Quram Marxulia: Milyonadək insanı yurdundan didərgin salan erməniləri Allah cəzalandırdı

98
Bu gün Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər.

Emin Babayev, Sputnik Azərbaycan

BAKI, 28 fevral - Sputnik. Bu gün Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər. Sputnik Azərbaycan xəbər verir ki, səfər Azərbaycan Respublikasının Xarici İşlər Nazirliyinin və Gürcüstandakı səfirliyimizin təşkilatçılığı və dəstəyi ilə təşkil olunub. Füzuli və Cəbrayılda erməni vandalizmi ilə tanış olacaq Gürcüstan heyətinin tərkibinə “Pirveli TV”, “Mtavari Arkhi”, “Imedi TV”, “POS TV” kanallarının jurnalistləri və ekspertlər daxildir.

  • Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər
    Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər
    © Sputnik / Emin Alisahib
  • Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər
    © Sputnik / Emin Alisahib
  • Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər
    © Sputnik / Emin Alisahib
  • Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər
    © Sputnik / Emin Alisahib
1 / 4
© Sputnik / Emin Alisahib
Gürcüstanlı jurnalistlər və ekspertlər ölkəmizin işğaldan azad olunmuş ərazilərinə səfər ediblər

Qonaqlar Füzuli şəhərində olublar. Ermənilər tərəfindən dağıdılmış şəhərdə inşa olunacaq aereportla bağlı onlara məlumat verilib. Gürcü jurnalistlərə Füzuli aeroportunun tikinti işlırini aparan şirkətin nümayəndəsi Şaiq Qocayev bildirib ki, Füzuli aeroportunun uçuş eniş zolağının uzunluğu 3 min metr, eni isə 60 metr olacaq.

“Hazırda torpaq qatı çıxardılaraq əvəzinə təbi çınqıl materialı döşənir. Daha sonra asfalt örtüyü çəkiləcək. Tikinti işlırinin vaxtında başa çatması üçün əraziyə çoxlu sayda texnika və işçi qüvvəsi cəlb olunub” - Qocayev deyib.

© Sputnik / Emin Alisahib
Şaiq Qocayev

Daha sonra qonaqlar yerli jurnalistlərlə təəsuratlarını bölüşüblər.

“Mən inanıram ki, Azərbaycan dövlətinin iqtisadi gücü qısa müddətdə bu ərazilərdə şəhərləri, kəndləri bərpa etməyə imkan verəcək”. Bunu Ermənistan işğalından azad edilmiş Füzuli rayonunda səfərdə olan tarix elmləri doktoru, Suxumi Dövlət Universitetinin professoru Quram Marxulia bildirib.

"Həmişə əmin olmuşam ki, ermənilər döyüşməyi bacarmır. Burada ermənilərin müdafiə sistemlərini görəndə də bir daha buna əmin oldum. Ermənilər “başqa dövlətin bayrağı altında döyüşəndə” qalib gəliblər. Ermənilər meydanda azərbaycanlılarla təkbətək qalanda döyüş meydanından arxalarına baxmadan qaçdılar. Dünən səfər etdiyimiz Ağdamda onların vandallığının şahidi olduq. Ağdam hazırda faktiki ölü şəhərdir. Onlar məsciddə inək, donuz saxlayıblar. Əgər sən xristiansansa, bu o demək deyil ki, müsəlmanların müqəddəs məkanlarına hörmətlə yanaşmamalısan. Qonşusunun ərazisinə iddia edən, milyonadək insanı yurdundan didərgin salan erməniləri Allah cəzalandırdı və Azərbaycan bu gün torpaqlarını işğaldan azad etdi. Mən inanıram ki, Azərbaycan dövlətinin iqtisadi gücü qısa müddətdə bu ərazilərdə şəhərləri, kəndləri bərpa etməyə imkan verəcək. Mən bir daha Azərbaycan xalqını böyük qələbə münasibəti ilə təbrik edirəm. Düşünürəm ki, Gürcüstan və Azərbaycan birgə müstəqilliyimiz və suverenliyimizin qorunması üçün mübarizə aparacaq” - Marxulia əlavə edib.

© Sputnik / Emin Alisahib
Quram Marxulia

Ötən gün Ağdamda səfərdə olan gürcüstanlı nümayəndələr gördükləri mənzərədən dəhşətə gəldiklərini də gizlətməyib. Gürcüstan Strateji Beynəlxalq Araşdırmalar Fondunun eksperti Aleksandr Klaxadze bildirib ki, onu dəhşətə salan məscidlərin və qəbirstanlıqların dağıdılmasıdır.

