Ermənistan fosfor silahları ilə Topxana meşəsini yandırıb
(Yenilənib 16:49 03.11.2020)
Hikmət Hacıyev: "Bu günlərdə Ermənistan tərəfindən Şuşa meşələrinin yandırılmasında, eləcə də Azərbaycan üçün əziz olan Topxana meşəsinin yandırılmasında fosfor silahlarından istifadə edilib".BAKI, 3 noyabr — Sputnik. "Döyüş meydanında uğursuzluqla üzləşən Ermənistan Azərbaycana qarşı assimetrik və hibrid müharibə aparmağa başlayıb". Sputnik Azərbaycan-ın məlumatına görə, bunu Prezidentin köməkçisi, Prezident Administrasiyasının Xarici siyasət məsələləri şöbəsinin rəhbəri Hikmət Hacıyev deyib. O bildirib ki, bu gün Ermənistan dövlət səviyyəsində Azərbaycana qarşı terror əməlləri törədir:
"Xarici ölkələrdə Ermənistanın ASALA və digər terror təşkilatları fəaliyyət göstərir: "Ona görə də vətəndaşlarımıza ayıq-sayıq olmağı tövsiyə edirik. Xaricdə olan Azərbaycan vətəndaşlarına, diaspor nümayəndələrinə qarşı terror əməlləri törədilə bilər. Bu səbəbdən xaricdə olan vətəndaşlarımız diqqətli olmalıdırlar".
H.Hacıyev onu da əlavə edib ki, Ermənistan qadağan olunmuş fosfor silahlardan istifadə edir. Onun sözlərinə görə, oktyabrın 8-də Azərbaycan Respublikası Ərazilərinin Minalardan Təmizlənməsi üzrə Milli Agentlik (ANAMA) Tərtər ərazisində fosfor mərmisinin düşdüyü məntəqəni müəyyən edib:
©
AFP 2021 / LOUAI BESHARA
"Ermənistan fosfor silahlarından geniş şəkildə istifadə edir. ANAMA tərəfindən müəyyən edilən fosfor mərmisi neytrallaşdırılıb. Bu günlərdə Ermənistan tərəfindən Şuşa meşələrinin yandırılmasında, eləcə də Azərbaycan üçün əziz olan Topxana meşəsinin yandırılmasında fosfor silahlarından istifadə edilib. Dəqiq kəşfiyyat məlumatlarına əsasən, Ermənistan tərəfindən Xocavənd istiqamətinə fosfor məmulatları gətirilib. Böyük həcmdə gətirilən fosfor məmulatları yandırıcı qüvvəyə malikdir. Həmçinin, Ermənistan silahlı qüvvələri artilleriya atəşlərində də ağ fosfor tərkibli silah və mərmilərdən istifadə edirlər. ANAMA tərəfindən verilən son məlumata görə, Tərtər rayonunda üç fosfor mərmisi düşən məntəqə müəyyən edilib.
Onların bir çoxu əkin sahələrinə düşüb. Ekspertiza göstərir ki, yumşaq torpaq səthinə düşən mərmilər bir çox hallarda partlamır və torpağı dəlib altına keçirlər. Belə olan hallarda da onların zərərsizləşdirilməsi istiqamətində işlər davam etdirilir. Ağ fosfor tərkibli silahların tərkibi insan sağlamlığı üçün ciddi təhlükədir. Ağ fosfor tərkibli silahlar tənəffüs və həzm yolları ilə bədənə daxil olduqda zəhərləyici gücə malikdir.
Yanmış nahiyədən bədənə daxil olan ağ fosfor dəri ilə təmasda olarkən sümüyə qədər daxil ola bilir. Belə bir silahlar dəri ilə təmasda olduqda qismən və ya dərin kimyəvi yanıqlara səbəb ola, xüsusilə qaraciyər, böyrək, bağırsaq kimi orqanlar üçün ölümlə nəticələnən fəsadlar yarada bilir".
Füzuli rayonunun Yuxarı Rəfədinli kəndi - VİDEO
BAKI, 5 mart — Sputnik. Müdafiə Nazirliyi Füzuli rayonunun Yuxarı Rəfədinli kəndindən videogörüntülər yayıb.
