BAKI, 18 dekabr - Sputnik. Rusiya minatəmizləyən qrupunun zabiti Şuşada minaya düşərək həlak olub.
Sputnik Azərbaycan RİA Novosti-yə istinadən bildirir ki, bu barədə Rusiya Müdafiə Nazirliyi xəbər yayıb.
"Şuşa yaşayış məntəqəsində yolun bir hissəsinin minadan təmizlənməsi zamanı partlayış baş verib. Nəticədə Beynəlxalq Minaəleyhinə Mərkəzin minatəmizləmə qrupunun zabiti ağır yaralanıb", - məlumatda deyilir.
Bildirilir ki, hərbçiyə operativ surətdə tibbi yardım göstərilsə də, hospitala aparılarkən aldığı yaralardan keçinib.
MN-dən bildiriblər ki, həlak olan hərbçinin ailəsinə hər cür yardım və dəstək göstəriləcək.
