Füzuli rayonunun Horadiz kəndində “Ohanyan səddi

Ordumuzun yarıb keçdiyi “Ohanyan səddi”ndən - REPORTAJ

1213
(Yenilənib 19:53 05.04.2021)
Bir zamanlar Ermənistan silahlı qüvvələri tərəfindən post olaraq istifadə edilən istehkamlar indi Azərbaycan Ordusunun nəzarətindədir. Ordumuzun gücünün, qarşısında keçilməz hesab edilən "Ohanyan səddi" də aciz qaldı.

Emin Əlisahib, Sputnik Azərbaycan

BAKI, 5 aprel — Sputnik. Bu gün yenə 28 ildir köçkün düşdüyümüz, dədə-baba ocağımızdan ayrı qalıb həsrətini çəkdiyimiz, torpaqlaradır yolumuz... Füzuli rayonunun Horadiz kəndinə gedirik. Uzaqdan məhşur “Ohanyan səddi" görünür. Ermənilər “Ohanyan səddi”ni yarılmaz, keçilməz bilirdilər...  Bəli Azərbaycan əsgəri səngərdən çıxdı, “Ohanyan səddi”ni keçdi, Azərbaycan sərhədlərinə kimi gedib şanlı bayrağımızı sərhədlərdə dalğalandırdı.

Yol alırıq Azərbaycanın şanlı bayrağı dalğalanan dədə-baba yurdumuza. Amma nə yazıq ki, işğaldan azad edilən torpaqlara getmək üçün qeyd etdiyimiz kimi ilk olaraq “Ohanyan səddi”ni keçmək lazımdır. Müsahibimz ANAMA-nın sahə supervayzeri Habil Babayevdir. Seyran Ohanyan 2008-2016-cı illərdə Ermənistanın müdafiə naziri olub və bu sədd də onun adı ilə bağlıdır: “Bu cür keçilməz səddlərin olmasını onun adı ilə bağlayıblar və çətin keçiləsi bir ərazi düzəldiblər ki, bizim ordu həmin ərazidən keçə bilməsin. Dirəklər basdıraraq həmin ərazini məftilləyiblər ki, güya bura keçilməz səddir. Ermənilər burada qazıntı işləri də aparıblar. Dərin çalalar qazıblar ki, oradan hərbi texnika hərəkət edə bilməsin”.

© Sputnik / Emin Alisahib
Füzuli rayonunun Horadiz kəndində “Ohanyan səddi"

Ərazi ermənilərin basdırdığı tank əleyhinə minalarla əhatə olunub. ANAMA-nın əməkdaşları bu ərazilərdə araşdırma aparır və əraziləri minalardan təmizləyir. Habil Babayev deyir ki, "Ohanyan səddi"ndən sonra düşmən minalanmış ərazilər düzəldib ki, bu səddi yarıb keçmək istəyən hərbçilərimiz qarşıda minaya düşsün: “Hər bir səddin arxasını və qarşısını piyada və tank əleyhinə minalarla minalayıblar. Onlar fikirləşiblər ki, bu əraziləri keçmək çətin olacaq”.

Həmsöhbətimizlə birgə “Ohanyan səddi”ni xeyli müşahidə edirik. Habil Babayev ərazini göstərərək, “gördüyümüz minalı ərazi "Ohanyan xətti"nin arxasıdır və tikanlı məftillə çəpərlənib. Arxa hissəsini isə tank əleyhinə mina ilə minalayıblar” deyir.

"Döyüş vaxtı “Ohanyan xətti”ni yaran döyüşçülərimiz ərazidən xeyli mina zərərsizləşdirərək kənara yığıb. Ancaq hələ də mina xətti yerində qalmaqdadır", - müsahibimiz əlavə edir: “Minalar uzun müddətdir basdırıldığı üçün yağış, qar yağması və küləyin əsməsi nəticəsində minaların üst hissəsi açılıb. Artıq kənardan baxanda görünür”.

  • Füzuli rayonunun Horadiz kəndində “Ohanyan səddi"
    © Sputnik / Emin Alisahib
  • Füzuli rayonunun Horadiz kəndində “Ohanyan səddi"
    © Sputnik / Emin Alisahib
  • Füzuli rayonunun Horadiz kəndində “Ohanyan səddi"
    © Sputnik / Emin Alisahib
1 / 3
© Sputnik / Emin Alisahib
Füzuli rayonunun Horadiz kəndində “Ohanyan səddi"

Burada gördüyümüz bəzi faktlar bizi sarsıtsa da, çox xoşbəxtik, çünki bizdən əvvəl Azərbaycanın igid oğulları, deyib gülə-gülə, qanlarını tökə-tökə, canlarını qurban verə-verə bu səddi yarıb keçib. Məhz belə oğuların sayəsində bu gün doğma torpaqlarımızı ziyarət edə bilirik. Hər tərəfi minalanmış “Ohanyan səddi”ni yarıb, keçəndən sonra isə budur, azad edimiş torpaqlarımız...