Sputnik Azərbaycan görüntüləri təqdim edir.
Yuxarı Rəfədinli Qarabağ silsiləsinin ətəyində yerləşir. Keçmiş adı Rəfədinli olub. Ondan yaranmış məntəqə Aşağı Rəfədinli, əvvəlki kənd isə Yuxarı Rəfədinli adlandırılıb. Rəfədinli - kəndin əsasını qoymuş nəslin adıdır.
Kənd 1993-cü ildə Ermənistan silahlı qüvvələri tərəfindən işğal olunub. 2020-ci il oktyabrın 22-də Azərbaycan Silahlı Qüvvələri kəndi erməni tapdağından azad edib.
Teqlər:
Hərbi ekspert hərbçilərin maaşlarına edilən artım və əlavələr haqqında danışır
(Yenilənib 23:01 04.03.2021)
Hərbi ekspert Emin Həsənli deyir ki, Ali Baş Komandan və vitse-prezident bu şəxslərə xüsusi diqqət göstərirEmin Həsənli: “Yaxın illərdə mənzilsiz hərbi qulluqçu, şəhid ailəsi qalmayacaq”
“Post-müharibə dövrünün bir sıra təhdidlərini, xidmətin xüsusiyyətlərini, qulluq və sosial-məişət şəraitinin mürəkkəbliyini nəzərə alaraq müdafiə nazirinin müvafiq əmrinə əsasən hərbi qulluqçuların vəzifə maaşlarına müddətli əlavələr müəyyən edilib”. Bu barədə Müdafiə Nazirliyindən məlumat verilib.
Sputnik Azərbaycan xəbər verir ki, hərbçilərin maaşlarına edilən əlavələri şərh edən hərbi ekspert Emin Həsənli bu əlavələrin bərpa edilmiş sərhəd zonalarında xidmət edən, həmçinin Qarabağın içində Rusiya sülhməramlı qüvvələrinin olduğu ərazidə xidmət aparan hərbi qulluqçulara şamil ediləcəyini bildirib:
“Ali Baş Komandan və vitse-prezident bu şəxslərə xüsusi diqqət göstərir. Onların qayğısı nəticəsində digər məsələlərin həll olunmasının şahidi olacağıq. İyirmi ildən artıq qüsursuz xidmət etmiş hərbi qulluqçular mənzillərlə təmin edilir. Yaxın illərdə mənzilsiz hərbi qulluqçu, şəhid ailəsi qalmayacaq”.
Emin Həsənlinin fikirlərinə audiofaylda qulaq asa bilərsiniz
Yens Stoltenberq: Gürcüstan və Ukrayna NATO üzvü olacaqlar
BAKI, 5 mart - Sputnik. "Gürcüstan və Ukrayna tarixi və coğrafi baxımdan müxtəlif ölkələr olsalar da, hər ikisi NATO-ya üzv olmağa can atır və biz bu işdə onlara kömək edəcəyik".
Sputnik Azərbaycan Rossiya1 telekanalına istinadla xəbər verir ki, bunu NATO-nun Baş katibi Yens Stoltenberq Brüggedə Avropa Kollecindəki çıxışı zamanı bəyan edib.
"NATO-nun qapıları açıq olaraq qalır. Buxarest sammitində qərara gəldik ki, Ukrayna və Gürcüstan NATO üzvü olacaq. Amma dəqiq tarix demədik. Çünki bu ölkələr NATO-ya üzv olmaq üçün alyansın standartlarına cavab verməlidirlər", - deyə Y.Stoltenberq bildirib.
Onun sözlərinə görə, adıçəkilən ölkələr bütün diqqətini islahatlar, demokratik institutların möhkəmlənməsi və korrupsiyaya qarşı mübarizə istiqamətinə yönəltməlidir. Bu, Ukrayna və Gürcüstana NATO-ya üzv olmaq üçün kömək edəcək.
Baş katib həmçinin heç bir ölkənin, o cümlədən də Rusiyanın bu prosesə mane ola bilməyəcəyini qeyd edib.
Teqlər: