ABŞ-ın Azərbaycandakı keçmiş səfiri Robert Sekuta Ağdama səfəri zamanı

Robert Sekuta: “Azərbaycan Ermənistan arasında sülh yaranmasını istəyirik” - FOTO

20
(Yenilənib 18:52 22.05.2021)
“İstəyirəm ki, yenə buraya gələk və ABŞ olaraq hər iki xalq arasında sülh yaradaq. Biz bunu dünyanın başqa yerlərində də eləmişik. Düşünürük ki, burada oynadığımız rol çox vacib və yaxşı olacaq” - Robert Sekuta

BAKI, 22 may — Sputnik, Emin Əlisahib. Tərkibində ABŞ-ın Azərbaycandakı keçmiş səfiri Robert Sekuta, Michaell Repass, Rocet Kangas və Uermey Cohen olan ABŞ-ın “Xəzər Siyasət Mərkəzi”nin nümayəndə heyətinin Ağdama səfəri başa çatıb. 

Sputnik Azərbaycan-ın məlumatına görə, qonaqlar Ağdam səfərinin yekununda Qarabağ xanı Pənahəli xan tərəfindən inşa etdirilmiş memarlıq abidəsində, Ağdamın Şahbulaq qalasında da olublar. Bildirilib ki,  erməni vandallığı nəticəsində qalanın əsas divarlarından əsər-əlamət qalmayıb. Ermənilər bu abidəyə də xələl yetirməklə tariximizi silməyə çalışıblar.

“Biz buraya gələrək, vəziyyəti öz gözlərimizlə görmək istədik. Amma Ağdamda gördüklərimiz bizi dəhşətə gətirdi. Burada gördüyümüz mənzərə ürəkağrıdıcıdır. Bu dağıntılar insanların həyatına qarşı təcavüzü göstərir. Bir məsələ yaxşıdır ki, artıq bu ərazilər işğaldan azad olunub. Azərbaycanın bu ərazilərdə suverenliyi bərpa edilib. Ağdamda yaşananlar çox üzücüdür”. 

Bu fikirləri ABŞ-ın Azərbaycandakı keçmiş səfiri Robert Sekuta jurnalistlərə açıqlamasında bildirib. 

© Sputnik / Emin Alisahib
ABŞ-ın Azərbaycandakı keçmiş səfiri Robert Sekuta Ağdama səfəri zamanı

Robert Sekuta Ağdamda gördüklərindən sonra  azad olunmuş ərazilərin bərpasının xeyli zaman alacağı qənaətində olduğunu da bildirib: “Azərbaycanın öz ərazilərində suverenliyini bərpa etməsi yaxşı haldır. Lakin bu ərazilərin bərpası xeyli zaman alacaq. Biz Azərbaycan və Ermənistanın tezliklə mehriban qonşuluq, sülh şəraitində yaşamalarını arzulayırıq. Buraya gəlişimiz çox maraqlı oldu. Ağdamın yenidən tikilməsi, rekonstruksiyası və bütün proseslərin başa çatmasını böyük səbirsizliklə gözləyirəm”.

O bildirib ki, Ağdama gəlməzdən əvvəl ona dağıntıdan bəhs ediblər: “Lakin buraya gəldikdən sonra dağıntının miqyasının geniş olduğunu gördüm. Bu, adamı daha da heyrətləndirir, buna baxmayaraq, ümidlər var. Bir neçə gün əvvəl təsadüfən Nizami Gəncəvi Mərkəzində Prezident İlham Əliyevlə bir yerdə olduq və onunla danışığımda ABŞ-ın Azərbaycanla Ermənistan arasında necə sülh yarada biləcəyi və onu necə inkişaf etdirməsi haqqında bir neçə sual verdim. Bu, bir az vaxt alacaq. Bu iş səbr tələb edir, lakin istəyirik ki, Azərbaycan və Ermənistan xalqları arasında sülh yaransın və qalsın”.

