Orlan-10 PUA-sı

Qarabağda vəziyyətə hansı pilotsuz uçuş aparatları nəzarət edir - rus polkovnik açıqladı

887
(Yenilənib 18:07 05.02.2021)
Rusiya-Türkiyə Birgə Monitorinq Mərkəzi atəşkəs rejiminin və baş verə biləcək münaqişələrin sonlandırılmasına nəzarət edir, sabitliyin pozulması hallarını qeydə alır, bununla bağlı məlumatların toplanmasını, birləşdirilməsini və təsdiqlənməsini təmin edir.

BAKI, 5 fevral — Sputnik. Rusiya hərbçiləri "Forpost" və "Orlan-10" pilotsuz uçuş aparatlarından istifadə edərək Qarabağda atəşkəs rejiminə əməl olunmasına nəzarət edirlər.

Bunu Sputnik Azərbaycan-ın Ağdama ezam olunmuş müxbirinə Türkiyə-Rusiya Birgə Monitorinq Mərkəzində xidmət aparan Rusiya hərbçilərinin nümayəndəsi polkovnik Mixail Zavalkin bildirib. 

O qeyd edib ki, Ağdam rayonunda yerləşən Rusiya – Türkiyə Birgə Monitorinq Mərkəzində Rusiya və Türkiyədən olan hərbçilər Dağlıq Qarabağda bütün hərbi əməliyyatlara və atəşkəsə nəzarəti həyata keçirir.

Zavalkinin sözlərinə görə, şəxsi heyət 11 noyabr 2020-ci ildə imzalanan memoranduma uyğun olaraq funksional vəzifələrini təyinatı üzrə yerinə yetirirlər:

"Nəzarət 24 saat pilotsuz aviasiya vasitəsilə həyata keçirilir. Rusiya tərəfindən nəzarət "Forpost" və "Orlan-10" pilotsuz uçuş aparatları vasitəsilə həyata keçirilir. Rusiya tərəfdən Mərkəzdə xidmət aparan şəxsi heyətin tərkibində zabit-operatorlar, əlaqə üzrə operator, tərcüməçilər, həmçinin pilotsuz aviasiya operatorları var. Heyət, həmçinin bütün lazımı əmlak, maddi və texniki vasitələr, həmçinin hərbi texnika ilə təchiz olunub".

Rusiya-Türkiyə Birgə Monitorinq Mərkəzinin Türkiyədən olan nümayəndəsi, polkovnik Ali Karakaş isə əməkdaşımıza bildirib ki, Quruluş və vəzifələri Türkiyə Cümhuriyyəti və Rusiya Federasiyası tərəfindən 30 noyabr tarixində imzalanmış razılaşma ilə müəyyənləşdirilmiş Rusiya-Türkiyə Birgə Monitorinq Mərkəzinin funksiyası – Dağlıq Qarabağ bölgəsində bütün baş verə biləcək hərbi münaqişələrə son qoymaq və atəşkəsə nəzarət etməkdir:

"Bu vəzifəni gerçəkləşdirmək üçün Rusiya-Türkiyə Birgə Monitorinq Mərkəzi atəşkəs rejiminin və baş verə biləcək münaqişələrin sonlandırılmasına nəzarət edir, sabitliyin pozulması hallarını qeydə alır, bununla bağlı məlumatların toplanmasını, birləşdirilməsini və təsdiqlənməsini təmin edir. PUA-larla müşahidə aparmaqla və digər mənbələrdən alınan məlumatları qiymətləndirməklə atəşkəsin pozulması hallarını qeydə alır, şikayətləri, sualları araşdırır, atəşkəsin pozulması hallarının qarşını almağa yönəlmiş bütün tədbirləri görür".

Xatırladaq ki, yanvarın 30-da Ağdam rayonu ərazisində inşa edilən Türkiyə-Rusiya Birgə Monitorinq Mərkəzinin açılış mərasimi baş tutub. Azərbaycan Respublikasının Müdafiə naziri general-polkovnik Zakir Həsənov, Rusiya Federasiyası Müdafiə nazirinin müavini general-polkovnik Aleksandr Fomin və Türkiyə Respublikası Milli Müdafiə nazirinin müavini cənab Yunus Emre Karaosmanoğlu iştirak edib.

