Şəhid baş-leytenant Əliqismət Yaqublunun şəkilləri

Şəhid duaları: Allahdan tək istəyim budur ki, kaş oğullarım...

174
Şəhid baş leytenantın həyat yoldaşı: "Mən də Allahın köməyi ilə övladlarımızı onun istədiyi kimi böyüdəcəyəm. Onun arzularını şərəflə yerinə yetirəcəyəm".

Rahim Muradov, Sputnik Azərbaycan

BAKI, 12 yanvar — Sputnik. Bu dəfə öz qanı ilə qəhrəmanlıq salanməsi yazan daha bir Şəhid zabitimiz Əliqismət Mükafat oğlu Yaqublu haqqında danışacağıq.

Azərbaycanın 44 günlük haqq savaşında şəhidlik zirvəsinə ucalan Əliqismət Lerik rayonunun ucqar Kələxan kəndində dünyaya göz açıb. Şəhidin atası Mükafat Yaqublu Sputnik Azərbaycan-a müsahibəsində 1992-ci il təvəllüdlü Əliqismətin kənddə doğulsa da, Lerik şəhərində böyüdüyünü deyib. Onun sözlərinə görə, Əliqismət 9-cu sinifə qədər Lerik şəhər 3 saylı orta məktəbdə təhsil alıb. Onun uşaqlıqdan hərbiyə həvəsi olub. Ata-anası onun hərbiyə getməsini istəməyib. Çünki əvvəl cılız uşaq olub:

"Amma özü təkid etdi, hətta biz onu bir il gecikdirdik. 8-ci sinifdən getmək istəyirdi. Artıq 9-cu sinifdə oxuyanda təkid etdi ki, "gərək mən hərbi məktəbi oxuyam". Beləliklə, Əliqismət Hərbi liseyə daxil oldu və liseyi bitirənə qədər həvəslə oxudu. Mən də bildim ki, artıq hərbi onun həyatına ömürlük daxil olub. O, 2007-ci ildə Cəmişid Naxçıvanski adına Hərbi Liseyə daxil oldu və 2010-2014-cü illərdə isə Heydər Əliyev adına Bakı Ali Hərbi Məktəbində hərbi təhsilini davam etdirdi. Hərbi biliklərini Təlim Tədris Mərkzində inkişaf etdirən Əliqismət 2015-ci ildə leytenant rütbəsi ilə Qobustanda yerləşən "N" saylı hərbi hissəyə təyinat alıb. Amma həmin il də komandanlığa ərizə yazaraq ön cəbhədə xidmət etmək istədiyini bildirib".

© Sputnik / Rahim Murad
Şəhid Əliqismət Yaqublunun atası Mükafat Yaqublu

Atasının dediyinə görə, gənc zabitin arzusu nəzərə alınıb. O, Beyləqan rayonunda yerləşən hərbi hissəyə göndərilib. Əliqismət 2016-cı ilin aprel döyüşlərində də şücaətlə iştirak edib. 2017-ci ildə yenidən öz istəyi ilə cəbhə bölgəsinə - Ağcabədiyə göndərilən gənc zabitə 2018-ci ildə Xüsusi Təyinatlı Qüvvələrin Baş leytenantı kimi Xidmət Rəisi vəzifəsi ona tapşırılıb.

İkinci Qarabağ savaşı başlayan gündən Əliqismət Xüsusi Təyinatlı Qüvələrin zabiti kimi ön cəbhəyə göndərilib. O, Murovdağ yüksəkliyi, Füzuli, Cəbrayıl, Zəngilan, Qubadlı rayonlarının və Laçının bir-neçə kəndinin işğaldan azad olunmasında xüsusi qəhrəmanlıq göstərib. Şəhidimiz Şuşa şəhərinin işğaldan azad olunması uğrunda gedən döyüşlərdə düşmənin xeyli sayda canlı qüvvəsini məhv edib. Xüsusi təyinatlıların cəmi 7 nəfər komanda heyəti olub ki, onların rəhbərlərindən biri də Əliqismət idi. O, kimya xidmətinin rəisi olub.

