Azərbaycan Ordusunun bölmələri döyüş atışları keçirir

Mərkəzi Bankın doqquz əməkdaşı Vətən müharibəsində iştirak edib

12
(Yenilənib 22:11 08.01.2021)
Mərkəzi Bankın 14 əməkdaşı Vətən müharibəsində iştirakla bağlı ordu sıralarına cəlb olunub. Onlardan 5 nəfəri təlimlərdə iştirak etdikdən sonra ehtiyata buraxılıb

BAKI, 8 yanvar — Sputnik. İkinci Qarabağ müharibəsində iştirak edən Azərbaycan Mərkəzi Bankının (AMB) əməkdaşları Vətən qarşısında borclarını şərəflə yerinə yetirərək iş yerinə qayıdıblar. Onlar iş kollektivi tərəfindən böyük coşqu ilə qarşılanıblar.

AMB-dən Sputnik Azərbaycan-a bildirilib ki, Mərkəzi Bankın sədri Elman Rüstəmov Vətən müharibəsində iştirak edən əməkdaşlarla görüşüb. Bildirib ki, Müzəffər Ali Baş Komandan İlham Əliyevin böyük sərkərdəlik məharəti və rəhbərliyi ilə Azərbaycan Ordusu dünya hərb tarixinə əbədi həkk olunan böyük zəfər çalıb. Erməni işğalçıları məhv edilib, doğma torpaqlarımız 44 gün ərzində azad olunub. Milli tariximizin böyük qəhrəmanlıq salnaməsi kimi bu möhtəşəm zəfər xalqımıza bütöv Azərbaycanda yaşanmaq sevinci bəxş edib.

E.Rüstəmov ölkəmizin ərazi bütövlüyü uğrunda döyüşlərdə şəhid olmuş qəhrəmanlarımıza Allahdan rəhmət diləyib, xalqımızın qəlbində əbədi yaşayacaqlarını bildirib.

Mərkəzi Bankın 14 əməkdaşı Vətən müharibəsində iştirakla bağlı ordu sıralarına cəlb olunub. Onlardan 5 nəfəri təlimlərdə iştirak etdikdən sonra ehtiyata buraxılıb, 3-ü zabit olmaqla 9 nəfər isə İkinci Qarabağ müharibəsinə qatılaraq cəbhədə hərbi əməliyyatlarda bilavasitə iştirak edib. Düşmən üzərində böyük qələbəmizi şərtləndirən çoxsaylı üstünlüklərdən biri də ordumuzun yüksək texniki-intellektual hazırlığı olub. Müharibədə iştirak etmiş əməkdaşların texnoloji fəaliyyət istiqamətləri üzrə ixtisasları da bunu bir daha göstərir.

Əməkdaşlardan bir qrupu Azərbaycan Respublikası Prezidentinin müvafiq sərəncamları ilə "Cəsur döyüşçü", "Cəbrayılın azad olunmasına görə", "Qubadlının azad olunmasına görə" medalları ilə, həmçinin döyüş hazırlığı, nizam-intizam və qoşun xidmətinin təşkilində yüksək nəticələr əldə etdiyinə görə Fəxri fərmanla təltif olunub.

Sonda Vətən müharibəsi iştirakçıları ilə birgə xatirə şəkli çəkilib.

12

Cəbrayıl rayonunun daha bir azad edilmiş kəndinin görüntüləri yayıldı - VİDEO

24
(Yenilənib 15:40 23.01.2021)
Cəbrayıl rayonunun Aşağı Maralyan kəndi 2020-ci il oktyabrın 3-də Azərbaycan Ordusunun əks-hücumu nəticəsində azad edilib.

Müdafiə Nazirliyi Cəbrayıl rayonunun Aşağı Maralyan kəndindən videogörüntülər paylaşıb. Aşağı Maralyan Cəbrayıl rayonunun Karxulu inzibati ərazi vahidinə daxildir və Araz çayının sol sahilində, düzənlikdə yerləşir.

Sputnik Azərbaycan həmin görüntüləri təqdim edir.

24
Şəhid Rahim Mikayılovun dəfni

İtkin xəbərindən bir neçə gün sonra oğlu dünyaya gələn şəhid torpağa tapşırıldı

136
(Yenilənib 16:09 23.01.2021)
Sentyabr ayının 29-da şəhid xəbəri çıxsa da, nəşi gəlmədiyindən itkin kimi qeydə alınan Rahim Mikayılovun şəhid olma xəbəri son iki gündə tam təsdiqlənib

Leyla Abdullayeva, Sputnik Azərbaycan

BAKI, 23 yanvar — Sputnik. Bu gün barəsində 107 gün heç bir xəbər çıxmayan şəhid baş leytenant Rahim Qabil oğlu Mikayılov doğulduğu Quba rayonunun İkinci Nügədi kəndində dəfn olunub. Sentyabr ayının 29-da şəhid xəbəri çıxsa da, nəşi gəlmədiyindən itkin kimi qeydə alınan Rahim Mikayılovun şəhid olma xəbəri son iki gündə tam təsdiqlənib və o, bu gün dəfn olunub.

  • Şəhid Rahim Mikayılov
    © Photo : Courtesy of Leyla Abdullayeva
  • Şəhid Rahim Mikayılovun dəfni
    © Sputnik / Leyla Abdullayeva
  • Şəhid Rahim Mikayılovun dəfni
    © Sputnik / Leyla Abdullayeva
1 / 3
© Photo : Courtesy of Leyla Abdullayeva
Şəhid Rahim Mikayılov

Rahim Mikayılov ailəlidir. Şəhid olandan bir neçə gün sonra oğlu dünyaya gəlib.

Onu da qeyd edək ki, Quba bu gün Vətən müharibəsində qurban verdiyi 48-ci şəhidini dəfn edir.

136
Dəniz quldurlarının bayrağı, arxiv şəkli

Dəniz quldurları Türkiyə gəmisinə hücum edib, azərbaycanlı mühəndis öldürülüb

0
(Yenilənib 00:29 24.01.2021)
Gəminin kapitanı bildirib ki, quldurlar radardan başqa bütün sistemləri söküblər: "Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

BAKI, 24 yanvar - Sputnik. Nigeriya sahillərində “Motsart” adlı Türkiyə şirkətinə məxsus Liberiya bayrağı altında üzən gəmiyə dəniz quldurları hücum edib.

“Report” xəbər verir ki, gəmidə olan 15 nəfər girov götürülüb, azərbaycanlı mühəndis isə qətlə yetirilib.

Gəminin kapitanı bildirib ki, quldurlar radardan başqa bütün sistemləri söküblər:

"Gəmini yalnız radarla təhlükəsiz əraziyə aparırıq və gəminin kapitan müavini ayağından yaralanıb".

0