Ağdamda 300 dən çox gəncin səxsi əşyaların saxlandığı yer

Rahibin son yazısı: “Döyüşə gedirik, silməyin, xatirə” - FOTO

1681
"Biz həmin qeyd edilən nömrəyə nə qədər zəng vursaq da zəng çatmadı. İndi də zəng vururuq, artıq nömrənin yandığı deyilir. O yazını qoruyub-saxlayacağıq".

BAKI, 22 may — Sputnik, Emin Əlisahib. Ağdam rayonunda bir məktəb var. Alıbəyli kənd orta məktəbindən danışacağıq sizə. 300-dən çox gənc Vətən müharibəsinə bu təhsil ocağından yola düşüb. Burada hərbi paltarları öz mülki geyimlərinə dəyişiblər. Onlardan cəmi 15 nəfəri bu ünvana qayıdıb, öz əşyalarını götürə bilib. Qalanları bu günə qədər burada saxlanılan geyimlərindən xəbərsizdir. Həmin təhsil ocağında saxlanılan əşyalardan, onların sahiblərinin kimliyindən Sputnik Azərbaycan xəbər verir.

© Sputnik / Emin Alisahib
Ağdamda 300 dən çox gəncin səxsi əşyaların saxlandığı yer

2020-ci ilin sentyabırın 27-də Vətən müharibəsi başladığı gündən Azərbaycanın bütün bölgələrindən Azərbaycan ordusuna qoşulub, erməni təcavüzkarlarına qarşı döyüşmək üçün cəbhəyə yollanan minlərlə gənc vardı. Həmin gənclərdən bir qrupu qoşunların təmas xətti boyunca yerləşən və şiddətli döyüşlər gedən Ağdam rayonuna yollanmışdı. Ağdam rayonunun Üçoğlan ərazi nümayəndəliyinin tabeliyində olan Alıbəyli kənd orta məktəbi həmin gənclərə bir neçə günlük olsa da ev sahibliyi etdi.

Məktəbdə qeydiyyata alınan gənclər təlimatlandırıldıqdan sonra hərbi forma və silahla təmin edilərək ön cəbhəyə yollanırdılar. Hərbi forma geyinib, silaha sarılan gənclər mülkü geyimlərini və özəl əşyalarını qablaşdıraraq, məktəbə təhvil veriblər. Lakin müharibə başa çatdıqdan sonra həmin gənclər əşyalarını almaq üçün geri qayıtmayıblar. Sinif otaqlarının birində gördüyünüz bağlamalar Vətən müharibəsi zamanı istər döyüşmək üçün Ağdama gələn gənclər, istərsə də səfərbərlik zamanı ehtiyatda olan hərbçilərə məxsusdur. Vətən müharibəsi başa çatdıqdan sonra həmin döyüşçülər əşyalarını almaq üçün geri qayıtmayıblar. Könüllülərin özəl əşyaları sahiblərinə qaytarılmağı üçün onları gözləyir. Məktəb rəhbərliyi həmin əşyaları qoruyub saxlayıb. Bağlamaların sahiblərini tapmaq o qədər də çətin deyil. Çünki bağlama sahiblərinin hər biri əşyasının üzərinə adını, soyadını və ünvanını yazıb: Abdullayev Elşən Dəriş oğlu – Ağdaş rayonu Rizkəkə kəndi; Hüseyinov Vaqif Famil oğlu – Şamaxı rayonu; İbrahimov Rövşən Dəyanət oğlu – Mingəçevir şəhəri; Novruzov Məhəmməd İlyas oğlu – Ucar rayonu və s.

© Sputnik / Emin Alisahib
Ağdamda 300 dən çox gəncin səxsi əşyaların saxlandığı yer

Məktəb rəhbəri İsgəndər Verdiyevi narahat edən məqamlardan biri də odur ki, bu əşyaların sahiblərindən şəhid olan varmı. Əgər varsa, şəhid ailələri bu ünvana müracət etsinlər, onların özəl əşyaları ailələrinə qaytarılsın, istər evlərində, istərsə də yaşadıqları kənd, rayon muzeylərində qorunub saxlanılsın: “Vətən müharibəsi başlayandan sonra orduya səfərbər olunan bizim döyüşçülərin şəxsi əşyalarıdır. Onlar mülkü əşyalarını burada qoyub, hərbi paltar geyərək, döyüş bölgəsinə yola düşüblər. O vaxtdan da bu əşyalar burada qalıb. Hələ də saxlayırıq. Yaxşı olar ki, əşyalar ya onların öz ailələrinə, sağ qalanların özünə təqdim edilsin. Sözsüz ki, bu əşyaların sahibləri arasında şəhid və yaxud qazi olanlar var. Sağ-salamat ailələrinə qayıdanlar da var”.

Müsahibimiz bildirir ki, məktəbdə 300-dən çox bağlama var. Və döyüş qurtarandan sonra bu ünvana gəlib, əşyalarını aparanlar da olub: “Bir neçəsi gəlib, öz əşyalarını apardı. Amma əksər hissəsi hələ də burada qalmaqdadır. Biz bunları qoruyub, saxlayacağıq da. Ta ki onun sahibləri gəlib aparana qədər”.

