Növbəti erməni hiyləsi: Alban məbədinə saxta məzar daşları gətirilib

1692
(Yenilənib 17:41 25.03.2021)
Xocavənd rayonunun Tuğ kəndində olan məbədləri ermənilər saxtalaşdırmağa çalışıb. Onlar çay daşlarının üzərində erməni hərfləri ilə özlərinə məxsus yazılar yazaraq, tariximizi özününküləşdirmək istəyib.

Emin Əlisahib, Sputnik Azərbaycan

BAKI, 25 mart — Sputnik. Yolumuz Xocavənd rayonunun Tuğ kəndinədir. Bələdçimiz isə tarixçi-tədqiqatçı Nazim Vəlişovdur. O bildirir ki, Tuğun işğalından əvvəl burda 200 nəfər əhali yaşayıb. "Tuğ kəndi 200 nəfər əhalisi olan bir yaşayış məntəqəsi idi. 1991-ci ilin oktyabrın son günündə Tuğ və Səlakətin kəndi də işğal olundu. Gördüyünüz bu gözəl, mənzərəli yer hamısı erməni tapdağı altında qaldı. Bu illər ərzində ermənilər yenə də sovetlər dönəmində olduğu kimi saxtakarlıqlarla məşğul olmağa başladılar".

Vaxti ilə Tuğ kəndinin gəzməli və görməli yerlləri çox olub. Hətta Tuğ meşələri Qarabağda dillər əzbəri olub. İndi bu ünvanda yalnız və yalnız erməni vandalığının izlərinə rast gəlirik. Müsahibimizlə kənddə olan alban abidələrinin yanından da etinasız ötə bilmirik. Alban məbədinin yanında ayaq saxlayıb, söhbətimizə davam edirik. Dövlət başçısı İlham Əliyev özü də Tuğ kəndinə səfər edərkən burada - Alban məbədində olub. Bu məbəddə də emrəni saxtakarlığına rast gəlmək mümkündür.

© Sputnik / Emin Alisahib
Tuğ kəndində alban abidəsi

Ermənilər Xocavənd rayonunun Tuğ kəndində sadəcə evləri talan etməklə, yurdu yağmalamaqla kifayətlənməyib. Müsahibimiz tarixçi-tədqiqatçı Nazim Vəlişov deyir ki, yandırdıqları evlər, tarixi-memarlıq, mədəniyyət, arxeoloji abidələrimiz bir tərəfə, əcdadlarımızdan bizə miras qalan alban məbədinə də öz saxtakar imzalarını qoymağa çalışıblar.

Tarixçi alban abidələrinin qarşısındakı üstü erməni yazılı çay daşlarını göstərərək deyir:

"Gördüyünüz bu çay daşları vaxtı ilə bu ərazidə olmayıb. Sonradan bura ermənilər tərəfindən gətirilib. Guya bunlar ermənilərə məxsus qəbir daşlarıdır. Onlar çay daşlarını buraya gətrib üzərinə özlərinə məxsus erməni hərifləri ilə nələrsə yazıblar. Güya ki, bunlar filankəs-yana məxsus olan qəbir daşıdır. Bu dəhşətdir. Bu qədər saxtakarlıq olmaz".
  • Tuğ kəndində alban abidəsi
    © Sputnik / Emin Alisahib
  • Tuğ kəndində alban abidəsi
    © Sputnik / Emin Alisahib
  • Tuğ kəndində alban abidəsi
    © Sputnik / Emin Alisahib
  • Tuğ kəndində alban abidəsi
    © Sputnik / Emin Alisahib
  • Tuğ kəndində alban abidəsi
    © Sputnik / Emin Alisahib
1 / 5
© Sputnik / Emin Alisahib
Tuğ kəndində alban abidəsi

Xocavənd rayonunun Tuğ kəndində dört belə məbəd mövcuddur. Ermənilər burada yaşadıqları müddətdə bütün adıçəkilən abidələrə öz saxta imzalarını atmağa çalışıblar. Tarixən Azərbaycana məxsus olan bu abidənin qədimliyi barədə danışan müsahibimiz, Tuğ kəndində olan bu abidənin orta əsrlər məbədi olduğunu da bildirir.

"Tuğ kəndində 4 məbəd var. Stepanov məbədi, Diş qalası, Qadınlar məbədi və gördüyünüz bu Alban məbədi. Bunların hamısı qədim Alban məbədidir. Bu məbədlərin özündə də saxtakarlıqlara yol açıblar. Gələndə nələrin şahidi olduq. Girişdə fasada xaç vurublar, məbədin üzərindəki o künbəz olmayıb. Sonradan ermənilər o künbəzi tikib, üzərinə xaç işarəsi qoyub. Güya ki, bu abidə erməni kilsəsidir".