© Sputnik / Emin Alisahib
ABŞ-ın Azərbaycandakı keçmiş səfiri Robert Sekuta Ağdama səfəri zamanı

Keçmiş səfir gələcəyə çox böyük ümidlərinin olduğunu da bildirib: “İstəyirəm ki, yenə buraya gələk və ABŞ olaraq hər iki xalq arasında sülh yaradaq. Biz bunu dünyanın başqa yerlərində də eləmişik. Düşünürük ki, burada oynadığımız rol çox vacib və yaxşı olacaq”.

Eləcə də oxuyun:

* ABŞ-ın Azərbaycandakı keçmiş səfiri: Ağdamda gördüklərimiz bizi dəhşətə gətirdi - FOTO

* Ağdamın daha bir azad olunmuş kəndinin görüntüləri yayıldı

* Putinlə Ərdoğan Ağdamdakı mərkəzi müzakirə etdilər

 

 

 

20
Azərbaycan Respublikası Müdafiə Nazirliyinin binası

Azərbaycan ordusunun kapitanı Kəlbəcərdə göldə boğulub - MN

281
Silahlı Qüvvələrimizin daha bir hərbi qulluqçusu işqaldan azad olunmuş ərazilərdə qeyri-döyüş şəraitində həyatını itirib.

BAKI, 17 iyun — Sputnik. Azərbaycan Ordusunun zabiti göldə boğulub.

APA-nın məlumatına görə, kapitan İlham Fərzəliyev bu gün Kəlbəcər rayonu ərazisində yerləşən Alagöldə çimərkən boğularaq ölüb.

Müdafiə Nazirliyinin mətbuat xidmətindən Azərbaycan Ordusunun hərbi qulluqçusu, kapitan Fərzəliyev İlham Allahverdi oğlunun göldə çimərkən boğularaq həlak olması ilə bağlı məlumatı təsdiq ediblər.

Bildirilib ki, faktla əlaqədar cinayət işi başlanıb, araşdırma aparılır.

Qeyd edək ki, martın 30-də buna bənzər daha bir faciə baş vermişdi. Azərbaycan ordusunun hərbi qulluqçusu qulluqçusu gizir Əliyev Heydər Rövşən oğlu Xocavənd rayonu ərazisində xidmətdən kənar vaxtda göldə çimməyə cəhd göstərən boğularaq ölüb.

281
Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu, 28 may 2021-ci il

Şoyqu erməni həmkarına zəng etdi Azərbaycanla sərhədə Rusiya sərhədçiləri gətirilir?

922
(Yenilənib 15:43 17.06.2021)
Arutunyan və Şoyqu, o cümlədən Rusiya sülhməramlı kontingentinin Qarabağda missiyasını həyata keçirməsini, müdafiə sahəsində Ermənistan – Rusiya əməkdaşlığını və digər regional problemləri müzakirə ediblər.

BAKI, 17 iyun — Sputnik. Ermənistanın müdafiə nazirinin səlahiyyətlərini icra edən Vaqarşak Arutunyan rusiyalı həmkarı, ordu generalı Sergey Şoyqu ilə Ermənistan-Azərbaycan sərhədindəki vəziyyətin həlli yollarını müzakirə edib. Sputnik Ermənistan xəbər verir ki, bu barədə məlumatı Ermənistanın Müdafiə Nazirliyi yayıb.

Qeyd olunur ki, telefon danışığı zamanı tərəflər Zəngəzur (Sünik) və Basarkeçər (Geğarkunik) vilayətlərində Ermənistan-Azərbaycan sərhədində Rusiya sərhədçilərinin yerləşdirilməsi məsələsini dair fikir mübadiləsi aparıblar.

Arutunyan və Şoyqu, o cümlədən Rusiya sülhməramlı kontingentinin Qarabağda missiyasını həyata keçirməsini, müdafiə sahəsində Ermənistan-Rusiya əməkdaşlığını və digər regional problemləri müzakirə ediblər.

Qeyd edək ki, daha əvvəl Ermənistan Baş nazirinin səlahiyyətlərini icra edən Nikol Paşinyan bəyan etmişdi ki, Rusiya tərəfinin nümayəndələri Ermənistan-Azərbaycan sərhədindəki ərazidə və Zod – Xəzinavar yolunda dislokasiya ola biləcək yerlərə baxış keçiriblər.