  • Ağdamda 300 dən çox gəncin səxsi əşyaların saxlandığı yer
    © Sputnik / Emin Alisahib
  • İsgəndər Verdiyev Alıbəyli kənd tam orta məktəbinin direktoru
    © Sputnik / Emin Alisahib
  • Ağdamda 300 dən çox gəncin səxsi əşyaların saxlandığı yer
    © Sputnik / Emin Alisahib
  • Azər Hüseyinov Alıbəyli kənd tam orta məktəbinin fiziki tərbiyyə müəllimi
    © Sputnik / Emin Alisahib
  • Ağdamda 300 dən çox gəncin səxsi əşyaların saxlandığı yer
    © Sputnik / Emin Alisahib
1 / 5
© Sputnik / Emin Alisahib
Ağdamda 300 dən çox gəncin səxsi əşyaların saxlandığı yer

Məktəbin müəllimi Azər Hüseynov deyir ki, məktəbin müəllimləri də bu məsələdə çox həssasdırlar və həmin qəhrəmanların əşyalarının qorunub- saxlanılmasını bilavasitə özlərinə vəzifə bilirlər: “Vətən müharibəsinin ilk günlərindən bizim ehtiyatda olan gənclərimiz çağırılaraq, buraya gəldilər. O ərəfədə biz həmin gənclərin burada paltarlarını dəyişib, döyüşə yollandıqlarının şahidiyik. Biz onların hər birinin necə qürur və həvəslə döyüşə can atdığını öz gözlərimizlə görmüşük”.

Azər Hüseynov kövrək bir məqama da toxunur. Deyir ki, ona ən çox təsir edən həmin gənclərdən birinin yazdığı son yazıdır:

“Müharibə qurtarandan sonra cəbhə xəttində olan məktəblər fəaliyyətə başladı. Bu zaman şagirdlərimiz bizim sinifdə bir yazının olduğunu bildirdilər. Gəlib, baxdıq. Bərdə rayonundan döyüşə qatılan Rahib adlı bir gənc qəribə bir şəkil çəkib, adını, telefon nömrəsini, yaşadığı rayonunun adını qeyd edib, “döyüşə gedirəm, silməyin, xatirə” sözlərini yazmışdı. Həqiqətən də duyğulandırıcı bir mənzərə idi.

Biz həmin qeyd edilən nömrəyə nə qədər zəng vursaq da zəng çatmadı. İndi də zəng vururuq, artıq nömrənin yandığı deyilir. Biz bu yazını şagirdlərimizlə birgə bu günə qədər qoruyub- saxlamışıq və çalışacağıq da gələcək nəsillərə onu çatdıraq”.

© Sputnik / Emin Alisahib
Ağdamda 300 dən çox gəncin səxsi əşyaların saxlandığı yer

Eləcə də oxuyun:

* Müharibə uşaqlarının yuxuları və kəndləri... – GÜLƏBİRD QEYDLƏRİ

* Şəhid kapitanın vəsiyyəti yerinə yetirildi - FOTO

* Yüzlərlə qəhrəmanın yeganə şəhid bacısı: "Yubileyi son ad günü oldu"

 

 

1681
Teqlər:
müharibə, Qarabağ, yazı, məktəb, Ağdam, əşya, qəhrəman, qazi, şəhid
Mövzu:
Müharibə adamları

Qarabağa qanunsuz silah ötürən erməni biznesmenlər beynəlxalq axtarışa verildi

234
(Yenilənib 12:26 18.06.2021)
Bir neçə şirkətin rəhbərləri 2001-2021-ci illər ərzində müxtəlif vaxtlarda Ermənistan Respublikasının Silahlı qüvvələrini qanunsuz olaraq silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz ediblər.

BAKI, 18 iyun - Sputnik. Bir sıra kütləvi informasiya vasitələri və sosial media səhifələrində Ermənistan Respublikasına və oradan Azərbaycan Respublikasının Dağlıq Qarabağ bölgəsinə qaçaq yolla xüsusilə külli miqdar dəyərində silah sursatların, hərbi texnikanın qanunsuz olaraq daşınması barədə dərc edilmiş məlumatlar üzrə Azərbaycan Respublikasının Baş Prokurorluğunda araşdırma aparılıb.

Sputnik Azərbaycan bildirir ki, bu barədə Azərbaycan Respublikasının Baş Prokurorluğunun Mətbuat xidmətinin məlumatında deyilir. 