Füzuli rayonun Horadiz kəndi. Burada bütün evlər, sökülüb, dağıdılıb və ermənilər tərəfindən daşınıb. O qədər uzun zaman keçib ki, evlərin qalıqlarına baxanda görürsən ki, nə yolu bilinir, nə cığırı. 1993-cü ildə Ermənistan silahlı qüvvələri bu kəndləri işğal edəndə ermənilər bu evləri söküb Ermənistana daşıyıb. Digər tərəfə baxdıqda isə görürsən ki, sökülən evlərin içindən yabanı ağaclar bitib. Nə deyirik, qoy dağıdıb, daşıdıqları ilə bir neçə ay da dolansınar. Əsas odur ki, biz Vətəndəyik! Doğma yurdun, doğma elin havasını dünyanın heç bir sərvəti əvəz edə bilməz.

1213
Fəxrəddin Altun

Altun: “İşğaldan azad edilən ərazilər dünyanın cazibə mərkəzlərindən birinə çevriləcək"

19
(Yenilənib 18:34 11.04.2021)
Türkiyə Respublikası Prezident Administrasiyasının Kommunikasiya İdarəsinin sədri işğaldan azad edilən torpaqların yenidən inkişaf edəcəyini vurğulayıb

 

Emin Əlisahib, Sputnik Azərbaycan

BAKI, 11 aprel — Sputnik. “Bu ərazilər yenidən bərpa olunacaq. Türkiyə dövlət və özəl qurumları ilə bu ərazilərin bərpasında aktiv iştirak edəcək. 1 milyon azərbaycanlı bu torpaqlara geri qayıdacaq". Bunu Ağdam Cümə məscidini ziyarət etdikdən sonra jurnalistlərə açıqlamasında Türkiyə Respublikası Prezident Administrasiyasının Kommunikasiya İdarəsinin sədri Fəxrəddin Altun bildirib.

“Bu ərazilər yenidən bərpa olunacaq. Türkiyə dövlət və özəl qurumları ilə bu ərazilərin bərpasında aktiv iştirak edəcək. Türkiyə Prezidenti Rəcəb Tayyib Ərdoğan Bakıya səfəri zamanı dedi ki, bölgənin sülh göyərçinləri olmaq istəyirik. Eyni zamanda bölgənin əsas oyunçuları olaraq bir daha belə işğala imkan verməyəcəyimizi göstərdik”, o deyib.

Türkiyə Respublikası Prezident Administrasiyasının Kommunikasiya İdarəsinin sədri işğaldan azad edilən torpaqların yenidən inkişaf edəcəyini vurğulayıb: “Ağdam da, Şuşa da, işğaldan azad edilən digər ərazilər də bərpa ediləcək, inkişaf edəcək, dünyanın cazibə mərkəzlərindən birinə çevriləcək. Biz bu yöndə bütün gücümüzlə azərbaycanlı qardaşlarımızın yanındayıq. İnşallah, birlikdə bu ərazilərin bərpasını, inkişafını təmin edəcəyik”.

Fəxrəddin Altun həmçinin UNESCO-ya da müraciət edib: “Ağdam şəhəri daxil olmaqla Azərbaycanın işğaldan azad edilən digər ərazilərində də olan mədəniyyət abidləri, mədəniyyət tariximiz məhv edilib. Buna göz yumulmamalıdır və UNESCO artıq ikili standartları kənara qoyub, bu mədəni xəzinəyə qarşı vandallıq həyata keçirən ermənilərin iç üzlərini rəsmən görməlidir.”

Türkiyə Administrasiyasının Kommunikasiya İdarəsinin sədri bildirib ki, işğaldan azad edilən ərazilərdəki mədəni abidələr türklüyün, islamın izlərini silmək üçün məhv edilib: “Bu torpaqlara səfər edən zaman Qarabağ zəfərinin necə böyük bir zəfər olduğunu bir kərə daha anlamış olduq, bunu ürəkdən hiss etdik. Bu, Azərbaycan, və Türkiyə üçün böyük zəfərdir. 30 il davam edən işğala qətiyyətlə son qoyuldu. Prezident İlham Əliyevin qətiyyəti sayəsində bu işğal ortadan qaldırıldı və bölgə azad edilmiş oldu. Prezident Rəcəb Tayyib Ərdoğanın liderliyi ilə Türkiyə bu haqlı mübarizəyə dəstək Verdi. Bu gün bu qüruru yenidən yaşadıq. Eyni zamanda buradakı zülmü, əziyyəti, vandallığı gördük. Bu, tayı, bərabəri olmayan vandallıqdır. Azərbaycanın bu ərazilərində bu vandallıq yaşanarkən dünyanın, beynəlxalq ictimaiyyətin necə ikiüzlü münasibət bəslədiyini də gördük.

