davam edən müharibə zamanı Cəbrayıl, Füzuli, Zəngilan, Şuşa şəhəri erməni işğalçılarından təmizləndi.
Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

Müdafiə Nazirliyinin məlumatına görə, İkinci Qarabağ savaşında şəhid olan hərbçilərdən 2841 nəfəri yanvarın 11-dək dəfn edilib. 64 nəfər isə itkin düşmüş sayılır. 

Vətən müharibədə xəsarət alan bütün qazilərin müalicə və reabilitasiyası Prezidentin göstərişi ilə dövlət tərəfindən gerçəkləşdirilir.

Dirçəliş

Müharibədən sonra işğaldan azad edilmiş bölgələrdə bərpa və quruculuq işlərinə başlanıb. Bu prosesə yerli müəssisələr və qurumlarla yanaşı müxtəlif xarici şirkətlər də dəvət alıb. Füzulidə beynəlxalq aeroportun tikilməsinə start verilib. Prezident İlham Əliyevin sözlərinə görə, ya Laçın, ya Kəlbəcərdə ikinci beynəlxalq hava limanı inşa ediləcək. Şuşa Azərbaycanın mədəniyyət paytaxtı elan olunub və orada 30 illik fasilədən sonra "Xarı-bülbül" festivalı keçirilib. 

---------------

29.12.2021

14:27

Azərbaycan Respublikasının Şuşa şəhərinin işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir sıra hərbi qulluqçuları “Şuşanın azad olunmasına görə” medalı ilə təltif edilirlər.

Sputnik Azərbaycan bildirir ki, bu barədə Azərbaycan Prezidenti İlham Əliyev müvafiq sərəncam imzalayıb.

Təltif olunmuş hərbçilərimizin siyahısı ilə bu linkdən tanış ola bilərsiniz. 

Eləcə də oxuyun:

  • Bu igidlərimiz Qubadlının azad olunmasına görə medalla təltif olundular

  • Prezident hərbçilərimizi "Cəbrayılın azad olunmasına görə" medalı ilə təltif etdi

  • "Zəngilanın azad olunmasına görə" medal alanları siz də tanıyın – SİYAHI

  • Bir qrup hərbçi "Xocavəndin azad olunmasına görə" medalı ilə təltif edildi – SİYAHI

  • Prezident onları "Füzulinin azad olunmasına görə" medalı ilə təltif etdi – SİYAHI

448
Prezident İlham Əliyev Qubadlı və Zəngilan rayonlarında

Bu igidlərimiz Qubadlının azad olunmasına görə medalla təltif olundular

423
Qubadlı rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş hərbçilərimiz medalla təltif olundular

BAKI, 24 iyun - Sputnik. Prezident İlham Əliyev Azərbaycan Respublikası Silahlı Qüvvələrinin hərbi qulluqçularının "Qubadlının azad olunmasına görə" medalı ilə təltif edilməsi haqqında sərəncam imzalayıb.

Sputnik Azərbaycan xəbər verir ki, sərəncamla Azərbaycan Respublikasının Qubadlı rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin aşağıdakı hərbi qulluqçuları "Qubadlının azad olunmasına görə" medalı ilə təltif ediliblər:

Təltif olunan hərbçilərinin adları ilə bu linkdən tanış olmaq olar. 

İkinci Qarabağ müharibəsi 

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq başlamış Azərbaycan Ordusunun əks-hücumu başladı.
Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizləndi.
Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

Müdafiə Nazirliyinin son məlumatına görə, Vətən müharibəsində şəhid olmuş hərbi qulluqçularından yanvarın 11-dək 2841 nəfər dəfn edilib, 64 nəfər itkin düşmüş hesab olunur. 

44 günlük müharibədə xəsarət alan bütün qazilərin müalicə və reabilitasiyası Prezidentin göstərişi ilə dövlət tərəfindən gerçəkləşdirilir.

