Elvin Mədətov

Qardaşlar cəbhədə: Qarabağın alınması onun uşaqlıq arzusu olub

164
(Yenilənib 12:23 05.11.2020)
"Mən bu gün övladımla necə qürur duyuramsa, bütün hərbçi valideynlərinin də o hissi yaşamasını arzu edirəm"

İlham Mustafayev, Sputnik Azərbaycan

BAKI, 5 noyabr — Sputnik. Hazırkı zamanda hamının sözü, söhbəti cəbhə mövzusuna köklənib. Rəşadətli Ordumuzun cəbhə boyu apardığı uğurlu əməliyyatlar həmvətənlərimiz arasında coşğuyla qarşılanır. Müdafiə Nazirliyi bu əməliyyatların uğurlu olmasında əsas pay sahibləri olan hərbçilərimiz barədə mütəmadi olaraq məlumat verir. Son belə məlumatlardan birində ermənilərin müşahidə məntəqələrini və texnikalarını məhv edən əsgərlərimiz haqqında məlumat yayıldı.

Sputnik Azərbaycan-ın bölgə müxbiri xəbər verir ki, onlardan biri Qazax rayonunun Hüseynbəyli kəndindən olan hərbçimiz Elvin Mədətovdur. Müdafiə Nazirliyinin məlumatına görə, Elvin silahdaşları Hünər və Rüfətlə birgə torpaqlarımızın işğaldan azad edilməsi uğrunda gedən döyüşlərdə düşmənin 7 tankını, 1 PDM-ni, 1 silah-sursat dolu avtomobil texnikasını və 2 müşahidə məntəqəsini məhv edib. Bu xəbəri eşidənlər arasında ən çox sevinənlər, təbii ki, hərbçilərin valideynləri olublar.

© Sputnik / Ilham Mustafa
Elvin Mədətovun ailəsi

Bu haqda danışan Elvinin atası, I Qarabağ müharibəsinin iştirakçısı Şərif Mədətov xəbəri eşidəndə sevincinin yerə-göyə sığmadığını söyləyib: "İlk dəfə televiziyada eşitdik. Elvinin şəklini görəndə keçirdiyim sevinci sözlə izah edə bilmərəm. Ardınca gələn zənglər, təbriklər bizi göylərə qaldırdı. Mən əmin idim ki, Elvin bu müharibədə qəhrəmanlıq göstərəcək. Qarabağın alınması onun uşaqlıq arzusu olub. Bu səbəbdən də əsgərlikdən tərxis olan kimi müqavilə ilə orduda xidmətə başladı. Həmişə deyirdi, "nə olardı, müharibə başlayardı, torpaqlarımızı alardıq”, - deyə Elvin haqda danışıb.

© Sputnik / Ilham Mustafa
Elvin Mədətov

Elvinin anası Zülfiyyə Mədətova da oğlunun igidliyi ilə fəxr etdiyini söyləyib:

“Bu müharibədə nəinki mənim oğlum, bütün Azərbaycan əsgərləri igidlik göstərirlər. Mən bu gün övladımla necə qürur duyuramsa, bütün hərbçi valideynlərinin də o hissi yaşamasını arzu edirəm. Hər biri sağ-salamat qələbəylə evlərinə dönsünlər”, - deyə o bildirib.

Söhbət zamanı məlum oldu ki, Elvinin böyük qardaşı İlkin də müharibə başlayandan könüllü ordu sıralarına yazılıb. İndi o da qardaşı qədər, bəlkə də ondan da çox düşmən başı əzir.

  • Anası Elvin Mədətovun fotosunu göstərir
    © Sputnik / Ilham Mustafa
  • Elvin Mədətovun ailəsi
    © Sputnik / Ilham Mustafa
  • Elvin Mədətovun fotoları
    © Sputnik / Ilham Mustafa
  • Anası Elvin Mədətovun fotosunu göstərir
    © Sputnik / Ilham Mustafa
1 / 4
© Sputnik / Ilham Mustafa
Anası Elvin Mədətovun fotosunu göstərir

Elvinin bacısı Mədinə Mədətova da hər ikisi cəbhədə igidlik göstərən qardaşları ilə fəxr etdiyini söyləyib:

“Qürur hissi keçirirəm. Allah onların canlarını sağlam etsin. Mən qardaşlarımın hərbçi olduqlarına görə hər ikisi ilə fəxr edirəm“.

İki övladı da Vətən müharibəsində iştirak edən Mədətovlar ailəsinin indi bir arzusu var. Qarabağın bütün ərazilərinin işğalçılardan azad edilməsi və övladlarının qələbə ilə evə dönməsi.

