Azərbaycan hərbçiləri, arxiv şəkli

"Tanklarımız vurulmayıb" - Azərbaycan Müdafiə Nazirliyi

70
(Yenilənib 13:55 04.11.2020)
"Cəbhənin Xocavənd istiqamətində Azərbaycan Ordusu düşmən üzərində taktiki, atəş və ərazi üstünlüyünə malikdir"

BAKI, 4 noyabr - Sputnik. Cəbhənin cənub sahəsində Azərbaycan Ordusunun guya 3 tankının vurulması barədə Ermənistan tərəfinin yaydığı məlumat həqiqətə uyğun deyil və tamamilə yalandır. Bu barədə Sputnik Azərbaycan-a Müdafiə Nazirliyindən daxil olan məlumatda bildirilir.
"Cəbhənin Xocavənd istiqamətində Azərbaycan Ordusu düşmən üzərində taktiki, atəş və ərazi üstünlüyünə malikdir. Düşmən ordusu mənəvi və psixoloji baxımdan əzilmiş vəziyyətdə olduğu üçün qarşı tərəf mediada bu cür əsassız xəbərlər yaymaq məcburiyyətindədir", - qeyd olunur.

70
Teqlər:
dezinformasiya, erməni təxribatı, Ermənistan ordusu, tank, açıqlama, Azərbaycan Müdafiə Nazirliyi
Mövzu:
Azərbaycan və Ermənistan arasında müharibə (1190)
Əlaqədar
Ermənistan ordusunun zenit qurğusu sıradan çıxarılıb - VİDEO
MN: Ermənistan dövlət sərhədində atəşkəs rejimini pozub
Ermənilər Ağdamın kəndlərini intensiv atəşə tuturlar
Tərtər və Ağcabədi rayonlarının ərazisi atəşə tutulur
MN: Ermənistan ordusu geri çəkilməyə məcbur edilib
Füzulidə icma resurs mərkəzinin açılışı

Zərərçəkənlər üçün dərd ortağı: Füzulidə İcma Resurs mərkəzi açıldı - FOTO

7
(Yenilənib 18:59 23.04.2021)
Ailə, Qadın və Uşaq Problemləri üzrə Dövlət Komitəsi və BMT-nin İnkişaf Proqramının birgə təşkilatçılığı ilə Füzulidə İcma Resurs mərkəzinin açılışı olub. Bununla da ölkədə belə mərkəzlərin sayı on ikiyə çatıb.

Emin Əlisahib, Sputnik Azərbaycan

BAKI, 23 aprel — Sputnik. Füzuli-Horadiz İcma Resurs mərkəzinin açılışında Ailə, Qadın və Uşaq Problemləri üzrə Dövlət Komitəsinin sədri Bahar Muradova, Birləşmiş Millətlər Təşkilatının İnkişaf Proqramının (BMTİP) rezident nümayəndəsi Alessandro Frakassetti və başqaları iştirak ediblər.

Sputnik Azərbaycan-ın məlumatına görə, Bahar Muradova bu gündən etibarən fəaliyyətə başlayacaq mərkəzlərin icma nümayəndələrinə, o cümlədən zərərçəkmiş ailələrə dəstək göstərilməsində, onların cəmiyyətə reinteqrasiyasında mühüm rol oynayacağını bildirib. Bahar Muradova əlavə edib ki, bu icma mərkəzi yalnız ehtiyacı olanların deyil, istənilən şəxsin üzünə açıqdır. “İstənilən hər kəs burada həm hüquqi, həm də fərdi bacarıqlarının, həm də iqtisadi durumun gücləndirilməsi ilə bağlı layihələrlə çıxış edə bilər. Qarşıda bizi yenicə azad olunmuş regionlar və oraya insanların qaytarılması, abadlaşdırma vəzifəsi dayanır. Odur ki insanların öz yerinə-yurduna qayıtması və yeni yaşayış şəraiti üçün yeni imkanlar əldə etməsinə rəvac verən belə layihələr çox vacibdir. Biz digər regionlarda da belə layihələrin olması üzərində işləyirik”.

