Musa və Tural Həsənov

"Üçrəngli bayrağımıza bürünüb gələcəm. Başını dik tutarsan"

75
(Yenilənib 17:21 17.12.2020)
"Başını dik tutarsan, sənə şəhid yoldaşı deyəcəklər. Tabuta bükülən bayrağı Hüseynə verərsən, sən isə heç vaxt başını aşağı əymə" - müharibəyə yollanan qəhrəmanın son tapşırığı.

Rahim Məmmədov, Sputnik Azərbaycan

BAKI, 17 dekabr — Sputnik. Nur şəhərində dünyaya göz açmışdılar nur üzlü şəhidlər. Turalın 26, Musanın 25 yaşı vardı şəhidlik zirvəsinə ucalanda. Vətən müharibəsi başlayan kimi Mingəçevirdə böyüyən qardaşlar könüllü olaraq cəbhəyə yollanırlar. Tərtər rayonunun Suqovuşan kəndi istiqamətində döyüşlərə qatılırlar.

Valideynləri övladları ilə oktyabrın 1-nə qədər danışa bilirlər. Ondan sonra hər iki qardaşla əlaqə kəsilir. İlk olaraq Musanın şəhid xəbəri gəlir. Sputnik Azərbaycan-ın bölgə müxbiri ilə söhbətində şəhidlərin anası Nəhayət Həsənova kiçik övladını dəfn etdikdən sonra Turalın sağ olduğuna inandığını deyib:

“Noyabrın 4-də xəbər gəldi ki, Musa Həsənov qəhrəmancasına tankda yanaraq həlak olub. Kiçik oğlumu ayın 5-i günü dəfn elədik. Böyük oğlum Turalla təsəlli tapırdım özümə, bəlkə, Tural gələr, mənim üçün təsəlli olar. Dekabrın 8-i isə xəbər gəldi ki, Tural qəhrəmancasına döyüşdə həlak olub. Ümidlərimin hamısı puç oldu. Balalarımdan qalan isə yalnız dörd nəvəm oldu - iki oğul Turalın, iki qız Musanındır. Vətən sağ olsun!”
© Sputnik / Rahim Mammadov
Tural Həsənovun övladları

İki oğlunu vətən uğrunda şəhid verən Tapdıq Həsənov özünü toparlaya bilmir. Övladlarından söz düşən kimi kövrəlir. O, Tural və Musanın müharibə başlayan kimi təkid edərək döyüşə getdiklərini deyir: “Sentyabrın 28-də danışmışdıq sonuncu dəfə. Mənə dedilər, ata, özünə yaxşı bax. Dedim, ay bala, heç olmasa, biriniz gedərdiniz... Allah bütün şəhidlərə rəhmət eləsin. Daha nə deyim?!”

© Sputnik / Rahim Mammadov
Tural və Musa Həsənovların ailəsi

Uşaqlar atalarının şəhid olduğunu hələ dərk etməsələr də nənə-babanın, qohum-əqrəbanın əhvalını hiss edir, göz yaşlarını görürlər. Onlar atalarının şəkillərini öpüb, nə vaxtsa qayıdacaqlarına inanırlar.

Sputnik Azərbaycan-ın bölgə müxbiri ilə söhbətində şəhidin həyat yoldaşı Rəbiyyə Həsənova Turalın döyüşə gedərkən şəhid olacağını hiss etdiyini deyib.

© Sputnik / Rahim Mammadov
Tural Həsənovun övladları

"Çıxanda gəldi görüşdü, balalarının üzündən öpdü. Dedi, muğayat ol uşaqlardan. Gedəcəm, üçrəngli bayrağımıza bürünüb gələcəm. Başını dik tutarsan, sənə şəhid yoldaşı deyəcəklər. Tabuta bükülən bayrağı Hüseynə (kiçik oğlu - red.) verərsən, sən isə heç vaxt başını aşağı əymə. Vətən uğrunda gedənlərdən əskik deyiləm ki..." - şəhid xanımı Turalın vəsiyyətini bölüşür.

Qeyd edək ki, 44 günlük Vətən müharibəsində qəhrəmancasına şəhid olan qardaşlar ölkə başçısının imzaladığı sərəncama əsasən, “Vətən uğrunda” medalı ilə təltif ediliblər.

75
Teqlər:
Mingəçevir, Tərtər, Suqovuşan, Qarabağ, qardaşlar, şəhidlər

İdman zalı sağlam qidalanma: rus sülhməramlıları Qarabağda necə yaşayır

21
(Yenilənib 10:26 15.01.2021)
Rus hərbçiləri Dağlıq Qarabağda üç blok-modul tipli şəhərcik inşa edib. Orada təhlükəsizliyi təmin etmək və atəşkəs rejiminə nəzarət məqsədi ilə təxminən 400 sülhməramlı yerləşdirilib.