© AR Ministry of Defence
Elvin Mədətov, Hünər Məmmədov və Rüfət Əsədullayev

Qeyd edək ki, Müdafiə Nazirliyi əsgər Hünər Məmmədov və onun silahdaşları Elvin Mədətov və Rüfət Əsədullayevin köməyilə torpaqlarımızın işğaldan azad edilməsi uğrunda gedən döyüşlər zamanı düşmənin 7 tankını, 1 PDM-ni, 1 silah-sursat dolu avtomobil texnikasını və 2 müşahidə məntəqəsini məhv etdiklərini bildirmişdi. Qələbələrin bol olsun, Azərbaycan Əsgəri!

164
İlham Əliyev, arxiv şəkli

İlham Əliyev: Mən xoşbəxt adamam ki, dörd dəfə Məkkə ziyarətində olmuşam

3
(Yenilənib 17:15 24.11.2020)
Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

BAKI, 24 noyabr — Sputnik. "Bu gün mən Ağdam məscidinə Məkkədən gətirdiyim "Qurani-Kərim"i bağışladım. Mən xoşbəxt adamam ki, dörd dəfə Məkkə ziyarətində olmuşam. Bir dəfə rəhmətlik atamla, üç dəfə isə Prezident kimi. Xoşbəxtəm ki, mən ailə üzvlərimlə bərabər müqəddəs Kəbənin içində dualar etmişəm. Hər bir insanın ürəyində nə varsa, mənim ürəyimdə də eyni duyğulardır. Etdiyim duaların arasında birinci duam torpaqlarımızın işğaldan azad edilməsi idi. Allahdan xahiş edirdim, mənə güc versin ki, biz torpaqları işğalçılardan azad edək, o xoşbəxtliyi bizə nəsib etsin, biz yenə də dədə-baba torpağımıza qayıdaq".

Sputnik Azərbaycan xəbər verir ki, bu barədə Prezident İlham Əliyev Ağdam məscidinin qarşısında çıxışı zamanı deyib.

Dövlət başçısı bildirib:

"Bu gün burada, vandallar tərəfindən dağılmış məscidin önündə deyirəm ki, xoşbəxt adamam. Bir daha Allaha şükür edirəm ki, mənim dualarımı eşidib, bu gücü mənə verib. Biz gücümüzü səfərbər edərək bax, bu tarixi günləri yaşayırıq. Bu, həqiqətən də tarixi günlərdir. Bəlkə də çoxəsrlik Azərbaycan tarixində buna bənzər şərəfli və qürurlu günlər olmayıb. Biz bunu birliyimiz sayəsində qazanmışıq, gücümüz sayəsində qazanmışıq. Heç kim bizə kömək etməyib. Əksinə, ancaq maneçilik törədib. Gün gələcək, bu barədə də ətraflı danışacağam".

3

Ağdamın işğaldan azad edilmiş Abdal Gülablı kəndləri necə görünür - video

5
Azərbaycan Respublikası Müdafiə Nazirliyi ictimaiyyəti işğaldan azad edilmiş ərazilərlə tanış etməyə davam edir.

Müdafiə Nazirliyi öz rəsmi internet səhifəsində Ağdam rayonunun işğaldan azad edilmiş Abdal və Gülablı kəndindən xüsusi videoreportaj paylaşıb.

Xocavəndin işğaldan azad olunan Domi kəndinin görüntüləri
YouTube / Azərbaycan Respublikası Müdafiə Nazirliyi

Qeyd edək ki, Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Azərbaycan Respublikasının Prezidenti İlham Əliyev və Rusiya Federasiyasının Prezidenti Vladimir Putin Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə bəyanat veriblər.

Bəyanatın şərtlərinə artıq əməl olunur. Belə ki, Ağdam rayonu 2020-ci il noyabrın 20-də Azərbaycan Respublikasına qaytarılıb.

Sənədin digər müddəalarına əsasən, 2020-ci il noyabrın 25-də Azərbaycan Respublikasına Kəlbəcər rayonu, dekabrın 1-də Laçın rayonu qaytarmalıdır. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilir. Paralel olaraq Ermənistan silahlı qüvvələri işğal olunmuş ərazilərdən çıxarılır.

Xocavənd rayonunun işğaldan azad olunan Daşbaşı kəndindən videoreportaj>>

Tərəflərin razılığına əsasən, yaxın üç ildə Laçın dəhlizi üzrə Xankəndi ilə Ermənistanın əlaqəsini təmin edəcək yeni hərəkət marşrutunun tikintisinin planı müəyyən olunacaq. Daxili məcburi köçkünlər və qaçqınlar BMT-nin Qaçqınların işləri üzrə Ali Komissarının nəzarəti altında Dağlıq Qarabağın və ətraf rayonların ərazisinə qayıdacaqlar. İqtisadi və nəqliyyat əlaqələrinin bərpa olunacağı gözlənilir. Ermənistan Respublikası vətəndaşların, nəqliyyat vasitələrinin və yüklərin hər iki tərəfə maneəsiz hərəkətinin təşkil olunması məqsədi ilə Azərbaycan Respublikasının qərb rayonları ilə Naxçıvan Muxtar Respublikası arasında nəqliyyat əlaqəsini təmin edəcək.

5