QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Şuşaya su verilib

© Azersu Open Joint-Stock CompanyZarıslı
Zarıslı - Sputnik Azərbaycan
Abunə olmaq
Mənbələrdə, magistral kəmərlərdə və şəhərdaxili paylayıcı şəbəkələrədə yaranan problemlərin operativ həlli məqsədilə "Azərsu" ASC-nin mühəndis-texniki heyəti və qəza briqadası tərəfindən Şuşa şəhərində fasiləsiz xidmət təşkil edilib.

BAKI, 17 dekabr — Sputnik. Bu gün Şuşaya alternativ mənbədən suyun verilməsi həyata keçirilib.

Bu barədə Sputnik Azərbaycan-a "Azərsu" ASC-nin rəhbəri Anar Cəbrayıllı məlumat verib.

O, bildirib ki, Azərbaycan Respublikasının Prezidenti İlham Əliyevin xüsusi tapşırığına əsasən "Azərsu" Açıq Səhmdar Cəmiyyəti işğaldan azad olunmuş Şuşa şəhərini dayanıqlı içməli su ilə təmin etmək üçün təxirəsalınmaz tədbirləri davam etdirir. Kiçik Kirs mənbəyindən sonra Zarıslı mənbəyindən suyun verilməsilə Şuşa şəhərinin alternativ və dayanıqlı içməli su təchizatı təmin edilib.

Şuşa şəhərinin içməli su təchizatının dayanıqlığını təmin etmək və Kiçik Kirs mənbəyindən asılılığı aradan qaldırmaq üçün Zarıslı mənbəyi və Zarıslı-Şuşa magistral kəmərində aparılan təmir-bərpa işləri yekunlaşıb və şəhərə yeni mənbədən suyun verilməsi təmin olunub. Müdafiə Nazirliyinin müvafiq bölmələri ilə birgə təhlükəsizlik tədbirləri görülməklə Şuşa şəhərindən 11 km məsafədə yerləşən Zarıslı mənbəyi və Laçın-Şuşa avtomobil yolunun kənarı ilə çəkilmiş magistral su xətti tam təftiş edilib, kəmərin qəzalı hissələri müəyyənləşdirilib.

© Azersu Open Joint-Stock Company
Şuşa şəhərinə Zarıslı mənbəyindən içməli suyun verilməsi təmin edilib
 - Sputnik Azərbaycan
1/3
Şuşa şəhərinə Zarıslı mənbəyindən içməli suyun verilməsi təmin edilib
© Azersu Open Joint-Stock Company
Şuşa şəhərinə Zarıslı mənbəyindən içməli suyun verilməsi təmin edilib
 - Sputnik Azərbaycan
2/3
Şuşa şəhərinə Zarıslı mənbəyindən içməli suyun verilməsi təmin edilib
© Azersu Open Joint-Stock Company
Şuşa şəhərinə Zarıslı mənbəyindən içməli suyun verilməsi təmin edilib
 - Sputnik Azərbaycan
3/3
Şuşa şəhərinə Zarıslı mənbəyindən içməli suyun verilməsi təmin edilib
1/3
Şuşa şəhərinə Zarıslı mənbəyindən içməli suyun verilməsi təmin edilib
2/3
Şuşa şəhərinə Zarıslı mənbəyindən içməli suyun verilməsi təmin edilib
3/3
Şuşa şəhərinə Zarıslı mənbəyindən içməli suyun verilməsi təmin edilib

"Azərsu" ASC-nin Bakıdan və Cəbrayıl sukanal sahəsindən ezam olunmuş mühəndis-texniki heyəti tərəfindən qısa müddətdə qəzalar aradan qaldırıb, kəmərin sıradan çıxmış hissəsləri dəyişdirilib. Eyni zamanda mənbədə olan 3 sugötürücü qurğudan 2-də təmir-bərpa işləri başa çatdırılaraq mənbənin məhsuldarlığı artırılıb. Kəmərlə nəql olunan içməli suyun mərkəzi anbara və buradan da şəhər şəbəkəsinə ötürülməsi təmin edilib. Anbarda generator quraşdırılıb, hipoxlorid məhlulundan istifadə olunmaqla zərərsizləşdirici qurğu istismara verilib. Şəhərin anbardan yüksəklikdə yerləşən ərazilərinin su təminatının aparılması məqsədilə anbarda yeni nasos quraşdırılıb. Eyni zamanda zərurət yarandıqda suyun maşınlarla daşınması üçün sudoldurma məntəqəsi yaradılıb.

Hazırda Şuşa şəhərinin daxili paylayıcı su şəbəkəsinin sıradan çıxmış və qəzalı hissələrinin təmiri davam etdirilir, su almayan bina və tikililərin su təchizatı bərpa edilir.

Qeyd edək ki, Şuşa şəhəri işğaldan azad olunduqdan sonra şəhərə içməli suyun verilməsi tam dayanmışdı. Düşmən tərəf şəhəri tərk edərkən magistral su kəmərini də sıradan çıxarmışdı. Yaranmış içməli su probleminin həlli məqsədilə ilkin olaraq Daşaltı kəndinin içməli su təchizatı bərpa edilib və Şuşa şəhərini müvəqqəti olaraq maşınlarla su ilə təmin etmək üçün Daşaltıda sudoldurucu məntəqə yaradılıb. Sonra Kiçik Kirs mənbəyində və uzunluğu 9,4 km olan Kiçik Kirs-Şuşa magistral su kəmərinin qəzalı hissələrində bərpa işləri aparılaraq 25 noyabr 2020-ci il tarixində Şuşa şəhərinə suyun verilməsi təmin olunub.

Mənbələrdə, magistral kəmərlərdə və şəhərdaxili paylayıcı şəbəkələrədə yaranan problemlərin operativ həlli məqsədilə "Azərsu" ASC-nin mühəndis-texniki heyəti və qəza briqadası tərəfindən Şuşa şəhərində fasiləsiz xidmət təşkil edilib.

Xəbər lenti
0