Moskvada Kremlə mənzərə, arxiv şəkli

Kremldə üçtərəfli görüşün yekunlarına dair BƏYANAT

185
(Yenilənib 20:21 11.01.2021)
İşçi qrup 2021-ci il yanvarın 30-dək ilk iclasını keçirəcək. Onun yekunlarına əsasən, Bəyanatın 9-cu bəndindən irəli gələn məsələlərin həllində əsas istiqamətləri formalaşdıracaq, burada prioritet kimi dəmiryolu və avtomobil əlaqəsi götürüləcək

BAKI, 11 yanvar - Sputnik. Rusiya, Azərbaycan və Ermınistanın Dağlıq Qarabağın inkişafına dair işçi qrupu yanvarın 30-dək ilk iclasını keçirəcək. 

Sputnik Azərbaycan bildirir ki, bu barədə üç ölkə liderinin bu gün Kremldə aparılan birgə danışıqlarının yekununa həsr olunmuş bəyanatında deyilir. 

Bazar ertəsi, yanvarın 11-də Rusiya Prezidenti Vladimir Putinin təşəbbüsü ilə Moskvada Azərbaycan Prezidenti İlham Əliyev və Ermənistan baş naziri Nikol Paşinyanın iştirakıyla üçtərəfli görüş keçirilib. Danışıqlardan sonra Rusiya lideri üç ölkənin baş nazir müavinlərinin rəhbərlik etdiyi işçi qrupunun yaradıldığını bildirib. İşçi qrup yaxın günlərdə Qarabağın inkişafına dair planlarını təqdim etməlidir.

"İşçi qrup 2021-ci il yanvarın 30-dək ilk iclasını keçirəcək. Onun yekunlarına əsasən, Bəyanatın 9-cu bəndindən irəli gələn məsələlərin həllində əsas istiqamətləri formalaşdıracaq, burada prioritet kimi dəmiryolu və avtomobil əlaqəsi götürüləcək. Həmçinin işçi qrup Azərbaycan Respublikası, Ermənistan və Rusiya Federasiyası arasındakı razılaşmanın digər istiqamətlərini müəyyənləşdirəcək", - mətndə deyilir.

"Fəaliyyətin əsas istiqamətlərinin reallaşdırılması məqsədilə işçi qrupun həmsədrləri bu istiqamətlər üzrə ekspertlərdən ibarət altqrupları yaradacaqlar. Altqruplar tərəflərin səlahiyyətli hökumət  orqanları və təşkilatlarının vəzifəli şəxslərindən təşkil olunacaq. İclasdan sonrakı bir ay müddətində ekspert altqrupları reallaşdırılması üçün gərəkli resurs və tədbirlərin də əks olunduğu layihələrin siyahısını yüksək səviyyədə təsdiq olunmaq üçün tərəflərə təqdim etməlidirlər", - sənəddə deyilir.  

"2021-ci il martın 1-dək işçi qrup tədbirlərin reallaşdırılma qrafiki və siyahısını tərəflərin yüksək səviyyədə təsdiq etməsi üçün təqdim etməlidir. Bunlara Azərbaycan və Ermənistan respublikalarının ərazilərində gerçəkləşdirilən, eləcə də Azərbaycan və Ermənistanın bu iki ölkənin ərazisindən keçməklə gerçəkləşdirəcəyi beynəlxalq daşımaların reallaşdırılması və təhlükəsizliyi üçün gərək olan yeni nəqliyyat infrastrukturu obyektlərinin tikilməsi və bərpası daxildir", - Bayanatda qeyd olunub.

185
Teqlər:
işçi qrupu, Rusiya, Kreml, Ermənistan, Azərbaycan, Qarabağ, bəyanat
Mövzu:
Kremldə Putin, Əliyev, Paşinyan görüşü (25)

Azərbaycanlının arzusu Ağdama qayıtmaq orada Qarabağ atlarını yetişdirməkdir

22
(Yenilənib 16:17 21.01.2021)
Şəmsəddin Atayevin kəndi işğal olunanda nəsli kəsilməsin deyə Qarabağ atlarını Bakıya gətirib. Ətraflı videomuzda izləyin.

Əslən Kəlbəcərdən olan Şəmsəddin Ağdamda doğulub və Qarabağ atlarını saxlamaq həvəsi də onda uşaqlıqdan yaranıb. Onun atası da 1948-ci ildən Qarabağ cinsindən atları yetişdirib. Şəmsəddin Atayevin sözlərinə görə, onların at ilxısı Ağdamın Eyvazxanbəyli kəndində olub. 1993-cü ildə kənd işğal olunandan sonra həmin Qarabağ atlarını Bakıya gətirib və Cıdır meydanında saxlamağa başlayıb.