Sərhəddə gərginlik

Xatırladaq ki, mayın 27-də Ermənistan-Azərbaycan dövlət sərhədinin Kəlbəcər rayonu sahəsində Ermənistan silahlı qüvvələrinin kəşfiyyat-diversiya qruplarının fəaliyyəti ilə bağlı daxil olan əməliyyat məlumatına əsasən diversiya qrupları saat 03:00 radələrində dövlət sərhədimizi keçib və ərazilərimizin daxilində minalama işlərini və digər təxribat əməllərini aparmağa cəhd göstərib. İlkin məlumata görə, qarşı tərəfin iki kəşfiyyat-diversiya qrupu dövlət sərhədimizi iki istiqamətdə keçib. Qrupların biri 9, digəri isə 15 hərbi qulluqçudan ibarət olub. Kəşfiyyat-diversiya qruplarının hərəkəti nəzarətə götürülüb. Ərazimizdəki təminat və digər keçid yollarında minalama fəaliyyəti həyata keçirərkən Azərbaycan Ordusunun bölmələri tərəfindən düşmənin hər iki qrupuna qarşı dərhal əməliyyat tədbirləri görülüb.

Nəticədə düşmənin birinci kəşfiyyat-diversiya qrupundan 1-i zabit olmaqla 4, digərindən isə 2 hərbi qulluqçu, ümumilikdə 6 nəfər tərk-silah edilərək saxlanılıb. Kəşfiyyat-diversiya qrupunun saxlanıldığı ərazinin coğrafi koordinatları: 40 dərəcə 09 dəqiqə 06 saniyə şimal enliyi, 45 dərəcə 58 dəqiqə 07 saniyə şərq uzunluğu (N 40°09′06″; E 45°58′07″).

Digər erməni hərbi qulluqçuları ərazimizi dərhal tərk edərək geriyə çəkiliblər.

922
Kinolent, arxiv şəkli

Azərbaycanda yeni kino platforması fəaliyyətə başlayıb

0
(Yenilənib 08:48 18.06.2021)
Platformanın yaradılmasında məqsəd Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir.

BAKI, 18 iyun — Sputnik. "Narimanfilm" kinostudiyasının xaricdə yaşayan soydaşlarımız üçün xüsusi olaraq hazırladığı https://azcinemaonline.com/ internet kinoteatrı yenilənmiş platformada fəaliyyət göstərməyə başlayıb.

Sputnik Azərbaycan xəbər verir ki, platformanın yaradılmasında məqsəd digər ölkələrdə yaşayan azərbaycanlıların Vətənlə əlaqələrini möhkəmləndirmək, onları mədəniyyət və kino sahəsində baş verən yeniliklərlə tanış etmək, Azərbaycan kinosunun, televiziyasının və mədəniyyətinin dünya bazarında, eləcə də dünya auditoriyası arasında populyarlaşması və irəliləməsini təmin etməkdən ibarətdir. Eyni zamanda, gənc kinematoqrafçılarımıza öz işlərini dünya izləyicilərinə təqdim etmək imkanı yaratmaq və Azərbaycan kinematoqrafçıları ilə digər ölkələrdən olan həmkarları arasında iş birliyinin qurulması üçün şəraitin yaradılmasını təmin etməkdən ibarətdir.

Burada Azərbaycan kinosunun inciləri ilə yanaşı, həmçinin ölkəmizin ərazisində xarici kinematoqrafçılar tərəfindən çəkilmiş filmlərlə tanış olmaq, onlara rəy bildirmək və kinotənqidçilərlə birlikdə müzakirələrə qoşulmaq mümkündür.

Platforma vasitəsilə ölkəmizin kino tarixi boyu yaradılmış müxtəlif bədii, sənədli və animasiya filmlərinin izlənməsi sayt istifadəçilərinə bir növ Azərbaycana açılan pəncərə olaraq gözəl Vətənimizi daha yaxşı tanımalarına imkan yaradır.

0