Şuşa, arxiv şəkli

Şuşanın işğaldan azad edildiyi gün kişilər günü olsun

211
(Yenilənib 18:54 16.11.2020)
8 noyabr Azərbaycan tarixində Şuşanın işğaldan azad edilməsi günü kimi qaldı. Bu günü daha da əbədiləşdirmək üçün Azərbaycanda 8 noyabrı həm də "qəhrəmanlar günü, kişilər günü" kimi elan etmək olar.

İradə Cəlilova, Sputnik Azərbaycan

BAKI, 15 noyabr — Sputnik. Şuşa 1992-ci ildə erməni silahlı qüvvələri tərəfindən işğal edilmişdi. Şuşanı itirmək yaralı bir quşun qanadını itirməsi demək idi Azərbaycan üçün. Ermənilər isə "Şuşi" adlandırdıqları bu şəhərə 1828-1830-cu illərdə Rusiya imperiyası dövründə köçürülüb.

Şuşanı geri qaytarmaq, hər bir azərbaycanlının arzusu idi. Və noyabrın 8-də ölkə başçısı Şuşanın işğaldan azad edildiyini elan edəndə, hər bir azərbaycanlı qürur keçirirdi.

Gənc nəsil Şuşanın ancaq videogörüntülərini, fotolarını görüb. Amma hər birimiz bilirik ki, orada bizim canparçamız Şuşamız var.

Ekspertlərin fikrincə, Şuşanın işğaldan azad edilməsində Azərbaycan Ordusunun əsgərləri böyük şücaət göstərib.

Polkovnik Şair Ramaldanov Sputnik Azərbaycan-a açıqlamasında bildirib ki, ümumiyyətlə müharibə zamanı bütün döyüşlər mərkəzdən idarə edilərək aparılıb.

İşğaldan azad edilmiş hər hansı bir ərazinin xüsusiyyətinə uyğun olaraq, orada olan düşmən və digər amillər nəzərə alınaraq, hansı qüvvələrin ayrılması müəyyənləşdirilir.

"Nəticə göz qabağındadır. Azərbaycan Ordusu bu istiqamətdə alınan tapşırığı yerinə yetirdi və Şuşanı işğalçılardan azad etdi. Azərbaycan Ordusu Şuşanı öz əlləri ilə düşməndən təmizləyib. Şuşanın azad edilməsi xüsusi təyinatlı bölmələr tərəfindən kəndbəkənd, küçəbəküçə, evbəev yaxın döyüş aparılaraq azad edilib", - deyə ekspert bildirib.

Onun sözlərinə görə, Şuşa hər baxımdan strateji ərazidir. Şuşanın işğaldan azad edilməsini işğalçıların "ürəyinə bıçaq sancılması kimi" izah etmək olar:

"Şuşa böyük üstünlüyə malik yaşayış məntəqəsidir. Şuşa hər zaman alınmaz qala hesab edilib. Və ermənilər düşünə bilməzdilər ki, Şuşa Azərbaycan Ordusu tərəfindən işğaldan azad edilə bilər. Bu onlar üçün gözlənilməz idi. Və demək lazımdır ki, Şuşanın işğaldan azad edilməsi ermənilər üçün mənəvi-psixoloji baxımdan böyük zərbə idi".

Polkovnikin sözlərinə görə, Şuşa hərbi baxımdan da strateji əhəmiyyətə malik olub. Belə ki, Şuşa separatçı rejimin idarə edildiyi Xankəndinə 11 kilometr məsafədə yerləşir. Şuşanın coğrafi baxımdan yüksəkliyini nəzərə alsaq, Azərbaycan üçün bütün istiqamətlərdə prespektiv yaradırdı.

8 noyabr Azərbaycan tarixində Şuşanın işğaldan azad edilməsi günü kimi qaldı. Bu günü daha da əbədiləşdirmək üçün Azərbaycanda 8 noyabrı həm də "qəhrəmanlar günü, kişilər günü" kimi elan etmək olar.

Ş.Ramaldanovun fikrincə isə bundan sonra Azərbaycanda hər gün kişilər günü kimi qeyd edilməlidir.

Tarixçi Kamran İsmayılovun sözlərinə görə, hazırda Şuşa rayonunun 39 ərazi vahidi Ermənistanın hərbi təcavüzü nəticəsində ziyan çəkib.

O bildirib ki, dəniz səviyyəsindən 1300-1500 metr hündürlükdə yerləsən Şuşanın unikal iqlimi, havası, mineral bulaqları öz müalicəvi xüsusiyyətləri ilə Davos və Kislovodsk kimi tanınmış kurortları geridə qoyub.

Erməni işğalçıları Azərbaycan mədəniyyətinin, musiqisinin beşiyi sayılan, "Qafqazın konservatoriyası" adını qazanmış Şuşa şəhərində Azərbaycan xalqının və mədəniyyətinin izlərini silmək üçün xüsusi canfəşanlıq göstəriblər.