© Sputnik / Rahim Murad
Şəhid baş-leytenant Əliqismət Yaqublu haqda stend
"Noyabrın 3-də Şuşaya hüçum başlayıb. Noyabrın 5-də isə Şuşaya Daşaltı tərəfdən hüçum etməyə başlayıblar. Mənfur düşmən bizim Xüsusi Təyinatlı Qüvvələrimizlə heç vaxt üz-üzə gələ bilmirdilər, çünki çox qorxurdular. Onlar təkcə bizim XTQ-dən deyil, bütün əsgərlərimizdən qorxurdular. Ona görə də daim əsgərlərimizi top atəşinə tuturdular.", - deyə şəhidin atası bildirir.

"Oğlum Əliqismət Yaqublu Şuşa əməliyyatında iki süngü və bir neçə qumbara ilə ön sırada düşmənlə əlbəyaxa döyüşə girənlərdən olub. Döyüş yoldaşlarının dediyinə görə onlarla düşmən əsgərini süngü ilə məhv edib. Onlarla yaralı silahdaşını döyüş meydanından çıxarıb. Noyabrın 5-də axşam saat 16:00-17:00 radələrində Daşaltıda qızğın döyüşdə onun silahdaşı yarlanır. Yoldaşını çiyninə götürüb döyüş meydanından çıxararkən artilleriya atəşinə tutulur. Düşmənin atdığı top mərmisinin qəlpəsindən aldığı xəsarətlərdən qəhrəmancasına şəhadət zirvəsinə ucalır.", - Mükafat Yaqublu əlavə edir.

© Sputnik / Rahim Murad
Şəhid baş-leytenant Əliqismət Yaqublunun şəkilləri

Əliqismət şəhid olandan bir neçə gün sonra evlərinə zəng gəlir. Kim olduğunu soruşanda çox zəif bir səslə adının Ceyhun olduğunu və hospitaldan zəng etdiyini deyir.

"Mən yaralı idim, Əliqismət məni döyüş meydanından çıxardı, ölümdən qurtardı və indi hospitalda yatıram", - deyə Ceyhun bildirib. Əliqismət Ceyhunu döyüş meydanından çıxarıb hospitala yola salıb. Ceyhun Əliqismətin bundan sonra şəhid olduğunu bilməyib.

"Ceyhun mənə dedi ki, oğlum yüzə yaxın əsgərlərimizi döyüş meydanından çıxardıb. Həm döyüşür, həm də yaralılara kömək edirmiş. Onları döyüş meydanından tez çıxarıb tibb işçilərinə təhvil verib geri qayıdırmış. Onun evimizə gələn döyüş yoldaşları belə deyirlər", - deyə dərdli ata bildirir.

© Sputnik / Rahim Murad
Şəhid baş-leytenant Əliqismət Yaqublunun şəkli

Bununla belə, o, Əliqismətlə fəxr edir:

"Mənim üçün ağır olsa da, oğlumun şəhadəti ilə qürur duyuram, həmişə fəxr edirəm. O artıq əvvəldən şəhidlik yolunu seçmişdi. Biz heç vaxt onun qarşısını ala bilməzdik. Əliqismət həm də imanlı adam idi, daim namaz qılırdı. Ona görə də şəhidliyi ilə bizə böyük fəxarət hissi bəxş elədi. Gələcək nəsillərə bu problemi saxlamadı. Bilirdi ki, əgər bu gün Qarabağı almasa, onların balaları gedib müharibədə iştirak edib almalıdırlar".

İndi şəhid zabitimizdən Vətənə 2 oğlu -5 yaşlı Əliəsgər və 3 yaşlı Məhəmməd əmanət qalıb. Şəhid zabitimizin anası Təranə Yaqubova müharibə vaxtı oğlu ilə olan telefon söhbətini belə xatırlayır:

"Dedi "ana, uşaqlarımı sənə, atama, qardaşlarıma tapşırıram, onlardan muğayat olun. Uşaqları mənə layiqli övlad kimi böyüdərsiz. Vətənə gözəl övlad olsunlar, mənim kimi hərbçi də ola bilərlər." Hər iki oğlunun Ali təhsil alması onun ən böyük arzusu idi. Həmişə torpaqlar işğaldan azad olandan sonra rahat olacağını deyirdi. Deyirdi ki, "istəmirəm mənim övladlarım sonra əziyyət çəksin". "O torpaqlar alınandan sonra siz də, uşaqlar da oralara gedərsiniz.", - deyərdi.