887
Teqlər:
Türkiyə, Rusiya

Füzuli rayonunun Yuxarı Rəfədinli kəndi - VİDEO

13
Yuxarı Rəfədinli 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

BAKI, 5 mart — Sputnik. Müdafiə Nazirliyi Füzuli rayonunun Yuxarı Rəfədinli kəndindən videogörüntülər yayıb.

Sputnik Azərbaycan görüntüləri təqdim edir.

Yuxarı Rəfədinli Qarabağ silsiləsinin ətəyində yerləşir. Keçmiş adı Rəfədinli olub. Ondan yaranmış məntəqə Aşağı Rəfədinli, əvvəlki kənd isə Yuxarı Rəfədinli adlandırılıb. Rəfədinli - kəndin əsasını qoymuş nəslin adıdır.

Kənd 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

13
Teqlər:
Azərbaycan Müdafiə Nazirliyi, video, kənd, Azərbaycan, Füzuli, Qarabağ
Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli

Hərbi ekspert hərbçilərin maaşlarına edilən artım əlavələr haqqında danışır

22
(Yenilənib 23:01 04.03.2021)
Hərbi ekspert Emin Həsənli deyir ki, Ali Baş Komandan və vitse-prezident bu şəxslərə xüsusi diqqət göstərir
Emin Həsənli: “Yaxın illərdə mənzilsiz hərbi qulluqçu, şəhid ailəsi qalmayacaq”

“Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib”. Bu barədə Müdafiə Nazirliyindən məlumat verilib.

Sputnik Azərbaycan xəbər verir ki, hərbçilərin maaşlarına edilən əlavələri şərh edən hərbi ekspert Emin Həsənli bu əlavələrin bərpa edilmiş sərhəd zonalarında xidmət edən, həmçinin Qarabağın içində Rusiya sülhməramlı qüvvələrinin olduğu ərazidə xidmət aparan hərbi qulluqçulara şamil ediləcəyini bildirib:

“Ali Baş Komandan və vitse-prezident bu şəxslərə xüsusi diqqət göstərir. Onların qayğısı nəticəsində digər məsələlərin həll olunmasının şahidi olacağıq. İyirmi ildən artıq qüsursuz xidmət etmiş hərbi qulluqçular mənzillərlə təmin edilir. Yaxın illərdə mənzilsiz hərbi qulluqçu, şəhid ailəsi qalmayacaq”.

Emin Həsənlinin fikirlərinə audiofaylda qulaq asa bilərsiniz

22
Ziyarətçilər Benksinin əsərlərinə baxırlar, arxiv şəkli

Benksinin əsərini yandırmaq üçün 95 min dollar ödədilər - VİDEO

0
(Yenilənib 00:33 06.03.2021)
"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub.

BAKI, 6 mart — Sputnik. "Injective Protocol" blokçeyn şirkəti küçə rəssamı Benksinin "Morons" rəsmini yandırmaq və rəqəmsal aktivə çevirmək üçün Nyu-York qalereyasına 95 min ABŞ dolları ödəyərək şəkli satın alıb.

Sputnik Azərbaycan xarici mediaya istinadən xəbər verir ki, rəssamın özünün yaratdığı "Pest Control" agentliyi əsərin həqiqiliyini təsdiqləyib. Canlı yayımlanan yandırılma prosesindən sonra rəsm əsəri dəyişdirilə bilinməyən tokenə (NFT) çevrilib. Qeyd olunur ki, bu, əsl sənət əsərinin virtual aktivə çevrildiyi ilk haldır.

"Morons" rəsmində real tarixi an - rəssam Vinsent Van Qoqun "Günəbaxanlar" tablosunun hərracda 50 milyon ABŞ dollarına satıldığı vəziyyət təsvir olunub. Bu, çoxlu lot ilə hərracların tətbiqinin başlanğıcı olub.

Daha əvvəl Benksinin qrafitisi olan divarın bir parçasının "altırəqəmli məbləğə" satıldığı bildirilmişdi.

0