350 hektarlıq qoruq zonası olan Şuşada 300 tarixi abidə, 550 qədim yaşayış binası, 870 metr uzunluğunda bərpa olunmuş qala divarları vardı. Tarixi abidələrdən 23-ü respublika və dünya əhəmiyyətli abidələrə aid idi. Şuşada milli abidələrin çoxluğu, milli musiqimizin klassik ənənələrini özündə yaşatması, onun "mədəniyyətimizin beşiyi" adlandırılmasına səbəb olub. Bu abidələrin çoxu XVIII-XIX əsrlərə aiddir.

211
Teqlər:
Ermənistanın hərbi təcavüzü, Davos, Şuşa şəhəri, Şair Ramaldanov, Şuşanın azad olunması
Prezident Administrasiyasının Xarici siyasət məsələləri şöbəsinin müdiri Hikmət Hacıyev, arxiv şəkli

Ağdam urbisidin parlaq illüstrasiyası etirafıdır - Hikmət Hacıyev

20
(Yenilənib 23:04 28.11.2020)
Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev Ağdamda urbisidin həyata keçirildiyini bəyan edib.

BAKI, 28 noyabr - Sputnik. "Ağdam urbisidin (genosidin şəhərlərə qarşı istifadə olunması - red) parlaq illüstrasiyası və etirafıdır. Şəhərlərin soyqırımı. Ermənistan 28 il işğal müddətində Ağdamda həqiqi urbisid həyata keçirib”.

Sputnik Azərbaycan xəbər verir ki, bunu Azərbaycan Respublikası Prezidentinin köməkçisi - Prezident Administrasiyasının Xarici siyasət məsələləri şöbəsinin müdiri Hikmət Hacıyev özünün Twitter-dəki hesabında yazıb.

Ağdam - vivid illustration and recognition of URBICIDE. Genocide against cities. Within 28 years of occupation Armenia truely and wholeheartedly conducted #URBICIDE to Agdam. https://t.co/io3ElQtyWQ

20
Teqlər:
Hikmət Hacıyev, Ağdam
İƏT-ə üzv ölkələrin bayraqları, arxiv şəklil

İƏT-in 57 üzvü Ermənistanın Azərbaycana təcavüzü ilə bağlı qətnamələr qəbul etdi

30
(Yenilənib 23:06 28.11.2020)
İƏT Xarici İşlər Nazirləri Şurasının iclası çərçivəsində Ermənistanın Azərbaycana qarşı təcavüzü ilə bağlı siyasi, iqtisadi və mədəni məsələləri əhatə edən qətnamələr qəbul edilib.

BAKI, 28 noyabr - Sputnik. Niger Respublikasının paytaxtı Niamey şəhərində İslam Əməkdaşlığı Təşkilatının (İƏT) Xarici İşlər Nazirləri Şurasının 47-ci iclası keçirilib.

Xarici İşlər Nazirliyinin Mətbuat xidməti idarəsindən Sputnik Azərbaycan-a verilən məlumata görə, İƏT Xarici İşlər Nazirləri Şurasının iclası çərçivəsində Ermənistan Respublikasının Azərbaycan Respublikasına qarşı təcavüzü ilə bağlı siyasi, iqtisadi və mədəni məsələləri əhatə edən qətnamələr qəbul edilib. Qeyd edək ki, İƏT tərəfindən ənənəvi olaraq hər il qəbul olunan bu qətnamələrə bölgədəki son vəziyyət nəzərə alınmaqla yeni müddəalar daxil edilib.

“Ermənistan Respublikasının Azərbaycan Respublikasına qarşı təcavüzü” adlı qətnamədə bu ilin 27 sentyabr tarixində Ermənistanın Azərbaycana qarşı yeni hərbi təcavüzü, təcavüz çərçivəsində mülki şəxslərə və mülki infrastruktura böyük zərərin vurulması, o cümlədən Azərbaycanın cəbhə zonasından kənarda yerləşən Gəncə, Bərdə, Tərtər şəhərlərinin sıx yaşayış məskənlərinin ağır artilleriya, ballistik və kaset raketlərinin hücumuna məruz qalmasını qətiyyətlə pislənilib. Ermənistan qüvvələri tərəfindən Azərbaycan mülki əhalisinə qarşı törədilən aktlar müharibə cinayəti və insanlıq əleyhinə cinayət kimi qiymətləndirilib.

Sənəddə Azərbaycanın cavab əməliyyatları nəticəsində işğal olunmuş ərazilərinin əhəmiyyətli hissəsini azad etməsi və hərbi əməliyyatların dayandırılması üzrə 10 noyabr 2020-ci il tarixli üçtərəfli bəyanatı üzv ölkələr tərəfindən alqışlanıb.

