Şuşa şəhərinin ətrafında dağılmış evlər, arxiv şəkli

"Evi də, yolu da eyni daşdan idi" - Qalalılar necə Şuşa istəyirlər?

172
(Yenilənib 00:39 30.01.2021)
"Dünyada Şuşa kimi şəhər azdır. Buradakı evlər və yollar eyni daşlardan tikilib. Şəhərin özünəməxsus iqlimi və təbiəti var. Onun bərpası zamanı bu amillər nəzərə alınmalıdır" - Şuşanın keçmiş sakini

Elvin Səlimov, Sputnik Azərbaycan

BAKI, 30 yanvar — Sputnik. Prezident İlham Əliyevin yanvarın 27-də Aydın Kərimovu Prezidentin Şuşa rayonunda xüsusi nümayəndəsi təyin olunması ilə əlaqədar videoformatda qəbulu önəmli açıqlamalarla yadda qalıb. Prezident bildirib ki, Şuşa həmişə Azərbaycan şəhəri olmuşdur və ermənilərin saxtakarlıq cəhdlərinə baxmayaraq, bütün dünya Şuşanı məhz Azərbaycan şəhəri kimi tanıyıb və qəbul edib.

O, Şuşanın Azərbaycan tarixində xüsusi yeri olduğunu deyib: “Şuşanın bərpası üçün bütün işlər planlı şəkildə aparılmalı, şəhərin tarixi siması saxlanılmalıdır, Şuşaya yad olan hər hansı bir tikiliyə yol vermək olmaz”.

Sputnik Azərbaycan Şuşada aparılacaq quruculuq işləri ilə bağlı şəhərin keçmiş sakinlərinin də fikirlərini öyrənib.

Yazıçı, jurnalist Kərim Kərimli deyir ki, yenidənqurmadan öncə əsas məsələ şəhərin müdafiəsinin və orada yaşayacaq əhalinin təhlükəsizliyinin təmin edilməsidir: “Prezident İlham Əliyev də çıxışında buna diqqət çəkdi. Bütün şuşalıların və Azərbaycan xalqının arzusu budur ki, şəhər yenidən qurularkən onun özünəməxsus tarixi siması qorunub saxlansın. İşğalçı ölkə 28 ildən çox müddət ərzində şəhərin simasının dəyişməyə, erməniləşdirməyə çalışıb. Bunu bizim tarixi abidələrimizə vurulmuş ziyanda, həmçinin onların üzərində edilən dəyişikliklərdə görmək olar”.

Kərim Kərimli quruculuq işləri haqqında danışarkən bildirib ki, ilk növbədə şəhərin mərkəzi hissəsində müəyyən qədər salamat qalmış tarixi abidələri bərpa etmək və onların tarixi simasını özünə qaytarmaq lazımdır:

“Şuşanın şəhər mərkəzinin ətrafında da çox sayda önəmli tikililər və abidələr mövcud olub. Xüsusən də görkəmli şəxslərə məxsus evlər, mədəniyyət abidələri, Azərbaycan tarixində baş vermiş önəmli proseslərin izlərini daşıyan abidələr ardıcıllıqla bərpa olunmalıdır”.

Şuşa azad edildikdən sonra oraya baş çəkən Şuşa rayon mədəniyyət şöbəsinin müdiri Zahid Abbasov deyir ki, uzun illər düşmən tapdağı altında olan qədim şəhərdə Azərbaycana məxsus tarixi muzeylər, abidələr, eləcə də mədəniyyət mərkəzləri tamamilə dağıdılıb:

 “Mən Şuşaya səfər edərkən erməni vandalizminin bir daha şahidi oldum. Üzeyir Hacıbəyovun ev muzeyi, həmçinin Xan qızı Xurşudbanu Natəvanın Şuşada saldığı bağda yerləşən dahi bəstəkarın heykəlindən əsər-əlamət qalmayıb. Otuz ilə yaxın davam edən işğal müddətində məhv edilməyən tarixi abidə yoxdur”.

“Ancaq onu deməliyəm ki, dünyada Şuşa kimi şəhər azdır. Buradakı evlər və yollar eyni daşlardan tikilib. Şəhərin özünəməxsus iqlimi və təbiəti var. Onun bərpası zamanı bu amillər nəzərə alınmalıdır”, - deyə Z.Abbasov bildirib.

Qeyd edək ki, hələ ötən ilin dekabrından Prezident İlham Əliyevin tapşırığına əsasən işğaldan azad olunmuş ərazilərdə bərpa və yenidənqurma tədbirləri ilə əlaqədar Şuşa şəhərində qiymətləndirmə və inventarlaşdırma işlərinə başlanılıb.

