Dağlıq Qarabağ, arxiv şəkli

Qərb niyə Dağlıq Qarabağ münaqişəsinin həllindən narazıdır

62
(Yenilənib 20:56 24.11.2020)
Qarabağ münaqişəsinin nizamlanması həm də o baxımdan bənzərsiz oldu ki, Qərb bütün iştirakçılar tərəfindən bu prosesdən kənarlaşdırıldı.

BAKI, 24 noyabr — Sputnik, İrina Alksnis. Fransanın xarici işlər naziri ölkəsinin Dağlıq Qarabağa kömək məqsədilə təşkil etdiyi humanitar missiyanın detallarını açıqlayıb: söhbət regiona cərrahların və tibbi avadanlıqların göndərilməsindən gedir. ABŞ isə Beynəlxalq Qızıl Xaç Komitəsi və münaqişənin yenidən kəskinləşməsi nəticəsində zərər çəkən insanlara yardım göstərən digər qeyri-hökumət təşkilatlarına beş milyon dollar ayırmaqla öz işini bitmiş hesab elədi.

Parisin və Vaşinqtonun Qarabağ münaqişəsinə yanaşmasındakı entuziazm çatışmazlığı (həm sözdə, həm də əməldə) Sergey Lavrovun bu ölkələrin "təhqir edilmiş qürur" nümayiş etdirmələri haqqındakı sözlərini təsdiqləyir. Çox güman ki, Azərbaycan Prezidenti İlham Əliyev də ironik şəkildə "ABŞ və Fransa gec də olsa, əldə olunmuş razılaşmaya müsbət münasibət bildirdilər" deyəndə elə bunu nəzərdə tuturdu.

Rəsmi Ankara isə ənənəyə uyğun olaraq, söz seçimində bir o qədər də ehtiyatlı davranmadı. Türkiyə Prezidentinin mətbuat katibi bəyan etdi ki, NATO və Avropa Şurasının timsalında Qərb otuz ildir ki, Qarabağ münaqişəsi ilə bağlı "konkret və real təkliflər" irəli sürə bilmədiyi halda, Rusiya və Türkiyə "qarşılıqlı anlaşmaya" nail oldular.

Mətbuat isə dərhal Dağlıq Qarabağla bağlı razılaşmanın Qərb üçün ağrılı məğlubiyyət olmasından – xüsusilə də Rusiya ilə birlikdə münaqişənin sülh yolu ilə həllini axtaran ATƏT-in Minsk qrupunun həmsədrləri olan ABŞ və Fransa üçün – yazmağa başladı. Məsələn, "The National Interest" dərgisi yazır ki, Qərb bu dəfə lap fil qulağında yatıb. Həm hərbi əməliyyatların bir anda yenidən başlaması, həm də razılaşmanın imzalanmasıyla regiona rus sülhməramlılarının yerləşdirilməsi Qərb üçün çox gözlənilməz oldu. Jurnal bu məsələdə bütün günahı Amerika kəşfiyyatının üstünə yıxır. Məqalədə qeyd olunur ki, amerikan kəşfiyyatı Putin və Ərdoğanın danışıqlarından belə xəbər tuta bilməyib. Nəticədə də ABŞ-ın regiondakı mövqeyi bir xeyli zəifləyib.

Əgər "kəşfiyyatın işləmədiyi" etiraf olunursa, deməli, reallıqda vəziyyət daha acınacaqlıdır. Bəlkə də, həmin ifadə ABŞ-ın bu hekayədəki daha genişmiqyaslı uğursuzluğunu ört-basdır etməyə imkan verir. Çünki Qarabağ münaqişəsinin nizamlanması, konflikt lokal xarakter daşısa da, qlobal siyasi sistemin yaşadığı dəyişikliklərin prinsipial olaraq yeni mərhələsində mühüm rol oynayır.

Digər tərəfdən, ilk dəfə idi ki, ABŞ və Avropa bütün iştirakçı tərəflər üçün bir anda lazımsız və istənilməyən tərəfdaşa döndülər. Halbuki son üç onillik boyunca Qərb hegemoniyası, demək olar, həmişə və hər yerdə idi. Bütün vəziyyətlərdə, hər hansı bir qarşıdurmada - hətta müxtəlif ölkələrdəki daxili siyasətin əhəmiyyətli hissəsində - həmişə Qərbə dəstək üçün müraciət edən, onun köməyinə ümid bəsləyən, bu və ya digər şəkildə həmin köməyi əldə edən qüvvələr olub. 2014-cü ilin yazında Krımda baş verənləri buna misal göstərmək olar.

Ancaq Qarabağ münaqişəsinin nizamlanması həm də o baxımdan bənzərsiz oldu ki, Qərb bütün iştirakçılar tərəfindən bu prosesdən kənarlaşdırıldı. Halbuki danışıqlar prosesi heç də asan keçmədi və bu da iştirakçı tərəflərin rəsmi açıqlamalarında bəzən kifayət qədər sərt şəkildə öz əksini tapdı. Bununla belə, artıq bütün dünyada bərqərar olmuş ənənənin əksinə, tərəflər ABŞ və Avropanı bu prosesə cəlb etmək əvəzinə, hamısı bir ağızdan "özümüz öhdəsindən gələrik" dedilər. Və həqiqətən də öhdəsindən gəldilər.

Özü də Qərbi və dünyanın qalan hissəsini fakt qarşısında qoyaraq. Bununla da ABŞ-ın dünya sisteminə təsir göstərən xüsusi bir statusa sahib olması ilə bağlı iddialarına ağır zərbə vurdular. Təcrübə isə göstərir ki, ilk cəhdlərin, həm də bu qədər uğurlu cəhdlərin davamı mütləq gəlir.

Amerikanın baş verən hadisədə günahı öz kəşfiyyatının üstünə atmasında da təəccüblü heç nə yoxdur. Əlbəttə ki, bu, Dağlıq Qarabağ münaqişənin nizamlanmasının dünya siyasi sistemində fərqli bir tektonik dəyişiklik olduğunu, ABŞ və Qərbin sahib olduqları müstəsna statusdan məhrum edildiklərini ictimaiyyət qarşısında etiraf etməkdən daha asan və əlverişlidir.

62
Teqlər:
Qərb, münaqişə, Qarabağ, Azərbaycan

Azərbaycanlının arzusu Ağdama qayıtmaq orada Qarabağ atlarını yetişdirməkdir

21
(Yenilənib 16:17 21.01.2021)
Şəmsəddin Atayevin kəndi işğal olunanda nəsli kəsilməsin deyə Qarabağ atlarını Bakıya gətirib. Ətraflı videomuzda izləyin.

Əslən Kəlbəcərdən olan Şəmsəddin Ağdamda doğulub və Qarabağ atlarını saxlamaq həvəsi də onda uşaqlıqdan yaranıb. Onun atası da 1948-ci ildən Qarabağ cinsindən atları yetişdirib. Şəmsəddin Atayevin sözlərinə görə, onların at ilxısı Ağdamın Eyvazxanbəyli kəndində olub. 1993-cü ildə kənd işğal olunandan sonra həmin Qarabağ atlarını Bakıya gətirib və Cıdır meydanında saxlamağa başlayıb.

Hazırda burada 8 baş Qarabağ atı var. Onlara qulluq göstərənlər də Şəmsəddin Atayevin qardaşı, eləcə də özünün və qardaşının övladlarıdır. Təsərrüfat sahibi deyir ki, Qarabağ atlarına xüsusi qulluq olunmalıdır. Bu atlar rənginin dəyişməməsi, sahibinə sadiqliyi və bir sıra xüsusiyyətlərinə görə də digər cinslərdən fərqlənir.

Şəmsəddin Atayevin niyyəti Eyvazxanbəyli kəndinə qayıtmaq və orada kürən Qarabağ atlarını yetişdirməkdir.

"Nəsil olaraq bizim peşəmiz budur. Tezliklə Ağdama qayıdacağıq və bu işlə məşğul olacağıq. Qarabağ atlarını Qarabağda yetişdirəcəyik tezliklə", - atların sahibi Şəmsəddin Atayev deyib.

