Yadigar Bayramlı (ortada)

"Şuşanı görmədən geri qayıtmağı düşünmürdüm" - cəbhənin görünməyən qəhrəmanı

454
(Yenilənib 16:57 14.12.2020)
"Mən əslən Şuşadan olduğum üçün o torpaqların azad olunmasında xırda da olsa bir rolum olmasını istəyirdim. Buraya Azərbaycan Milli Kulinariya Assosiasiyası vasitəsilə gəldim" - Arxa cəbhənin qəhrəmanı

Nigar İsgəndərova, Sputnik Azərbaycan

BAKI, 14 dekabr — Sputnik. 44 günlük zəfər tariximizdə arxa cəbhədəki qəhrəmanlarımız da öz şücaəti ilə fərqləniblər. Sputnik Azərbaycan-ın budəfəki həmsöhbəti onlardan biri olan Yadigar Bayramlıdır.

1993-cü il təvəllüdlü Y.Bayramlı jurnalistika ixtisası, eyni zamanda aşpaz peşəsi üzrə təhsil alıb. Hazırda da aşpaz kimi fəaliyyət göstərən Y.Bayramlı oktyabrın 20-dən könüllü olaraq cəbhədə öz peşəsini davam etdirib:

"Sağlamlığımda problem olduğu üçün hərbi xidmətə aparmadılar. Ona görə də bilirdim ki, məni müharibəyə aparmayacaqlar. Mən əslən Şuşadan olduğum üçün o torpaqların azad olunmasında xırda da olsa bir rolum olmasını istəyirdim. Buraya Azərbaycan Milli Kulinariya Assosiasiyası vasitəsilə gəldim. Onlar Müdafiə Nazirliyi ilə birlikdə belə bir təşəbbüslə çıxış etdilər. Beləcə müraciət edərək müharibə zonasına yollandım. Burada həmişə zarafat edirdim ki, gedib Şuşada özümə restoran açacam. Ona görə də Şuşanı görmədən geri qayıtmağı düşünmürdüm".
© Photo : Courtesy of Yadigar Bayramlı
Yadigar Bayramlı

"Bir aydan çox əsgərlərimiz üçün könüllü aşpaz kimi müharibə zonasında oldum. Biz mülki aşpazlarla bərabər əsgər aşpazlar da yemək bişirirdilər. Biz onlara əlimizdən gələn köməyi edirdik ki, yemək hər zaman keyfiyyətli, doyumlu olsun. Xatırlayıram, bir dəfə başqa mülki aşpazlar bizim yeməkxanaya gəlmişdilər. Həmin günün şorbası lobya şorbası idi. Dedilər ki, heç evdə belə şorba bişirilmir", - deyə həmsöhbətimiz əlavə edir.

O bizə hansı şəraitdə çalışdıqlarından da danışır: "Düşməndən azad olunmuş kənddə yerləşmişdik. Yeməklərimizi ocaqda bişirirdik. Bu çətin olsa da, deyim ki, bu şəraitdə bişən yemək mənə görə daha dadlı olur. Çətinliklər, əlbəttə, olurdu. Gündə 3 dəfə şəxsi heyətə yemək hazırlanmalıydı və bu, asan bir iş deyildi. Səhərlər müxtəlif südlü sıyıqlar hazırlayırdıq. Günorta və axşam isə sulu və quru isti yemək hazırlanırdı. Verilən ərzağa uyğun gündəlik menyu olurdu və çalışırdıq ki, yeməklər hər gün müxtəlif olsun, təkrar olmasın".

© Photo : Courtesy of Yadigar Bayramlı
Yadigar Bayramlı

O, könüllü aşpaz kimi cəbhəyə gedəndə hər cür çətinliyi nəzərə almışdı: "Burada çalışan mənim kimi bir çox aşpaz var ki, döyüşün ən qızğın yerlərində əsgərlərimiz üçün yemək bişirib, yemək bişirmək mümkün olmayan yerdə onlara əlüstü yeyə biləcəkləri qidalar hazırlayıb. Etiraf edim ki, mənim üçün ilk günlər daha çətin idi. Mühitə, şəraitə öyrəşmək lazımdır. Biz aşpazlar təhlükəsizlik üçün həmişə geridə olurduq. Yəni birbaşa döyüşə girən bölmələrlə əlaqəm olmayıb. Mənim yanımda olan əsgərlər sırf yemək və təminatla məşğul olublar. Çalışdığımız müddətdə əsgərlərimiz və zabitlərimiz bizə hər zaman qonaq kimi hörmət etdilər və buna görə də ora mənə evim kimi rahat idi".

"Bizim birinci məqsədimiz o idi ki, əsgər aşpazlarımız işi elə öyrənsinlər ki, biz olmadıqda belə sərbəst fəaliyyət göstərə, yeməkləri bişirə bilsinlər. Bir çoxu bunu bacarırdı da", - deyə o əlavə edir.

