Tərtərdə 44 günlük müharibə zamanı 500-ə yaxın məzar daşı ciddi ziyan görüb

Tərtərdə dəhşətli cinayətlər seriyası: 500-ə yaxın məzarı viran ediblər

3159
(Yenilənib 22:07 28.04.2021)
"Bütün bunlar həm də onu göstərir ki, ermənilərin dini inancları da şübhəlidir. Çünki bütün dinlərdə qəbiristanlıqlara müqəddəs məkan kimi hörmətlə yanaşılır".

Emin Əlisahib, Sputnik Azərbaycan

BAKI, 28 aprel — Sputnik. 44 günlük müharibə zamanı erməni hərbi birləşmələrinin müharibə qanunlarına sığmayan daha bir vəhşiliyi məzarlıqları atəşə tutması idi. Tərtərdə 44 gün ərzində 11 məzarlıq düşmən hücumuna məruz qaldı. Ən acınacaqlı vəziyyət isə Tərtər rayonunun Səhləbad kənd məzarlığındadır. Buradakı mənzərə insanı dəhşətə gətirir.

Səhləbad kənd məzarlığında XVII-XVIII əsrlərə aid Osmanlı məzarlıqları var. Onlar həm də tarixi abidələrdir. 44 günlük müharibə zamanı ermənilərin bu məzarlığı atəşə tutması nəticəsində sözügedən tarixi abidələr tamamilə dağılıb, məhv olub. Məzarlıqdakı bu mənzərə əlbəttə ki, bir təsadüf ola bilməzdi. Bu yerlərin daim atəş altında saxlanılması onu deməyə əsas verir ki, vandalizm aktı məqsədli şəkildə həyata keçirilib. Kənd sakini Zöhrab Allahverdiyev deyir ki, 44 gün müddətində ermənilər hər gün kəndi atəşə tuturdu. "Həmin hadisələr zamanı XVII - XVIII əsrə aid olan Osmanlı qəbiristanlığı da tanınmaz hala düşüb. Burda qəbirlərin hamısı tamamilə dağıdılıb. Ermənilərin Azərbaycan Ordusuna gücü çatmırdı, o səbəbdən də davamlı olaraq dinc əhalini, məzarlıqları atəşə tuturdu. Kəndin məzarlığı demək olar ki, vandalizm aktına məruz qalıb".

© Sputnik / Emin Alisahib
Tərtərdə 44 günlük müharibə zamanı 500-ə yaxın məzar daşı ciddi ziyan görüb

Müsahibimiz bildirir ki, Səhləbad kəndi 44 günlük müharibə zamanı Tərtərin ən çox atəşə məruz qalan kəndlərindən biri olub: "Məzarlıq Ermənistan silahlı qüvvələri tərəfindən davamlı olaraq artilleriya atəşinə tutulurdu. Nəticədə 65 məzar daşı tamamilə dağılıb, 265 qəbir daşına isə ciddi ziyan dəyib. Ermənilər bizimlə yox, hətta bizim qəbirlərimizlə də müharibə aparıblar".

Zöhrab Allahverdiyev deyir ki, burada erməni vandallığından zərər görən təkcə Səhləbad kəndi deyil. Rayonun Qapanlı, Qarağacı kənd qəbiristanlığı da eyni müqəddəratı yaşayıb. "Bizi çox güclü atəşə tuturdular və kəndi atəş altında saxlayırdılar. 30-dan çox ev tamamilə dağılıb. 100-dən çox evə mərmi düşüb. Ən çox ziyanı bizim qəbiristanlıq çəkib. Vətən müharibəsi dönəmində erməni hərbi birləşmələri bu qəbiristanlıqlarda da məzar daşlarını dağıdıblar. Haqq savaşı zamanı hətta Tərtər şəhər qəbiristanlığına atılan artilleriya mərmisi nəticəsində dəfn mərasimi zamanı 4 nəfər mülki vətəndaş da həyatını itirdi. Bütün bunlar həm də onu göstərir ki, ermənilərin dini inancları da şübhəlidir. Çünki bütün dinlərdə qəbiristanlıqlara müqəddəs məkan kimi hörmətlə yanaşılır".