  • Füzulidə icma resurs mərkəzinin açılışı
    © Sputnik / Emin Alisahib
  • Füzulidə icma resurs mərkəzinin açılışı
    © Sputnik / Emin Alisahib
  • Füzulidə icma resurs mərkəzinin açılışı
    © Sputnik / Emin Alisahib
  • Füzulidə icma resurs mərkəzinin açılışı
    © Sputnik / Emin Alisahib
  • Füzulidə icma resurs mərkəzinin açılışı
    © Sputnik / Emin Alisahib
1 / 5
© Sputnik / Emin Alisahib
Füzulidə icma resurs mərkəzinin açılışı

BMTİP-in rezident nümayəndəsi Alessandro Frakassetti Azərbaycan hökuməti və bir sıra beynəlxalq tərəfdaşlarla birgə həyata keçirilən layihələrdə diqqətin daim həssas qruplara yönəldiyini vurğulayıb. O, mərkəzlərin açılmasının zərərçəkmiş vətəndaşlara dəstək göstərilməsi və bərpa məqsədi daşıdığını bildirib. “Bu hüquq mərkəzi hüquqi, psixososial, eyni zamanda biznes istiqamətində təlimlər üzrə xidmətlər göstərəcək. Eyni zamanda, iqtisadi baxımdan səlahiyyətləndirmə və gücləndirmə təşəbbüsləri də olacaq. Bizim bu mərkəzin açılmasında uzun müddətdir tərəfdaşlıq etdiyimiz Ailə, Qadın Komitəsi və İcra Hakimiyyəti böyük dəstək göstərmişdir. Beləliklə bu uzunmüddətli əməkdaşlıq nəticəsində işlər görülür. Əlbəttə ki, BMT-nin İnkişaf Proqramı Azərbaycanda bu cür layihələri keçirir. Və biz Azərbaycan vətəndaşlarına, bu xidmətlərdən istifadə etmək istəyən vətəndaşlara bu imkanları yaradırıq”.

Çıxışlardan sonra qaçqın və məcburi köçkün ailələri üçün ixtisasartırma təlimlərinin keçirilməsi, psixososial yardımın göstərilməsi ilə bağlı rəy və təkliflər bildirilib, diskussiya aparılıb.

Qeyd edək ki, ötən gün Ağcabədi və Tərtər rayonlarında da icma mərkəzlərinin açılışı olub. "Əhalinin ən həssas qruplarının tezliklə bərpa edilməsi və icmanın dayanıqlılığının təmin edilməsi” layihəsi çərçivəsində yaradılan İcma Resurs mərkəzləri zərərçəkmiş icmaların ən vacib ehtiyaclarının müəyyənləşdirilməsinə kömək etmək, o cümlədən əsas diqqəti qadınlara, uşaqlara və əlilliyi olan şəxslərə yönəltməklə zərər çəkmiş vətəndaşlara biznes məsləhət xidmətləri də daxil olmaqla sosial-iqtisadi bərpa dəstəyinin verilməsi məqsədi daşıyır. 

7
Teqlər:
mərkəz, icma, Füzuli, Qarabağ

Mingəçevirli qəhrəman - Onun gülərüz siması indi yalnız şəkillərdə qalıb

11
Talış-Suqovuşan istiqamətində gedən döyüşlərdə şəhid olan Allahverdi Babayev ölkə başçısının sərəncamı ilə “Vətən uğrunda” medalı ilə təltif edilib.

Tarix yazmaq, qalib əsgər olmaq onun ən böyük arzusu idi. 2016-cı il Aprel döyüşlərində yaralansa da, yenidən cəbhəyə qayıdıb xidmətini davam etdirmişdi. Sputnik Azərbaycan bildirir ki, 1989-cu ildə Mingəçevirdə dünyaya göz açan Allahverdi Babayev hər kəsin sevimlisi idi.

Kiçik yaşlarından idmana, bilik yarışlarına daha çox həvəs göstərirdi. İştirak etdiyi yarışlarda isə xüsusilə fərqlənirdi. Aldığı diplomlar, medallar saysız-hesabsız olub. Allahverdi Babayev 44 günlük Vətən müharibəsinin ilk günündə şəhadətə yüksəlsə də ağır döyüşlərdə göstərdiyi qəhrəmanlığı unudulmur. Hərbçi yoldaşı, gizir Sənan Məmmədovla müharibədən iki gün öncə görüşüb vidalaşması isə hər kəsi kövrəldir.

11
Həkim, arxiv şəkli

Səhiyyəmiz təlatümdə - Həkimlərin həbs dalğası genişlənə bilər

0
(Yenilənib 21:42 23.04.2021)
"Azərbaycan pandemiya ilə yanaşı, eyni zamanda korrupsiya ilə mübarizədə də geniş işlər həyata keçirir".