Yadigara ən çox təsir edən hadisə isə işğaldan azad olunan torpaqlarımızda səslənən azan səsi olub: "Mənə təsir edən hadisələrdən biri orada ilk dəfə azan eşitməyim oldu. Səhər yeməyi hazırlamaq üçün oyanmışdım və bir müddət sonra azan səsi eşitdim. Çağırışçılardan biri oxuyurdu. Çox gözəl bir hiss idi".

454
Teqlər:
mətbəx, aşpaz, əsgər, arxa cəbhə, cəbhə, Şuşa, Qarabağ
Xankəndi, arxiv şəkli.

Çavuşoğlu Qarabağ barədə: "İndi çox önəmli bir fürsət var"

15
(Yenilənib 22:33 18.01.2021)
Nəqliyyat, enerji layihələri, sərhədlərin açılması daxil çox müsbət gündəm var. Bu müsbət gündəmə töhfə verməyə Türkiyə olaraq davam edəcəyik.

BAKI, 18 yanvar — Sputnik. "Çox təəssüflər, 30 il ərzində bir siyasi həll yolu olmadığı üçün Dağlıq Qarabağ mövzusunda hərbi həll yolu oldu. Hazırda bir atəşkəs var. Bu, önəmli fürsətdir".

Sputnik Azərbaycan xəbər verir ki, bunu Türkiyənin xarici işlər naziri Mövlud Çavuşoğlu alman həmkarı Hayko Maasla keçirdiyi görüşün yekunlarına dair keçirdiyi mətbuat konfransında bildirib.

"Bu fürsəti əldən buraxmamaq lazımdır. Biz Türkiyə və Azərbaycan olaraq, əgər atəşkəs qalıcı olarsa, Ermənistan da buna inanarsa, Ermənistanla da münasibətlərimizi normallaşdırma mövzusunda addımlar ata bilərik. Bu addımları Azərbaycanla birlikdə koordinasiya edəcəyik. İndi çox önəmli bir fürsət var.

Bunun itirilməməsi önəmlidir. Nəqliyyat, enerji layihələri, sərhədlərin açılması daxil çox müsbət gündəm var. Bu müsbət gündəmə töhfə verməyə Türkiyə olaraq davam edəcəyik. Atəşkəsin daimi olmasını diləyirik. Bu mövzuda Ermənistanın da cəsarətləndirilməsi lazımdır", - deyə Çavuşoğlu qeyd edib.

15

Kəlbəcər rayonunun Alolar kəndindən videogörüntülər

5
(Yenilənib 20:30 18.01.2021)
Kəlbəcər rayonu üçtərəfli bəyanatın şərtlərinə uyğun olaraq 2020-ci il noyabrın 25-də Azərbaycana qaytarılıb.

Müdafiə Nazirliyi Kəlbəcər rayonunun Alolar kəndindən videogörüntülər təqdim edib. Həmin görüntüləri təqdim edirik. 

5
Avtomat və güllələlər, arxiv şəkli

Qazax sakinində silah aşkarlanıb

0
(Yenilənib 00:11 19.01.2021)
Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

BAKI, 18 yanvar — Sputnik. Nəqliyyatda Baş Polis İdarəsinin Narkotiklərlə Mübarizə Şöbəsinin və Dəmir Yolu Nəqliyyatında Polis İdarəsinin Gəncə st. Xətt Polis Şöbəsinin (XPŞ) əməkdaşlarının daxil olan məlumat əsasında keçirdikləri əməliyyat-axtarış tədbirləri nəticəsində qanunsuz olaraq narkotik vasitə saxlamaqda və gəzdirməkdə şübhəli bilinən, Qazax şəhər sakini, Afiq Məmmədov XPŞ-yə gətirilib.

Sputnik Azərbaycan Daxili İşlər Nazirliyinin Mətbuat Xidmətinin Gəncə regional qrupundan verilən məlumata istinadla xəbər verir ki, onun üzərində şəxsi axtarış keçirilən zaman əlində olan, göy rəngli politelen torbanın içərisindən 455 qram narkotik vasitə olan qurudulmuş "marixuana" aşkar edilərək götürülüb.

Afiq Məmmədovun ətrafında keçirilən istintaq-əməliyyat tədbirləri nəticəsində onun Qazax şəhər ərazisindəki qəbirstanlıqda odlu silah gizlətməsi də məlum olub. Polis əməkdaşlarının həmin əraziyə keçirdiyi baxış zaman oradan bir ədəd istifadəyə yararlı "AKM-72" tipli avtomat və həmin avtomata aid 4 ədəd patron aşkar edilərək götürülüb.

Götürülən maddi sübutlar müvafiq ekspertizaya təqdm edilib, faktlarla bağlı XPŞ-nin İstintaq Qrupunda cinayət işi başlanılıb, araşdırmalar davam etdirilir.

0