Erməni əsgərləri, arxiv şəkli

Ermənistan ordusunda baş verir niyə "Qarabağ dövləti"ndən dəm vururlar?

1085
Ermənistanın Müdafiə Nazirliyində ordunun yenidən təşkili üzrə paralel iş gedir. Erməni KİV-in iddiasına görə, Ermənistanla "Qarabağın rəhbərliyi" peşəkar orduya keçid üzərində işləyirlər

BAKI, 4 fevral - Sputnik. Qarabağın erməni separatçılarının "rəhbərinin" mətbuat katibi Vaqram Poğosyan "Aykakan jamanak" qəzetinə müsahibəsində deyib ki, "Qarabağ ordusunu" radikal dəyişikliklər gözləyir.  

"Qarabağın müdafiə ordusu buraxılmır, yenidən qurulur. Peşəkar orduya təcili keçid üçün addımlar atılır. Müddətli hərbi xidmət keçən hərbçilər üçün müddət xidmətinin azaldılması məsələsi nəzərdən keçirilir", - Poğosyan deyib.

Separatçıların "parlamentinin" üzvü, Seyran Ayrapetyan da bir vaxtlar Nikol Paşinyanın rəhbəri olduğu "Aykakan jamanak"a müəyyən məsələlərin müzakirə olunduğunu, amma onları açıqlaya bilməyəcəyini deyib. 

"Müdafiə ordusu Qarabağın əsas təhlükəsizlik qarantıdır. Biz Rusiya sülhməramlı qüvvələrinə minnətdarıq, ancaq bizim öz dövlətimiz var və onun maraqlarının qorunması üçün bütün mümkün fəaliyyətlər aparılır. Ən əsası - orduda yüksək ruhu qoruyub saxlamaqdır", - Ayrapetyan deyib.

Bir müddət əvvəl Ermənistanın Vatikandakı sabiq səfiri, ölkənin üçüncü prezidenti Serj Sarqsyanın kürəkəni Mikael Minasyan demişdi ki, Ermənistanın baş naziri Nikol Paşinyan və müdafiə naziri Vaqarşak Arutyunyan "Qarabağın müdafiə ordusunun" ləğv olunması barədə razılığa gəliblər

Onun sözlərinə görə, əvəzində Qarabağ milisi, qvardiya və ya polisin daxili qoşunlarının olacağının heç bir əhəmiyyəti yoxdur. Çünki onun fikrincə, "Qarabağın yerdə qalan hissəsinin" öz təhlükəsizliyini müstəqil surətdə qorumaq imkanı olmayacaq. 

Qeyd edək ki, bu gün "ordu məsələsinə" separatçıların "təhlükəsizlik şurasının rəhbəri" Vitali Balasanyan da şərh verib: "Demək istəyirəm ki, Qarabağın "dövlət strukturları" müqavilə əsasında peşəkar hərbi hissələrin yaradılması məsələsi ilə məşğuldurlar. Bu, müdafiə və sərhədlərin toxunulmazlığı məqsədilə edilir". 

O, Əsgəran və Xankəndi yaxınlığındakı yaşayış məntəqələrində azərbaycanlıların yerləşdiriləcəkləri, üstəlik, azərbaycanlıların Xankəndidə sərbəst şəkildə dükan-bazardan alver etdikləri barədə xəbərləri də təkzib edib. Balasanyan deyib ki, yeri doldurulmayacaq itkilərə rəğmən, Qarabağın "rəhbərliyi" əhalinin təhlükəsizliyini qorumağa hazırdır. 

O, həmçinin Xankəndidəki inzibati binalarda Azərbaycan bayraqlarının asılacağı barədə xəbərləri də yalan adlandırıb.

Azərbaycan tərəfindən hələlik bu iddialara münasibət bildirilməyib. 

1085
Teqlər:
Azərbaycan, Qarabağ, Müdafiə Nazirliyi, Ermənistan
Füzulidə Araz qəzetinin redaksiyasının dağıdılmış binası

Diplomatların Qarabağ turu: Fransa səfirindən "uşaq tərbiyəsi" resepti

357
(Yenilənib 18:53 07.03.2021)
Fransanın Azərbaycandakı səfiri Zakari Qross: "Uşaqları elə tərbiyə etmək lazımdır ki, gələcəkdə bir daha müharibə etməsinlər, sülh içində yaşasınlar".

