Topçu Vüsal Şahkərəmov

Məğrur duruşu ilə bütün ölkənin sevimlisinə çevrilən topçunun ailəsindən reportaj

2102
(Yenilənib 10:33 05.11.2020)
İlahə Şahkərimova :"Cəbhədə olan bütün əsgərlər mənim Vüsalımdırlar və hər biri üçün dua edirəm. İnanırıq ki, Vüsal da daxil əsgər balalarımız yaxın günlərdə bizi qələbə xəbəri ilə sevindirəcəklər".

Leyla Abdullayeva, Sputnik Azərbaycan

BAKI, 4 noyabr — Sputnik. İki gündür bütün sosial şəbəkələrdə hər kəsin profillərini bəzəyən topçu, qəhrəmanımız Vüsal Şahkərimovun necə bir ailədə doğulub-böyüdüyü yəqin ki, hər kəsi maraqlandırır. Sputnik Azərbaycan da belə cəsur övlad yetişdirən ailə ilə tanış olmaq və Vüsal barədə daha dolğun məlumat əldə etmək məqsədilə Xaçmaz rayonuna yollanıb.

© Sputnik / Leyla Abdullayeva
Vüsal Şahkərimovun ailəsi

Əslən Qubanın Cimi kəndindən olan ailə hazırda Xaçmazın Qusarçay kəndində yaşayır. Qəhrəmanımızın atası İslam bəy söhbətimiz əsnasında bildirdi ki, videonu gördüyü andan bəri telefonları susmur. Sanki evlərində bayram havası var:

"Yoldaşım televizora baxırdı. Qəflətən qışqırıb çağırdı ki, "gəlin, Vüsalı göstərirlər". Mən əvvəl inanmadım. Televizorun önünə çatanda video qurtarmışdı. Həyəcanla yenidən videonun verilməsini gözlədik. 4-5 dəqiqədən sonra yenidən videoyazını efirə verdilər və biz göz yaşları, böyük qürur hissi ilə onu izlədik. Ondan sonra Vüsalın videosunu görən dost-tanışlar, qohum-əqrəba zəng edib təbrik eyməyə başladılar. Sanki evimizdə toy bayram idi".
© Sputnik / Leyla Abdullayeva
Vüsal Şahkərimov

İslam bəy Vüsalın duruşunun təsadüfi olmadığını, balaca vaxtından vətənə, hərbiyə sevgi dolu olduğunu deyir: "Vüsal balaca vaxtından tərbiyəsi, savadı və vətənpərvərliyi ilə yaşıdlarından seçilirdi. Müharibə başlayan gündən nə vaxt zəng edibsə "ata, hər şey əladır, az qalıb bütün torpaqları alıb sizləri sevindirəcəyik" deyir. Onun bu sözləri necə qürur hissi ilə dediyini kaş eşidərdiniz".

Atası ermənilərin sosial şəbəkələrdə Vüsalı öz əsgərləri kimi qələmə verməsinə də münasibət bildirib:

© Sputnik / Leyla Abdullayeva
Vüsal Şahkərimov dostları ilə birgə
"Mənə xəbər çatdı ki, sosial şəbəkələrdə ermənilər Vüsalın fotosunu paylaşıb öz əsgərləri kimi qələmə veriblər. İlk eşidəndə çox əsəbləşdim. Amma özləri də yaxşı bilirlər ki, onların əsgərlərini zorla cəbhəyə aparırlar. Axı belə qəhrəman duruş duracaq oğul onlarda yoxdur və olmayacaq da. Biz ailəlikcə oğlumuzla və eyni zamanda bütün əsgərlərimizlə fəxr edirik".

Qəhrəmanımızın anası İlahə Şahkərimova ilə söhbətimiz zamanı onun səsində hədsiz sevinc və qürur hissini müşhaidə etdik. Ana oğlundan ağız dolusu danışır, onun haqqında hər şeyi demək istəyirdi. Oğlunu televizorda gördüyü an keçirdiyi hissləri bizimlə bölüşür:

© Sputnik / Leyla Abdullayeva
Vüsal Şahkərimov

"Müharibə başlayandan demək olar ki, əlim işə getmir. Ancaq televiziyanın qarşısında oturub xəbərləri izləyirik. Həmin gün oturub Ali Baş Komandan İham Əliyevdən xəbər gözəyirdim. Birdən Vüsalı gördüm. Həmin an qeyri-ixtiyari qışqırıb divandan yerə atlandım. Başladım var gücümlə evdəkiləri çağırmağa. Əvvəl yoldaşım, sonra isə qızlarım gəldi. Videoya yenidən baxdıq. Sevincdən göz yaşlarımızı saxlaya bilmirdik. İnanın, durmadan təkrar-təkrar o videonu fəxrlə izləyirik".