Atayevlərin "Köhlən" adlı komandaları da var ki, bu komanda ilə yarışlarda uğur da qazanıblar.

21
Vüqar Muradov, arxiv şəkli

Tanınmış müğənni Şuşa fatehinə mahnı həsr edib - VİDEO

982
(Yenilənib 22:00 20.01.2021)
Müğənninin "Şəhid" ("Qarabağ") adlı mahnısının sözləri Abil İslama, musiqisi Arif Səlimova məxsusdur. Klipin rejissoru Tural Nusalovdur. Sözügedən mahnı baş leytenant Asəf Ağayev başda olmaqla, bütün şəhidlərimizə həsr olunub.

Şahpəri Abbasova, Sputnik Azərbaycan

BAKI, 20 yanvar — Sputnik. Tanınmış müğənni, "Yeni ulduz" müsabiqəsinin qalibi, Azərbaycanın Böyük Vətən müharibəsinin qazisi Vüqar Muradov 17 dekabr 2020-ci ildə Xocavənd rayonu istiqamətində minaya düşərək şəhid olmuş baş leytenant Asəf Ağayev də daxil olmaqla, bütün şəhidlərə mahnı həsr edib. Sputnik Azərbaycan xəbər verir ki, müğənninin "Şəhid" ("Qarabağ") adlı mahnısının sözləri Abil İslama, musiqisi Arif Səlimova məxsusdur. Klipin rejissoru Tural Nusalovdur.

Məlumat üçün bildirək ki, Asəf Ağayev 2020-ci il sentyabr 27-də Azərbaycan Silahlı Qüvvələri tərəfindən Ermənistanın işğalı altında olan ərazilərin azad edilməsi və Azərbaycanın ərazi bütövlüyünün təmin olunması üçün başlanan Vətən müharibəsi zamanı Füzuli rayonundan Şuşa şəhərinə qədər döyüş yolu keçib. Şuşa şəhərinin işğaldan azad edilməsində şücaət göstərmiş hərbçilərimizdən biri olub. Cəbrayıl rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 24.12.2020-ci il tarixli Sərəncamına əsasən, Asəf Ağayev ölümündən sonra "Cəbrayılın azad olunmasına görə" medalı ilə təltif edilib.

Bundan başqa, Şuşa rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidlik və şücaət nümayiş etdirdiyinə görə Azərbaycan Prezidenti İlham Əliyevin 29.12.2020-ci il tarixli Sərəncamına əsasən, Asəf Ağayev ölümündən sonra "Şuşanın azad olunmasına görə" medalı ilə təltif edilib.

982
Teqlər:
şəhid, Şuşa, mahnı, Vüqar Muradov

Məşhur italyan mafiyasının 50 üzvü həbs edilib - sıralarında partiya sədri var

0
(Yenilənib 00:26 22.01.2021)
İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

BAKI, 22 yanvar - Sputnik. İtaliya polisi “Ndranqeta” mafiyasının işi çərçivəsində 50 nəfəri həbs edib və məşhur mərkəzçi siyasətçini istintaqa cəlb edib.

Report xarici KİV-lərə istinadla xəbər verir ki, “Ndranqeta” əsasən Kalabriyanın cənub regionunda fəaliyyət göstərir. Mafiya öz əməllərinə görə, artıq çoxdan İtaliya və dünyada ən böyük cinayətkar qruplaşmalardan biri olan “Koza Nostra”nı üstələyib.

"Bu araşdırma on illərdir nədən bəhs etdiyimizə aydınlıq gətirdi. “Ndranqeta” sadəcə iş və siyasətlə əlaqədar olaraq daha az atəş açıb", - deyə İtaliyada ən böyük məhkəmə iddialarından birini başladan prokuror Nikola Qratteri bildirib.

İstintaq altına düşənlər arasında ötən həftə parlamentdəki mütləq çoxluğu itirən Baş nazir Cüzeppe Kontenin hakim koalisiyaya qoşulma təklifini rədd etdikdən sonra gündəmə gələn kiçik UDC partiyasının rəhbəri Lorenzo Çesa da var.

0
Teqlər:
mafiya, İtaliya