"Mən orada ağladım" - Diplomatik korpusun Cəbrayıla səfəri - FOTO

480
(Yenilənib 19:30 06.02.2021)
"Heç kəs bu dərəcədə dağıntını təsəvvür edə bilmir. Səfirlər bu dağıntının nə məqsədlə törədildiyini başa düşə bilmirlər"

BAKI, 6 fevral — Sputnik. “Azərbaycan Prezidenti tərəfindən tapşırıq verilmişdi ki, işğaldan azad olunmuş ərazilərə diplomatik korpus nümayəndələrinin, xarici jurnalistlərin səfərləri təşkil olunsun. Beləliklə, onlar öz gözləri ilə işğaldan azad olunan ərazilərimizdə törədilmiş bu vəhşilikləri görsünlər. Bundan əvvəl Füzuli və Ağdam şəhərlərinə bu qəbildən səfərlər təşkil olunmuşdu”.

Sputnik Azərbaycan bildirir ki, bunu Azərbaycan Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev diplomatik korpus nümayəndələrinin Cəbrayıl rayonundakı Xudafərin körpüsünə səfəri zamanı jurnalistlərə açıqlamasında deyib.

© Sputnik / Emin Babayev
Azərbaycan Prezidentinin köməkçisi - Prezident Administrasiyasının xarici siyasət məsələləri şöbəsinin müdiri Hikmət Hacıyev

H.Hacıyev qeyd edib ki, Cəbrayıl və Zəngilana səfərlərinin Cocuq Mərcanlıdan başlanmasının rəmzi mənası var: "Çünki Cocuq Mərcanlıda 2016-cı ilin aprel döyüşlərindən sonra böyük quruculuq işləri aparılıb, bu isə Azərbaycan üçün qayıdışın bir nümunəsi idi. Oradan başlayaraq biz Cəbrayıla gəldik və şəhərin mərkəzi hissəsində dağıntıları diplomatik korpus nümayəndələri öz gözləri ilə gördülər, Füzuli və Ağdamda olduğu kimi, erməni vəhşiliyinin şahidi oldular. Sonra səfərin davamı olaraq Xudafərin körpüsünə gəldik".

“Prezident İlham Əliyev tərəfindən İran-Azərbaycan sərhədi “dostluq sərhədi” adlandırılıb. Bu sərhədin tam nəzarətə götürülməsi qonşu ölkələr olan İran və Azərbaycan əlaqələrinə də öz töhfəsini verəcək", - deyən H.Hacıyev Zəngilana, xüsusilə də Mincivan qəsəbəsinə də baş çəkəcəklərini bildirib.

Onun sözlərinə görə, səfərlərin əsas mahiyyəti ermənilərin işğal olunmuş Azərbaycan torpaqlarındakı vəhşiliklərini, vandalizmini diplomatik korpus nümayəndələrinin öz gözləri ilə görməsidir:

"Ermənistan illər ərzində özünü sivil xalq adlandırıb, lakin bu dağıntılar onların əsl mahiyyətini göstərir. Bu, işğal siyasəti, neokolonizmlə müqayisə oluna biləcək bir vəhşilikdir. Azərbaycan xalqına aid nə vardısa, hamısı dağıdılıb".

H. Hacıyev deyib ki, bu səfərdə iştirak edənlərin bir qismi münaqişə zonalarında müxbir, fotoqraf kimi xidmət ediblər: "Dünyanın başqa münaqişə zonalarında qəbristanlıqların dağıdılmasına nadir hallarda rast gəlinir. Görün, bu, vandalizmin hansı bir nümunəsidir ki, qəbirlər, içindəki sümüklər belə dağıdılıb, ətrafa səpilib. Biz bunu Cəbrayılda gördük. Heç kəs bu dərəcədə dağıntını təsəvvür edə bilmir. Səfirlər bu dağıntının nə məqsədlə törədildiyini başa düşə bilmirlər".

“Bu gün mənim üçün xüsusi bir gündür. Azərbaycanlı dostlarımız bu səfəri təşkil etdilər və biz gəlib bu gözəl yerləri gördük. Bu gözəl yerlər işğaldan azad olunmuş torpaqlardır. Biz çox şadıq. Amma Cəbrayılda gördüyümüz mənzərə çox dəhşətli idi”.

