Cəbrail rayonunda, arxiv şəkli

Qarabağı belə bərpa edəcəyik - İlk olaraq sahibkarlara...

808
(Yenilənib 00:17 03.02.2021)
Kifayət qədər sahibkar işğaldan azad edilmiş ərazilərdə fəaliyyət göstərmək üçün müraciət edib. Hazırda hökumətdə güzəştlər ilə bağlı təkliflər paketi hazırlanır.

Xalid Məmmədov, Sputnik Azərbaycan

BAKI, 3 fevral — Sputnik. Azərbaycanda İxracın və İnvestisiyaların Təşviqi Fondunun rəhbəri vəzifələrini icra edən Yusif Abdullayev Qarabağ ərazisində fəaliyyət göstərmək istəyən sahibkarlara orada yaradılacaq parklarda və sənaye məhəllələrində əlavə imtiyazlar verilə biləcəyini deyib. Onun sözlərinə görə, hazırda bu məsələ hazırlanan konsepsiya çərçivəsində müzakirə olunur: "Bu günə 80-nə yaxın yerli sahibkar tərəfindən azad olunan ərazilərdə investisiyanın yatırılması ilə bağlı müraciət daxil olub. Xarici şirkətlərin də bu ərazilərə investisiya yatırması ilə bağlı məsələlər var. Qarabağ bölgəsində yeni alətlər tətbiq olunacaq".

Milli Məclisin İqtisadi siyasət, sənaye və sahibkarlıq komitəsinin üzvü Vüqar Bayramov Sputnik Azərbaycan-a deyib ki, azad edilmiş ərazilərdə fəaliyyət göstərmək istəyən sahibkarlara güzəştlərin edilməsi hökumət tərəfindən hazırlanan konsepsiyada müzakirə edilən məsələlərdəndir: "Bu konsepsiya 4 istiqamət üzrə hazırlanır. Bunlardan biri də sahibkarlara güzəştlərin verilməsidir və bu güzəştlərin həm özəl həm də xarici sahibkarlar üçün olması gözlənilir. Son illərin təcrübəsi göstərir ki, güzəştlər daha çox vergi güzəştləri formasında həyata keçirilir. Təşviq tətbiq edilən ərazilərdə fəaliyyət göstərən sahibkarlar ya aşağı faizli vergi ödəyirlər ya da vergidən azad edilirlər. Bunlar konsepsiyada öz əksini tapacaq".

Onun sözlərinə görə, təşviqin olacağı ilə bağlı artıq rəsmi müzakirələr gedir: "Bu, ondan xəbər verir ki, azad edilmiş ərazilərdə fəaliyyət göstərən sahibkarlar məhz bu təşviqdən istifadə edə bilərlər. Bu da özəl və xarici investisiyanın cəlb edilməsi baxımından vacibdir. Azad edilmiş ərazilərdə kifayət qədər yerli sahibkarlar, eyni zamanda xarici investorlar sərmayə qoyuluşu həyata keçirmək niyyətindədirlər. Bu, ondan xəbər verir ki, bu ərazilərdə fəaliyyət göstərməyə maraq kifayət qədər yüksəkdir. Maraq yüksək olduğuna görə təşviq də həmin investisiyaların cəlb edilməsinə imkan verəcək".

"Gözlənilir ki, həmin ərazilərdə sahibkarlar üçün geniş miqyaslı təşviq paketi təqdim oluna bilər. Bu da nəticədə azad edilmiş ərazilərdə iqtisadi inkişafın daha qısa müddətdə bərqərar olmasına və intensiv şəkildə bu ərazilərin bərpa və yenidənqurma işlərinin aparılmasına imkan yaradar"-deyə deputat qeyd edib.

Sahibkarlar (İşəgötürənlər) Təşkilatları Milli Konfederasiyasının mətbuat xidmətinin rəhbəri İlhamə Abdullayeva Sputnik Azərbaycan-a deyib ki, hazırda güzəştlər ilə bağlı hökumətdə təkliflər paketi hazırlanır: "Konfederasiyanın 6 minədək üzvü var. Biz öz üzvlərimizə Qarabağda hansı layihələri həyata keçirmək istədikləri ilə bağlı müraciət etmişik. Bununla bağlı bizdə komissiya var və bu komissiya biznes planları yığaraq artıq hökumətə təqdim edib. Kifayət qədər təkliflər var və burada əksər sektorlar öz əksini tapıb. Xidmət, tikinti, aqrar və s. istiqamətlərdə fəaliyyət göstərmək istəyən sahibkarlar var".