Qarabağ yenidən dirçəlir

Müharibədən sonra işğaldan azad edilmiş bölgələrdə bərpa və quruculuq işlərinə başlanıb. Bu prosesə yerli müəssisələr və qurumlarla yanaşı müxtəlif xarici şirkətlər də dəvət alıb. Azərbaycanın dövlət başçısı bərpa və yenidənqurma işlərində ən müasir və innovativ texnologiyalardan istifadə olunacağını, "ağıllı şəhər" və "ağıllı kənd" konsepsiyaları tətbiq olunacağını bildirib. 

Füzulidə beynəlxalq aeroportun tikilməsinə start verilib. Prezident İlham Əliyevin sözlərinə görə, ya Laçın, ya Kəlbəcərdə ikinci beynəlxalq hava limanı inşa ediləcək. Şuşa Azərbaycanın mədəniyyət paytaxtı elan olunub və orada 30 illik fasilədən sonra "Xarı-bülbül" festivalı keçirilib. 

--------------

29.12.2020

13:24

Azərbaycan Respublikasının Qubadlı rayonunun işğaldan azad edilməsi uğrunda aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir sıra hərbi qulluqçuları “Qubadlının azad olunmasına görə” medalı ilə təltif edilirlər.

Sputnik Azərbaycan bildirir ki, bu barədə Azərbaycan Prezidenti İlham Əliyev müvafiq sərəncam imzalayıb.

Təltif olunmuş hərbçilərimizin siyahısı ilə bu linkdən tanış ola bilərsiniz. 

Eləcə də oxuyun:

  • Prezident hərbçilərimizi "Cəbrayılın azad olunmasına görə" medalı ilə təltif etdi

  • "Zəngilanın azad olunmasına görə" medal alanları siz də tanıyın – SİYAHI

  • Bir qrup hərbçi "Xocavəndin azad olunmasına görə" medalı ilə təltif edildi – SİYAHI

  • Prezident onları "Füzulinin azad olunmasına görə" medalı ilə təltif etdi – SİYAHI

423
Bakıda avtobus, arxiv şəkli

Bakıətrafı marşrutlar üzrə avtobuslar nağdsız ödənişə keçir

0
(Yenilənib 16:05 24.06.2021)
Marşrut xətlərinin də mərhələli şəkildə nağdsız ödəniş sisteminə inteqrasiyası davam edir. Sabahdan daha bir avtobusda gediş haqqı kartla ödəniləcək.

BAKI, 24 iyun — Sputnik. Sabahdan Bakıda 108B nömrəli marşrut xətti ("Azadlıq prospekti" metrostansiyası – Mehdiabad qəsəbəsi) üzrə hərəkət edən avtobuslarda da gediş haqqı "BakıKart" vasitəsilə ödəniləcək. Bu barədə Sputnik Azərbaycan-a Bakı Nəqliyyat Agentliyindən məlumat verilib. Xəbərdə bildirilir ki, iş prosesinə uyğun olaraq digər marşrut xətləri də mərhələli şəkildə nağdsız ödəniş sisteminə inteqrasiya olunacaq. Bununla bağlı əvvəlcədən məlumat veriləcək.

Xatırladaq ki, dünəndən 204 nömrəli marşrut xətti üzrə ("Koroğlu" Nəqliyyat Mübadilə Mərkəzindən Bakının Sabunçu rayonunun Ramana qəsəbəsinin "Sovxoz" adlanan ərazisinə qədər) hərəkət edən avtobuslarda gediş haqqı "BakıKart" vasitəsilə ödənilməsinə başlanılıb. Məlumat üçün bildirək ki, indiyədək paytaxtın marşrut şəbəkəsində istismarda olan avtobusların 58%-i nağdsız ödəniş sisteminə inteqrasiya edilib. Hazırda gündəlik olaraq 780 min nəfərə yaxın sərnişin (ümumi sərnişinlərin 42%) nağdsız ödəmə sisteminin xidmətlərindən istifadə edir.

0