“Biz dünən Azərbaycanın işğaldan azad edilmiş Ağdam rayonuna səfər etdik, bu gün isə Füzuli rayonunda səfərdəyik. 30 il ərzində Ermənistanın işğalı altında qalmış bu ərazilərdə daş daş üstündə qalmayıb, Azərbaycan xalqına məxsus hər şey məhv edilib. Eyni zamanda işğaldan azad edilmiş ərazilər minalanıb, bu əraziləri minalardan təmizləmək üçün uzun illər zamandır” - Klaxadze deyib.

© Sputnik / Emin Alisahib
Aleksandr Klaxadze

Qeyd edək ki, Gürcüstanlı qonaqların Füzuliyə səfəri başa çatıb. Hazırda ermənilərin törətdiyi vəhşiliyi lentə almaq üçün Cəbrayıl rayonuna yola düşüblər.

98

Ağdam rayonunun İsmayılbəyli kəndindən görüntülər - VİDEO

33
(Yenilənib 10:50 20.04.2021)
Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.

Müdafiə Nazirliyi Ağdam rayonunun İsmayılbəyli kəndindən videogörüntülər paylaşıb. Sputnik Azərbaycan Müdafiə Nazirliyinə istinadən həmin görünütləri paylaşır. 

İsmayılbəyli Azərbaycan Respublikasının Ağdam rayonunun Bağbanlar kənd inzibati ərazi dairəsində kənddir, dağ ətəyindədir. Keçmiş adı Mərzili İsmayılbəy olub. Yaşayış məntəqəsi Cavanşir qəzasında yaşamış mərzili tayfasına mənsub ailələrin başçısı İsmayıl bəyin adı ilə adlandırılıb.

Kənd 1993-cü il iyulun 4-də Ermənistan Silahlı Qüvvələri tərəfindən işğal olunub. 2020-ci il noyabrın 20-də üçtərəfli bəyanatın şərtlərinə uyğun olaraq, işğaldan azad edilib.

33
Leytenant Kamil Hüseynov

Hərbçi olmağı universitet diplomundan üstün tutan qazimiz - FOTO

463
Güllə onun qoruyucu jiletinin qorumadığı sağ çiynindən girərək kürəyindən çıxıb. Lakin döyüş bitənədək bunu taqımına hiss etdirməyib. Yaralanan vaxt şəxsi vəsiqəsi də cibində olduğundan kənarında öz qanının izi bu gün də qalıb.

İlham Mustafayev, Sputnik Azərbaycan

BAKI, 19 aprel — Sputnik. Vətən müharibəsində Suqovuşanın azad olunması istiqamətində döyüşlərdə yaralanan igidlərimizdən biri leytenant Kamil Hüseynovdur. O, YAŞAT Fondu tərəfindən Türkiyədə müalicə edilən qazilərimizdəndir. Vətən müharibəsində 3 medalla təltif olunan 27 yaşlı gənc zabitimiz sağaldıqdan sonra yenidən ordu sıralarına qatılaraq xidmətini davam etdirmək arzusundadır.

Kamil Azərbaycan Dövlət Aqrar Universitetinin məzunudur. Hərb sahəsinə olan marağı onu bu sahəyə yönəldib. Qiyabi təhsil aldığı müddətdə öncə ordu sıralarında müddətdən artıq həqiqi hərbi qulluqçu kimi xidmət edib. Daha sonra isə zabit kursunu bitirərək motoatıcı ixtisası üzrə leytenant rütbəsi alaraq taqım komandiri kimi xidmətini davam etdirib. Vətən müharibəsində ilk gündən döyüşlərə atılan Kamil Suqovuşanın azad olunması tapşırığının yerinə yetirilməsində iştirak edib.

© Sputnik / Ilham Mustafa
Leytenant Kamil Hüseynov ailəsi ilə birgə

Sputnik Azərbaycan-ın bölgə müxbirinə danışan Kamil Hüseynov yaralanmasına baxmayaraq döyüşü sonadək davam etdirdiyini, taqımının döyüş ruhuna təsir etməməsi üçün son məqamadək onu gizlətməyə çalışdığını deyib: “Döyüş əhval-ruhiyyəsi çox yüksək idi. Rütbəsindən asılı olmayaraq hamı döyüşə can atırdı. Bütün döyüşçülər qisas hissi ilə alışıb-yanırdılar. Ona görə ancaq irəli getməyi düşünürdük. Düşmən də çox güclü müdafiə qurmuşdu. Lakin biz irəlilədikcə qarşımızda dayana bilməyib geri çəkilirdilər. Çəkildikdən sonra isə tərk etdikləri mövqələri aramsız artilleriya atəşinə tuturdular. Hər müdafiə səddini əsgərlərimizin igidliyi sayəsində alırdıq. Düşmən postlarının birinin alınması zamanı yaxın məsafədən döyüşdə mən də yaralandım”, - deyə o bildirib.