808

Füzuli rayonunun Yuxarı Rəfədinli kəndi - VİDEO

13
Yuxarı Rəfədinli 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

BAKI, 5 mart — Sputnik. Müdafiə Nazirliyi Füzuli rayonunun Yuxarı Rəfədinli kəndindən videogörüntülər yayıb.

Sputnik Azərbaycan görüntüləri təqdim edir.

Yuxarı Rəfədinli Qarabağ silsiləsinin ətəyində yerləşir. Keçmiş adı Rəfədinli olub. Ondan yaranmış məntəqə Aşağı Rəfədinli, əvvəlki kənd isə Yuxarı Rəfədinli adlandırılıb. Rəfədinli - kəndin əsasını qoymuş nəslin adıdır.

Kənd 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.

13
Teqlər:
Azərbaycan Müdafiə Nazirliyi, video, kənd, Azərbaycan, Füzuli, Qarabağ
Tərxis Olunmuş Hərbçilərin Gəncləri Maarifləndirmə İctimai Birliyinin sədri Emin Həsənli

Hərbi ekspert hərbçilərin maaşlarına edilən artım əlavələr haqqında danışır

22
(Yenilənib 23:01 04.03.2021)
Hərbi ekspert Emin Həsənli deyir ki, Ali Baş Komandan və vitse-prezident bu şəxslərə xüsusi diqqət göstərir
Emin Həsənli: “Yaxın illərdə mənzilsiz hərbi qulluqçu, şəhid ailəsi qalmayacaq”

“Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib”. Bu barədə Müdafiə Nazirliyindən məlumat verilib.

Sputnik Azərbaycan xəbər verir ki, hərbçilərin maaşlarına edilən əlavələri şərh edən hərbi ekspert Emin Həsənli bu əlavələrin bərpa edilmiş sərhəd zonalarında xidmət edən, həmçinin Qarabağın içində Rusiya sülhməramlı qüvvələrinin olduğu ərazidə xidmət aparan hərbi qulluqçulara şamil ediləcəyini bildirib:

“Ali Baş Komandan və vitse-prezident bu şəxslərə xüsusi diqqət göstərir. Onların qayğısı nəticəsində digər məsələlərin həll olunmasının şahidi olacağıq. İyirmi ildən artıq qüsursuz xidmət etmiş hərbi qulluqçular mənzillərlə təmin edilir. Yaxın illərdə mənzilsiz hərbi qulluqçu, şəhid ailəsi qalmayacaq”.

Emin Həsənlinin fikirlərinə audiofaylda qulaq asa bilərsiniz

22

Rusiya məktəblərində inqilabi addım: Uşaqlara qarşı rəqəmsal cinayətlərin qarşısı alınacaq

0
(Yenilənib 00:13 06.03.2021)
Rusiyanın Təhsil naziri: "Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq",

BAKI, 6 mart - Sputnik. İlin sonuna qədər Rusiya məktəbləri yalnız təsdiqlənmiş kontentə giriş üçün nəzərdə tutulan Wi-Fi şəbəkəsinə qoşulacaq. Sputnik Azərbaycan RİA Novosti-yə istinadla xəbər verir ki, bunu Rusiyanın Təhsil Naziri Sergey Kravtsov "Rossiya24" telekanalının efirində Nailə Əsgər-Zadəyə verdiyi müsahibəsində deyib. 

"Biz uşaqları təəssüf ki, alçaq məqsədlərlə yayılmış, qətiyyən qəbuledilməz olan neqativ informasiyalardan qoruyacağıq", - deyə nazir bildirib. 

Kravtsov ilin sonuna qədər bütün şəhər məktəblərinin saniyədə ən az 100 meqabit, kənd məktəblərinin saniyədə 50 meqabit sürətlə internetə qoşulacağını vurğulayıb.

Bu həftənin əvvəlində Vladimir Putin Daxili İşlər Nazirliyinin kollegiya iclasında interneti izləməyin və uşaqları orada qanunsuz hərəkətlərə cəlb edənlərin müəyyənləşdirilməsinin vacibliyindən danışıb.
Daha sonra "Biz Birlikdəyik" aksiyasının iştirakçıları ilə görüşdə prezident internet vasitəsilə uşaqlar arasında uşaq pornoqrafiyasının və narkotik maddələrin təbliğ olunduğunu qeyd edib.

O, həmçinin vurğulayıb ki, internet belə şəxslər üçün yetkinlik yaşına çatmayanlardan istifadə edərək qazanc əldə etmək mənbəyidir. Bundan sonra İstintaq Komitəsinin rəhbəri Aleksand Bastrıkin tabeliyində olanlara "internetə sızmağı" və rəqəmsal cinayətlərlə daha aktiv işləməyi tapşırıb.

0