Ağstafa şəhər sakini Amin Musayev doğma evinə qayıdıb

Ağstafa qəhrəmanını qarşıladı: "Mənim dərmanım övladım imiş" - FOTO

136
(Yenilənib 18:39 31.12.2020)
"Bu gün sevinirəm ki, Qarabağımız azaddır. Qarabağ problemi, münaqişəsi yoxdur. Şuşamız azaddır. Qarabağ Azərbaycanındır" - Amin Musayev

İlham Mustafayev, Sputnik Azərbaycan

BAKI, 31 dekabr — Sputnik. Vətən müharibəsində torpaqlarımızın azadlığı uğrunda gedən döyüşlərdə yaralanaraq əsir düşən Azərbaycan Silahlı Qüvvələrinin hərbi qulluqçusu, Ağstafa şəhər sakini Amin Musayev doğma evinə qayıdıb. Sputnik Azərbaycan-ın bölgə müxbiri xəbər verir ki, Amin doğma şəhərində əsl qəhrəman kimi qarşılanıb.

Amin Musayev səhhətinin yaxşı olduğunu bildirib. Evinə dönməyi üçün göstərilən köməyə görə ölkə başçısına təşəkkür edib.

  • Ağstafa şəhər sakini Amin Musayev doğma evinə qayıdıb
    © Sputnik / Ilham Mustafa
  • Ağstafa şəhər sakini Amin Musayev doğma evinə qayıdıb
    © Sputnik / Ilham Mustafa
  • Ağstafa şəhər sakini Amin Musayev doğma evinə qayıdıb
    © Sputnik / Ilham Mustafa
1 / 3
© Sputnik / Ilham Mustafa
Ağstafa şəhər sakini Amin Musayev doğma evinə qayıdıb

"Bu gün Vətənimə qayıtmağıma görə cənab Prezident, Ali Baş Komandanımıza və Birinci vitse-prezidentimizə böyük minnətdarlıq və təşəkkürmü bildirirəm. Şəhidlərimizə Allahdan rəhmət diləyir, analarının əllərindən öpürəm, qarşılarında baş əyirəm. Qazilərimizə cansağlığı arzulayıram. Bu gün sevinirəm ki, Qarabağımız azaddır. Qarabağ problemi, münaqişəsi yoxdur. Şuşamız azaddır. Qarabağ Azərbaycanındır”, - deyə fikirlərini bölüşüb.

Aminin anası Hicran Sadıqova Dünya Azərbaycanlılarının Həmrəyliyi Günündə yeganə övladına qovuşduğu üçün xoşbəxt olduğunu söyləyib.

"Belə başa düşdüm ki, mənim dərmanım övladım imiş. Ona görə ki, o mənim yeganə övladımdır”, - deyə bildirib. 

Qeyd edək ki, Amin Musayev Azərbaycan Ordusunun 44 günə zəfərlə bitirdiyi Vətən müharibəsi zamanı Şuşa ətrafında yaralı vəziyyətdə erməni silahlı bölmələri tərəfindən əsir götürülmüşdü. Dekabrın 14-də Amin digər səkkiz vətəndaşımızla birlikdə erməni əsirliyindən azad edilərək Bakıya gətirilmiş və orada həkim nəzarəti altında saxlanmışdı.

136
Teqlər:
Azərbaycan, Şuşa, Qarabağ, azad, hərbi əsir, Ağstafa, Amin Musayev
Mövzu:
Azərbaycan və Ermənistan arasında müharibə (1184)
Xankəndi, arxiv şəkli.

Çavuşoğlu Qarabağ barədə: "İndi çox önəmli bir fürsət var"

14
(Yenilənib 22:33 18.01.2021)
Nəqliyyat, enerji layihələri, sərhədlərin açılması daxil çox müsbət gündəm var. Bu müsbət gündəmə töhfə verməyə Türkiyə olaraq davam edəcəyik.

BAKI, 18 yanvar — Sputnik. "Çox təəssüflər, 30 il ərzində bir siyasi həll yolu olmadığı üçün Dağlıq Qarabağ mövzusunda hərbi həll yolu oldu. Hazırda bir atəşkəs var. Bu, önəmli fürsətdir".

Sputnik Azərbaycan xəbər verir ki, bunu Türkiyənin xarici işlər naziri Mövlud Çavuşoğlu alman həmkarı Hayko Maasla keçirdiyi görüşün yekunlarına dair keçirdiyi mətbuat konfransında bildirib.

"Bu fürsəti əldən buraxmamaq lazımdır. Biz Türkiyə və Azərbaycan olaraq, əgər atəşkəs qalıcı olarsa, Ermənistan da buna inanarsa, Ermənistanla da münasibətlərimizi normallaşdırma mövzusunda addımlar ata bilərik. Bu addımları Azərbaycanla birlikdə koordinasiya edəcəyik. İndi çox önəmli bir fürsət var.

Bunun itirilməməsi önəmlidir. Nəqliyyat, enerji layihələri, sərhədlərin açılması daxil çox müsbət gündəm var. Bu müsbət gündəmə töhfə verməyə Türkiyə olaraq davam edəcəyik. Atəşkəsin daimi olmasını diləyirik. Bu mövzuda Ermənistanın da cəsarətləndirilməsi lazımdır", - deyə Çavuşoğlu qeyd edib.

14

Kəlbəcər rayonunun Alolar kəndindən videogörüntülər

5
(Yenilənib 20:30 18.01.2021)
Kəlbəcər rayonu üçtərəfli bəyanatın şərtlərinə uyğun olaraq 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Alolar kəndindən videogörüntülər təqdim edib. Həmin görüntüləri təqdim edirik. 

5
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0