Türkiyənin Xarici İşlər naziri Mövlud Çavuşoğlu

Çavuşoğludan Avropaya: Azərbaycanın ərazi bütövlüyü məsələsində “amma”, “əgər” olmamalıdır

48
(Yenilənib 19:07 04.11.2020)
Türkiyə XİN rəhbəri vurğulayıb ki, Azərbaycan BMT Təhlükəsizlik Şurasının, ATƏT-in, AŞPA-nın qərarları üzrə, xüsusən də AŞPA-nın 2005-ci ildə qəbul etdiyi 1416-cı qətnaməsi üzrə siyasət yürüdür

BAKI, 4 noyabr — Sputnik. Avropa İttifaqının bütün ölkələri Azərbaycanın ərazi bütövlüyü məsələsində dəqiq mövqe nümayiş etdiməlidir. Bu məsələdə heç bir “amma” və “əgər” olmamalıdır.

Sputnik Azərbaycan Anadolu Agentliyinə bildirir ki, bu barədə Türkiyənin Xarici işlər naziri Mövlud Çavuşoğlu Aİ Nazirlər Kabinetinin 130-cu iclasında onlayn rejimdə çıxışında deyib.

“İkili standartlardan çəkinmək lazımdır. Biz Gürcüstan və Ukraynanın ərazi bütövlüyü və suverenitetini necə dəstəkləyiriksə, Azərbaycanın da hüquqlarını o cür müdafiə eləməyik. Azərbaycan beynəlxalq səviyyədə tanınmış öz ərazilərində nəzarəti bərpa etməyə çalışır”, - türk nazir qeyd edib.

Türkiyə XİN rəhbəri vurğulayıb ki, Azərbaycan BMT Təhlükəsizlik Şurasının, ATƏT-in, AŞPA-nın qərarları üzrə, xüsusən də AŞPA-nın 2005-ci ildə qəbul etdiyi 1416-cı qətnaməsi üzrə siyasət yürüdür. 

“Ermənistan işğalı dayandırmalı və mülki əhalini qəsdən hədəf alan və atəşkəsi pozan hücumlarına görə məsuliyyət daşımalıdır”, - Çavuşoğlu bildirib.

48
Teqlər:
Türkiyə, Dağlıq Qarabağ məsələsi, Dağlıq Qarabağ problemi, Dağlıq Qarabağ bölgəsi, Dağlıq Qarabağ mövzusu, Dağlıq Qarabağ, Ermənistan, Türkiyənin xarici işlər naziri Mevlüt Çavuşoğlu, Mövlud Çavuşoğlu
Əlaqədar
Mövlud Çavuşoğlu Ceyhun Bayramova zəng edib
Çavuşoğlu Dövlət Müstəqilliyi Günü münasibəti ilə Azərbaycanı təbrik edib
Çavuşoğlu Bayramovla danışdı: mövzu yenə Qarabağ
Ceyhun Bayramov Mövlud Çavuşoğlu ilə görüşdü
Mövlud Çavuşoğlu Bakıya gəlib
Mövlud Çavuşoğlu Ərdoğanın Azərbaycanla bağlı xüsusi təlimatını anladıb
Здание МИД Франции

Rəsmi Parisdən bəyanat : Fransa "Dağlıq Qarabağ Respublikası"nın müstəqilliyini tanımır

66
(Yenilənib 00:45 27.11.2020)
Fransa Xarici İşlər Nazirliyi bəyan etdi: Fransa özünü müstəqil elan etmiş “Dağlıq Qarabağ Respublikası”nı tanımır

BAKI, 27 noyabr - Sputnik. Rəsmi Paris “Dağlıq Qarabağ Respublikası”nın müstəqilliyini tanımır.

Sputnik Azərbaycan APA-ya istinadla xəbər verir ki, bu barədə Fransa Xarici İşlər Nazirliyinin brifinq zamanı yayımlanmış açıqlamasında deyilir.

“25 noyabrda Senat qətnamə qəbul edib və bu qətnamədə öz müstəqilliyini elan etmiş “Dağlıq Qarabağ Respublikası”nın tanınması ilə bağlı Fransa hakimiyyətinə çağırış edilib. Səsvermədən əvvəlki müzakirələr zamanı Xarici İşlər Nazirliyinin Dövlət katibi Jan-Batist Lemuan Fransa hökumətinin bu mövzuda mövqeyini bir daha xatırladıb – Fransa özünü müstəqil elan etmiş “Dağlıq Qarabağ Respublikası”nı tanımır”, - deyə məlumatda qeyd olunub.