  • Tərtərdə 44 günlük müharibə zamanı 500-ə yaxın məzar daşı ciddi ziyan görüb
    © Sputnik / Emin Alisahib
  • Tərtərdə 44 günlük müharibə zamanı 500-ə yaxın məzar daşı ciddi ziyan görüb
    © Sputnik / Emin Alisahib
  • Tərtərdə 44 günlük müharibə zamanı 500-ə yaxın məzar daşı ciddi ziyan görüb
    © Sputnik / Emin Alisahib
  • Səhlabad kənd sakini Vəli Kərimov
    © Sputnik / Emin Alisahib
  • Səhləbad kənd sakini Zöhrab Allahverdiyev
    © Sputnik / Emin Alisahib
1 / 5
© Sputnik / Emin Alisahib
Tərtərdə 44 günlük müharibə zamanı 500-ə yaxın məzar daşı ciddi ziyan görüb

İndi Tərtərdə çox az şəxs tapılar ki, doğmalarının məzarları düşmən gülləsindən zədələnməsin. Daha bir müsahibimiz, kənd sakini Vəli Kərimovun da yaxınlarının məzarları ermənilər tərəfindən dağıdılıb. "Ermənilər qəbiristanlığı dayanmadan atəşə tuturdu. Bizim yaxınlarımızın, əzizlərimizin qəbirlərinə xeyli ziyan dəyib. Biz qəbiristanlıqda dəfn prosesini həyata keçirirdik. Başladılar kəndi atəşə tutmağa. Tez-tələsik dəfni icra edib, oranı tərk etdik. Biz çıxandan sonra qəbiristanlığı da atəşə tutdular. Mərmilərdən biri dəfn mərasimi keçirdiyimiz məzarın yaxınlığına düşdü. Biz ordan tez çıxmasaydıq, mən və yanımda olan adamlar ya xəsarət alacaqdıq, ya da öləcəkdik. Bizim yaxınlarımızın qəbirləri də daxil olmaqla dağılmış bütün qəbiristanlıqlarda siyahılaşma işləri aparılıb. Yaxın günlərdə düzəldilməsi istiqamətində tədbirlər görüləcək".

Qeyd edək ki, ümumilikdə Tərtərdə 44 günlük vətən müharibəsi zamanı erməni hərbi birləşmələrinin müxtəlif çaplı silahlardan atəş açması nəticəsində 500-ə yaxın məzar zərər görüb. Onların əksəriyyəti tamamilə dağılıb.

3159
Erməni hərbçiləri, arxiv şəkli

Atəşkəsdən sonra Azərbaycanın Ermənistana qaytardığı əsirlərin sayı açıqlanıb

11
(Yenilənib 15:10 07.05.2021)
Bunun qarşılığında isə Ermənistan, çox çətinliklə əldə olunmuş kövrək sülhə zərbə vuraraq, əməliyyatlar dayandırılqdan, demək olar ki, 20 gün sonra Azərbaycan ərazilərinə öz hərbçilərini yeritmişdir.

 

BAKI, 7 may — Sputnik. "Hərbi əməliyyatlar dayandıqdan sonra tərəfimizdən 70-dən artıq erməni əsiri qarşı tərəfə qaytarılıb".

Bu barədə Azərbaycan Xarici İşlər Nazirliyindən Sputnik Azərbaycan-a daxil olan məlumatda bildirilir.

Vurğulanır ki, bunun qarşılığında isə Ermənistan, çox çətinliklə əldə olunmuş kövrək sülhə zərbə vuraraq, əməliyyatlar dayandırılqdan, demək olar ki, 20 gün sonra Azərbaycan ərazilərinə öz hərbçilərini yeritmişdir. Bu hərbçilərin törətdiyi terror aktı nəticəsində 4 nəfər azərbaycanlı hərbçi həlak olub, bir nəfər mülki şəxs isə yaralanıb.

11
Dövlət Bayrağı meydanı

Rəsmi Bakıdan Fransa Kanadaya sərt xəbərdarlıq

31
Ermənistanın 1991-94-cü illər müharibəsində itkin düşmüş 4000-ə yaxın azərbaycanlı barədə məlumatı bu günədək verməməsi, habelə azad olunmuş ərazilərdə kütləvi şəkildə basdırılmış minaların xəritələrinin təqdim etməkdən imtina etməsi barədə hər iki ölkənin məlumatı var.

BAKI, 7 may — Sputnik. "Fransa və Kanada Xarici İşlər Nazirliklərinin rəsmi twitter səhifələrində Azərbaycan tərəfindən 3 erməni əsirinin azadlığa buraxılması müsbət addım kimi qiymətləndirilir və digər erməni əsirlərin də azad olunmasına dair çağırış edilir. Xatırlatmaq istərdik ki, bu, Azərbaycan tərəfindən edilən ilk humanist addım deyil, ölkəmiz hətta hərbi əməliyyatlar davam etdiyi zaman erməni əsirlərini qarşı tərəfə təhvil vermişdi".