BAKI, 7 mart — Sputnik. Xarici ölkələrin Azərbaycandakı nümayəndələri – diplomatlar və hərbi attaşelərin Qarabağa növbəti turu baş tutub.

Sputnik Azərbaycan Real-a istinadla xəbər verir ki, onları Prezident Administrasiyasının xarici siyasət məsələləri şöbəsinin müdiri Hikmət Hacıyev müşayiət edib.

Səfərin məqsədi ermənilərin regionda törətdiyi vandal əməlləri, xarabalığa çevrilmiş evləri, məhv edilmiş infrastruktur və ekologiyaya vurulan zərəri beynəlxalq ictimaiyyətə çatdırmaq olub.

Diplomatlar ilk olaraq Füzulinin Merdinli kəndində erməni vandalizmi izləri ilə tanış olublar. Buradakı məscidə ziyarət təşkil edilib. Hikmət Hacıyev ermənilərin məsciddə heyvan saxladıqlarını diplomatların nəzərinə çatdırıb.

Daha sonra məscidi ziyarət edən Liviyanın Bakıdakı müvəqqəti işlər müdiri Əşrəf Adəm ermənilərin burada törətdiyi qeyri-insani davranışları sərt şəkildə tənqid edib.

Diplomatlar daha sonra Füzulidə hazırda tikilməkdə olan hava limanı ərazisinə gəliblər. Burada görülən işlərlə tanışlıq olub.

Səfərin növbəti dayanacağı Qubadlı isə diplomatlara ilk olaraq burada ətraf-mühitə vurulan zərər-ziyan, ermənilərin kəsilib məhv etdiyi ağaclar göstərilib.

Ekologiya və Təbbii Sərvətlər Nazirliyinin əməkdaşları ərazinin ekologiyasına dəyən zərər barədə məlumat veribər.

Diplomatik korpusun nümayəndələri daha sonra Laçına gəliblər. Güləbird Su Elektrik Stansiyasına səfər təşkil edilib.

Yol boyu diplomatların əksəriyyəti erməni vandalizmini qınadığını bildirib.

"Bu, onun sübutudur ki, Azərbaycan və Ermənistan sülhə və barışığa getmək üçün addımlar atmalıdır. Uşaqları elə tərbiyə etmək lazımdır ki, gələcəkdə bir daha müharibə etməsinlər, sülh içində yaşasınlar", - Fransanın Azərbaycandakı səfiri Zakari Qross deyib

Braziliyanın Azərbaycandakı səfiri Manuel Monteneqro: "Burada törədilən çox saylı dağıntılara baxmayaraq Azərbaycanın qısa müddətdə gördüyü yenidənqurma işləri, regiona etdiyi yatırımları ilə sərgilədiyi gələcəyə yönəlik mövqeyi məni çox mütəəssir etdi. Mənim xalqım da gələcəyi, inkişafı düşənən xalqdır. Ona görə bu, xüsus məni heyran edir. Əlbəttə, müharibə dəhşətlidir, dağıntılar mənfur əməllərdir. Baxın. Boyaqın qoxusu hələ də hiss olunur. Bura gənc bir ölkədir, möhtəşəm gələcəyi var. Azərbaycanın ittiham irəli sürmək üçün tam hüququ var. Bu, tərəfləri məsələ ilə bağlı müvafiq forumlara çıxaracaq. Vacib olan gələcəyə baxmaqdır".

"Əlbəttə, dağıntılar, xüsusilə, ibadət evlərinin dağıdılması inanılmazdır. Səfər boyu ilk dayandağımız məntəqədəki məsciddə bunun şahidi olduq. Bu, mənim üçün məqbul bir hərəkət deyil. Ermənilər burada SES-ə də zərər vurubmuşlar. Bu cür əməlləri heç bir ölkə qəbul etməz. Məscidlərin dağıdılması bir yana, onlar bu ibadət evindən müxtəlif məqsədlər üçün istifadə ediblər. Burada mal-qara, donuz saxlayıblar. Bu, bəşər normalarına qarşıdır. Heç nə demək olmur. İnsan bu cür əməlləri təsəvvür belə edə bilmir. Çox pis əməllərdir", - İndoneziya Səfirliyinin nümayəndəsi Yusuf Yusuf bildirib.