“Azərbaycan Respublikasına iqtisadi yardım” adlı qətnamədə Azərbaycan ərazilərinin işğaldan azad olunmasının Azərbaycan Respublikasının ərazisindəki bir milyondan çox məcburi köçkünün öz evlərinə təhlükəsiz və şərəfli qayıdışına və beləliklə də ciddi humanitar problemlərin aradan qaldırılmasına imkan verəcəyi qeyd olunur. Bu xüsusda üzv ölkələrə, İslam İnkişaf Bankı və digər İslam institutlarına işğaldan azad olunmuş torpaqlara məcburi köçkünlərin geri dönüşünü təmin etmək üçün bu ərazilərin yenidən qurulması, bərpasında Azərbaycan hökumətinə və xalqına yardım etməyə çağırış öz əksini tapır. Burada, habelə bütün beynəlxalq institutlar Azərbaycanın iqtisadi və sosial inkişaf fəaliyyətini dəstəkləməyə çağırılır.

“Ermənistan Respublikasının Azərbaycan Respublikasına təcavüzü nəticəsində Azərbaycanın işğal olunmuş ərazilərində İslam tarixi və mədəni ziyarətgahlarının dağıdılması və təhqir edilməsi” adlı qətnamədə Azərbaycanın işğal olunmuş ərazilərindəki İslam tarixi və mədəni abidələrinin, ziyarətgahlarının dağıdılması, talan edilməsi, oğurlanması, qanunsuz yerdəyişməsi və ya mənimsənilməsi, eləcə də bu obyektlərə qarşı vandallıq aktlarının törədilməsi qətiyyətlə pislənilir, yenicə azad olunmuş ərazilərdə yerləşən Məscidlərin Ermənistan tərəfindən təhqir olunması şiddətlə qınanılır. Qətnamədə Azərbaycanın ona dəymiş zərərə görə təzminat tələb etmək haqqı, Ermənistanın isə bu təzminatı ödəmək məsuliyyəti təsdiq olunur.

Qeyd edək ki, qətnamələr İƏT-in 57 üzv ölkəsi tərəfindən qəbul edilib.

30
Teqlər:
Dağlıq Qarabağ, Azərbaycan, Ermənistan, İslam Əməkdaşlıq Təşkilatı, İƏT

Nümayişçilər Parisi dağıdır: 130 minlik aksiya iğtişaşlarla müşayiət olunur

0
(Yenilənib 00:36 29.11.2020)
Fransada "Qlobal təhlükəsizlik haqqında" qanun layihəsinin 24-cü maddəsinə etiraz aksiyalarında 130 mindən çox adam iştirak edib. 

BAKI, 29 noyabr — Sputnik. Fransada informasiya azadlığına dəstək aksiyalarında 130 mindən çox adam iştirak edib. 

Sputnik Azərbaycan xəbər veiri ki, bu barədə BFMTV telekanalı ölkənin Daxili İşlər Nazirliyinə istinadla məlumat yayıb.

Ümumilikdə ölkədə "Qlobal təhlükəsizlik haqqında" qanun layihəsinin 24-cü maddəsinə etiraz əlaməti olaraq Fransada 70 nümayiş keçirilib. Nümayişçilər sözügedən maddədə polis və jandarmların çəkilişlərinin aparılmasına qadağa qoyulmasına etiraz edirlər. Onlar bunu ölkədə informasiya azadlığının boğulması kimi qiymətləndirirlər.  

Parisdə dinc aksiyalar şəklində başlayan nümayişlər sonra kütləvi iğtişaşlarla əvəz olunub. Polis və jandarmeriya nümayişçilərə qarşı gözyaşardıcı qaz bombalarından və su şırnağından istifadə edirlər. 

Qeyd edək ki, çərşənbə axşamı, Fransa Milli Assambleyası "Qlobal təhlükəsizlik haqqında" qanun layihəsini ilk oxunuşda qəbul edib. Qanun layihəsinin 24-cü maddəsində "polis və jandarmın sifətinin və identifikasiyasının digər elementlərinin" onların "fiziki və psixi toxunulmazlığına açıq-aşkar zərər yetirmək məqsədilə" yayılmasına görə 1 il müddətinə həbs cəzası və ya 45 min avro cərimə nəzərdə tutulur.

Jurnalist həmkarlar ittifaqları və müxalifət bu normanın tətbiqindən sonra jurnalistlərin və vətəndaşların nümayişlər zamanı hüquq-mühafizə orqanlarının əməkdaşlarının işlərini sərbəst şəkildə qeyd ala bilməyəcəklərindən qorxaraq buna qarşı çıxırlar. Hökumət isə dəfələrlə əmin etməyə çalışıb ki, qanun layihəsi jurnalistlərə hüquq-mühafizə orqanlarının əməkdaşlarının çəkilişlərini qadağan etməyəcək.

0
Teqlər:
Fransa