QARABAĞ
Azərbaycanın Qarabağ bölgəsinin necə bərpa olunması və inkişaf etməsi barədə aktual xəbərlər

Kreml Qarabağın statusu haqqında

© AFP 2023 / YURI KADOBNOVКремль, фото из архива
Кремль, фото из архива - Sputnik Azərbaycan
Abunə olmaq
Tərəflərin razılaşması əsasında Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının tikintisi təmin olunacaq

BAKI, 10 noyabr — Sputnik. Qarabağ üzrə bəyanatda bu regionun statusu dəqiqləşdirilmir, lakin beynəlxalq aktlar və BMT Təhlükəsizlik Şurasının qətnamələrindən çıxış etmək lazımdır. Sputnik Azərbaycan "RİA Novosti"yə istinadən xəbər verir ki, bunu Rusiya Prezidentinin mətbuat katibi Dmitri Peskov qeyd edib.

"Bəli, bu sənəddə Qarabağın statusu barədə danışılmır, hazırda biz beynəlxalq hüququn bütün əsas aktlarından, ilk növbədə BMT Təhlükəsizlik Şurasının müvafiq qətnamələrindən və digər sənədlərdən çıxış edəcəyik", - deyə Peskov vurğulayıb.

Xatırladaq ki, Prezident İlham Əliyev Azərbaycan, Rusiya və Ermənistan rəhbərlərinin iştirakı ilə imzalanmış sənədin mətnini açıqlayıb. Bəyanatın mətnini diqqətinizə təqdim edirik:

"Biz, Azərbaycan Respublikasının Prezidenti İ.H.Əliyev, Ermənistan Respublikasının Baş naziri N.V.Paşinyan və Rusiya Federasiyasının Prezidenti V.V.Putin aşağıdakıları bəyan edirik:

Türk hərbçiləri, arxiv şəkli - Sputnik Azərbaycan
QARABAĞ
Qarabağda türk sülhməramlıları da olacaq? - Kreml və Ankaranın açıqlamaları

1. Dağlıq Qarabağ münaqişəsi zonasında atəşin və bütün hərbi fəaliyyətin Moskva vaxtı ilə 10 noyabr saat 00.20-dən etibarən tam dayandırılması barədə elan olunur. Bundan sonra Tərəflər adlandırılacaq Azərbaycan Respublikası və Ermənistan Respublikasıntutduqları mövqelərdə dayanırlar.

2. 2020-ci il noyabrın 20-dək Ağdam rayonu və erməni tərəfinin Azərbaycan Respublikasının Qazax rayonunda əldə saxladığı ərazilər Azərbaycan tərəfinə qaytarılır.

3. Dağlıq Qarabağdakı təmas xətti və Laçın dəhlizi boyunca Rusiya Federasiyasının 1960 nəfər hərbi qulluqçudan, 90 zirehli transportyordan, 300 vahid avtomobil və xüsusi texnikadan ibarət sülhməramlı kontingenti yerləşdirilir.

4. Rusiya Federasiyasının sülhməramlı kontingenti erməni silahlı birləşmələrinin çıxarılması ilə paralel olaraq yerləşdirilir. Rusiya Federasiyasının sülhməramlı kontingentinin müddəti Tərəflərdən hansısa birinin müddətin bitməsinə 6 ay qalmış bu müddanın tətbiqinə xitam vermək barədə bəyanatla çıxış etməsə, avtomatik növbəti 5 illik dövrlər üçün artırılmaqla 5 ildir.

5. Tərəflərin razılaşmalara əməl etməsinə nəzarətin effektivliyini artırmaq məqsədi ilə atəşkəsə nəzarət üzrə sülhyaratma mərkəzi təşkil olunur.

6. Ermənistan Respublikası 2020-ci il noyabrın 15-dək Azərbaycan Respublikasına Kəlbəcər rayonunu, 2020-ci il dekabrın 1-dək Laçın rayonunu qaytarır, Dağlıq Qarabağın Ermənistanla əlaqəsini təmin edəcək və Şuşa şəhərindən keçməyəcək Laçın dəhlizi Ermənistan Respublikasına qalır (eni 5 km).

Tərəflərin razılığına əsasən, yaxın üç ildə Laçın dəhlizi üzrə Stepanakertlə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Bu marşrutun mühafizəsi üçün Rusiya sülməramlı kontingenti cəlb olunacaq.

Погрузка военной техники и личного состава в Ил-76 на аэродроме Ульяновск-Восточный - Sputnik Azərbaycan
FOTO
Rusiya sülhməramlıları Gorusdan Dağlıq Qarabağa yola düşüblər - FOTO

Azərbaycan Respublikası Laçın dəhlizi üzrə vətəndaşların, nəqliyyat vasitələrinin və yüklərin hər iki tərəfə hərəkətinin təhlükəsizliyinə zəmanət verir.

7. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdırlar.

8. Hərbi əsirlər və digər saxlanılan şəxslər, həlak olanların cəsədləri qaytarılır.

9. Bölgədəki bütün iqtisadi və nəqliyyat əlaqələri bərpa olunur. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edir. Nəqliyyat əlaqəsinə nəzarəti Rusiya FTX-nın Sərhəd Xidmətinin orqanları həyata keçirir.

Tərəflərin razılaşması əsasında Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının tikintisi təmin olunacaq".

Xəbər lenti
0