Buradakı mədəni irslər məhv edilib, dünyada mədəni irsin qorunmasına məsul beynəlxalq qurumlar isə səssiz qalıb. Bu mədəni abidələr bu torpaqlardan türklüyün, islamın izlərini silmək üçün məhv edilib. Ancaq bu torpaqlardan türklüyün, islamın izlərini silməyi bacarmadılar və bacarmayacaqlar. Çünki bu torpaqlar türklərin, islamın torpaqlarıdır”.

19
Asadjon Xojayev

Özbəkistan inşaatçıları da Qarabağda bərpa işində iştirak edəcəklər

15
(Yenilənib 18:37 11.04.2021)
Asadjon Xojayev: Hazırda Özbəkistan inşaatçıları tərəfindən bərpa ediləcək obyektlərin siyahısı dəqiqləşdirilir.

 

Emin Əlisahib, Sputnik Azərbaycan

BAKI, 11 aprel — Sputnik. "Özbəkistan Qarabağda bir məktəbi təmənnasız bərpa edərək Azərbaycan xalqına hədiyyə edəcək". Bunu Ağdamda səfərdə olan Özbəkistan Respublikası Prezident Administrasiyası yanında İnformasiya və Kütləvi Kommunikasiya Agentliyinin direktoru Asadjon Xojayev bildirib.

Asadjon Xojayev deyib ki, Azərbaycan hazırda inkişafının yeni mərhələsinə qədəm qoyub:

“Bu, işğaldan azad edilən ərazilərin yenidən qurulması və inkişafı ilə bağlıdır. İnsanlar tədricən bu ərazilərə qayıdacaqlar. Çünki burada infrastruktur, evlər, hər şey dağıdılıb. Bütün dünya, beynəlxalq ictimaiyyət buna diqqət yönəltməlidir. Türk Şurasına üzv ölkələr də işğaldan azad olunmuş ərazilərin bərpasında aktiv iştirak edəcək. Özbəkistan bu ərazilərin bərpası üçün öz köməyini təklif edib. Biz hazırda mütəxəssislərlə birgə bərpasında iştirak edəcəyimiz obyektləri müəyyənləşdiririk. Bizim inşaatçılar bu ərazilərdə obyektlərin bərpasında iştirak edəcək. Məndə olan məlumata görə, Özbəkistan bir məktəbi təmənnasız bərpa edərək Azərbaycan xalqına hədiyyə edəcək. Hazırda Özbəkistan inşaatçıları tərəfindən bərpa ediləcək obyektlərin siyahısı dəqiqləşdirilir. Ən əsası Dağlıq Qarabağa sülh gəlib”.

15

Ordumuzun raket-artilleriya batareyalarının döyüş atışlı taktiki təlimləri başlayıb

0
Təlimlərdə əsas səylər gündüz və gecə bölmələrin fasiləsiz idarəedilməsi, onların digər qoşun növləri ilə qarşılıqlı əlaqədə döyüş fəaliyyətinin təşkili üzrə praktiki vərdişlərin təkmilləşdirilməsinə yönəldiləcək.

Müdafiə nazirinin təsdiq etdiyi 2021-ci ilin döyüş hazırlığı planına əsasən Raket və artilleriya qoşunları bölmələrinin döyüş atışlı taktiki təlimləri başlayıb. Bu barədə Sputnik Azərbaycan Müdafiə Nazirliyinə istinadən məlumat verir.

Taktiki təlimlərdə döyüş texnikasının geniş tətbiqi ilə ərazidə nümunəvi döyüş atışları keçiriləcək.

Təlimlərdə əsas səylər Vətən müharibəsində əldə edilən təcrübə nəzərə alınmaqla real döyüş şəraitinə uyğun, gündüz və gecə bölmələrin fasiləsiz idarəedilməsi, onların digər qoşun növləri ilə qarşılıqlı əlaqədə döyüş fəaliyyətinin təşkili üzrə praktiki vərdişlərin təkmilləşdirilməsinə yönəldiləcək.

0