PKK, arxiv şəkli

Ermənistan ordusunun tərkibində qanunsuz döyüşən muzdlular əsir kimi qaytarıla bilməz

69
(Yenilənib 17:19 10.11.2020)
"Həmin muzdlular Azərbaycan tərəfindən məhkəmə qarşısına çıxarılmalıdırlar. Onlar Azərbaycan qanunları ilə ömürlük həbs edilməlidirlər"

Zülfiyyə Quluyeva, Sputnik Azərbaycan

BAKI, 10 noyabr — Sputnik. "Ermənistan ordusunun tərkibində qanunsuz döyüşən muzdlular Azərbaycan qanunvericiliyi ilə məsuliyyətə cəlb olunmalıdırlar".

Bu sözləri Sputnik Azərbaycan-a açıqlamasında "Konstitusiya" Araşdırmaları Fondunun prezidenti Əliməmməd Nuriyev bildirib.

O deyib ki, Azərbaycan ərazisinə qeyri-qanuni gəlmiş və Ermənistan ordusunun tərkibində döyüşmüş muzdlu əsirlər heç bir halda geri qaytarıla bilməz:

"Azərbaycan tərəfi bu şəxslərlə bağlı çox sərt şəkildə tələb qoymalıdır. Həmin muzdlular Azərbaycan tərəfindən məhkəmə qarşısına çıxarılmalıdırlar. Bu şəxslər cinayət törədiblər. Onlar Azərbaycan qanunları ilə ömürlük həbs edilməlidirlər. O muzdlular heç bir halda əsirlər sırasında geri qaytarıla bilməz!"

69

Cəbhəyanı ərazilərdə onlarla tank piyada əleyhinə mina, bombacıqlar aşkarlandı

16
Mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

BAKI, 26 noyabr - Sputnik. Azərbaycan Respublikası Ərazilərinin Minalardan Təmizlənməsi üzrə Milli Agentliyə (ANAMA) Ağcabədi, Ağdam, Beyləqan, Füzuli, Goranboy, Göygöl, Tərtər rayonları ərazisində mərmilərin aşkar olunması barədə Daxili İşlər Nazirliyinin ″102″ Xidməti-Zəng mərkəzi sistemindən 38 və Fövqəladə Hallar Nazirliyinin Böhran Vəziyyətlərində İdarəetmə mərkəzindən 7 müraciət daxil olub.

ANAMA-dan Sputnik Azərbaycan-a verilən məlumata görə, daxil olmuş 45 çağırış əsasında agentliyin xüsusi mobil çevik əməliyyat qrupları tərəfindən Daxili İşlər Nazirliyinin əməkdaşları ilə birlikdə 28 operativ və təxirəsalınmaz əməliyyat çıxışı həyata keçirilib.

Aparılmış əməliyyat-axtarış tədbirləri zamanı 71 ədəd partlamamış hərbi sursat (PHS), 2 ədəd tank əleyhinə mina, 42 ədəd piyada əleyhinə mina, 4 ədəd bombacıq və 40 ədəd partlamış mərmi qalıqları aşkar olunub.

Agentliyin partlayış qrupu tərəfindən 26 ədəd mina və partlamamış hərbi sursat (PHS), 4 ədəd bombacıq zərərsizləşdirilib, mina təhlükəsinə dair maarifləndirmə üzrə mütəxəsisslər tərəfindən 80 141 nəfər mülki şəxs arasında mina təhlükəsizliyinə dair maarifləndirmə təbliğatı aparılıb.

16

Azad edilmiş Kəlbəcərə doğru irəliləyən bölmələrimizin yeni VİDEOgörüntüsü

25
Üçtərfəli bəyanatın şərtlərinə əsasən Kəlbəcər rayonu noyabrın 25-də Ermənistan işğalçı qüvvələrindən azad olunub.

BAKI, 25 noyabr - Sputnik. Müdafiə Nazirliyi işğaldan azad olunmuş Kəlbəcər rayonuna doğru irəliləyən bölmələrimizin videogörüntüsünü yayıb.

Sputnik Azərbaycan həmin görüntünü təqdim edir.

25