Zülfiyyə Quluyeva, Sputnik Azərbaycan

BAKI, 23 aprel — Sputnik. Koronavirus xəstələrinin müalicəsində ixtisaslaşmış iki xəstəxana rəhbərinin korrupsiya əməlinə görə həbsi mətbuatda bu cinayətdə yüksək məmurların əlinin olduğuna dair ittihamların səslənməsinə səbəb olub. Məsələ ilə bağlı Sputnik Azərbaycan-a açıqlama verən hüquqşünas, Konstitusiya Araşdırmaları Fondunun rəhbəri Əlməmməd Nuriyev bildirib ki, bu hadisə ilə bağlı yeni şəxslərin də cinayət məsuliyyətinə cəlb edilməsi istisna edilmir. 

Əlməmməd Nuriyev qeyd edib ki, Baş Prokurorluğun həbs edilən şəxslərlə bağlı məlumatında onların korrupsiya cinayətlərində ittiham olunduğu bildirilir: "Prokurorluğun xəbərində bütövlükdə bu şəbəkənin necə qurulması ilə bağlı məlumat verilib. Məlum olub ki, bu cinayətdə həm xəstəxanada çalışan, həmçinin də kənardan cəlb edilən şəxslərin köməyindən istifadə edilib. Bu, klassik korrupsiya sxemidir. Həmçinin, burada rüşvət almada təkrarlıq var", - deyə Ə.Nuriyev bildirib.

Hüquqşünasın sözlərinə görə, bu cinayət dövlətin pandemiya ilə mübarizə tədbirlərinə kölgə salır: "Bir ildən artıqdır ki, dünya COVID-19-un cəngindədir. Azərbaycan pandemiyanın təsirlərini azaltmaq üçün çox ciddi tədbirlər görür. Burada əsas yük səhiyyənin üzərinə düşür. Bu baxımdan da modul xəstəxanalar inşa edildi ki, xəstələrin tələbatını qarşılaya bilsin. Bu istiqamətdə çox böyük tədbirlər görüldü.

Çox təəssüf ki, bu genişmiqyaslı işlərin həyata keçirilməsi zamanı nöqsanlara yol verildi. COVID-19-un müalicəsində dərmanların pulla satılması, xəstələrin yerləşdirilməsi üçün pul tələb olunması halları üzə çıxdı. Qeyd edim ki, Azərbaycan pandemiya ilə yanaşı, eyni zamanda korrupsiya ilə mübarizədə də geniş işlər həyata keçirir. Bu gün tibb işçilərinin pandemiya ilə mübarizədə rolu əvəzsizdir. Amma unutmaq olmaz ki, dövlət həm stimullaşdırır, həm mükafatlandırır, nöqsan olduqda isə cəzalandırır. Çox təəssüf ki, bu sahədə ciddi nöqsanlar üzə çıxdı".

Ə.Nuriyev deyir ki, istintaq orqanları həbs edilən şəxslərin fəaliyyətini bu işdə qiymətləndirəcəklər: "Çox təəssüf ki, qanunsuz hərəkətlər artıq baş verib. Dövlətin bu fəaliyyətinə kölgə salmaq olmazdı. Bəzi məmurlar bu səhvə artıq yol veriblər. Bu digər şəxslərə görk olmalıdır. Həmçinin bu hadisə ilə bağlı yeni şəxslərin də cinayət məsuliyyətinə cəlb edilməsi istisna edilmir".

Xatırladaq ki, Baş prokuror yanında Korrupsiyaya qarşı Mübarizə Baş İdarəsinin həyata keçirdiyi əməliyyat-istintaq tədbirləri ilə İcbari Tibbi Sığorta üzrə Dövlət Agentliyinin Tibbi Ərazi Bölmələrini İdarəetmə Birliyinin Yeni klinika Publik Hüquqi Şəxsin direktoru Pərviz Abbasov, Fövqəladə Hallar Nazirliyinin Tibb Mərkəzinin Modul Tipli Hospitalının baş həkimi İmran Ağayev və onların əlaltıları həbs olunublar. Həmin şəxslər koronavirus xəstələrinin tibb müəssisəsində yerləşdirilməsi müqabilində onların yaxınlarından müxtəlif məbləğlərdə pul vəsaitinin rüşvət qismində yığılaraq sonradan öz aralarında bölünməsində ittiham edilirlər.

Bu gün isə Azərbaycanın Səhiyyə naziri Oqtay Şirəliyev Prezident İlham Əliyevin sərəncamı ilə tutduğu vəzifədən azad edilib. Onun işləri müvəqqəti olaraq elə bu gün dövlət başçısının sərəncamı ilə yaradılan səhiyyə nazirinin birinci müavini vəzifəsinə təyin olunmuş Teymur Musayevə həvalə olunub.

0
Teqlər:
korrupsiya, həbs, cinayət, Həkimlər