© Sputnik / Emin Alisahib
Tarixçi-tədqiqatçı Nazim Vəlişov

Burada gördüklərimiz bir daha onu deməyə əsas verir ki, ermənilər tarix boyu öz yalanlarına həqiqət donunu geyindirməyə çalışıblar. Təəssüflər olsun ki, bu gün bəzi ölkələr erməni uydurmalarına hələ də inanmaqdadır. Lakin, bütün dünya əmin ola bilər ki, ermənilərin Qarabağda etdikləri hər bir saxtakarlığın üstü mütləq şəkildə açılacaq. Odur ki, bu gün bütün arxelooqlarımız, tarixçilərimiz və tədqiqatçılarımızın ən mühüm vəzifəsi ermənilərin saxtakarlıqlarını dünyaya ifşa etməkdən ibarət olmalıdır. Belə olduğu təqdirdə dünya dövlətləri ermənilərin nə qədər saxtakar və yalandan ibarət bir tarixə mənsub olduqlarının şahidi olacaq.

İngilis səyahətçisi Vilson əbəs yerə ermənilər haqqında "Ermənilər acgöz və tamahkardır. Onlar istənilən bir cəfəngiyatı böyütmək üzrə abırsız dərəcədə mahirdirlər", - deyə fikir səsləndirməyib.

1692
Fəxrəddin Altun

Altun: “İşğaldan azad edilən ərazilər dünyanın cazibə mərkəzlərindən birinə çevriləcək"

18
(Yenilənib 18:34 11.04.2021)
Türkiyə Respublikası Prezident Administrasiyasının Kommunikasiya İdarəsinin sədri işğaldan azad edilən torpaqların yenidən inkişaf edəcəyini vurğulayıb

 

Emin Əlisahib, Sputnik Azərbaycan

BAKI, 11 aprel — Sputnik. “Bu ərazilər yenidən bərpa olunacaq. Türkiyə dövlət və özəl qurumları ilə bu ərazilərin bərpasında aktiv iştirak edəcək. 1 milyon azərbaycanlı bu torpaqlara geri qayıdacaq". Bunu Ağdam Cümə məscidini ziyarət etdikdən sonra jurnalistlərə açıqlamasında Türkiyə Respublikası Prezident Administrasiyasının Kommunikasiya İdarəsinin sədri Fəxrəddin Altun bildirib.

“Bu ərazilər yenidən bərpa olunacaq. Türkiyə dövlət və özəl qurumları ilə bu ərazilərin bərpasında aktiv iştirak edəcək. Türkiyə Prezidenti Rəcəb Tayyib Ərdoğan Bakıya səfəri zamanı dedi ki, bölgənin sülh göyərçinləri olmaq istəyirik. Eyni zamanda bölgənin əsas oyunçuları olaraq bir daha belə işğala imkan verməyəcəyimizi göstərdik”, o deyib.

Türkiyə Respublikası Prezident Administrasiyasının Kommunikasiya İdarəsinin sədri işğaldan azad edilən torpaqların yenidən inkişaf edəcəyini vurğulayıb: “Ağdam da, Şuşa da, işğaldan azad edilən digər ərazilər də bərpa ediləcək, inkişaf edəcək, dünyanın cazibə mərkəzlərindən birinə çevriləcək. Biz bu yöndə bütün gücümüzlə azərbaycanlı qardaşlarımızın yanındayıq. İnşallah, birlikdə bu ərazilərin bərpasını, inkişafını təmin edəcəyik”.

Fəxrəddin Altun həmçinin UNESCO-ya da müraciət edib: “Ağdam şəhəri daxil olmaqla Azərbaycanın işğaldan azad edilən digər ərazilərində də olan mədəniyyət abidləri, mədəniyyət tariximiz məhv edilib. Buna göz yumulmamalıdır və UNESCO artıq ikili standartları kənara qoyub, bu mədəni xəzinəyə qarşı vandallıq həyata keçirən ermənilərin iç üzlərini rəsmən görməlidir.”

