Azərbaycan hərbçisi, arxiv şəkli

Şuşanı işğaldan azad edən hərbçilərin valideynləri: Oğullarımız tarix yazır, fəxr edirik!

575
(Yenilənib 23:02 08.11.2020)
"Böyük oğlum Şuşanın işğaldan azad olunmasında iştirak edib. Bilirsiniz bunu yaşamaq necə fərəhdir?!"

Leyla Abdullayeva, Sputnik  Azərbaycan

BAKI, 8 noyabr - Sputnik. Bu gün millətimizin tarix yazdğı – Şuşanın işğaldan azad olunduğu gündür. Hər kəs çox sevinir, qürur hissi keçirir, sevinc göz yaşlarını saxlaya bilmir. Onlar arasında hərbiçi ailələri də var. Əlbəttə, Şuşanın işğaldan azad edilib doğmalarına qovuşmasında bu ailələrin övladlarının müstəsna rolu var.

Beyləqan rayonunun Əlinəzərli kənd sakini Aşurəli Allahyarovun iki övladı ön cəbhədədir. Onun da sevincinin həddi-hüdudu yoxdur. Allahyarov öz sevincini Sputnik Azərbaycan-la bölüşüb:

© Sputnik / Leyla Abdullayeva
Allahyarovlar ailəsi

“Bu xəbəri eşidəndən sevincdən göz yaşlarımızı saxlaya bilmirik. Biz tarixi günlər yaşayırıq. Mən həm də ona görə fəxr edirəm ki, iki oğlum Vətən müharibəsində iştirak edir. Oğlumun biri müharibənin ilk günlərində gedən döyüşlərdə yaralandı. Tam sağalmadan, ayağa duran kimi cəbhəyə yollandı. Dedi ki, ata mən burada qala bilmərəm, döyüş dostlarım, ruhum cəbhədədir. Böyük ruh yüksəkliyi ilə cəbhəyə qayıtdı. Böyük oğlum Şuşanın işğaldan azad olunmasında iştirak edib. Bilirsiniz bunu yaşamaq necə fərəhdir?! Oğullarımız tarix yazır və biz bununla fəxr edirik. Mən buradan Ali Baş Komandan İlham Əliyevə dərin təşəkkürümü bildirirəm ki, bizim oğullarımız üçün belə bir şans yaratdı. Biz hərbçi valideynləri kimi hər zaman onun arxasındayıq”.

Hərbçimizin anası Məryəm Əzimova isə övladlarının tarix yazmasından böyük fərəh hissi ilə danışır:

“Mən buradan bütün şəhid və hərbçi analarına səslənib demək istəyirəm ki, bizim oğullarımız tarix yazır. Onlara görə biz hər zaman başı uca gəzəcəyik. Qoy həmişə gözlərimiz sevincdən yaşarsın. Arzu edirəm ki, torpaqlarımız işğaldan tam azad edildikdən sonra övladlarımız sağ-salamat öz ev-eşiklərinə qayıtsınlar”.  

575
Здание МИД Франции

Rəsmi Parisdən bəyanat : Fransa "Dağlıq Qarabağ Respublikası"nın müstəqilliyini tanımır

64
(Yenilənib 00:45 27.11.2020)
Fransa Xarici İşlər Nazirliyi bəyan etdi: Fransa özünü müstəqil elan etmiş “Dağlıq Qarabağ Respublikası”nı tanımır

BAKI, 27 noyabr - Sputnik. Rəsmi Paris “Dağlıq Qarabağ Respublikası”nın müstəqilliyini tanımır.

Sputnik Azərbaycan APA-ya istinadla xəbər verir ki, bu barədə Fransa Xarici İşlər Nazirliyinin brifinq zamanı yayımlanmış açıqlamasında deyilir.

“25 noyabrda Senat qətnamə qəbul edib və bu qətnamədə öz müstəqilliyini elan etmiş “Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin Dövlət katibi Jan-Batist Lemuan Fransa hökumətinin bu mövzuda mövqeyini bir daha xatırladıb – Fransa özünü müstəqil elan etmiş “Dağlıq Qarabağ Respublikası”nı tanımır”, - deyə məlumatda qeyd olunub.

Xatırladaq ki, noyabrın 25-də Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Azərbaycan və Türkiyənin rəsmi dairələri bu qərara ciddi təpki göstəriblər. Azərbaycanın Milli Məclisi 26 noyabrda Fransaya etiraz bəyanatı ünvanlayıb. Xarici İşlər Nazirliyi isə Fransaya nota verib və Fransa səfirini nazirliyə çağıraraq bu barədə onu bilgiləndirib.   

64
Teqlər:
Azərbaycan XİN, Milli Məclis, Dağlıq Qarabağ, Fransa, Paris
Qarabağ - Sivasspor matçından görüntü

"Qarabağ" Türkiyədən məğlub ayrıldı

17
(Yenilənib 00:03 27.11.2020)
UEFA Avropa Liqasının I qrupunun 4-cü turunda "Qarabağ" və "Sivasspor" komandaları İstanbuldakı "Başakşehir Fatih Terim" stadionunda qarşılaşıblar.

BAKI, 26 noyabr - Sputnik. UEFA Avropa Liqasının I qrupunun 4-cü turunda Türkiyədə "Qarabağ" və "Sivasspor" komandaları arasında oyun start götürüb.

Sputnik Azərbaycan xəbər verir ki, İstanbuldakı "Başakşehir Fatih Terim" stadionunda oynanılan qarşılaşma Argentina futbolunun əfsanəsi Dieqo Maradonanın ölümü ilə bağlı 1 dəqiqəlik sükutla başlayıb.

Hesabı 8-ci dəqiqədə "Qarabağ"ın oyunçusu Abdullah Zubir açıb. Türkiyə təmsilçisi 40-cı dəqiqədə Aruna Konenin penaltidən vurduğu qolla tarazlığı bərpa edib. Komandalar fasiləyə 1:1 hesablı heç-heçə ilə yollanıblar.

Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.

58-ci dəqiqədə "Sivasspor"un oyunçusu Olarenvayu Kayode hesabı bərabərləşdirib.

Oyunun 79-cu dəqiqəsində Kone komandasını uğura aparan növbəti qolu vurub. Beləliklə, oyun ev sahiblərinin qələbəsi ilə nəticələnib.

Qrupda ardıcıl 4-cü məğlubiyyətdən sonra Azərbaycan çempionunun 1/16 final şansının üstündən rəsmən xətt çəkilib. Artıq son iki tur Qurban Qurbanovun yetirmələri üçün formal xarakter daşıyacaq.  

“Qarabağ” növbəti oyununu dekabrın 3-də “Makkabi”yə qarşı məhz bu arenada keçirəcək.

17
Teqlər:
futbol, UEFA Avropa Liqası, UEFA, Fatih Terim, İstanbul, "Sivasspor" FK, "Qarabağ" FK, "Qarabağ
PPX avtomobili, arxiv şəkli

Bakı sakini küçədə qətlə yetirilib

0
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

0
Teqlər:
cinayət, istintaq, Bakı, qətl, Xətai rayonu, Xətai