Sputnik Azərbaycan xəbər verir ki, bunu Xarici İşlər Nazirliyinin Mətbuat xidməti idarəsinin rəisi Leyla Abdullayeva Fransa və Kanada Xarici İşlər nazirliklərinin erməni əsirlərin azad olunması ilə bağlı çağırışına cavab olaraq deyib.

XİN rəsmisi qeyd edib ki, hərbi əməliyyatlar dayandıqdan sonra tərəfimizdən 70-dən artıq erməni əsiri qarşı tərəfə qaytarılıb:

"Bunun qarşılığında isə Ermənistan, çox çətinliklə əldə olunmuş kövrək sülhə zərbə vuraraq, əməliyyatlar dayandırılqdan, demək olar ki, 20 gün sonra Azərbaycan ərazilərinə öz hərbçilərini yeritmişdir. Bu hərbçilərin törətdiyi terror aktı nəticəsində 4 nəfər azərbaycanlı hərbçi həlak olub, bir nəfər mülki şəxs isə yaralanıb. Hər iki ölkənin xarici siyasət qurumunun diqqətinə çatdırırıq ki, Ermənistan tərəfi hələ də beynəlxalq humanitar hüquq öhdəliklərini, eləcə də üçtərəfli bəyanatlarla üzərinə götürdüyü öhdəlikləri yerinə yetirmir.

Yəqin ki, Ermənistanın 1991-94-cü illərdə müharibə zamanı itkin düşmüş 4000-ə yaxın azərbaycanlı barədə məlumatı bu günədək verməməsi, habelə azad olunmuş ərazilərdə kütləvi şəkildə basdırılmış minaların xəritələrinin təqdim etməkdən imtina etməsi barədə hər iki ölkənin məlumatı var.

Fransa və Kanada Xarici İşlər Nazirlikləri məsələyə birtərəfli deyil, obyektiv yanaşma nümayiş etdirmək istəyirlərsə, o zaman Ermənistana çağırış edərək beynəlxalq humanitar hüquq öhdəliklərinə riayət etməsini, bölgədə dayanıqlı sülhə əngəl olan fəaliyyət və əməllərdən çəkinməsini tələb edərlər. Əks təqdirdə bu, Azərbaycan cəmiyyətində hər iki ölkəyə olan etimada ciddi zərbə vuracaq".

31
Teqlər:
xəbərdarlıq, Azərbaycan, XİN, Kanada, Fransa, Ermənistan
 Türkiyə Prezidenti Rəcəb Tayyib Ərdoğan, arxiv şəkli

Rəcəb Tayyib Ərdoğan: "Elmdə qısqanclıq olmaz"

0
(Yenilənib 17:10 07.05.2021)
Türkiyə Prezidenti bildirib ki, bəşəriyyətin sağlamlığı ilə bağlı mövzuda "bunu biz istehsal etmişik, heç kimə vermərik" anlayışı çox səhv yanaşmadır.

BAKI, 7 may — Sputnik. "Rus peyvəndi "Sputnik"-lə əlaqədar Putinlə danışdıq, ölkəmizə çox ciddi miqdarda peyvənd alacağıq. Daha sonra Türkiyədə də istehsala başlayacağıq". Bu fikri Türkiyə Prezidenti Rəcəb Tayyib Ərdoğan jurnalistlərlə müsahibəsində səsləndirib. Sputnik Türkiyə-nin yaydığı xəbərə görə, Ərdoğan COVID-19 peyvəndi ilə bağlı patentlərin ləğv olunması məsələsinə dair mübahisələrə də toxunaraq, "Bilik bütün bəşəriyyətin ortaq mülkiyyətidir, elmdə qısqanclıq olmaz" deyib.

Prezident qeyd edib ki, Türkiyə yerli peyvəndi yalnız öz vətəndaşları ilə deyil, bütün dünya ilə paylaşmağa hazırdır.

Ərdoğan onu da vurğulayıb ki, bəşəriyyətin sağlamlığı ilə bağlı mövzuda "bunu biz istehsal etmişik, heç kimə vermərik" anlayışı çox səhv yanaşmadır.

"Hazırda Türkiyədə yerli peyvəndin istehsalı ilə bağlı ciddi iş gedir. İnşallah, sentyabr-oktyabr aylarına kimi hazır olar", – deyə Ərdoğan qeyd edib.

0