© Sputnik / Rahim Murad
Şəhid Əliqismət Yaqublunun ailəsi

Həyat yoldaşı Nərmin Yaqublu da şəhidin çox vətənpərvər və ailəsinə bağlı insan olduğunu bildirib:

"Çox gözəl oğul, gözəl qardaş, gözəl həyat yoldaşı, gözəl ata idi. Tez-tez deyərdi ki, "Allahdan istəyirəm ki, kaş uşaqlarım mənim kimi olsunlar, qeyrətli olsunlar". Mən də Allahın köməyi ilə övladlarımızı onun istədiyi kimi böyüdəcəyəm. Onun arzularını şərəflə yerinə yetirəcəyəm."

Xüsusi Təyinatlı Qüvvələrin Şəhid Baş leytenantı Əliqismət Mükafat oğlu Yaqubov öz istəyi ilə Lerik rayonunun Kələxan kənd qəbristanlığında, babasının yanında dəfn edilib. O, ölümündən sonra "Azərbaycan Bayrağı Ordeni", "Vətən uğrunda", "Şuşanın azad olunmasına görə" medalları ilə təltif olunub.

174

İdman zalı sağlam qidalanma: rus sülhməramlıları Qarabağda necə yaşayır

14
(Yenilənib 10:26 15.01.2021)
Rus hərbçiləri Dağlıq Qarabağda üç blok-modul tipli şəhərcik inşa edib. Orada təhlükəsizliyi təmin etmək və atəşkəs rejiminə nəzarət məqsədi ilə təxminən 400 sülhməramlı yerləşdirilib.

Videodakı kadrlardan da göründüyü kimi yaradılmış infrastruktur hərbçilərə özlərini evlərindəki kimi hiss etməyə imkan verir. Hər belə obyekt avtonom olmaqla yanaşı, istənilən təbii şərait üçün uyğundur.

Modul tipli şəhərcik fasiləsiz elektrik, su və istilik təchizatı ilə təmin olunub. Hərbi şəhərciklərin ərazisində idman zalı, hamam, yeməkxana, istirahət otağı və tibb məntəqəsi də var. Yaşayış hissəsi bütün lazımi mebel və məişət texnikası ilə təchiz edilib.

Yaxın gələcəkdə daha beş belə obyektin inşası planlaşdırılır ki, orada da təxminən 540 hərbçinin yerləşdirilməsi nəzərdə tutulur.

14

Ağdam rayonunun Şelli kəndi - VİDEO

5
Noyabrın 10-da imzalanmış üçtərəfli bəyanata görə, erməni işğalçıları Ağdam rayonunu 2020-ci il noyabrın 20-də tərk ediblər

BAKI, 16 yanvar — Sputnik. Müdafiə Nazirliyi erməni işğalından azad olunan Ağdam rayonunun Şelli kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

5
Teqlər:
video, kənd, Ağdam

Həftənin ən parlaq şəkilləri - qar vannası, can verən qalaktika, Kapitolidə pizza

0
Sputnik Azərbaycan dünya agentliklərinin müxbirlərinin çəkdikləri ən parlaq və emosional fotoları oxucularının diqqətinə çatdırır.

Ötən həftə müxtəlif hadisələrlə yadda qaldı. Əsas problemimiz - koronavirusdur, dünya iki milyondan artıq insanın ömrünə son qoyan mərəzlə mübarizəsini davam etdirir.

ABŞ Nümayəndələr Palatası ikinci dəfə tərəfdarlarını Kapitoliyə hücuma təhrik etdiyi iddia olunan Donald Trampın impiçmentinə səs verdi. Tramp iki dəfə impiçment elan olunan prezident kimi ABŞ tarixinə düşdü. 

İndoneziyada Boeing 737-500 sərnişin təyyarəsi qəzaya uğradı. Göyərtədəki 65 nəfərdən heç biri sağ qalmadı. Qəzanın səbəbləri isə hələ də araşdırılır.

İspaniya sakinləri əsl qışın xoş olmayan dadını yaşadılar. "Filomena" qasırğası qarsız qışa öyrəşmiş Pireney yarımadasını ağ rəngə bürüdü.