Bunu diplomatik korpusun nümayəndələrinin Cəbrayıl və Zəngilana səfəri zamanı Əfqanıstanın Azərbaycandakı səfiri Amanullah Ceyhun bildirib.

© Sputnik / Emin Babayev
Əfqanıstanın Azərbaycandakı səfiri Amanullah Ceyhun
"Burada məzarları qazıblar. Mən orada ağladım. Bu məzarlıqları görmək kiməsə təsir etmirsə, mən bilmirəm, o insanların vicdanı necədir. Qəbirləri qazıb meyitləri çıxarıblar, bu, insanlıqdan kənar bir hadisədir”.

Fələstinin Azərbaycandakı səfiri Nasir Əbdülkərim Əbdürrəhman Prezident İlham Əliyevə, Azərbaycan hökumətinə, Xarici İşlər Nazirliyinə səfəri təşkil etdiklərinə, onlara Azərbaycan torpaqları olan Cəbrayıl və Zəngilanı görməyə imkan yaratdıqlarına görə təşəkkür edib.

© Sputnik / Emin Babayev
Fələstinin Azərbaycandakı səfiri Nasir Əbdülkərim Əbdürrəhman

O, Azərbaycanın BMT qətnamələrinə və beynəlxalq hüquqa müvafiq olaraq ərazi bütövlüyünü bərpa etməklə yeni səhifə açdığını, bunun ölkəmizə sülh və inkişaf gətirəcəyinə ümid etdiyini bildirib. Cəbrayılda gördüklərini isə səfir "ürəkparçalayan mənzərə" adlandırıb: "Heç kəs belə bir müharibədən keçməməli, bu travmanı yaşamamalı, şəhərlərinin bu cür məhv edildiyini görməməlidir".

Liviyanın Azərbaycandakı müvəqqəti işlər vəkili Əşrəf Adəm torpaqların gerçək sahibinə qayıtdığına görə sevindiyini bildirib.

© Sputnik / Emin Babayev
Liviyanın Azərbaycandakı müvəqqəti işlər vəkili Əşrəf Adəm 

Ermənistan işğalından azad olunan torpaqlarda gördüyü dağıntılardan təsirləndiyini söyləyən diplomat yüz ildən də artıq yaşı olan qəbirlərin, evlərin darmadağın edilməsini ermənilərin insanlığa sığmayan hərəkətlərinin sübutu olduğunu bildirib. O, bir daha Qələbə münasibəti ilə Azərbaycanı və onun Prezidentini təbrik edib, bunun bütün dünyanın qalibiyyəti olduğunu, Liviyanın bir dövlət olaraq Azərbaycanın yanında olduğunu deyib: "İnşallah, bura turizm cənnəti olacaq, uğurlar arzulayıram", - deyə səfir fikirlərini tamamlayıb.

480

Ağdam rayonunun Güllücə kəndindən videogörüntülər

18
(Yenilənib 17:01 01.03.2021)
Müdafiə Nazirliyi Ağdam rayonunun Güllücə kəndindən videogörüntülər paylaşıb. Sputnik Azərbaycan həmin görüntüləri təqdim edir.

Noyabrın 10-da imzalanmış üçtərəfli bəyanatın şərtlərinə uyğun olaraq, Ağdam rayonu 2020-ci il noyabrın 20-də erməni işğalından azad edilib.

18
Qarabağda Rusiya sülhməramlıları , arxiv şəkli

Rusiya sülhməramlıları üçün Xankəndi Xocavənddə şəhərcikliklər salındı

34
(Yenilənib 12:23 01.03.2021)
Bu artıq Rusiya sülhməramlı kontingenti üçün salınan səkkizinci belə şəhərcikdir. Bu cür şəhərciklər ehtiyac duyulan hər şeylə təchiz edilmiş tamhüquqlu muxtar obyektlərdir.