Anası deyir ki, Vüsalın bu videosu həm də Azərbaycanda yaşayan azsaylı xalqların bu vətənə, torpağa nə qədər bağlı olmasının, heç kimin bizim aramıza nifaq sala bilməyəcəyinin bariz nümunədir:

"Bir tat balasının bu duruşunun hər kəsə bir nümunə olacağını düşünürəm. Cəbhədə olan bütün əsgərlər mənim Vüsalımdırlar və hər biri üçün dua edirəm. İnanırıq ki, Vüsal da daxil əsgər balalarımız yaxın günlərdə bizi qələbə xəbəri ilə sevindirəcəklər. Biz bu torpağın bir vətəndaşı olduğumuz üçün fəxr edirik".
© Sputnik / Leyla Abdullayeva
Vüsal Şahkərimovun ailəsi

Oğlunun ad soyadının və şəkillərinin sosial şəbəkələrdə yayılmasından narahatçılıq keçirən İlahə ana Müdafiə Nazirliyinə müraciət edərək Vüsalın təhlükəsizliyini təmin etmələrini xahiş edir.

Onu da qeyd edək ki, Vüsal evin tək oğul övladıdır və özündən başqa 2 bacısı var.

2102
Teqlər:
topçular, Xaçmaz rayonu, Xaçmaz, cəbhə bölgəsi, ön cəbhə, cəbhə xətti, cəbhə
Əlaqədar
Bir ailədən üç əsgər ön cəbhədə: Tat icması qələbə xəbərini dörd gözlə gözləyir – video
Ağdam rayonunun Suma kəndi

Ağdamın işğaldan azad edilən Suma kəndi bu gün necə görünür - VİDEO

7
(Yenilənib 16:35 07.03.2021)
Müdafiə Nazirliyi Ermənistanın işğalından azad edilmiş daha bir Azərbaycan kəndinin yeni videogörüntülərini yayıb.

BAKI, 7 mart — Sputnik. Azərbaycan Müdafiə Nazirliyi işğaldan azad olunan Ağdam rayonunun Suma kəndindən videogörüntülər yayıb.

Suma kəndi rayon mərkəzindən 21 km. şimal-şərqdə, Qarabağ düzündə yerləşir. Ağdam rayonunun Güllücə və Tağıbəyli kəndləriylə qonşudur. Suma kəndi 16 aprel 1994-cü ildə Ermənistan silahlı qüvvələri tərəfindən işğal olunub. 2020-ci ilin sonlarında Azərbaycan Silahlı Qüvvələrinin əks-hücumu nəticəsində erməni işğalçılarından təmizlənib.

İşğal altında olan bütün yaşayış məntəqələri kimi, Suma kəndini də ermənilər dağıdıb xarabalığa çeviriblər. Sputnik Azərbaycan Müdafiə Nazirliyinin həmin kənddən hazırladığı ən son videogörüntüləri təqdim edir.

 

7
Teqlər:
Ağdam rayonu, Ağdam şəhəri, Ağdam

Azad edilmiş daha bir kəndimizin hazırkı mənzərəsi belədir - VİDEO

9
Cəbrayıl rayonunun Papı kəndi 2020-ci ilin oktyabrın 21-də əks-hücum əməliyyatı nəticəsində işğaldan azad olunub.

Müdafiə Nazirliyi Cəbrayıl rayonunun Papı kəndindən videogörüntülər paylaşıb. Sputnik Azərbaycan həmin görüntüləri təqdim edir.

9
Roma Papası Fransis İraqda

Roma Papası İraqdan qadınlarla bağlı çağırış edib

0
O, qadınlara diqqət ayırmağa və imkanlar verməyə çağırıb. Fransisk həmçinin "Allahın müdafiə etdiyi" Məryəmin rolunu yada salıb.

BAKI, 7 mart — Sputnik. Roma Papası Fransisk Beynəlxalq Qadınlar günü ərəfəsində qadınlara hörmət etməyə və onları qorumağa çağırıb.

Sputnik Azərbaycan xəbər verir ki, bu barədə Report Rusiya mediasına istinadla məlumat yayıb.

İraqda səfərdə olan Papa xristianlığın yerli mərkəzi hesab olunan Bahdid şəhərində xütbə ilə çıxış edib.

"Bu ölkənin bütün analarına və qadınlarına, bütün yaralara baxmayaraq həyat verməyə davam edən cəsur qadınlara təşəkkür edirəm. Qadına hörmət edilməli və qorunmalıdır", - Fransisk deyib.

O, qadınlara diqqət ayırmağa və imkanlar verməyə çağırıb. Fransisk həmçinin "Allahın müdafiə etdiyi" Məryəmin rolunu yada salıb.

Fransisk Roma-katolik kilsəsinin İraqa səfər edən ilk rəhbəridir.

0
Teqlər:
Roma papası Fransisk, Roma Papası