QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Rusiya sülhməramlıları Kəlbəcərə 185 ton yükün çatdırılmasını təmin edib

© Photo : Ministry of Defence of the Russian FederationRusiya sülhməramlıları Qarabağda yüklərin çatdırılmasını təmin edirlər
Rusiya sülhməramlıları Qarabağda yüklərin çatdırılmasını təmin edirlər - Sputnik Azərbaycan, 1920, 16.02.2021
Abunə olmaq
Yük generator stansiyaları, elektrik avadanlıqları, dəmir-beton konstruksiyaları və tikinti materiallarından ibarət olub.

BAKI, 16 fevral — Sputnik. Qarabağa yerləşdirilən Rusiya sülhməramlıları Azərbaycanın işğaldan azad olunan əraziləri arasında humanitar yüklərin tranzitini təmin etməyə davam edir. Bu barədə Sputnik Azərbaycan Rusiya Müdafiə Nazirliyinin saytına istinadən xəbər verir.

"Sosial obyektlər və yaşayış evlərinin elektrik və su ilə təminatının bərpası üçün Humanitar Yardım Mərkəzinin 25 "KamAZ" markalı hərbi avtomobil və onları müşayiət edən maşınlardan ibarət kolonu Kəlbəcər rayonuna təxminən 185 ton həcmində yük çatdırıb. Yük generator stansiyaları, elektrik avadanlıqları, dəmir-beton konstruksiyaları və tikinti materiallarından ibarət olub", - deyə məlumatda bildirilir.

1/3
Rusiya sülhməramlıları Qarabağda yüklərin çatdırılmasını təmin edirlər
2/3
Rusiya sülhməramlıları Qarabağda yüklərin çatdırılmasını təmin edirlər
3/3
Rusiya sülhməramlıları Qarabağda yüklərin çatdırılmasını təmin edirlər
1/3
Rusiya sülhməramlıları Qarabağda yüklərin çatdırılmasını təmin edirlər
2/3
Rusiya sülhməramlıları Qarabağda yüklərin çatdırılmasını təmin edirlər
3/3
Rusiya sülhməramlıları Qarabağda yüklərin çatdırılmasını təmin edirlər

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılıq əldə olunub.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

Xəbər lenti
0