Вид на город Ханкенди, фото из архива

Rusiya-Türkiyə birgə mərkəzi hansı işləri görəcək - detallar açıqlandı

70
(Yenilənib 11:35 12.11.2020)
Çavuşoğlu: Atəşkəsin pozulmasına qarşı hansı tədbirlərin görüləcəyi də daxil olmaqla bütün məsələlərdə detallı şəkildə iş birliyi olacaq.

Eldar Tanrıverdiyev, Sputnik Azərbaycan

BAKI, 12 noyabr — Sputnik. İşğaldan azad edilən Azərbaycan ərazilərində Rusiyanın rolu nədirsə, Türkiyənin də rolu o olacaq.

Sputnik Azərbaycan xəbər verir ki, bunu Türkiyənin Xarici İşlər naziri Mövlud Çavuşoğlu yaradılacaq Türkiyə Rusiya mərkəzin təyinatı, Türkiyənin bu mərkəzdə rolu barədə danışarkən qeyd edib.

Nazir deyib ki, Mərkəzdə bərabər işləyəcəklər:

"Mərkəz Azərbaycan torpaqlarında olacağı üçün ev sahibi ölkənin, Azərbaycanın da rolu önəmlidir. Əgər atəşkəs pozularsa, mərkəz bunları təsbit edəcək. Atəşkəsin pozulmasına qarşı hansı tədbirlərin görüləcəyi də daxil olmaqla bütün məsələlərdə detallı şəkildə iş birliyi olacaq. Birlikdə işləyəcəyik".

Çavuşoğlu qeyd edib ki, sabah Rusiyadan gələcək heyətlə birgə ortaq çalışma qrupu yaradaraq razılaşmanın əsaslarını müəyyənləşdirəcəklər. Sonra gəlib Azərbaycanla bunun detallarını müzakirə edəcəklər.

"Mərkəz atəşkəsə əməl olunmasını havadan və qurudan yoxlayacaq. Atəşkəs pozularsa, bunları qeydə alacaq və atəşkəsi pozanlara qarşı hansı tədbirlərin görüləcəyini dəqiqləşdirib, lazım olanı edəcək. Yəni, olduqca önəmli bir işlər görəcək. Dediyim kimi Rusiya və Türkiyə bu işləri birgə görəcək", - deyə Çavuşoğlu qeyd edib.

O, həmçinin bildirib ki, atəşkəsə nəzarət mərkəzi Azərbaycanın ayırdığı ərazidə yerləşəcək:

"Ev sahibinə hörmətsizlik etmək olmaz. Mən bunu ruslara da dedim".

70
Teqlər:
Türkiyə xarici işlər naziri Mövlud Çavuşoğlu
Dağıdılmış şəhər, arxiv şəkli

Ulu öndər onları qətliamdan xilas etdi, İlham Əliyev isə torpaqlarına qovuşdurdu

5
(Yenilənib 14:25 30.11.2020)
Səyyarə Mircəfəroova: "Allah rəhmət eləsin Heydər Əliyevə. Onun tapşırığı ilə Araz çayı dayandırıldı və biz Cənubi Azərbaycana keçdik".

İradə Cəlilova, Sputnik Azərbaycan

BAKI, 30 noyabr — Sputnik. 1993 cü il, oktyabrın 29-u... Zəngilan erməni silahlı qüvvələri tərəfindən mühasirədədir. On minlərlə insan ölüm təhlükəsi ilə üz-üzədir. Hamı həyəcanla hadisələrin axarını gözləyir. Uşaqların çığırtısı, qadınların qorxu dolu baxışları...

Hamı ümidini Allaha bağlayıb. Araz sahili Zəngilan sakinləri ilə dolub...

Nə olacaq, ay Allah? Bizidəmi ikinci Xocalı qətliamı gözləyir?

Aradan 27 il keçsə də, zəngilanlılar həmin günləri xatirələrindən silə bilmir. 1993-cü ilin oktyabr ayı onların qan yaddaşına çevrilib...

Məcburi şəkildə Zəngilandan köçkün düşən Səyyarə Mircəfərova Zəngilanı ürək ağrısı ilə xatırlayır. Uşaqlıq, gənclik illəri Zəngilanda keçən Səyyarə ana, deyir ki, rayonu tərk edəndə 31 yaşı olub.