Hazırda burada 8 baş Qarabağ atı var. Onlara qulluq göstərənlər də Şəmsəddin Atayevin qardaşı, eləcə də özünün və qardaşının övladlarıdır. Təsərrüfat sahibi deyir ki, Qarabağ atlarına xüsusi qulluq olunmalıdır. Bu atlar rənginin dəyişməməsi, sahibinə sadiqliyi və bir sıra xüsusiyyətlərinə görə də digər cinslərdən fərqlənir.

Şəmsəddin Atayevin niyyəti Eyvazxanbəyli kəndinə qayıtmaq və orada kürən Qarabağ atlarını yetişdirməkdir.

"Nəsil olaraq bizim peşəmiz budur. Tezliklə Ağdama qayıdacağıq və bu işlə məşğul olacağıq. Qarabağ atlarını Qarabağda yetişdirəcəyik tezliklə", - atların sahibi Şəmsəddin Atayev deyib.

Atayevlərin "Köhlən" adlı komandaları da var ki, bu komanda ilə yarışlarda uğur da qazanıblar.

22
Vüqar Muradov, arxiv şəkli

Tanınmış müğənni Şuşa fatehinə mahnı həsr edib - VİDEO

989
(Yenilənib 22:00 20.01.2021)
Müğənninin "Şəhid" ("Qarabağ") adlı mahnısının sözləri Abil İslama, musiqisi Arif Səlimova məxsusdur. Klipin rejissoru Tural Nusalovdur. Sözügedən mahnı baş leytenant Asəf Ağayev başda olmaqla, bütün şəhidlərimizə həsr olunub.

Şahpəri Abbasova, Sputnik Azərbaycan

BAKI, 20 yanvar — Sputnik. Tanınmış müğənni, "Yeni ulduz" müsabiqəsinin qalibi, Azərbaycanın Böyük Vətən müharibəsinin qazisi Vüqar Muradov 17 dekabr 2020-ci ildə Xocavənd rayonu istiqamətində minaya düşərək şəhid olmuş baş leytenant Asəf Ağayev də daxil olmaqla, bütün şəhidlərə mahnı həsr edib. Sputnik Azərbaycan xəbər verir ki, müğənninin "Şəhid" ("Qarabağ") adlı mahnısının sözləri Abil İslama, musiqisi Arif Səlimova məxsusdur. Klipin rejissoru Tural Nusalovdur.

Məlumat üçün bildirək ki, Asəf Ağayev 2020-ci il sentyabr 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsi zamanı Füzuli rayonundan Şuşa şəhərinə qədər döyüş yolu keçib. Şuşa şəhərinin işğaldan azad edilməsində şücaət göstərmiş hərbçilərimizdən biri olub. Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən, Asəf Ağayev ölümündən sonra "Cəbrayılın azad olunmasına görə" medalı ilə təltif edilib.

Bundan başqa, Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən, Asəf Ağayev ölümündən sonra "Şuşanın azad olunmasına görə" medalı ilə təltif edilib.

989
Teqlər:
şəhid, Şuşa, mahnı, Vüqar Muradov
Alen Delonun xanımı Natali Delon

Alen Delonun keçmiş həyat yoldaşı vəfat edib

0
(Yenilənib 00:37 22.01.2021)
Aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

BAKI, 22 yanvar — Sputnik. Dünya şöhrətli fransız aktyoru və rejissoru Alen Delonun xanımı Natali Delon dünyasını dəyişib. Sputnik Azərbaycan xəbər verir ki, bu barədə aktyorun oğlu Antoni Delon "Instagram" səhifəsində paylaşım edərək "Rahat yat, ana!" yazıb. Aktrisanın ölüm səbəbləri hələlik məlum deyil.

Qeyd edək ki, Alen Delon və Natali Delon 1964-ci ildə evləniblər. Natali ilə olan evlilikdən onun Antoni adlı bir oğlu var.

Onu da bildirək ki, Natali Delon 1964-1968-ci illərdə Alen Delonla evli olduğu zamanlarda, ərinin sayəsində kinoya gəlib. Birlikdə çəkdikləri ilk "Samuray" filmi ilə böyük bir uğur qazanıb. Boşandıqdan sonra Natali digər məşhur rejissorlarla işləməyə davam edib. Sonra rejissorluq etməyə və ssenari yazmağa başlayıb.

0