Videodakı kadrlardan da göründüyü kimi yaradılmış infrastruktur hərbçilərə özlərini evlərindəki kimi hiss etməyə imkan verir. Hər belə obyekt avtonom olmaqla yanaşı, istənilən təbii şərait üçün uyğundur.

Modul tipli şəhərcik fasiləsiz elektrik, su və istilik təchizatı ilə təmin olunub. Hərbi şəhərciklərin ərazisində idman zalı, hamam, yeməkxana, istirahət otağı və tibb məntəqəsi də var. Yaşayış hissəsi bütün lazımi mebel və məişət texnikası ilə təchiz edilib.

Yaxın gələcəkdə daha beş belə obyektin inşası planlaşdırılır ki, orada da təxminən 540 hərbçinin yerləşdirilməsi nəzərdə tutulur.

21

Ağdam rayonunun Şelli kəndi - VİDEO

6
Noyabrın 10-da imzalanmış üçtərəfli bəyanata görə, erməni işğalçıları Ağdam rayonunu 2020-ci il noyabrın 20-də tərk ediblər

BAKI, 16 yanvar — Sputnik. Müdafiə Nazirliyi erməni işğalından azad olunan Ağdam rayonunun Şelli kəndindən videogörüntülər hazırlayıb.

Sputnik Azərbaycan həmin görüntüləri təqdim edir.

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də (ilkin olaraq noyabrın 15-i nəzərdə tutulurdu), Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılmalıdır.

6
Teqlər:
video, kənd, Ağdam
Rəssamın rəngləri və fırçaları, arxiv şəkli

Adi karandaşla canlı kimi görünən qəhrəmanlarımız: bunlar 14 yaşlı uşağın əl işidir - FOTO

9
(Yenilənib 23:32 16.01.2021)
Yardımlıdan olan yeniyetmə Vətən müharibəsi şəhidlərinin portretlərini sadə karandaşla yaradır. O inanır ki, gələcəkdə məşhur fırça ustası olacaq

BAKI, 16 yanvar - Sputnik, Kəmalə Əliyeva. Akademik təhsilinin olmamasına rəğmən, on dörd yaşlı Səməd İskəndərli karandaşla unikal əsərlər yaradır. O, daha çox Qarabağ müharibəsinin qəhrəmanlarının portretlərini çəkir. Sputnik Azərbaycan bildirir ki, gənc rəssam üçün hazırda ən böyük çətinlik işləmək üçün şəraitin olmaması və rassam ləvazimatlarının yoxluğudur. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

Səməd Yardımlı rayonunun Sırıq kəndində yaşayır. O, rəsmlə uşaqlıqdan maraqlanır. Maliyyə problemlərinə görə ailəsi ona inkişaf etməkdə yardım edə bilmir. Müəllimlə çalışmaq imkanı olmayan Səməd internetdə müxtəlif videoçarxlara baxaraq öyrənir. 

Посмотреть эту публикацию в Instagram

Публикация от İskəndərli Səməd 🇦🇿 (@drawing.smd)

"Təəssüf ki, valideynlərim mənə rəssamlıq üçün lazım olanları ala bilmirlər, çünki bu ləvazimatlar çox bahadır. Əvvəl ancaq sadə karandaşla çəkməyə başladım. Sonra mənim xaricdə yaşayan dostum tanışları vasitəsilə mənə rəngli karandaşlar göndərdi, indi də onlardan istifadə edirəm. Onun sayəsində öz üzərimdə daha çox işləmək arzusu yarandı", - Səməd deyir.

© Photo : Courtesy of Samed Iskenderli
Səməd İskəndərli

Gənc istedad qohumlarını, tanışlarını, müxtəlif filmlərin qəhrəmanlarını çəkir. Son işləri isə Vətən müharibəsinin qəhrəmanlarına həsr olunub. Onun sözlərinə görə, hər dəfə şəhidlərin portretlərini yaradanda böyük məsuliyyət hiss edir və çalışır ki, hər yeni işi öncəkindən daha yaxşı alınsın. 

Səməd əmindir ki, gələcəkdə məşhur rəssam olacaq və onun əsərlərini hər kəs tanıyacaq. 

9
Teqlər:
Yardımlı, yeniyetmə, rəssam, Qarabağ
Mövzu:
Sözlə deyə bilmədiklərimizin izharı - sənət