© Sputnik / Irade JELIL
Məcburi şəkildə Zəngilandan köçkün düşən Səyyarə Mircəfərova

"Zəngilan rayonu mənim əbədi olaraq ürəyimdə iz salıb. Mən bu torpaqda böyümüşəm, orada addım atmışam, bütün arzularım Zəngilanla bağlı olub. Rayonumuz iki həftə müharisədə qaldı. Əgər Araz çayını dayandırıb, bizi keçirməsəydilər, Zəngilanda ikinci Xocalı qətliamı baş verə bilərdi. Allah rəhmət eləsin Heydər Əliyevə. Onun tapşırığı ilə Araz çayı dayandırıldı və biz Cənubi Azərbaycana keçdik. Həmin vaxt mənim üç övladım, iki oğlum, bir qızım vardı".

Səyyarə Mircəfərovanın sözlərinə görə, atası seyid olub və həmin vaxt Araz çayı dayandırlan zaman birinci İrana o keçib. Seyid Ərəb kişi illər boyu Zəngilan həsrəti ilə yaşayıb və ömrünün son günlərində belə, o torpaqlara qayıtmaq arzusunu dilə gətirib.

Zəngilandan qaçqın düşən ailə Bakıda Xətai rayonunda uşaq bağçasında məskunlaşıb və uzun illər burada yaşayıb.

Müsahibimiz bildirir ki, illər boyu qaçqın damğası ilə yaşamaq asan olmayıb. Bu damğanı hər yerdə hiss ediblər: "Utanırdıq, sıxılırdıq qaçqın sözündən".

Səyyarə xanım, dnaışdıqca göz yaşları süzülür. Qaçqınlığın ağrılı-acılı günlərini dilə gətirirdi.

Bu gün isə bütün zəngilanlılar kimi o da qürurludur.

"Çox qürurluyam, sevinirəm ki, artıq qaçqın deyiləm. Daha heç kim mənə qaçqın deyə bilməyəcək. Daha özümü damğalı kimi hiss etmirəm" - deyən Səyyarə Mircəfərova səbrsizliklə torpaqlarına gedəcəyi günü gözləyir.

Deyir heç olmasa bircə dəfə Mincivanın torpağını görsün, havasını ciyərlərinə çəksin.

© Sputnik / Irade JELIL
Səyyarə Mircəfərovanın sözlərinə görə, atası seyid olub

"Vətən həsrəti ağırdır, qızım. Kaş o yerlərə gedə biləydim, kaş heç olmasa torpağın qoxusunu hiss edə biləydim. Görəsən evimiz dururmu? Görəsən heç olmasa daşı daş üstə qalıbmı? Bəzən gecələr gəlir gözümün önünə torpağım, vətənim, yurdum. Yadıma gəlir əvvəllər bir qarğış vardı, kimsə kimisə qarğıyanda deyərdi ki, "yurdun, yuvan dağılsın"... Yurdumuzu, yuvamızı dağıdanların, yurdu-yuvası dağılsın..."

Xatırladaq ki, Zəngilanın Mincivan qəsəbəsi Araz çayının sahilində yerləşir. Burada əsasən 1795-1798-ci illərdə acliq nəticəsində Cənubi Azərbaycanın Mincivan kəndindən gəlmiş ailələrin məskunlaşmışdı.

Mincivan 1993-cü ildə Ermənistan Respublikası Silahlı Qüvvələri tərəfindən işğal edilib. Oktyabrın 20-də Zəngilan şəhəri, 21-də isə Mincivan qəsəbəsi Azərbaycan Silahlı Qüvvələri tərəfindən işğaldan azad edilib.

5
Teqlər:
Heydər Əliyev, Xocalı qətliamı, Qarabağın işğalı, işğal, Zəngilanın azad olunması

Dağlıq Qarabağda sutka ərzində 100-dən artıq partlayıcı obyekt aşkar edilib video

7
(Yenilənib 11:54 30.11.2020)
Rusiyalı mütəxəssislər Dağlıq Qarabağda rus sülhməramlılarının öhdəliyi altındakı ərazilərdə mühəndis kəşfiyyatı və ərazilərin minalardan təmizlənməsi üzrə işlərini davam etdirir. Daha ətraflı videoda izləyin.

Rusiya sülhməramlılarının əraziləri minalardan təmizləmək ilə məşğul olan mühəndis-istehkamçı hissələri Şuşa-Lısoqorski yolunun təxminən 3 kilometrlik kəsiyini təmizləyib. Sutka ərzində 100-dən artıq partlayıcı obyekt aşkar edilib. Bunlar xüsusi olaraq təchiz edilmiş poliqona aparılaraq məhv edilib.

7