Güllə onun qoruyucu jiletinin qorumadığı sağ çiynindən girərək kürəyindən çıxıb. Lakin döyüş bitənədək bunu taqımına hiss etdirməyib. Yaralanan vaxt şəxsi vəsiqəsi də cibində olduğundan kənarında öz qanının izi bu gün də qalıb.

  • Leytenant Kamil Hüseynov ailəsi ilə birgə
    © Sputnik / Ilham Mustafa
  • Leytenant Kamil Hüseynovun sertifikatı
    © Sputnik / Ilham Mustafa
  • Leytenant Kamil Hüseynov ailəsi ilə birgə
    © Sputnik / Ilham Mustafa
1 / 3
© Sputnik / Ilham Mustafa
Leytenant Kamil Hüseynov ailəsi ilə birgə

Kamilin atası Dursunəli Hüseynov deyir ki, oğlunun kiçik yaşlarından hərb sahəsinə marağı olub. Onun bu istəyinə çatması üçün isə valideyn olaraq Kamilə dəstək olublar. O, uşaq vaxtından idmanla məşğul olan Kamilin karate növü üzrə nailiyyətləri olduğunu da söyləyib: “Müharibənin hər üzü var. Kamil hərbiyə qoşulandan çətinliklərin hər birini gözə almışdıq. Hər gün dua edirdik ki, müharibə tezliklə qurtarsın, Qarabağımız azad olsun, itkilərimiz az olsun. Kamilin də bu yolda zəhməti keçməsindən qürur duyuram. İstərdim ki, tezliklə sağalsın, yenə əvvəlki kimi öz missiyasını davam etdirsin. Mən onu həmişə dəstəkləyirəm”.

© Sputnik / Ilham Mustafa
Leytenant Kamil Hüseynovun fotosu

Kamilin aldığı xəsarət ciddi olduğundan iki dəfə əməliyyat olunub. Yaşat Fondu tərəfindən Türkiyədə cərrahiyyə əməliyyatı olunan qazimizin müalicəsi aparılıb və bundan sonra da müalicəsinin davam etdiriləcəyi deyilib.

Ağstafa şəhərində Şıxəli Qurbanov küçəsində yaşayan, ailənin tək oğul övladı olan leytenant Kamil Hüseynov bu yaxınlarda ailə həyatı da qurub. Vətən müharibəsinin qalib qazisi 3 medalla – "Cəsur döyüşçü", "Suqovuşanın azad olunmasına görə" və "Vətən müharibəsi iştirakçısı" medalları ilə təltif olunub.

463
Teqlər:
müharibə, Qarabağ, Ağstafa, qazi
Mövzu:
Müharibə adamları
Evdən icazəsiz çıxan koronavirus xəstəsi, arxiv şəkli

Koronavirus xəstələri ictimai yerlərdə aşkar edilərək saxlanılıb

0
Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 4 nəfər barəsində cinayət işi başlanılıb. Hazırda istintaq araşdırmaları davam etdirilir.

 

BAKI, 20 aprel — Sputnik. Daxili işlər orqanlarının əməkdaşları tərəfindən aprelin 19-da respublika ərazisində 7 nəfər aktiv koronavirus xəstəsi ictimai yerlərdə aşkar edilərək saxlanılıb. Daxili İşlər Nazirliyindən Sputnik Azərbaycan-a verilən məlumata görə, polis əməkdaşları onlarla izahedici söhbətlər aparıb, tibbi prosedurları gözləməklə yaşadıqları evə qaytarıb, bu barədə müvafiq səhiyyə qurumları məlumatlandırılıb.

Cinayət Məcəlləsinin 139-1.1 (epidemiya əleyhinə və karantin rejimlərinin pozulması) maddəsi ilə 4 nəfər barəsində cinayət işi başlanılıb. Hazırda istintaq araşdırmaları davam etdirilir.

Bir daha vətəndaşlarımızdan koronavirusla əlaqədar tətbiq edilmiş xüsusi karantin rejimindən irəli gələn bütün tələb və qadağalara ciddi riayət etmələrini xahiş edirik.

0