Məlumata görə, biznes fəaliyyəti ilə məşğul olan, “Taşir” şirkətlər qrupunun rəhbəri Karapetyan Samvel Sarkisoviç, Ermənistanda "boz biznesmen" kimi tanınan və “Royalsys Engineering” şirkətinin sahibi David Qalustyan, “KOMEX” şirkətinin baş direktoru Abramyan Ara Arşaviroviç və qeyriləri Ermənistan Respublikasının Silahlı qüvvələrini qanunsuz olaraq silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz edilməsi üçün 2001-2021-ci illər ərzində müxtəlif vaxtlarda hava yolu ilə “Beynəlxalq yük daşımaları haqqında” Gömrük Konvensiyasının, “Avropada Adi Silahların Məhdudlaşdırılması” haqqında Müqavilənin tələblərinə zidd olmaqla müxtəlif reyslərlə uçan sərnişin təyyarələri, habelə Ermənistan Hərbi Hava Qüvvələrinin İL-76 TD tipli yük təyyarəsi ilə, eləcə də Ara Abramyan tərəfindən alınmış “İLYUSHİN-76TD” tipli, yük daşıma təyinatlı təyyarə ilə - ayırdıqları maliyyə vəsaiti hesabına hərbi təyinatlı iri çaplı odlu silah, döyüş sursatı, hərbi təyinatlı partlayıcı maddələr və qurğuları, o cümlədən raketləri qanunsuz əldə edib Ermənistan Respublikasına və Ermənistanın işğalına məruz qalmış Azərbaycan Respublikasının Dağlıq Qarabağ və ətraf rayonlarına qaçaq yollarla daşınmasını təşkil edib.

Faktla bağlı 28 aprel 2021-ci il tarixdə Baş Prokurorluqda Cinayət Məcəlləsinin müvafiq maddələri ilə cinayət işi başlanılmaqla istintaqın aparılması Baş Prokurorluğun İstintaq idarəsinə həvalə edilib.

Qeyd edilən əməllərə görə Karapetyan Samvel Sarkisoviç, David Qalustyan və Ara Abramyan CM-nin 100.1 (təcavüzkar müharibəni planlaşdırma, hazırlama və ya başlama), 218.1 (ağır və ya xüsusilə ağır cinayətlər törətmək məqsədilə cinayətkar birlik yaratma), 228.3 (qanunsuz olaraq odlu silah, partlayıcı maddələr və qurğular əldə etmə, başqasına vermə, satma, saxlama, daşıma və ya gəzdirmə mütəşəkkil dəstə tərəfindən törədildikdə), 279.1 (Azərbaycan Respublikasının qanunvericiliyi ilə nəzərdə tutulmayan silahlı birləşmələr və ya qruplar yaratma, eləcə də onların yaradılmasında və fəaliyyətində iştirak etmə, onları silahla, döyüş sursatı ilə, partlayıcı maddələrlə, hərbi texnika ilə, yaxud əsgəri ləvazimatla təchiz etmə), 206.4-cü ( qaçaqmalçılıq mütəşəkkil dəstə tərəfindən törədildikdə) maddələri ilə təqsirləndirilən şəxs qismində cəlb edilərək barələrində həbs qətimkan tədbiri seçilməklə beynəlxalq axtarış elan edilib.

Hazırda qeyd edilən cinayət işi ilə əlaqədar Baş Prokurorluq tərəfindən xarici ölkələrin aidiyyəti dövlət qurumlarına hüquqi yardımın göstərilməsi haqqında vəsatətlər göndərilib.

Baş Prokurorluq bəyan edir ki, qeyd edilən və bu kimi digər cinayət faktlarına görə təqsirkar şəxslərin beynəlxalq hüquq normalarına əsasən məsuliyyətə cəlb edilməsindən ötrü mümkün olan bütün tədbirlərin görülməsi davam etdirilir.

Eləcə də oxuyun:

  • Bakıda 14 erməni terrorçunun məhkəməsi başlayır

  •  

    Ermənistan vətəndaşlarından ibarət terrorçu silahlı birləşmənin 26 üzvünün adı məlum olub

234
Teqlər:
Baş Prokurorluq, Azərbaycan, silah, qanunsuz, Qarabağ, beynəlxalq axtarış, biznesmen, Ermənistan
Azərbaycan Respublikası Müdafiə Nazirliyinin binası

Azərbaycan ordusunun kapitanı Kəlbəcərdə göldə boğulub - MN

285
Silahlı Qüvvələrimizin daha bir hərbi qulluqçusu işqaldan azad olunmuş ərazilərdə qeyri-döyüş şəraitində həyatını itirib.

BAKI, 17 iyun — Sputnik. Azərbaycan Ordusunun zabiti göldə boğulub.

APA-nın məlumatına görə, kapitan İlham Fərzəliyev bu gün Kəlbəcər rayonu ərazisində yerləşən Alagöldə çimərkən boğularaq ölüb.

Müdafiə Nazirliyinin mətbuat xidmətindən Azərbaycan Ordusunun hərbi qulluqçusu, kapitan Fərzəliyev İlham Allahverdi oğlunun göldə çimərkən boğularaq həlak olması ilə bağlı məlumatı təsdiq ediblər.

Bildirilib ki, faktla əlaqədar cinayət işi başlanıb, araşdırma aparılır.

Qeyd edək ki, martın 30-də buna bənzər daha bir faciə baş vermişdi. Azərbaycan ordusunun hərbi qulluqçusu qulluqçusu gizir Əliyev Heydər Rövşən oğlu Xocavənd rayonu ərazisində xidmətdən kənar vaxtda göldə çimməyə cəhd göstərən boğularaq ölüb.

285
Приморский парк в Баку

Bazar günü 40 dərəcəyədək isti olacaq

0
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

 

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

0