Xatırladaq ki, noyabrın 25-də Fransa Senatı qondarma “Dağlıq Qarabağ Respublikası”nı tanımaq barədə qətnamə qəbul edib. Senat hökumətə qondarma "DQR"i tanımaq barədə müraciət edib.

Azərbaycan və Türkiyənin rəsmi dairələri bu qərara ciddi təpki göstəriblər. Azərbaycanın Milli Məclisi 26 noyabrda Fransaya etiraz bəyanatı ünvanlayıb. Xarici İşlər Nazirliyi isə Fransaya nota verib və Fransa səfirini nazirliyə çağıraraq bu barədə onu bilgiləndirib.   

66
Teqlər:
Azərbaycan XİN, Milli Məclis, Dağlıq Qarabağ, Fransa, Paris
Qarabağ - Sivasspor matçından görüntü

"Qarabağ" Türkiyədən məğlub ayrıldı

17
(Yenilənib 00:03 27.11.2020)
UEFA Avropa Liqasının I qrupunun 4-cü turunda "Qarabağ" və "Sivasspor" komandaları İstanbuldakı "Başakşehir Fatih Terim" stadionunda qarşılaşıblar.

BAKI, 26 noyabr - Sputnik. UEFA Avropa Liqasının I qrupunun 4-cü turunda Türkiyədə "Qarabağ" və "Sivasspor" komandaları arasında oyun start götürüb.

Sputnik Azərbaycan xəbər verir ki, İstanbuldakı "Başakşehir Fatih Terim" stadionunda oynanılan qarşılaşma Argentina futbolunun əfsanəsi Dieqo Maradonanın ölümü ilə bağlı 1 dəqiqəlik sükutla başlayıb.

Hesabı 8-ci dəqiqədə "Qarabağ"ın oyunçusu Abdullah Zubir açıb. Türkiyə təmsilçisi 40-cı dəqiqədə Aruna Konenin penaltidən vurduğu qolla tarazlığı bərpa edib. Komandalar fasiləyə 1:1 hesablı heç-heçə ilə yollanıblar.

Uroş Matiç 51-ci dəqiqədə fərqlənməklə Azərbaycan çempionunu yenidən hesabda önə keçirib.

58-ci dəqiqədə "Sivasspor"un oyunçusu Olarenvayu Kayode hesabı bərabərləşdirib.

Oyunun 79-cu dəqiqəsində Kone komandasını uğura aparan növbəti qolu vurub. Beləliklə, oyun ev sahiblərinin qələbəsi ilə nəticələnib.

Qrupda ardıcıl 4-cü məğlubiyyətdən sonra Azərbaycan çempionunun 1/16 final şansının üstündən rəsmən xətt çəkilib. Artıq son iki tur Qurban Qurbanovun yetirmələri üçün formal xarakter daşıyacaq.  

“Qarabağ” növbəti oyununu dekabrın 3-də “Makkabi”yə qarşı məhz bu arenada keçirəcək.

17
Teqlər:
futbol, UEFA Avropa Liqası, UEFA, Fatih Terim, İstanbul, "Sivasspor" FK, "Qarabağ" FK, "Qarabağ
PPX avtomobili, arxiv şəkli

Bakı sakini küçədə qətlə yetirilib

0
Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

BAKI, 27 noyabr — Sputnik. Noyabrın 25-də saat 21 radələrində Xətai rayonu ərazisində İntizam İsmayılovun aldığı bədən xəsarətləri nəticəsində xəstəxanada ölməsi barədə Xətai rayon prokurorluğuna məlumat daxil olub.

Sputnik Azərbaycan Baş Prokurorluğun məlumatına istinadla xəbər verir ki, dərhal prokurorluq əməkdaşları tərəfindən məhkəmə-tibb ekspertinin iştirakı ilə hadisə yerinə və meyitə baxış keçirilib, digər prosessual hərəkətlər yerinə yetirilib.

Faktla bağlı Xətai rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanmış, müvafiq ekspertizalar təyin edilib.

İstintaqla hadisənin zərərçəkmişin yaşadığı evin yaxınlığında naməlum şəxs və ya şəxslər tərəfindən aralarında yaranmış münaqişə zamanı törədilməsinə əsaslı şübhələr müəyyən edilib.

Hazırda prokurorluq və polis əməkdaşları tərəfindən cinayəti törətmiş şəxs və ya şəxslərin müəyyən edilərək tutulub istintaqa cəlb edilməsi istiqamətində intensiv və zəruri istintaq hərəkətləri və əməliyyat-axtarış tədbirləri davam etdirilir.

0
Teqlər:
cinayət, istintaq, Bakı, qətl, Xətai rayonu, Xətai