"Azərbaycan hökuməti və onun prezidenti zati-aliləri İlham Əliyevə təşəkkür edirik ki, Qubadlı, Zəngilan və Laçına gəlib buradakı işləri yaxından görmək üçün bizə yaratdığı şəraitə görə təşəkkür edirəm. Buradakı dağıntıları yerli sakinlərindən ayrı düşmüş evləri görmək ürəksığıcıdır. Bu evlərdə uşaqlar, ailələr yaşayırdı. İndi isə evlər dağılıb və geriyə xatirələr qalıb. Digər tərəfdən, buradakı yeni müasir Su Elektrik Stansiyasının necə sürətlə tikilmiş olduğunu gördük və bu da bizi mütəəssir etdi. Bu, Azərbaycan xalqının və hökumətinin mətanətini, qətiyyətini göstərir. Azərbaycan xalqına və, ümumilikdə, region əhalisinə sülh şəraitində yaşamağı arzulayırıq. Təşəkkür edirəm", - Fələstinin Azərbaycandakı səfiri Nasir Əbdül Karim deyib.

Qeyd edək ki, Füzuli və Qubadlı müvafiq olaraq ötən ilin 17 oktyabr və 25 oktyabr tarixində milli ordumuz tərəfindən işğaldan azad edilib. Laçın isə Azərbaycan, Ermənistan və Rusiya arasında əldə edilən atəşkəs bəyanatına əsasən, 1 dekabrda Azərbaycana təhvil verilib.

357
Teqlər:
Qarabağ, Hikmət Hacıyev
Ağdam rayonunun Suma kəndi

Ağdamın işğaldan azad edilən Suma kəndi bu gün necə görünür - VİDEO

7
(Yenilənib 16:35 07.03.2021)
Müdafiə Nazirliyi Ermənistanın işğalından azad edilmiş daha bir Azərbaycan kəndinin yeni videogörüntülərini yayıb.

BAKI, 7 mart — Sputnik. Azərbaycan Müdafiə Nazirliyi işğaldan azad olunan Ağdam rayonunun Suma kəndindən videogörüntülər yayıb.

Suma kəndi rayon mərkəzindən 21 km. şimal-şərqdə, Qarabağ düzündə yerləşir. Ağdam rayonunun Güllücə və Tağıbəyli kəndləriylə qonşudur. Suma kəndi 16 aprel 1994-cü ildə Ermənistan silahlı qüvvələri tərəfindən işğal olunub. 2020-ci ilin sonlarında Azərbaycan Silahlı Qüvvələrinin əks-hücumu nəticəsində erməni işğalçılarından təmizlənib.

İşğal altında olan bütün yaşayış məntəqələri kimi, Suma kəndini də ermənilər dağıdıb xarabalığa çeviriblər. Sputnik Azərbaycan Müdafiə Nazirliyinin həmin kənddən hazırladığı ən son videogörüntüləri təqdim edir.

 

7
Teqlər:
Ağdam rayonu, Ağdam şəhəri, Ağdam
Qonaqlıq, arxiv şəkli

Masallıda toy: Polis şadyanalıq üçün qonşunun evinə toplaşanları cəzalandırdı

0
(Yenilənib 00:27 08.03.2021)
Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

BAKI, 7 mart - Sputnik. Masallı Rayon Polis Şöbəsinin əməkdaşları tərəfindən xüsusi karantin rejimi qaydalarının təmin olunmasına nəzarət edilməsi istiqamətində keçirilən növbəti tədbirlər zamanı şəhər sakini İ.Vəliyevin qonşusuna məxsus yaşayış evində oğluna toy məclisi təşkil etdiyi müəyyən edilib.

Sputnik Azərbaycan AZƏRTAC-a istinadla xəbər verir ki, Rayon Polis Şöbəsinin əməkdaşları həmin məclisdə iştirak edənlərə bir daha xüsusi karantin rejiminin qaydalarını izah ediblər.

Toyda iştirak edən 13 nəfər barəsində İnzibati Xətalar Məcəlləsinin müvafiq maddəsinə əsasən, qanunamüvafiq tədbirlər görülüb.

0