BAKI, 1 mart — Sputnik. Maddi-texniki təminat üzrə mütəxəssislər Dağlıq Qarabağda Rusiya sülhməramlıları üçün daha dörd blok-modul şəhərciyi salıb. Bu barədə Rusiya Müdafiə Nazirliyinin yaydığı məlumatda bildirilir.

Qeyd olunur ki, şəhərciklər Xankəndi və Xocavənd rayonu ərazilərində salınıb.

Qarabağda Rusiya sülhməramlı kontingenti üçün salınan şəhərcik

Xatırladaq ki, bu artıq Rusiya sülhməramlı kontingenti üçün salınan səkkizinci belə şəhərcikdir. Bu cür şəhərciklər ehtiyac duyulan hər şeylə təchiz edilmiş tamhüquqlu muxtar obyektlərdir. Ayrıca elektrik, su təchizatı, isitmə sistemi var. Hərbçilər üçün şəhərcikdə çarpayılar, qarderoblar, mətbəx mebeli, masalar, stullar, duş, tibb məntəqəsi, uniforma təmizləyici otaq, istirahət otağı, dəftərxana, anbar, yeməkxana və ərzaq anbarı var.

34
Türkiyə Prezidenti Rəcəb Tayyib Ərdoğan, arxiv şəkli

Ərdoğan: “Yuxarı sinif şagirdləri üçün əyani təhsil bərpa olunacaq”

0
Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

BAKI, 1 mart - Sputnik. “Türkiyədə ÇOVID-19-la mübarizə tədbirləri ilə əlaqədar yeni nəzarətli normallaşma mərhələsi başlayır”. 

APA-nın xəbərinə əsasən, bunu Türkiyə Prezidenti Rəcəb Tayyib Ərdoğan Nazirlər Kabinetindəki növbəti toplantısından sonra bildirib.

Prezident deyib ki, Türkiyədə yeni növ koronavirus infeksiyasının yayılması mavi, sarı, narıncı, qırmızı (zəif, orta, yüksək və çox yüksək) rənglərlə fərqləndirilməklə mübarizə tədbirləri bu dərəcələrə uyğun aparılacaq. 

Zəif və orta riskli ərazilərdə koronavirusla mübarizə tədbirləri ilə əlaqədar sərtləşdirilmiş qaydalar ləğv ediləcək, infeksiyanın yayılması yüksək və çox yüksək olan ərazilərdə isə yayılma dərəcəsinə görə, qaydalar ya saxlanılacaq, ya da daha çox sərtləşdiriləcək. 

Zəif və orta riskli ərazilərdə həftəsonu küçəyə çıxma qadağası yalnız bazar günlərinə şamil ediləcək, şənbə günləri bu məhdudiyyət ləğv olunacaq, axşam saat 21.00-dan səhər saat 5-dək ölkə boyu küçəyə çıxma məhdudiyyəti isə saxlanılacaq. 

Ərdoğan deyib ki, ölkədə 8-ci sinifdən başlayaraq yuxarı sinif şagirdləri üçün ənənəvi əyani təhsil bərpa olunacaq, zəif və orta riskli ərazilərdə isə ibtidai siniflər də daxil məktəblər açılacaq. 

Restoran, kafe və bu kimi ictimai iaşə müəssisələri çox yüksək riskli (qırmızı) vilayətlər istisna olmaqla səhər 7-dən axşam 19.00-dək 50 faiz fəaliyyətlərini bərpa edəcəklər. 

Yaşı 65-dən yuxarı olanlar və 21 yaşdan aşağı kateqoriyaya daxil olan gənclərin küçəyə çıxma məhdudiyyətləri zəif və orta riskli yerlərdə ləğv edilsə də, yüksək riskli yerlərdə bu qaydalar saxlanılacaq, çox yüksək riskli yerlərdə isə əksinə, artırılacaq. 

Qeyd edək ki, Türkiyənin eyni nəzarətli normallaşma mərhələsinə görə, böyük şəhərlərdə Şanlıurfa, Dyarbəkir zəif (mavi) risk,  Ankara, Manisa orta (sarı) risk, İstanbul və İzmir yüksək (narıncı) risk, Konya isə çox yüksək (qırmızı) risk qrupuna daxildir.

0