Türkiyə Administrasiyasının Kommunikasiya İdarəsinin sədri bildirib ki, işğaldan azad edilən ərazilərdəki mədəni abidələr türklüyün, islamın izlərini silmək üçün məhv edilib: “Bu torpaqlara səfər edən zaman Qarabağ zəfərinin necə böyük bir zəfər olduğunu bir kərə daha anlamış olduq, bunu ürəkdən hiss etdik. Bu, Azərbaycan, və Türkiyə üçün böyük zəfərdir. 30 il davam edən işğala qətiyyətlə son qoyuldu. Prezident İlham Əliyevin qətiyyəti sayəsində bu işğal ortadan qaldırıldı və bölgə azad edilmiş oldu. Prezident Rəcəb Tayyib Ərdoğanın liderliyi ilə Türkiyə bu haqlı mübarizəyə dəstək Verdi. Bu gün bu qüruru yenidən yaşadıq. Eyni zamanda buradakı zülmü, əziyyəti, vandallığı gördük. Bu, tayı, bərabəri olmayan vandallıqdır. Azərbaycanın bu ərazilərində bu vandallıq yaşanarkən dünyanın, beynəlxalq ictimaiyyətin necə ikiüzlü münasibət bəslədiyini də gördük.

Buradakı mədəni irslər məhv edilib, dünyada mədəni irsin qorunmasına məsul beynəlxalq qurumlar isə səssiz qalıb. Bu mədəni abidələr bu torpaqlardan türklüyün, islamın izlərini silmək üçün məhv edilib. Ancaq bu torpaqlardan türklüyün, islamın izlərini silməyi bacarmadılar və bacarmayacaqlar. Çünki bu torpaqlar türklərin, islamın torpaqlarıdır”.

18
Asadjon Xojayev

Özbəkistan inşaatçıları da Qarabağda bərpa işində iştirak edəcəklər

14
(Yenilənib 18:37 11.04.2021)
Asadjon Xojayev: Hazırda Özbəkistan inşaatçıları tərəfindən bərpa ediləcək obyektlərin siyahısı dəqiqləşdirilir.

 

Emin Əlisahib, Sputnik Azərbaycan

BAKI, 11 aprel — Sputnik. "Özbəkistan Qarabağda bir məktəbi təmənnasız bərpa edərək Azərbaycan xalqına hədiyyə edəcək". Bunu Ağdamda səfərdə olan Özbəkistan Respublikası Prezident Administrasiyası yanında İnformasiya və Kütləvi Kommunikasiya Agentliyinin direktoru Asadjon Xojayev bildirib.

Asadjon Xojayev deyib ki, Azərbaycan hazırda inkişafının yeni mərhələsinə qədəm qoyub:

“Bu, işğaldan azad edilən ərazilərin yenidən qurulması və inkişafı ilə bağlıdır. İnsanlar tədricən bu ərazilərə qayıdacaqlar. Çünki burada infrastruktur, evlər, hər şey dağıdılıb. Bütün dünya, beynəlxalq ictimaiyyət buna diqqət yönəltməlidir. Türk Şurasına üzv ölkələr də işğaldan azad olunmuş ərazilərin bərpasında aktiv iştirak edəcək. Özbəkistan bu ərazilərin bərpası üçün öz köməyini təklif edib. Biz hazırda mütəxəssislərlə birgə bərpasında iştirak edəcəyimiz obyektləri müəyyənləşdiririk. Bizim inşaatçılar bu ərazilərdə obyektlərin bərpasında iştirak edəcək. Məndə olan məlumata görə, Özbəkistan bir məktəbi təmənnasız bərpa edərək Azərbaycan xalqına hədiyyə edəcək. Hazırda Özbəkistan inşaatçıları tərəfindən bərpa ediləcək obyektlərin siyahısı dəqiqləşdirilir. Ən əsası Dağlıq Qarabağa sülh gəlib”.

14
Kosmos

Rəşad Nəbiyev: "Azərbaycan dünya kosmik sənayesinin üzvünə çevrilib"

0
"Peyklərimiz dünya kosmik ailəsində layiqli yerimizi təmin edib", - rabitə və yüksək texnologiyalar naziri qeyd edib.

BAKI, 12 aprel — Sputnik. "Bu gün insanın kosmosa ilk uçuşundan 60 il ötür".

Sputnik Azərbaycan xəbər verir ki, bunu nəqliyyat, rabitə və yüksək texnologiyalar naziri Rəşad Nəbiyev bildirib.

"Çox sevinirəm ki, Prezident İlham Əliyevin uzaqgörən siyasəti nəticəsində Azərbaycan dünya kosmik sənayesinin üzvünə çevrilib. Peyklərimiz dünya kosmik ailəsində layiqli yerimizi təmin edib", - Rəşad Nəbiyev qeyd edib.

0