Dünyanın ötən həftəni necə keçirdiyini planetin müxtəlif guşələrindən toplanmış fotolara baxmaqla xatırlamağı təklif edirik. Aparıcı informasiya agentliklərinin müxbirlərinin yaddaqalan hadisələri, eləcə də emosional anları həkk elədikləri kadrlar - Sputnik Azərbaycan-ın həftəlik fotolentində.

0
  • © AP Photo / Petros Karadjias

    Nikosiyanın mərkəzində mağaza sahibi maskalı, amma çılpaq maneken aparır, Kipr

  • © AFP 2020 / Karim Sahib

    Liva səhrasında adam, BƏƏ

  • © AFP 2020 / Gabriel Bouys

    Madriddə gənclər nəhəng qartopu düzəldirlər, İspaniya

  • Issei Kato

    Yokohamada kimonolu qızlar həddi-büluğa çatma mərasimində, Yaponiya

  • © AP Photo / Oded Balilty

    Yerusəlimdə etiraz iştirakçısı əlində nəhəng şpris tutub, İsrail

  • © REUTERS / Basri Marzuki/Antara Foto

    Paluda dağıdılmış abidənin yanında oynayan uşaqlar, İndoneziya

  • © AP Photo / Manuel Balce Ceneta

    Nümayəndələr Palatasının üzvü Viki Hartsler və parlament üzvü Maykl Valts Milli Qvardiyanın əsgərlərinə pizza paylayırlar

  • © REUTERS / Loren Elliott

    Qız okean üzərində ipdən sallanıb

  • © AP Photo / Alex Brandon

    Spiker Nensi Pelosi ABŞ Prezidenti Donald Trampa qarşı imzalanmış impiçment sənədini təqdim edir

  • © REUTERS / Yara Nardi

    Romada bir evin pəncərəsindəki pişiklərin şəklini çəkən adam, İtaliya

  • © REUTERS / Navesh Chitrakar

    Katmanduda qarşıdurmalarda xəsarət alan adama yardım göstərilir, Nepal

  • © REUTERS / Baz Ratner

    Kampalada qadın başında ananas aparır, Uqanda

  • © REUTERS / M. Kornmesser / European Southern Observatory

    ID2299 qalaktikasının bədii təsviri

  • © AFP 2020 / Wang Zhao

    Pekində kişi ilə uşaq donmuş gölün üzəriylə kirşədə gedirlər, Çin

  • © REUTERS / Kyodo

    Hokkaydonun tropik botanika bağında əntər meymunlar isti bulaqda çimirlər, Yaponiya

  • © REUTERS / Ajeng Dinar Ulfiana

    Qırmızı Xaçın əməkdaşı Sriwijaya Air şirkətinin Yava dənizində qəzaya uğramış təyyarəsinin turbinini dezinfeksiya edir

  • © AP Photo / Michael Probst

    Frankfurt yaxınlığındakı Kronberq şəhəri səhər günəşini qarşılayır, Almaniya

  • © REUTERS / Johan Nilsson / TT News Agency

    Güclü qar səbəbindən qəzaya uğrayan avtobusların yanında polislər, İsveç

  • © AFP 2020 / Patrick T. Fallon

    ABŞ-da etiraz edənlər və qaçışa çıxmış qız

  • © REUTERS / Ivan Alvarado

    Santiago a Mil Beynəlxalq Teatr Festivalında Fuego Rojo ifa edən La Patogallina və Ciclicus teatr truppalarının rəqqasları, Santyaqo, Çili

  • © AP Photo / Darko Vojinovic

    Belqradda avtobus sərnişinləri, Serbiya

  • © AFP 2020 / Douglas Magno

    Yağış mövsümündə çayda sörfinq, Braziliya

  • © AFP 2020 / Manan Vatsyayana

    Hanoyda Opera Teatrının yanında qız, Vyetnam

  • © AFP 2020 / Ed Jones

    Donmuş Xan çayı üzərində körpü, Seul, Cənubi Koreya

  • © Sputnik / Anton Podgaiko

    Pyatiqorskda isti kükürdlü su vannası qəbul edən qızlar, Rusiya