Yerevan mənzərəsi

Separatçıların "administrasiyası" Ermənistana "köçürüldü"

362
(Yenilənib 18:41 04.11.2020)
Qeyd edək ki, bir az əvvəl Ermənistandan Azərbaycanın işğal altında olan Dağlıq Qarabağ bölgəsinə gedən yolun bir hissəsinin mülki şəxslərin hərəkəti üçün bağlanıldığı məlumatı yayılıb

BAKI, 4 noyabr — Sputnik. Azərbaycanın işğal altında olan Dağlıq Qarabağ bölgəsində qurulan qondarma "rejim" Ermənistana qaçıb. Sputnik Azərbaycan xəbər verir ki, bu barədə məlumat Araik Arutyunyanın "Facebook" hesabında paylaşılıb.

Orada qeyd olunub ki, Dağlıq Qarabağdakı qondarma "respublikanın" administrasiyası Ermənistanın paytaxtı Yerevana, Şenqavit rayonu, Qaragin Njde 23/31 küçəsinə köçürülüb.

 

Bildirilir ki, "administrasiya" fəaliyyətini" Ermənistan Respublikasında "davam etdirəcək".

Separatçılar qeyd edib ki, Azərbaycanla olan hərbi vəziyyətlə əlaqədar Qarabağdan Ermənistana köçən erməni icmasının bütün sosial və inzibati qayğıları (sosial ödənişlərin alınması, sənədlərin tərtibatı və digər xidmətlər), həmçinin yaşayış problemləri ilə bağlı məsələlərlə Yerevandakı qərargah məşğul olacaq. Bu işlərə separatçıların sosial sistem və mənzil tikintisi naziri Mixail Virabyan başçılıq edəcək. 

Paylaşımda yeni qərargahın şəkilləri olsa da, Araik Arutyunyanın özü şəkillərdə yoxdur.

Qeyd edək ki, bir az əvvəl Ermənistandan Azərbaycanın işğal altında olan Dağlıq Qarabağ bölgəsinə gedən yolun bir hissəsinin mülki şəxslərin hərəkəti üçün bağlanıldığı məlumatı yayılıb. Bu barədə Sputnik Ermənistan qondarma rejimin "müdafiə nazirliyi"nə istinadla məlumat verib.

Onlar iddia edirlər ki, "yolun Şuşa-Laçın sahəsinə Azərbaycan Ordusunun hərbçilərinin daxil olma ehtimalı nəzərə alınaraq Şuşa-Laçın yolunun bir hissəsi mülki vətəndaşların hərəkəti üçün müvəqqəti bağlıdır".

Onlar erməniləri sakitləşdirmək məqsədilə guya həmin ərazidə Azərbaycan Ordusunun təxribat qruplarının axtarışı və məhv edilməsi əməliyyatları apardıqlarını iddia ediblər.

362
Mövzu:
Azərbaycan və Ermənistan arasında müharibə (1136)
Baş Prokurorluq

Baş Prokurorluq əhaliyə müraciət etdi - səbirli olun

2
(Yenilənib 16:15 30.11.2020)
Prokurorluq işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir

BAKI, 30 noyabr — Sputnik. Son zamanlar mülki şəxslərin işğaldan azad edilmiş ərazilərimizdə minaya düşərək müxtəlif dərəcəli bədən xəsarətləri almaları, bəzən isə həlak olmaları halları müşahidə edilməkdədir.

Sputnik Azərbaycan Baş Prokurorluğun məlumatına istinadla xəbər verir ki, Prokurorluq vətəndaşlarımıza bir daha müraciət edərək, təhlükəsizliyin təmin edilməsi məqsədi ilə işğaldan azad edilmiş ərazilərimizin minalardan və digər partlayıcı maddələrdən tam təmizlənilməsi prosesi başa çatmayana qədər həmin ərazilərə səfər etməməyi xahiş edir.

2
Teqlər:
Qarabag, Baş Prokurorluq, əhali, çağırış, təhlükə, mina, işğaldan azad edilmiş ərazilər

Topçu Vüsal məsələsində son nöqtə qoyuldu - "Məqsədimiz..."

21
"Az-Granata" MMC-nin PR meneceri: "Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Zülfiyyə Quluyeva, Sputnik Azərbaycan

BAKI, 30 noyabr — Sputnik. Vətən müharibəsinin qəhrəmanlarından olan topçu Vüsal Şahkərimovu məşhurlaşdıran fotonun spirtli içki şüşəsinin üzərinə vurulması sosial şəbəkələrdə birmənalı qarşılanmayıb. İctimaiyyətdə qəhrəman topçunun şəklinin spirtli içki şüşəsində əks olunması geniş narazılığa səbəb olub. Əsgərin atası İslam Şahkərimov bildirib ki, şərab istehsalçılarına şifahi şəkildə razılıq verib: "Bir az əvvəl həmin adamlar yenə mənə zəng etmişdilər. Dedilər ki, Vüsal özü bu məsələyə nə deyir, əsas odur. Mən də belə düşünürəm ki, razılıq verməklə səhv etmişəm. Görürəm ki, camaatdan da xeyli narazılıq var. Elə az əvvəl Vüsalla da danışdım. Dedi ki, fotomun içki şüşəsinin üstünə vurulmasına etiraz edirəm".

"Az-Granata" MMC-nin PR meneceri Ülvi Günəşli Sputnik Azərbaycan-a açıqlamasında bildirib ki, artıq topçu Vüsal Şahkərimovla bağlı məsələ bağlanıb: "Qeyd edim ki, üzərində topçu Vüsal Şahkərimovun şəkli olan spirtli içki istehsala verilməmişdi. Sadəcə olaraq bu barədə məlumat paylaşılmışdı. "Az-Granata" MMC Vüsalın valideyni ilə danışaraq həm şifahi, həmçinin də rəsmi razılığını almışdı. Sadəcə olaraq bu məsələdə ictimaiyyətin fikrini nəzərə aldıq. Həmçinin topçumuz özü də şəklinin spirtli içki şüşəsində olmasına razı olmayıb. Biz də bütün bunları nəzərə alaraq bu məsələni qapatdıq".

Ü.Günəşli iddia edir ki, əslində bu məsələdə şirkətin məqsədi tamamilə başqa olub: "Bizim fikrimiz ictimaiyyətə düzgün çatdırılmadı. Şirkətimiz Vüsalın şəklinin vurulduğu kitabların çapına da sponsorluq etmək niyyətində idi. Bizim qədim tarixi adları daşıyan məhsullarımız var. Həmin məhsullar gələn qonaqlara təqdim edildikdə tariximizlə bağlı məlumatlar da verilir. Bizim üzərində topçu olan spirtli içkini bir dəfə istehsal etmək fikrimiz vardı. Bu şəkilin seçilməsində məqsəd Azərbaycan Ordusunun mərdliyini, cəsarətini nümayiş etdirmək idi".

Qeyd edək ki, əslən Xaçmaz rayonundan olan 19 yaşlı topçu Vüsal Şahkərimov Vətən müharibəsinin minlərlə qəhrəmanından biridir.

21