172
Teqlər:
tarix, rəy, sakinlər, şəhər, bərpa, Azərbaycan, Qarabağ, Şuşa
Mövzu:
Azərbaycanın görməli yerləri, turizm obyektləri (66)
Zəngilan rayonunun Keçikli kəndi

Zəngilan rayonunun Keçikli kəndi - VİDEO

6
(Yenilənib 21:49 04.03.2021)
Keçikli kəndi 2020-ci il noyabr ayının 9-u Azərbaycan Silahlı qüvvələri tərəfindən işğaldan azad edilib.

BAKI, 4 mart — Sputnik. Azərbaycan Müdafiə Nazirliyi Zəngilan rayonunun Keçikli kəndindən videogörüntülər yayıb.

Sputnik Azərbaycan görüntüləri təqdim edir.

Keçikli kəndi Əsgülüm dağının yamacındadır. Yerli əhalinin məlumatına görə, yaşayış məntəqəsi XIX əsrdə Cənubi Azərbaycanın Qaradağ mahalından gəlmiş Məmmədkərimli tirəsinə mənsub ailələr və Naxçıvanın Husulu kəndindən çıxmış ailələr tərəfindən dağda kecid yerində salınıb. Oykonim keçik (keçid) sözündən və -li mənsubluq şəkilçisindən düzəlib. Bəzi tədqiqatçılar isə kəndin adını mənşəcə oğuz tayfalarından olan Keçililərin adı ilə bağlayırlar.

Keçikli 1993-ci ildə Ermənistan ordusu tərəfindən işğal edilib. 2020-ci il noyabr ayının 9-u Azərbaycan Silahlı Qüvvələri kəndi erməni tapdağından azad edib.

6
Çap maşını, arxiv şəkli

Şəhid Cəbrayıl Dövlətzadədən roman yazıldı

15
Azərbaycan Prezidenti İlham Əliyevin 15.12.2020-ci il tarixli Sərəncamına əsasən, Cəbrayıl Dövlətzadə ölümündən sonra "Vətən uğrunda" və 3-cü dərəcəli "Azərbaycan Bayrağı" ordeni ilə təltif edilib

BAKI, 4 mart — Sputnik. Yazıçı Azad Qaradərəli 44 günlük Vətən Müharibəsinin qəhrəmanlarından olan 19 yaşlı şəhid Cəbrayıl Dövlətzadənin qısa ömür və döyüş yolundan bəhs edən roman yazıb. Sputnik Azərbaycan xəbər verir ki, "Cəbrayıl əfsanəsi" adlı romanını proloq, epiloq və 19 fəsildən ibarətdir. Hər fəsil qəhrəman həmvətənimizin ömrünün bir ilinə ithaf olunur.

Qeyd edək ki, Cəbrayıl Dövlətzadə 2019-cu ildən Azərbaycan Silahlı Qüvvələrinin Cəlilabad rayon N saylı hərbi hissədə müddətli həqiqi hərbi xidmətdə idi. 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi üçün başlanan Vətən müharibəsi zamanı Cəbrayılın azadlığı uğrunda gedən döyüşlərdə savaşıb. Cəbrayıl Dövlətzadə, sentyabrın 28-də şəhid olub. II Fəxri Xiyabanda dəfn olunub. Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Cəbrayıl Dövlətzadə ölümündən sonra "Vətən uğrunda" medalı və 3-cü dərəcəli "Azərbaycan Bayrağı" ordeni ilə təltif edilib

15
Teqlər:
kitab, şəhid
Oğlan, arxiv şəkli

Daha bir telefon mağazasından oğurluq olub

0
Yasamal ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb.

BAKI, 4 mart — Sputnik. Yasamalda telefon mağazasından 10.000 manat dəyərində mobil telefon, moped və 2 ədəd motosiklet oğurlayan şəxslər saxlanılıblar. Bu bardəə Daxili İşlər Nazirliyindən Sputnik Azərbaycan-a verilən məlumatda bildirilib.

Qeyd olunub ki, Yasamal Rayon Polis İdarəsinin (RPİ) 27-ci Polis Bölməsinin (PB) əməkdaşlarının keçirdikləri əməliyyat-axtarış tədbirləri nəticəsində rayon ərazisindəki mağazaların birindən 10.000 manat dəyərində 20 ədəd mobil telefon oğurlamaqda şübhəli bilinən əvvəllər dəfələrlə məhkum olunmuş A.Yusifov saxlanılıb. Saxlanılan şəxsin ətrafında aparılmış tədbirlərlə onun paytaxt sakini Kamil Xasıyevlə birgə Bakı şəhər sakini olan 1 nəfərin mopedini, 2 şəxsin isə “Yamaha” və “Haojue” markalı motosikletlərini qaçırmaları da müəyyən edilib. Bölmə əməkdaşları tərəfindən həyata keçirilən əməliyyat-axtarış tədbirləri nəticəsində K.Xasiyev də saxlanılaraq istintaq təqdim edilib.

Faktla bağlı 27-ci Polis Bölməsində saxlanılan şəxslər barəsində toplanan materiallar Yasamal RPİ-nin İstintaq Şöbəsinə göndərilib, araşdırmalar davam etdirilir. 

0